المصير المزعوم (سلاح ابليس)

نقطه سوداء

والان مع فقره مروض الاسود كم كنت متحمس لتلك الفقره ذالك الأسد المهيب الذي يقف في وسط الغابه ويزار فيخاف كل سكان الغابه وهنا يقف مثل القط الوديع ينتظر الأمر من سيده الذي يحمل السياط يقفز بين الحلقات ويصعد فوق الكرات والجميع يضحك ويصفق ونستمتع بذالك العرض أنه الاسد يا ساده ملك الغابه ولكنه الآن لا حول له ولا قوه

ابتسمت عند سماعي لكلمات ذالك الرجل الاحمق أنه صامت وهادئ ولكن بأرادته انظروا جيدا كيف ترتجف جفون المروض انظروا كيف يقف بأستقامه احتراما لذالك المخلوق المهيب لا تغتروا كثيرا ليس كل من امسك  بسياط أصبح سيد الحلبه

         *************************

مهران: لحظه واحده بس انت قائم رايح فين مكملتش مين الي فتحلك الباب وعملت ايه وانت مش بتملك اي قوه

سيف بأبتسامه: مين قالك دا انا في لحظه ديه كنت بملك قوه ملهاش حل بس كنت اهبل لدرجه اني معرفتش قيمتها عرفت قيمتها بصعوبه

علياء: بس ليه جدو مهران عمل فيك كدا يا بابا

سيف: لما الطاووس ينفش ريشه لازم تقصيه بس انا بقي جدي ولع في ريشي بس مكنش يعرف أن بالي عمله رسملي طريق مضلم

مهران : ليه انت عملت ايه بعدها

سيف: قولنا قبل كدا سوال الغلط بيوصلك الاجابات غلط والسؤال الصح هو انا عملنا ايه وقتها

علياء: بيوصل لنتيجه الصح

مهران: بس بجد يا بابا ايه الي حصلك بظبط وكمان انا مش شايف حضرتك شيطان خالص بالعكس انت انسان مثالي

سيف: اهو يا كلمه مثالي ديه في حد ذاتها يا مهران مصيبه محدش مثالي يا ابني كلنا ناقصين كلها عندنا حاجه مفتقدينها والا كان كل شخص اكتفي بنفسه وبس المثاليه ديه اكبر خدعه اخترعها الإنسان عشان يسيطر علي الي حوليه شركتنا اكبر شركه هي الي مسيطره علي سوق بس تعرف دا حصل ازاي تعرف ايه الثمن الي ادفع عشان كدا

مهران: لا معرفش

سيف: يبقي متقولش اني مثالي لانك لو عرفت هتكرهني ساعتها، اوعي تحكم علي انسان بمشاعرك أو بجمايله أو الي بيقدمه ليك عشان حكمك هيبقي غلط وهيأثر علي قرارك احكم عليه من أفعاله وتصرفاته مع الناس

الجده: اهدي شويه يا سيف في ايه

سيف: انا رايح الشركه اشوف الشغل ماشي هناك ازاي

وتركهم ورحل

الجده: معلش يا حبايبي هو بابا عصبي شويه اليومين وخصوصا لما بيفتكر الفتره ديه من حياته

مهران: مش زعلان منه يا ماما انا زعلان عليه بابا وهو بيحكي عينه كان فيها حزن كبير اوي

علياء: وكمان واضح أن الفتره ديه مكنتش عاديه في حياته بس ليه وليه جدو مهران يعمل في بابا كدا