❃في المدرسة--الإعدادية❃
بعد مرور ايام....
ويبدو ان"احمد" لم يكف عن التدخل في شؤون عيسى
فكان يدير وجهه في كل فرصه سنحت له لينظر خلسه لعيسى و ايمن ويراقبهم
وائل: يلاحظ ذالك،... عيونك راحن من التلصلص
احمد: ويعرف ان وائل فضولي اكثر منه فأخرج من حقيبتة هاتفه الجوال خلسةً وقال،... نجحت و صورتهم قبل لٱ اجي للمدرسة! تريد تعرف شيسون هناك
وائل : تعجب،..... بداعتك وريني فضولي حيقتلني
احمد : ضحك وقال،....من يخلص الدرس اسكت هسه فضحتنا
❃من ناحية ثانية ايمن كان يقول....
ايمن: يكلم حسين،..... مو بيدك عنيف من يومك كسرته لعيسى
حسين : احسن يستاهل
عيسى : يضحك بطريقه غريبة ضحكه كلها سخريه و تعب ، عظامي تكسرت يا جماعة هذا اليوم الثالث اكدر اسمع عظامي تدعي عليه بالموت هههههههه
علي: الطلاب يتهامسون بأي شهر انته حامل هسه عيسى من طاح حظك كافي أطلع اصوات صير زلمه يحظي
❃انتهى الدرس❃
احمد: يشغل الفيديو في الصف الفارغ من الطلبه قال لوائل،....شوف بسرعة
وائل: نظرات انزعاج،.... شنو هذا يدربونه لو يتعاركون وياه
احمد : اعتقد يدربونه و صار من عصابة ايمن اكيد ناوي يكبر ويصير عصابجي مثل اخوه عمار ههف
وائل : مكانهم المناسب وي العصابات علمود هيچ اكولك خلينا بعيدين عنهم ، تدري لو يتركون الدراسة اشرفلهم مضيعين وقتهم و مايجي منهم غير المشاكل!
في لحظتها دخل ايمن للصف!، وفي المقابل وائل يخبئ جهاز عنه
ايمن: شفته طلعه؟
وائل: ارتبك،...ش ش شنو شتريد
ايمن: يدير وجهه لأحمد و يقترب منه
،.....حمودي اطمنت على عيسى!
احمد: مصدوم،.... شتقصد؟
ايمن: يسحب المبايل من حقيبة وائل و شغل الفيديو ويمرر بعض الدقائق منه،....لاحظ عزيزي ايمن اني ماموجود هنا لان چنت وراك!
احمد: يتجنب نظرات ايمن الحادة ،....اني بس جنت خايف على عيسى مو قصدي شي ثاني
أنت تقرأ
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
