الطفله والحارس3 (كامله)

الفصل الخامس عشر

#الطفله_و_الحارس٣
#عشقى
#الفصل_الخامس_عشر

ادم بهدوء:"ها يا بنتى رايك اى."

جنات بخجل:"أنا موافقه يا بابا."

جنى بفرحه:"هيييه هنفرح كلنا بقى."

ضحك ادم على زوجته بينما قال فارس بغيظ:"

يا بختك يا عم فهد هى وافقت على طول،وانا اللى عندى مطلعه عين اهلى."

ضحك الجميع وقال ادم:"انت هتحسد صاحبك ولا اى يا روح عمتك."

فارس بضيق:"ما هى دماغها ناشفه زى امها."

جنى بحده:"ولد احترم نفسك اى دماغها ناشفه زى امها ديه،ما تشوف ابنك يا آدم."

ادم:"جرا اى يا عم فارس هتغلط فى الكبار ولا اى."

فارس بحرج:"آسف والله طلعت منى كده."

جنات:"ههههه عمو ادهم لو سمعك ابقى قابلنى لو اداك بنته."

فارس:"وانتى اختى حبيبتى مش هتروحى تقوليلو صح."

جنات بمكر:"تعرف عنى خباصه يا فارس."

فارس بغيظ:"فشر مين قال كده،احنا بس كل ما نعمل حاجه أنا وفهد بتجرو انتى وصاحبتك على بابا وعمى ادهم."

ادم:"وانت عايزهم يدارو على البلاوى اللى بتعملوها ولا اى."

فارس:"ايوه المفروض."

ادم:"المفروض عند المكوجى يا روح عمتك."

"ضحك الجميع على جمله ادم"

*********************

"فى منزل ادهم بعد أن علموا بمواقفه جنات كان سعداء بشده خاصه فهد"

فهد بمرح:"يا فرج الله هتجوز يا جدعان."

ادهم بهدوء:"لا يا حبيبى مفيش جواز الا لما تخلصو كليه."

عشق:"ايوه ودا كان اتفاقنا من الاول."

فهد:"ماشى ماشى المهم مش هو هيحصل خطوبه دا المهم."

عشق:"كده خلصنا منك فاضل لسه البرنسيسه العنيده."

فهد بتثميل:"اه قلبى ابويا وامى طلعوا مش طايقنا وعايزين يخلصوا مننا بدرى."

ادهم ببرود:"خلصت."

فهد بمرح:"ايوه يا برنس."

ادهم:"ولا اى برنس دى يالا."

فهد بسخريه:"وهى بعد يالا وولا مش عايزنى اقولك برنس."

عشق بضحك شديد:"يخربيتك يا فهد بطنى مش قادره."

نظر ادهم بحب لعشق التى تضحك ثم نظر لفهد بحده وقال:"ولا قوم من جنبى شوف انت رايح فين."

عشق:"لا سيبه يا ادهم بيضحكنى."

فهد بحنق:"ليه شافانى ارجواز يا ماما."

ادهم:"سمعت أنا قولت اى ولا مسمعتش."

فهد وهو ينهض:"حاضر حاضر قمت اهو."

"بعد خروج فهد امسك يديها وقبلها بحب"

ادهم بحب:"بحبك على فكره."

عشق بابتسامه حب:"وانا كمان."

وضع رأسها على صدره وشبك يديه بيديها وقال
:"اوعدك أن أول ما نخلص من اللى احنا فى دا،هاخدك واسافر."

عشق بفرحه:"بجد يا بابتى."

ادهم:"بجد يا قلب بابتك،يا روح ادهم وقلب ادهم ياللى مجنن ادهم معاك والله."

عشق:"هههههه كنتى بتقولى الجمله ديه زمان."

ادهم بابتسامه:"انتى لسه فاكره يا بت."

عشق بتذمر:"بقى فى واحده فى سنى يتقالها بت برضو."

ادهم:"ايوه هتفضلى فى نظرى البت الطفوليه المرحه اللى أنا حبتها."

عشق:"وانا كمان بحبك يا ابو طويله."

ادهم:"وأبو طويله بيعشقك يا اوزعه."

***********************

"عند عليا التى حسمت أمرها وقررت،خرجت من غرفتها متجهه نحو غرفه والديها طرقت الباب ودخلت"

عليا بهدوء:"بابى مامى كنت عايزه اتكلم فى موضوع."

عشق:"تعالى يا حبيبتى."
جلست عليا بجانب عشق وقالت:"أنا موافقه."

ابتسم ادهم باتساع بينما قالت عشق بفرحه
:"هييييييه عندنا فرح."

"ضحكت عليا على والدتها بينما هز ادهم رأسه ييأس منها بحب"

...........