حبيبى نسر و ٣ نجوم

#الفصل_السابع

بتقرب سارة اكتر من نور و هى بتقوله بدلع
مقولتليش هو القمر اسمه ايه ؟

نور بيرجع لورا شوية و هو بيرد عليها
ا...اسمى نور .

بابتسامة
و انا اقول الدنيا منورة ليه .

بابتسامة خجل
هههه هااا دى منورة بأهلها .

كل دا بيحصل قدام مريم ألى واقفة تتصنت من ورا الباب و من جواها نااااار بتغلى و هى بتقول فى سرها
بقا بتضحكلها لاااااا لن اقبل بهذه المسخرة فى بيتى ، ( بتشمر كمام لبسها و هى بتقول ) جيالك يا سارة .

مريم من عصبيتها بتزيح باب الاوضة بقوة لدرجة أنه اتخبط فى الحيطة جامد ، كل ألى فى الاوضة اتزغف من خبطة الباب ، بس ألى مكنتش عاملة حسابه مريم أنها تلاقى سارة اترمت فى حضن نور بحجة أنها اتخضت و هنا مريم برقت من مشهد سارة و هى حاضنة نور و نفس التبريقة من نور ألى لقى نفسه قدام مريم و فى بنت حضناه قدامها .

نور بتوتر
احممم سارة سارررررة ، انتى موتى ولا ايه .....

سارة بتبعد و هى بتقول بكسوف
ايه دا أنا اسفة بجد ، بس خبطة الباب خضتنى جامد ، محستش بنفسى غير و انا حضناك من الخضة .

و هنا بطلتنا رفعت شفتها العلوية لفوق و هى باصة بقرف لسارة و بتقول في سرها
لاااا والله ، اتخضيتى ، دا انتى ما صدقتى مسكتى فى الواد ، و انت يا نور حسابك معايا عسير .

بصت سارة لمريم و هى بتقولها بعصبية و صوت عالى شوية
ايييييه ، أنتى معلموكيش فى بلدكوا تخبطى قبل ما تفتحى الباب على الناس بالطريقة دى .

مريم اتعصبت اكتر بس تمالكت نفسها و هى بترد على سارة ببرود
والله هو الباب يعتبر اصلا كان مفتوح و كدة كدة كنت هخبط ، بس اعمل ايه بقا كان فى ناموس خارج من الاوضة و انا بصراحة عندى حساسية من الناموس ، مستحملتش و كنت لسة هضربها بس بالغلط خبط الباب جامد فا خبط فى الحيطة ، معلش المرة الجاية هبقا اخبط الاول و افتح الباب عشان اضرب الناموس براحتى ، و انتى المرة الجاية ابقى خلى بالك من الخضة متعرفيش الظروف يمكن تتخضى فى الشارع و بدل ما تحضنى واحد تحضنك عربية ( جماااااعة حد معاه رقم الدكتور عشان يخيط ) .

نور كان ماسك نفسه بالعافية من الضحك و قال
معلش حصل خير ، تعالى يا مريم اعرفك .

راحت مريم وقفت جنب نور و فى نفس الوقت قدام سارة .

سارة دى مريم ، مريم دى سارة .

سارة بتكبر
اه اهلا .

بس مريم مردتش و كانت عمالة تحرك اديها فى الهواء كأنها بتبعد حاجة عنها .

نور بص لسارة ألى كانت مستنية مريم تعبرها ، بس نور سأل مريم
انتى بتعملى ايه يا مريم ؟

اوضتك فيها ناموس كتير ، غريبة كتر فجأة عندك .

سارة ببرود
ااااه عندك حق انا لسة حتى كنت شايفة جاموسة اقصد ناموسة واقفة قدامى دلوقتي .