❧بعد مرور اسبوع↜↜ في الإعدادية...
وكان احمد يجلس مع وائل الي كان يشكيله من الملل الي عاناه في العطلة ...
احمد: كان يضحك،... هالگد الگعده بالبيت اثرت عليك!
وائل: و الله تخبلت من البيت ، نسوان داخله نسوان طالعه و حتى كل اسرار بيوتهن صارت عندي حتى انته و صلتني اسراركم
احمد: تفاجأ،...يا ستار شسامع؟
وائل: غير خالتك دور عروسه لأخوك اكرم! من شوكت تردون تزوجونه؟!
احمد: صحيح وره ما توفت امي البيت تايه و اخواني الصغار علاء و فاطمه محتاجين احد يداريهم ، اووف هسه تركتهم يبچون و گوه اجيت للدوام
أنزعج وائل من نفسه لتذكير احمد بأمه الي توفت خلال ايام امتحانات اخر السنة
ولانه يعرف كيف كان احمد يعاني من وقت صعب جدا في وقتها
كان يتمنى لو انه مايذكره ابدا
إلى ان لاحظ وائل على احمد وهو ينظر لمكان عيسى وايمن وكان واضح عليه انه يفكر فيهم...
وائل: ضحك وسأله،...بعدك تلصلص
احمد: اخذ يسأله،.. ايه شنو عيسى و الجماعة ما راح يداومون السنه؟
وائل: وتكلم مثل الدلاله،.... والله يا عيني حسب ما سمعت من امي وهيه تتصل بحبوبته كالت رايحين لبغداد يشوفون عمامهم اسبوعين ويرجعون ،
احمد: ولم يسيطر على فضوله فسأله عن،...وايمن؟
وائل: لا تسمحلي هذا حتى اخباره متقبل تسمعهن اذني و بعدين تعال شعندك تسأل عليه!
احمد: لا هيچ بس گاعد اتفاجئني بهالسوالف ممعقوله تگعد وياهن و تسمع كل شي!
وائل: حبيبي اخباري هايه من وكالة قيل و قال ٢٤ ساعه يسولفن وينقلن الاخبار خبلني كاعد فوك بغرفتي بأمان الله و يجي صوتهن يرفس الباب ويدخل و يسمعني
احمد: لو مخلي بالك من قرايتك مو يمهن چان اخذت المركز الاول على العراق!
وائل :اوك تستقبلني ببيتكم اجي اقره وياك؟
احمد: لا ما اگدر بعد استقبل احد نفس قبل!
وفي اثناء حديثهم ذاك انتبه احمد لحسين وهو يدخل للصف،....هذا حسين اروح اسلم عليه
وائل: انزعج من احمد،...شكو تسلم تركه تعاال
احمد: وبعد ان صافحه وقبله،... هلا حسين شلونك شخبارك؟
أنت تقرأ
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
