الطفله والحارس3 (كامله)

البارت التانى

#الطفله_و_الحارس 3
#عشقى
#البارت_الثانى

"هات يديك لكى يزهر الحب فى قلبى♡"

"فى بيت جنى وادم فاصبح ايضا فارس وجنات فى سن 20 عام مثل فهد وعليا..حيث فارس يشبه ادم كثيرا فى طباعه وملامحه اما جنات تشبه جنى فى اسلوبها وطريقتها الطفوليه والشخصيه المرحه"

ادم بابتسامه:"صباح الخير."

جنى بابتسامه:"صباح النور يا ادم يا حبيبى."

ادم بتساؤل:"العيال صحيو ولا لسه."

جنى:"لا لسه،دقيفه هطلع اصحيهم،ثم اكملت بخبث،بتفكر فى اللى انا بفكر فيه يا ادم."

ادم بضحك:"لسه زى ما انتى عمرك ما تتغيرى ابدا."

جنى بضحك:"طبعا يا ادم دى حاجات بتجرى فى دمى،مقدرش مش اعمل كده،وبعدين انت كنت بتعمل كده ولا نسيت."

ادم وهو يتذكر:"يااااه كانت ايام يا جنى،والله انا وادهم كنا بنعمل فى بعض كده،كان يصحا يجرى فى كل مكان من الصدمه يا عينى ويقعد يقول البيت بيولع ولا اى،بس كان بيرضها برضو."

جنى بضحك:"مش معقول كنتو زينا بالضبط ، برضو عشق كانت تصحا تجرى كل على تحت على طول،اياااام."

ادم:"طب يلا بينا نصحى العيال هاهاها."

جنى بضحكه شريره:"هاهاهاهاها."

"بالفعل أخذوا بعض مكعبات التلج وذهب ادم الى غرفه فارس،وجنى الى غرفه جنات،دقيقه كان الجميع يركض الى الاسفل"

فارس بصوت عالى وهو يجرى:"بنغرق بنغرق."

جنات بصوت عالى ايضا:"عاااااااا،تلج تلج."

"جنات وفارس توقفوا عن الركض عندما سمعوا ادم وجنى يضحكون عليهم بشده..نظروا لهم بتذمر وعبوس ببنما ضحكوا اكثر بشده"

فارس بتذمر:"وبعدين بقا ينفع كده يا والدى."

جنات بتذمر هى الاخرى:"كده يا مامتى تعملى كده فى بنتك حبيبتك."

ادم بضحك:"معلش يا بنى انا كنت قاعد فى امان الله فى حالى امك جت وزيتنى."

جنى وهى تنظر لادم:"كده يا ادم تبعنى من اول قلم مااااشى."

ادم بابتسامه:"الحقيقه هى اقترحت عليا وانا مصدقت الصراحه ههههههه."

جنى:"طب يلا نفطر عشان كل واحد يشوف حاله."

الجميع:"ماشى."

"تحرك الجميع فارس وجنات الى الكليه،وادم الى قسم الشرطه فهو اصبح من اكبر الضباط وجنى الى عملها هو الصحافه مع عشق وادهم"

"فى عمل الصحافه عند عشق وادهم وجنى،كان مكتب ادهم بجانب مكتب عشق ومكتب جنى بجانب عشق،دخل ادهم والق التحيه على الجميع وهو ممسك بيد عشق بحب،وبعد ذلك بدا كل شخص فى عمله"