الطفله والحارس3 (كامله)

الفصل الثالث عشر

#الطفله_و_الحارس3
#عشقى
#الفصل_الثالث_عشر

ادم:"أنا عايز اتكلم معاك فى موضوع مهم."

جلس ادهم أمامه وقال:"أنا كمان كنت عايزك فى موضوع."

ادم باستفسار:"وياترا اى هو؟."

ادهم:"الحقيقه انا طالب ايد بنتك جنات لابنى فهد."

ادم بابتسامه:"شوف الصدف أنا كنت هكلمك فى نفس الموضوع."

ادهم باستغراب:"ازاى يعنى مش فاهم،وضح كلامك اكتر."

ادم:"أنا كمان طالب ايد بنتك عليا لابنى البقف فارس اللى عامل نفسه روميو طول الوقت."

ادهم بضحك:"مش عارف ليه حاسس انك مش ابوه من معاملتك تقول انك جوز أمه مثلا ههههه."

ادم ضاحكا:"الواد فارس بيفكرنى بيا وانا صغير سبحان الله."

ادهم:"كمان فهد تحس انو نسخه منى."

ادم:"المهم دلوقتى خلينا فى موضوعنا الأهم."

ادهم:"أنا وأنت عارفين أن عليا لفارس وجنات لفهد بس."

ادم مكملا:"بس القرار يرجع للبنات."

ادهم مؤكدا:"بالضبط كده."

ادم:"بس معتقدش هيرفضو لأنهم بيحبو بعض.

ادهم:"جنات ممكن توافق على طول لكن عليا معتقدش."

ادم باستغراب:"ليه يعنى مش فاهم ليه."

ادهم بتنهيده:"لأن عليا وارثه العند من عشق،وانت ناسى أن الفتره الاخيره ديه مكنوش لطاف مع بعض، كأن التاريخ ببعيد نفسه تانى ادهم كان مزعل عشق جامد وحب يصلح غلطته وراح عشان يتجوزها عندنت معاه لغايت ما غلبته."

ادم:"بس فى الاخر ايه اللى حصل يا ادهم سامحتك ووافقت تتجوزك واهو عايشين حياتكم،متقلقش كل حاجه هتكون كويسه."

ادهم:"يارب."

*******************

"بعدما رحل ادهم من عن ادم ذهب إلى منزله واتجه نحو غرفته ولم ينتبه إلى عشق التى كانت تناديه وتعجبت من أمره فنهضت وسارت خلفه"

عشق:"ادهم حبيبى بنادى عليك انت مش سامعنى."

ادهم بهدوء:"آسف مخدتش بالى."

اقتربت منه وامسك وجهه بيديها الاثنين ونظرت فى عينيه:"مالك يا ادهم فيك اى حساك مضايق،لحسن يكون ادم رفض."

جلس على الأريكة وجعلها تجلس بجانبه وقال:"لا طبعا هو وافق وانا كمان وافقت،بس اللى خايف منه عليا متوافقش."

عشق باستغراب:"ومش هتوافق ليه يعنى مش فاهمه."

ادهم بتنهيده:"ما انتى عارفه أن عليا عنيده شويه ولا يمكن توافق بسهوله خصوصا انها زعلانه منه الفتره ديه،ودا خلانى افتكر اللى حصل زمان."

علمت عشق ما يقصده وتذكرت ما حدث فقالت:"يا ادهم يا حبيبى مش كل شويه تفتكر الحاجات اللى حصلت زمان،خلاص احنا نسينا وبينعيش حياتنا اهو الحمدلله،يبقى ليه نتفكر اللى فات بقى."

ادهم:"....."

عشق بتنهيده:'انا مش عارفه هتفضل لحد امتى تقعد تانب نفسك كده على حاجات حصلت زمان انسى يا ادهم انسى،وعلى فكره بقى انت لو فتحت فى اللى فات تانى هخاصمك."

ادهم بلهفه وسرعه:"لا كله الا خصامك يا عشق."

عشق بتشفى:"ايوه كده ناس مش بتيجى غير بالعين الحمرا."

ادهم :"هههههههه ماشى يا عشق."

عشق بابتسامه:"المهم قوم بينا نشوف العيال دول،ثم أكملت بدموع،العمر جرى بسرعه اوى وخلاص ولادى هيتجوزو."

مسح دموعها ثم قال:"اولا مش عايزك تعيطى ثانيا احسن حاجه أنهم هيتجوزو ونخلص بقى ومرتاح من نص الصداع."

ضربته فى كتفه وقالت بتذمر:"قصدك اى بانك تخلص من نص الصداع قصدك اى."

ادهم بابتسامه:'مقصديش يا روحي،يلا بقا عشان قدامنا حاجات اوى لازم نعملها."

...........