❧
❧في بيت عيسى_الساعة 2 ظهر❧
•~•~•~•~•~•~•~•~•
ايمن : سلامتك يگلبي ما تگولي شبيك؟ مو امس چنت مابيك شي
عيسى: ضحك و تظاهر ان كل شيء طبيعي،.... ما بيه شي بس الضغط هبط عِندي وصعد عند حبوبتي
ايمن: مسح على شعر عيسى،...سلامتك يگلبي انته اكيد هايه لان ما تاكل
حسين: طلب من ايمن بعد ان قال،...يمك العافية حبيبي عيسوو
ياله امشينا ايمن علي ينتظرنا
عيسى: ليش شبيه علي؟
حسين: مابيه شي بس ابوه خطيه صاير عنده تسمم
ايمن: يگولون من الباچه و الكراعين ، غير يبطل ثريد موتنا يوميه متزوهر من الدسم و ما يبطل ، ياله اكوم آني
ثم
قام ايمن بتقبيل عيسى على خده،.... يلا رايحين انشوفك بخير حبيبي!
عيسى: سلمولي على علي و الليله يمكن اجيه
ايمن: ماشي اني اجيك و اخذك لبيتهم انتبه لنفسك فهمت ها؟
ثم اخذ يقبل عيسى مرار وتكرارا على خدوده
عيسى: اغمض عيونه وانزعج،.....كافي بوس ايمن
ايمن: اذا تگولي كافي ازيدهن انته تعرفني تعال
اخذ ايمن يسحبه مرة ثانية و يبوسه اكثر حتى كاد تقترب شفاهه من شفاه عيسى الي كان يتجنبه
حسين: يسحب ايمن من قميصه بأنزعاج،... كافي صاير عندك جفاف،،شوو تعال امشينا يلا
وبعد ان خرجوا واغلق عيسى الباب خلفهم...
عيسى:ابتسم وتنفس مرتاحا ،....اخيرا وحدي
روان: فاجأته،....لا مو وحد! لٱ تنسه علاجك اجيت اذكرك
عيسى: ينزعج من هذاه الجملة،.... ما انساه ما انساه اطمني! بس اگُولچ
روان: گولي شنو
عيسى: اي احد يسأل عني كولي ما موجود ، راح مات ! لو سافر للقمر ! لبيت عمامه ببغداد ! بكيفج نسقي الجذبه
روان: ضربته على ايده،...اسم الله عليك ابو دماغ ليش هيج تحچي؟
عيسى: تعبان اتمنى ارتاح يوم واحد بس
روان: اذا هـيـچ خوش كلام ارتاح احسن رايحه اسويلك شوربه
عيسى: رفع احد حاجبية و استفزها،.....سويها مثل ما علمتج اخر مره ها لان اذا نبقه على طريقتج. احتمال ارجع للمستشفى
أنت تقرأ
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
