مرحبا حبايب اتمنى تكونو بخير وسلامة
اعتذر ع التأخير كنت اعاني شويه من ضروف صعبه تمنعني من التركيز
♡
•
•
•
بعد مرور ايام....
خرج عيسى من بيتهم
تمدد وتثائب
ثم
مشىى خطوات قليلا وتوقف لما سمع صوت وائل في بيتهم وهو يناقش امه الي كانت تتوسل بيه....
ام وائل: تمسكت به،.... فدوه يمه لاتطلع ترا ابوك وصاني الف مره عليك!
وائل: رفض وفتح الباب،....شالقصة ترا هي من البيت للمدرسة ماراح يصير شي!..لاتخافين
لم يستمع لها
وخرج بسرعة
لينظر ويجد عيسى واقفٌ امامه!
عيسى: ابتسم له ابتسامة خفيفة،.....صباح الخير!
وائل: انزعج و تجاهله ومشى ليقول بصوت واضح ،....يا خير هذا هو اليشوفكم يشوف الخير!
عيسى: لم يتحمل تصرفه لكنه تجاهل الإساءة ولحق به ليسأله،.....شنو صار وياك انتَ وسعد؟
وائل: استدار ليكلمة بنبرة كلها بغض،.....وانتَ شعليك! لاتدخل؟
عيسى: زفر انفاسه و اقترب ليقول وجها لوجه،.....لاتنسى لو ما اني چان هسه انتَ وسعد واگعين بيد جلال!
وائل: اصدر صوت ساخرا منه،..... ها قصدك لو ما اني چان انتَ منتهي على ايده؟
عيسى: ضحك اعلى ليرد بـ،.....من كل عقلك انتَ! ترا حتى الغبي يعرف اني الي نقذت حياتكم!
وائل: قال بأستفزاز،.....ليش ما انسأل خالك حلال المشكال!، امشينا خلي نگوله على الي صار حتى ينطينا رأيه؟
عيسى: عرف انه تهديد مبطن له،.....تهددني!، اذا انتَ رجال روح گوله حتى ياخذ اختك وبت عمك فصلية!
وائل: عصب منه لكنه تمالك نفسه ليستمر في الانتقاص منه،.....تدري شلون راح انطيك على گد عقلك الصغير هذا!، يلا اعتبر نفسك نقذتني! هسه فرحان لان بقيت عايش و اهين بيك يوميه؟
عيسى: تظاهر بالتقزز ، اصدر صوت،.....آآخخ لو ادري هـيچ تبقى طايح حظك چـا هم فكرت انقذ هالوجه الأغبر!
وائل: قالها ايضا على طريقته،.....اخخخ لو منتظر جلال بس دقيقة چان كاتلك بيها ومخلصنا!
أنت تقرأ
عيسى
General Fiction#مثليه عامية ، واقعية ، حوار الشخصيات باللهجة العراقية الـحـب شـعلـة نـار تـدخـل الـنـفـوس فـتـشـعـلـها ويـظـهـر لـمـعـانـهـا مـن خـلال العـيـون . ملاحظة: تحتوي على كلمات بذيئة و احداث عنف ، لا تناسب الجميع .
