"بعد مرور يومين"
❅سامر....
كان واقف في باب البيت ويودع ابوه قبل ان يسافر الليلة
ابو علي: يوصيه،....دير بالك على البيت و لاتطلع فهمت ولاتنسى باچر الصبح تتسوك للبيت! و اخوانك لاتخليهم يطلعون للشارع واقفل الباب من هسه لاتنامون وباب الحوش ناسينه مفتوح!، و امك ساعدها تره مريضه
سامر: كان منزعج من طلبات ابوه فهو كان يطلبها بالعاده من علي،....مايصير هـيـچ گول لعلاوي يرجع للبيت اني ما ادبرها وحدي!
ابو علي: صاح عليه،...شنو مادبرها ولك؟، انجب وصير زلمه وبعدين اخوك زعلان وشارد من وراك اذا تريده يرجع خابره وصالحه هسه يلا!
سامر: لم يتقبل ان يعتذر هو،....لا لا اني رجال وگدها مايحتاج ، خلي علي يم ايمن خليه يفيدونه!
ابو علي: اووف ،، ديلا سد الباب مابيكم خير لا انتَ ولا اخوك!
وبعد ان غادر ابوه مباشرة....
تلقى سامر اتصال من عباس إلى طلب منه وكرر الطلب...
عباس: لازم تجي لعرس ابن عمي ميصير هـيـچ تره ما اعرف اتونس بدونك يلا تعال؟
سامر: ياعرس مو دا اگولك ابويه طالع لبيت عمي وبغير محافظة ويبات الليلة هناك وعلاوي ميقبل يرجع للبيت!
عباس: اهو هم گال علاوي!، دا تعال واسكت هيه ساعة وحده نرگص وناكل وترجع لبيتكم!، يلا عفيه تعال تره مشتاقلك موت!
سامر: ولم يكن منه الا ان يوافق،....زين استحي ادخل لبيت عمك بدونك تعال اخذني وياك!
عباس: تنهد بأشتياق،....اووف هسه جايك ركض يا گلبي!
انهى سامر ذاك الاتصال بابتسامة كبيرة على وجهه
وبعدها قام ليغير ملابسه بسرعة
ورش الكثير من العطر
وحتى انه قرص خدوده مرارا وتكرار لتكون لونها وردية اكثر!
وبعد نصف ساعة...
وصل عباس وفتح له الباب بسرعة
عباس: مد يده ليقرصه هو الثاني على خده،....اووف طالع تخبل مال اگعد هسه امصمص بيك للصبح!
سامر: ضحك بحماسه وابعده عنه،...دا وخر ايدك هسه خلينا نمشي بسرعة للعرس يلا!
عباس: حس عليه انه يخفي خجله،....اوف اتخيل لو خجلت قبل شويه؟!
سامر: تظاهر بالخشونه،....ماكو هـيـچ شي انتَ وراك ليلة راح تخجل مني بيها!
أنت تقرأ
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
