قصه لماذا احببتك
البارت الاول
بقلمي اورجانزا
.
.
.
.
.
.
.
.
. حب يغيب وصاحبه ما بعد غاب..
وحب يدوم وصاحبه في غيابه..
وحب يذوب خافقً ما بعد ذاب..
وحب يداوي صاحبه من عذابه..
وحب حياته كلها لوم وعتاب..
وحب حقيقي ما يضرك عتابه..
وحب بلا معنى وحب بلا أسباب..
يبدأ غريب وينتهي في غرابه.
.
.
.
.
.
.
.
. رفعت اديه للسماء اناجي خالقي..
بحق فاطمه وابيها وبعلها وبنيها والسر المستودع فيها
كررتها تلث مرات واردفت بتوسل
دخيلك يكفيل زينب اريدنك تكفلني بحاجتي
ماعندي غيرك انخي وانه متاكده متردني حشاك يابو فاضل من الرد..
مسحت على وجهي باديه صليت على النبي محمد
لميت سجادتي وشلت قراني الي مافارقني من عمري 10سنوات..
خليتهن على رف ميز التلفزيون.
اخذت المسبحه وارتاجيت على الحايط اسبح استغفرالله 100مره واللهم مصلي على محمد واله محمد 100مره هل چلمات شكد بيهن صدقه وحسنه الوادم تتعاجز بلفضهم
بس هذه لو كال وكلت لو نميمه لا والله جان سولفوها شالفه مال سنه واكثر وهل كلمات يتعاجزون منهن
كملت تسبيح بست المسبحه وخليتها على راسي رجعتها يم السجادة..
سمعت صوت رجولي حاد
فتحت شوي من البرده منهو اجانه بهل ضهرية
ركزت عليه عرفته من حركاته الهادئه ولا يكلك شاب لا والله الي يشوف اخلاقه يكول جبير حتى ابوي الشيخ
مرات يساله من يضيق عنده شي ولو مايضيق لان عنده حلول لكل مشكله...
ديسم كامل مكمل من كل شي يصير ابن خالتي وابن عمي الوسطاني عبدلله.
... ذات ذات نزليي امج تريدج بسرعه
ذات. التفت على مصدر ازعاجي بنت عمي محمد مشاعر للاسف بس اسم خاليه من المشاعر..
هسه انزل ماعرفتي شتريد مني؟
مشاعر للاسف لا ياله نزلي الي بالج مايصير..
ذات خزرتها حجيت بعصبيه
من الله يكصف عمرج كولي امين شعندج وياي هاي انتي بنت عمي وصديقتي تكولين هيج چا شبقيتي للغربه.
مشاعر ههههه شكد احب اغثج
ذات ولي عني لا والخلق سبع سموات اموتج ..
مشاعر اريد اعرف عمي ابو قامة ليش سماج ذات
ذات روحي سالي شمدريني
