حبيبى نسر و ٣ نجوم

#الفصل_الرابع

ملامح من الغضب و الحزن ظهرت على وش نور بس حاول يخبيها و هو بيقول لريم
معلش يا ريم لازم امشى عشان عندى أمر مهم افتكرته و لازم اروح اعمله عن اذنك .

حاش نور ايد ريم و مشى من غير ما ياخد باله أن مفاتيح عربيته وقعت لما كان بيحوش ايد ريم ألى كانت مأنكجاه .

مشي نور بسرعة و الغضب ماليه ومكنش طايق المكان ، و ريم كانت ماشية وراه بسرعة عمالة تقوله
نور استني يا نور استني بس ، ايه ألى حصل ....

من الناحية التانية

مريم بصدمة
ممكن اعرف ايه ألى بيقوله ده

كريم بتوتر
أنا هفهمك كل حاجة.......

❖ ── ✦ ──『✙』── ✦ ── ❖

مريم كانت سامعة كريم و فى نفس الوقت كانت مركزة على نور ألى شاف كل ده و ساب المكان من غير حتى ميودعها بس خدت بالها من المفاتيح بتاعته ألى وقعت فا قالت لكريم
ثوانى بس يا كريم و هرجعلك .

راحت مريم بسرعة ناحية المفاتيح واخذتها وطلعت بسرعه تدور على نور عشان تديله المفاتيح .

يا نور استنى مش قادرة امشى بالكعب .

نور مكنش مهتم بريم و كان عايز يمشى من غير ما يتكلم مع حد .

وصل نور قدام عربيته و بيدور على مفاتيح العربية ( بس طبعا كلنا عارفين المفاتيح فين )

وقف نور يدور على المفاتيح (و ياريته ما وقف قلب أمه ، ماله المشى ما رياضة ، يلا ما علينا )و لف عشان يرجع تاني جوة قاعة الفرح يدور على المفاتيح ، بس ريم وقفت قدامه بعد ما لف و هى عماله تنهج من الجرى وراه و سندت أيدها على كتفه و هى بتقوله بتعب
اقف بقا تعبتنى حرام عليك .

معلش يا ريم شكل مفاتيح عربيتى وقعت جوه لازم ارجع بسرعة أشوفها .

لاحظت ريم أثناء كلام نور أن مريم جاية من بعيد على يمينها لما شافتها من مرآية العربية أللي على شمالها .

لسة نور كان هيبعدها عنه عشان يروح يشوف المفاتيح بسرعة ، بس ريم كانت أسرع فى رد الفعل لما فجأة مسكت في دراع نور جامد و قالتله بنبرة فيها تعب
نور متسبنيش أنا حاسة انى مش قادرة اقف حاسة انى دايخة و الأرض مش شيلانى .

مالك مالك ....متخافيش مش هسيبك اسندى عليا انتى بس لحد الكرسى ألى هناك فى الشارع .

حط نور أيده حوالين وسط ريم و مسك أيدها و حطها حوالين رقبته عشان تسند عليه لحد ما يوصلها عند أقرب كرسى تقعد عليه .

بسرعة ريم لفت ايديها الاتنين حوالين رقبة نور و حضنته و هى بتقوله بصوت عالى شوية
حبيبى شكرا انك مسبتنيش ( ألبس يا معلم ، أنا قولت من الاول ياخدها مشى ، و ذى ما كان بيقول عمنا مجدى فى فيلم ابن القنصل ههههه شربتها يا كروديا )احم احم نرجع لموضوعنا .