*"عــيـــســى _وبالعودة للدراسة"*
"استيقظ مبكراً وهو يشعر "بتأنيب الضمير" لم يتركه هذا الشعور ولم يترك فراشه بسببه
فقرر ان يتأخر ويبقى طريح الفراش!
وهكذا اخذ عيسى يتأخر عمداً عن النهوض
على امل أن اخته روان راح تصحيه كعادتها في حال تأخر لكنها لم تفعل هذا المرة!
فهي الاخرى رغم استيقاظها قبل "عيسى" بقت في فراشها رافضةً ان تتكلم معه لليوم الثاني
وبعد ان تأخر بما يكفي دخلت عليه جدته"
جدته: صباح الخير عيسى يلا يمه تأخرت اگعُد بسرعه
عيسى: يتنهد،.... وين روان همين ماراح تگعدني اليوم؟
جدته: هسه انته گوم لدوامك واتركها عليه اني احاچيها وترجع روان العادية
عيسى: اسمعي حبوبه آني قررت من اليوم بعد مادخلن لبيت ابو وائل واقصد روان بالتحديد! وحتى بعد لاتخلينها تحچي وي بنتهم نور
جدته: عيب هالكلام يمه احنا جيران واهل من زمان مايصير هيچ
عيسى: ترا صارلي 10 سنين بهذا البيت ماشفت من هالجيران غير السم والأذيه
جدته: ماتگولي ليش ماتصالحون انته ووائل وتركون هالمشاكل شوف روان ونور شحلاتهن اعز من الأخوات
"يغضب عيسى من طلب جدته الذي جعله يستعيد ذكرياتً قديمة عن محاولاته الفاشلة في مصادقة وائل فقد كانت تلك المحاولات دائما ما تنتهي بجرح مشاعره وأذيته"
عيسى: يغضب،....نعال عليه وعلى الصداقة التجي من هـيـچ بشر طايح حظه
جدته: اسم الله عليك! شبيك معصب منه هالگد؟ ماتسولفلي شصار وياكم بليلتها!
عيسى: آني اگولج اختي الله يسلمها تفتح الباب نص اليل و ألمن؟ لزعطوط الجيران والله شنو اشتاقلها وراد ايشوفها نص اليل?! وين اكو هـيـچ حجي منو يقبلها! محد يقبلها واولهم وائل
جدته: ميخالف يمه هيه تحبه لكيان وهو همينا متعود عليها خطيه
عيسى: والله العظيم اذا تنعاد هالقصة اغير السكن كله ونبيع هالبيت وتحلم تسمع صوت كيان بعد
جدته: كافي يابعد روحي ولاتحلف! هسه انتَ روح للدوام ومن ترجع نحجي.
"وبمزاجه العكر عيسى قد قام وغيره ملابسه وغادر المنزل بدون حتى ان يأكل فطوره
وعندما وصل الى المدرسة
دخل الى صفه ولم يكن قد تحسن مزاجهُ وبقي معكراً ولم يلقي التحية رغم ان بعض الطلاب قد رحبو به إلا انه تجاهلم واخذ يرمي كتبه على الارض وجلس في مكانه مع ايمن"
ايمن: صباح الخير وجه البومه شبيها خلقتك مگلوبه دشيل كتبك من الگاع!
عيسى: وخر عني ترا اليوم كُلش مالي واهس اجامل ولا احچي
أنت تقرأ
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
