❅عيسى في↜محل حلويات ابو غيث..
"وفي ما كان عيسى مشغول بعمله...
ابو غيث: طلب من محمود،....اكول محمود صوره لعيسى وهوه يزين الكيك و نزل الفيديو بصفحتنا بالانستا
عيسى: طلب منهم،...بس بدون ماطلعون وجهي بالفيديو
ابو غيث: هوه اني اصورك علمود اطلع وجهك الي يجيب الزبونات الشابات والمعجبات النا؟
عيسى: كان منزعج،...لا لا تصور محمود! تعذرني ابو غيث مااريد احد يشوف جهرتي حاليا؟
محمود: مثل متريد بس هسه گولي شنو بعد ما تجي تشتغل عدنا حتى بالويكند؟
عيسى: ايه هذا آخر يوم بعد كله دراسة و طياح حظ رسميا
ابو غيث: يجلس قريب من عيسى و وضع يده على متنه ،....اسمعني ابني عيسى اي شي تحتاج للدراسة او اي شي اني حاضر
تمام!
عيسى: سلامتك والله انت ذهب و ماتقصر ابو غيث الله يخليك النا!
وفجأه دخلت احد الزبونات وكانت مستعجلة ومتوتره
دلال: مرحبا اكو هنا توصيل طلبات صح؟!
ابو غيث: حاليا لا! نعتذر!
دلال: زين تعرفون محل هنا غيركم يوصل طلبات و كون هسه بعد ساعة لو نص ساعة تكون جاهزة و واصله للبيت؟
عيسى: سألها ليساعدها،...وين صاير البيت؟
دلال : نظرت له ولثواني تاهت في عيونه ثم تمالكت نفسها و اعطته عنوان البيت،... هذا بس ماگلتلي شنو راح تگدر تساعدني؟
عيسى: نظر لأبو غيث وقال له،....هذا قريب على بيتنا خلص اني اوصله الها!
ابو غيث: لم يمانع،...بكيفك سوي الي تريده!" يلا اني رايح للبيت حمود عزل المحل شوكت ما خلصتو و مرني للبيت!
محمود: ان شاء الله عمي
عيسى : ابتسم لدلال ،....اليوم يوم حظج حوصل الطلب للعنوان بعد ساعة!
دلال: ابتسمت،... شكرا الك بس اشلون راح اتواصل وياك؟
عيسى: قرر ان يتواصل معها واعطاها رقم هاتفه الخاص،.... اكتبي عندج رقمي ونتواصل!
دلال: كتبت الرقم،.... و لحظة اريدها مكتوب عليها اسم دلال و بيها 22شمعة والباقي على ذوقك
أنت تقرأ
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
