رواية لماذا احببتك

بارت53

قرائه ممتعه..
رواية لماذا احببتك
البارت 53
بقلمي اورجانزا الطائي
.
.
.
.
.
.
.
.
.
.
.
.
.
.
.
..
.
.
.

بسيل

ابتسم كال وحق سدن الكعبه شهر واحد وتصيرين يمي

رفعت حاجبي حجيت - واثق

تلمس عيونه كال-حلفتلج بالسدن وتشكين

ابتسمت بخجل طلعت من الغرفه صعدت للغرفه لكيت كمرة تلف بجابها ستغربت حجيت

-وين تردين

ابتسمت حجت - للبيت

رديت - بعد وقت مستعجلين

لفت الصايه كالت

-راسلني ديسم يريد نرجع للناصريه

ستغربت حجيت

- ليش

تقدمت سلمت عليه كالت

-والله مااعرف سوالف ديسم

ابتسمت نزلت وياها لكيت ليث يسولف وية ديسم كعدنه شوي سلمو وطلعو..

لليل اجو ابوي وامي ،يومين مرو بهدوء باليل منجمعين بالهول دك جهاز بابا فتح خط مافهمنه منه شئ كالعاده يكضيها ب اي و اي لحد مايختم المكالمة ..

ختم كلامه ب ان لله خير دام بالرضى..

ضل بالي يمه شنو السالفة

كام وكف كال

- بسيل سوي كهوة جبيها لمكتبي ..

طلع بابا نطيت جمان لامي ردت اطلع حجه ليث..

ليث- جنتي خوش اخت الرحمه والنور تنزل على قبرج اختي.

ضحكت حجيت - هيه كهوه يمعود

هز ايده كال - فطيره لج باباتي ستدعوج بطريقه الطف

ضحكت امي كالت

-والله اله اكول لابوك ليش هيج تخوفها قابل راح يشنقها هو راد كهوة..

رفع حاجه كال

-ماتوقعتج هيج يام ليث ليش مو اني ابنج شلون ينطيج كلبج تنطين بيه...

طلعت من الهول للمطبخ سويت الكهوة انتضرت شوي فارت صبيتها رحت للمكتب دكيت الباب دخلت ..

نطيتة الكهوة اخذها كال

-تعبتج بنييتي

رديت لا بابا تعبك راحه

ابتسم كال

-كعدي ليش واكفة ،عندي حجايتين وياج

ابتسمت كعدت كدامه

تحمحم كال

قبل فتره بسيطه اجاني ديسم لمكتبي حجه وياي حتى اوافق على خطوبتكم

جاوبته اذا ماتجيب موافقه اهلك ماعندي الك مره

والشرط الوحيد الي خليته من بعد موافقتج هوه موافقه ورضي اهله