اللهجة : ✨عامية مصرية✨
التصنيف : ✨رومانسية كوميدية على ابو😉✨
لمحة : ✨الحب سلاح ذو حدين⚔️ لانه ليحميك ألى بتحبه🫀🛡️👥ليقتلك حبه👤🫀+🗡️=💔 ، طب لو .... عشت الاتنين فى نفس الوقت🕓👤🕓 ، هتعرف تكمل ولا تفتكر ان فى حد متحكم فى السلاح دا 👤👣💀و انت مش...
بيروح نور على بيته و هو فى قمة سعادته لانه قدر يشوف مريم فرحانة و هى معاه ، بيقرب من بيته و بيشوف عربيته مركونة قدام البيت و بيفتكر رامز و ألى عمله معاه و بيقرر ينتقم فى اخوه .
بيطلع شقته و بيدخل على اوضة اخوه بيلاقيه فى سابع نومة و بيبصله و هو بيقول فى سره نايملى ، اما ورييييتك مبقاش أنا نور .
بيخلع حزام بنطلونه و بيضرب بيه على طرف السرير ناحية رجل رامز بقوة و هو بيقوله اصحاااااااا .
بس رامز من كتر النعس بيفتكر أن فى حد بيزغزغه فى رجله و بيقول و هو دهشان و مبتسم كماااااان .
نور بيبصله و هو هيفرقع من الغيظ بسبب اخوه و هو بيقول كمااااان ، طب انفخك دلوقتي ولا اعمل فيك ايه .
بيضربه مرة تانية بقوة ناحية رجله بعيد شوية عن باقى جسمه عشان ميأذهوش و هو بيقوله بصوت عالى قوووووم .
بيصحى المرادى رامز مفزوع من الخضة و هو بيقف على السرير و رجله وجعاه من ضربة الحزام بتاعت نور و هو بيقوله فى ايه يا ابو نسب مش كدة يا راجل ، يخربيت ألى زعلك بس ، و بعدين احنا مش بطلنا حوار حزومة دا ايه ألى رجعه تانى .
بقا أنا ياض تخلينى اخدها مشى ، بقا أنا تاخد منى العربية بعد ما حبيت اعملك قيمة وسط البنات و توصلهم بعربيتى و فى الاخر تروح تنام ، دا أنا هنيمك نوووومة .
بيضرب بالحزام على السرير ألى واقف عليه اخوه و رامز بينط من على السرير و بيجرى من اخوه قبل ما يضربه بالحزام و هو بيقوله افهم بس ، أنا قولت تخدوها مشى احسن و اهو الكلام يجيب بعضه و كدة ، لكن لو كنت بتسوق مكنتش هتعرف تركز فى السواقة ولا مع البت .
بيقرب نحيته و هو بيقول بتريقة تصدق صصصصح .
بيبعد عن اخوه و هو بيقوله شوووفت ، يبقا أنا عندى حق ، و بعدين المشى رياضة بردوا .
بيقرب نحيته و هو بيقوله المشى رياضة اه اه ، (بيضربه بالحزام على رجله و هو بيقوله) بقا امشى أنا و هى اكتر من نص ساعة على رجلينا و تقولى المشى رياضة ، دا أنا هوريك الريااااااضة .
بيجرى نور ورا اخوه فى الاوضة بالحزام و هما عمالين ينطوا من فوق كل سرير و سرير ، لحد ما فجأة مامتهم فتحت الباب على صوتهم و لقت رامز فوق الدولاب بالفنلة و اخوه ماسك المنفضة فى ايد و فى أيده التانية الحزام .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
