ما بين متمرد و مغرور (الجزء الثاني)

العاشر

ما بين متمرده ومغرور
الجزء الثاني
العاشر
_______&
الظابط: مطلوب القبض عليك
يوسف بصدمه: اي بتهمه اي
الظابط: تجاره اعضاء
زينه بصدمه: تجاره اعضاء
اسر: بس زين مش بيشتغل في اي حاجه مخالفه للقانون
الظابط: ده هنعرفو في التحقيق ان كان ليه يد ولا لا اتفضل معايا بهدوء
اسر: بس
زين: خلاص ي اسر
اسر بنرفزه: خلاص اي انت اتجننت ده بيقول تجاره اعضاء
امجد: زين بيتكلم صح ي اسر مش بادينا اي حاجه لازم نكلم المحامي ونشوف حل للموضوع ده
الظابط: اتفضل معانا
واخدو وخرج وخرج وراه اسر ويوسف و امجد
وكان في عيون بتراقبهم من بعيد وصورت زين وهو متكلبش
عند ايه و اسراء
ايه بحزن: عشتي كل ده. ضحكت بحزن: وانا الي بقول عشت الي محدش عاشو طلع في الي عاش الي اسوء مني
اسراء: تعرفي اي الي مخليني ثابته للحظه دي لاني عارفه لو وقعت او غلطت غلطه بسيطه هتكلفني كتير وهيضيع فيها رقاب ملهاش زنب واهمهم. ابتسمت بحزن: زين وهو ملوش زنب احيانا بفكر لي دخلت حياتو وجبتلو المشاكل ودخلتو في الدوامه دي بس اعمل اي مكنش بايدي اي حاجه فجأه لقيت نفسي بقع فيه وفجأه دخل في الدوامه دي وياريتو مدخلها
ايه: الي خلاكي قادره زمان تحمي الي بتحبيهم هيخليكي تقدري دلوقتي
اسراء: كانت فين القوه دي لما اختي اتقتلت واختي التانيه اتخطفت وعيشوها في اوهام ودلوقتي بتفكر ازاي تنتقم من زين من حبيبي انتي متوقعه الفكره يعني اي اختك بتفكر ازاي تقتل الي بسببو انتي عايشه اصلا انا السبب في الي بيحصل ده
ايه ربطت على كتفها: هتتحل ولله العظيم هتتحل
اسراء ابتسمت بحزن وبادلتها ايه الابتسامه قاطعهم دخلو المجهول ايه مسكت في دراع اسراء واسراء بصتلو ببرود
اسراء ببرود: خير اي الي جابك
ضحك وبص اتجاه ايه: شكلكو اخدتو على بعض بس قريب ومش هتلاقيها عيزك تودعيها على قد متقدري
ايه ضغطت على دراع اسراء بخوف
اسراء بسخريه: لا وانا يحبه عيني هسيبك تقربلها. اتكلمت بحده: ده انا اشرب من دمك يله فوق
: نفس النرجسيه الي في نسل عيلتكو
اسراء: نسل النرجسيه دول هم الي خلصو على كل الي قبلك ومتقلقش هتحصلهم يمكن بس عمرك فيه شويه وقت بس اوعى تفكر انك هتقدر تكسبني ولله ازعل
: هه لا انا مش بفكر انا متاكد اني هكسبك
اسراء بعدت عن ايه وقربت منو ووقفت قصادو بظبط واتكلمت بتريقه: اوهام كل الي بتقولو ده اوهام عيزاك براحتك خالص تحلم وتتفرد عشان لما تلاقي نفسك مدفون حي متكونش نفسك في حاجه تؤتؤتؤ تعرف انت صعبان عليا اوي من الي هعملو فيك
اتعصب وحاول يمسك نفسو واتكلم بشر: اوف نسيت اقولك على الخبر الي كنت جاي عشانو
اسراء وهي بتمشي اتجاه ايه : قول الي عندك واتمشى من هنا مش فايقه للك النسوان انا
: حتى لو اللك ده عشان حبيب القلب زيزو
اسراء وقفت مكانها وضغطت على اديها بقوه وعصبيه وعروقها ظهرت وفكها كان هيتكسر من الضغط عليه
: اخس عليا نسيت اقولك انو مشرف في القسم حتى شوفي. وقف وراها وفتح تلفونو وحطو قصاد عنيها
اسراء بصتلها ونسيت الي قالو ركزت في ملامحو وبس وحشها شكلو ياااه شكلو اتغير اوي عن زمان ربى دقنو واهتم اكتر بعضلاته ومع كده باين على ملامحو الحزن .اترسمت شبح ابتسامه على شفايفها والي فوقها من احلامها صوت اليربوع زي م اطلقت عليه
: شوفي الكلبش منور ازاي
بحركه سريعه كان لازق في الحيطه وايد اسراء على رقبتو  وبتبصلو بشر
اسراء: اوعى يله تنسى انا بتتعامل مع مين انا الصخر ان كان في نسبه في الاول حتى لو واحد في الميه اني اسيبك عايش فدلوقتي لا. قربت واتكلمت بجانب ودنو: مش كنت قايل انك هتبقى مرا لو خلتني اشوف زين تاني اديني شوفتو وانت الي ورتهولي بايدك. ضحكت بسخريه: سلام ي مرا. نزلت اديها وهو فضل يكح جامد وياخد نفسو بصعوبه
اسراء قعدت على كرسي جلد وحطت رجل على رجل وريحت راسها لورا واتكلمت بثقه لا تليق الى بها: تحبي ي مزه اجي اوصلك لحسن ولاد الحرام كتير حد يقربلك كده ولا كده.بصتلو من فوق لتحت: وانتي لسه بنت بنوت برضو ولا اي.غمزت في نهايه الكلام
اتعصب وخرج بسرعه ورزع الباب وراه وهو بيتوعدلها
وقفو واحد من الحرس: هنعمل اي مع البنت الي معاها
اتكلم بزعيق وعصبيه: اقتلوها احرقوها اعملو الي تعملوه ابعدو عن وشي. ومشي
حارس ٢:مالو ده
حارس ١:تلاقيها نرفزتو كالعاده هي بتسيبلو فرصه يشمت فيها
حارس٣:تصدقو البت دي شاغله دماغي اوي بت مده تحس انها معندهاش قلب شوف بقالها ٤ سنين تحت ادينا ولا مره شوفنا نظره خوف في عنيها ولا واحد اتجرأ ودخلها غير الباشا وكمان بيبقى مخبي وشو
حارس ٢:ولله امرها عجيب بس تفتكرو حكايتها اي
حارس ١:خلينا احنا برا حوارتهم دي بدل منتاخد في الرجلين المهم دلوقتي هنعمل مع البت التانيه اي
حارس ٢:هنعمل زي مقال
حارس٣:مش هناخد كلام منو وهو متعصب
حارس١:اومال نطنش ويجي يقتلنا واحد ورا التاني
حارس ٢:خلاص كلم عثمان باشا ونشوف هيقول اي
حارس ١ اتصل على عثملن وبعد عده ثواني رد
عثمان : في اي يتور انت ده وقت تتصل فيه
حارس ١:اسف يباشا بس مش لغايه دلوقتي مجالناش اي اوامر للبنت
عثمان بلا مبلاه: ولعو فيها وبعدين ارموها في اي مكان بس من غير م حد ياخد بالو منكو
حارس ١:اوامرك يباشا. وقفل
حارس٢:قالك اي
حارس ١:قالي ولعو فيها
حارس ٣:طب تعالى معايا نجيب بنزين ونجهز المكان وانت خليك هنا
الاتنين في صوت واحد: تمام
اسراء وايه سمعو كل الكلام
ايه برعب:ه هيموتوني
اسراء واقفه وحاطه اديها على وسطها وباصه في الارض بتفكر: لازم نهرب ودلوقتي
ايه وهي على وشك البكاء: ب بس
اسراء: ششش مش عايزه اسمح صوت كل ثانيه بتمر هتكون بتمر من عمرك.اتكلمت وهي باصه قدامها بشرود:ولازم الحق عيلتي قبل ميحصل حاجه
ايه حاولت تهدى: ط طب هنعمل اي
اسراء اتنهدت وعنيها وقعت على حديده في مكان عالي
بعدين بصت ل ايه وابتسمت ابتسامه جانبيه وهي
بتضيق عنيها 
عند جاسر
وصل للمستشفى بسرعه وخرج وفتح الباب وفضل يدور على ايه في انحاء المستشفى وينادي عليها بصوت عالي
جاسر وهي بيجري وبينادي بقلق:اياااااااه ي اياااااه
ومتلقاش اي رد
لغايه مخرج بره المستشفى وكلم الحارس الي كلفو بمراقبتها:انت فين وايه فين
الحارس:يباشا الست ايه اتخطفت وانا مشيت وراهم بص العربيه تاهت مني
جاسر بعصبيه وهو بيركب عربيتو:ومعرفتنيش لي ولازمتك اي مش انا قولت تخلي بالك منها
الحارس:يباشا عددهم كان كبير مكنتش هعرف اعمل حاجه وحاولت اكلم ساعتك تلفونك كان مشغول فمشيت وراهم
جاسر وهو بيحاول يتملك اعصابو:العربيه تاهت منك فين
الحارس:في.......
جاسر:دور في انحاء المكان وانا جايلك متسبش حته متدورش فيها
الحارس:حاضر يباشا
عند تقى وتيم
تيم: اهدي ان شاء الله خير
تقى بقلق: انا من عارفه مبتردش لي انا قلقانه عليها اوي
تيم:طب مكان شغلها فين وانا هكلم حد يدور عليها
تقى: في مستشفى..........
تيم: انا صاحبي صاحب المستشفى متقلقيش عليها تلاقي في شغل زياده ولا حاجه بس متقلقيش الحراس هيجبهولك لغايه هنا
تقى بقلق: يارب
عند اسراء وايه
الحارس واقف في امان الله لقى النور بيرعش بص عليه بعدها سمع صوت تصفير بموسيقى الصخر حس بخوف شويه والنور اتقفل رفع المسدس بخوف:م مين
اسراء وهي لسه بتصفر قربت من ودنو وقالت بهمس مرعب: اتشاهد موتك على ايدي
الحارس بخوف:ه هو في اي
النور فتح ولقى اسراء واقفه قدامو وبتبتسم ب شر:هالوز
الحارس رجع ورا بخوف ورفع المسدس في وشها
وحاول يتكلم بثبات:ا اثبتي مكانك بدل مقتلك
اسراء قربت منو ببطئ مرعب زي الاسد الي بيقرب من فرستو:قولت بدل اي
الحارس بلع ريقو وقال بتوتر:م مفيش
اسراء صفرت بنفس الموسيقى والنور بدأ يرعش تاني بعدها اتقفل الحارس اترعب سمع الصوت بيقرب منو بعدها محسش بحاجه اثر ضربه قويه على دماغو
ايه: نهار اسوود قتلتيه قتلتيه لي
اسراء: اولا مش جديده عليا ثانيا هو مش مات هو اغمى عليه بعدين قصري في الكلام و يلا قبل محد يجي
ايه هزت راسها بسرعه
اسراء اخدت مسدس الحارس وخرجت براحه وايه وراها لقو حارسين على الباب الخلفي
اسراء بهمس: خليكي هنا ولما اخلص عليهم تجري على بره فاهمه
ايه هزت راسها بقلق
واسراء اخدت نفس ومشيت براحه ورا واحد فيهم ولفت رقبتو جامد فوقع من غير حركه الحارس التاني لسه هيضرب عليها نار ضربت ايدو برجلها ووقعت المسدس وبدأ الاشتباك بنهم بعد شويه خناق بنهم اسراء لفت وراه وضربتو برجلها بقوه عند ركبتو وقع راحت ضرباه ضربه قويه في وشو فوقععلى الارض ومقمش الحمد لله
ايه كانت بتشوفها بسرحان وفرحه قاطع سرحانها صوتها: يلا بسرعه بسرعه
ايه فاقت وجريو على برا لمحهم واحد من الحراس ف داس على الانزار وفجأه عدد كبير من الحراس والعربات خرجت وجريت وراهم
عند المجهول
سمع صوت الانزار خرج بسرعه وسال واحد من الحرس قالو انهم هربو: بيتقول اي هربو وانتو مستنين اي وراهم يلا متسبهمش.
اسراء وايه بعد جري طويل استخبو ورا جدار عشان ياخدو نفسهم
ايه وهي بتاخد نفسها: هنعمل اي اكيد مش هيسبونا وعددهم كبير
اسراء فضلت تفكر هتعمل اي لقت محل صغير على مسافه بعيده شويه فبصت ل ايه: بصي ي ايه شايفه المحل الي هناك ده عيزاكي تاخدي الطريق طيران عليه ومتبصيش وراكي مهما حصل وشوفي اي حد يساعدك
ايه: طب وانتي ي اسراء انا يستحيل اسيبك
اسراء: انا حياتي تهمهم ي ايه لاكن لو لاقوكي مش هيسمو عليكي اسمعي الكلام ومهما حصل اوعي ترجعي هنا
ايه بعياط: ب بس مش هقدر اسيبك كده
اسراء مسحتلها دموعها واتكلمت بابتسامه بسيطه: لو خرجتي من هنا هتعرفي تساعديني 
ايه بصتلها شويه: هتبقي بخير
اسراء هزت راسها: متقلقيش عليا. قالت بابتسامه وهي بتخبط على قلبها بقبضتها: انا الصخر
ايه حضنتها: مش هسيبك وهترجعيلي تاني
اسراء طبطبت عليها: وانا مصدقاكي. بعدتها عنها: يلا بسرعه قبل ميجو وخلي بالك من نفسك
ايه قالت بابتسامه: صدق الي سماكي صخر. اسراء ابتسمت وهي ابتسمت وبصتلها بصه اخيره بعدين مشيت. بمجرد متأكدت انها بعدت اتنهدت وخرجت من ورا الجدار وجريت في اتجاه تاني عشان تبعدهم عن
طريق ايه، واحد من الحراس شافها: اهي هناك وراها بسرعه. وجريو وراها
في قسم الشرطه
زين: انا صاحب المستشفى بس مليش اي علاقه بالموضوع ده والي بتقولو ده معرفش عنو اي حاجه
المحامي: مفيش اي دليل يثبت ان ليه يد في الي حصل
الظابط: اكتب يبني قررنا نحن واكتب اسمي ان يتم حجز المتهم زين المنشاوي على ذمه التحقيق
برا
اسر جري عليهم: ها طمني ي متر زين هيخرج صح
المحامي: للاسف لا هيدخل الحبس لغايه ميلاقو اي دليل يثبت انو ملوش اي دخل في الي حصل وانو كان بيتم من وراه
اسر بانفعال:يعني اي اخويا مينفعش يبات في الحبس ده انا اطربقها واجيب عليها وطيها
يوسف: اهدى ي اسر خلينا نفهم
امجد: الحل الوحيد عشان زين يخرج هو اننا نوصل للبنت الي بلغت وتقول ان زين مكنش بيروح المستشفى اصلا وان الي عمل كده الدكتور اي كان بيتابع الحاله الاول
المحامي: كلام استاذ امجد صح وكل الي اقدر اقدمو
زينه جريت بسرعه اتجاه اسر: زين فين ي اسر هو كويس هيخرج امتى
اسر: اهدي الاول بس
زينه بخوف وقلق:اهدى اي ي اسر زين فين اخويا فين
اسر: المحامي قال مش هيخرج دلوقتي احنا حاليا دخلينلو لازم نتكلم معاه
زينه: يعني اي اخويا مش هيروح معايا ازاي يعني لا انا مش هسيبو اتصرفو اعملو اي حاجه بس زين مش يبات في الحبس
يوسف: حاولنا ي زينه بس مش بادينا لازم الاول نثبت انو ملوش دعوه الي حصل
اسر: يلا ندخلو قبل م معاد الزياره يخلص
ودخلو
زينه بعياط: متخافش ي زين هتخرج ولله
زين بحنان:اهدي يحبيبتي متعيطيش كل حاجه هتتحل.وجهه كلامو ل اسر:المحامي وصل لحاجه
اسر:قال ان الطريقه الوحيده الي هتخليك تخرج ان البنت الي عملت بلاغ تيجي وتشهد ان ملكش اي دعوه
زين:وانتو مستنين اي متروحو تجبوها
يوسف:البنت زي ميكون الارض اتشقت وبلعتها ملهاش اي اثر
زين اتنهد وقعد على الارض وسند راسو من غير ميتكلم
بسنت بخنقه: لو كان الصخر موجود كان زمانو خرج
امجد: لا ي بسنت لو الصخر كان موجود مكنش كل ده حصل
دلوقتي انكو تدخلو زياره ليه
يوسف: طب يلا لازم نتكلم معاه
قاطع كلامهم وصول اروى وبسنت وزينه
اروى: مش هنقعد نندب في حظنا لازم نشوف هنعمل اي اسراء لو مكانا مش هتسكت اكيد في حل
امجد: هو في بس زين مش هيوافق
زين بصلو بمعنى قول
امجد: اننا نجيب بديل الصخر
بصولو باستفهام معدا بسنت الي فهمت
يوسف: بديل الصخر! الي هو مين
امجد وهو بيبص لرد فعل زين: جين
زين ضغط على قبضتو وجز على سنانو
بسنت: كلام امجد صح جين اكتر واحد عاشر عيله مهاب باشا الي كان جين تلميذ عندو لحد متعامل خمس سنين مع روح لغايه اسراء يعني جين في الوقت الحالي هو الي يعرف يخرجو
اروى باستغراب: بس انا اول مره اعرف الحوار ده
بسنت: المعلومه دي مش مهم معروفه لان في الحقيقه جين يبقى ا اا
زينه: يبقى اي ي بسنت
بسنت: جين يبقى ابن عم اسراء 
زين بخنقه: اسراء عمرها مجبتلي سيره عن الموضوع ده
بسنت: لان اسراء اصلا متعرفش ان ليها عم هي الي اعرفو علاقتو مع روح لاكن متعرفش اي حاجه عن الحوار ده
اسر: ولي مخبين حاجه زي دي
امجد: عشان الي مصتقصد عيله مهاب باشا كلها وجين
كان في مهمه برا مصر والي قضى فيها حياتو كلها ورجع ساعتها كان مهاب باشا اتقتل هو و عيلتو ومكنش ينفع يظهر عشان يحمي الي باقي من عيلتو بس القدر لعب لعبتو معاه وخلاه يشتغل مع روح الي غصب عنو حبها وكان خايف ل تعرف الحقيقه لانها اكيد هتلومو انو سابهم كل ده رغم انو غصب عنو لغايه محصل الي حصل بقى
زين هز راسو وهو بيضحك بسخريه: احيانا كنت بستغرب نفسي  ازاي معرفش اي حاجه عن مراتي دلوقتي عرفت السبب ان هي نفسها متعرفش نص حياتها
اسر: يعني خلاصه الموضوع جين لازم يرجع صح
زين: وانا عندي افضل هنا اهون من ان هو الي يخرجني
زينه: بس ي زين
زين: مبسش ي زينه انا مش عايز اشوف وشو وخلص الموضوع لهنا
دخل العسكري:الزياره خلصت
عند ايه
ايده دخلت ولقت راجل كبير في السن
ايه وهي بتاخد نفسها من الجري: لو سمحت ممكن استخدم التلفون
: اه طبعا اتفضلي يبنتي 
ايه مكنتش عارفه تتصل ب مين لقت نفسها تلقائي
بتضغط على ارقام حفظاها عن ظهر قلب ويأتيها الرد بعد عده ثواني: الو جاسر انا ايه
جاسر بلهفه: ايه انتي كويسه حصلك حاجه
ايه بخوف: انا كويسه كويسه بس تعالى بسرعه انا خايفه
جاسر بسرعه: انتي فين
ايه: لو سمحت هو اسم المكان ده اي
: اسمو......
ايه: انا في..... تعالى بسرعه عشان خاطري
جاسر بلهفه وقلق: متخافيش ي حبيبتي انا قريب من المكان هجيلك بسرعه خليكي في المحل متخرجيش لغايه مجيلك
ايه: حاضر. وقفلت
عند اسراء
بتمشي في مكان مليان شجر بحظر وهي بتبص حواليها لغايه مسمعت صوت شويه من الحراس بيقربو من المكان الي هي فيه فضلت تدور بعنيها على مكان تستخبى فيه لقت مجموعه كبيره من القش دخلت جواه وغطت نفسها كويس
واحد من الحرس:لقيت حاجه
رد عليه واحد تاني:لا بس في مجموعه قش كتير هنا
حارس ١ ضرب طلقه على القش جت في رجل اسراء حاطت ادها على بؤها وبتكتم صراخها عشان محدش يسمعها ودموعها نزلت من الوجع وهي بتتنفس بسرعه
عند ايه
جاسر كان بيسابق الريح واخيرا وصل جري بسرعه على جوه بمجرد مشافها اخدها في حضنو ودفن وشو في رقبتها واخيرا دقات قلبو انتظمت
ايه بعياط:اتأخرت اوي
جاسر:اسف ولله مهتكرر تاني
بعد عنها شويه وحاوط وشها: انتي كويسه
ايه هزت راسها بنفي وهي بتعيط:لا مش كويسه ي جاسر انا تعبانه اوي
جاسر:اهدي خالص انا هنا جنبك ومش هسيبك
ايه كانت بتعيط ومن التعب نامت جاسر شالها وبص للراجل العجوز:شكرا انك خلتها هنا
:العفو يبني ربنا يخليكو لبعص باين عليكو بتحبو بعض اوي
جاسر ابتسم وهو باصص ل ايه وخرج 
عند زين
ساند راسو على الحيطه وراح في النوم شاف اسراء في مكان مليان ضلمه بتعيط من الوجع ورجليها بتنزل دم بغزاره وبتستنجد بيه وهو  كل ميقرب منها المسافه تبعد
زين بتعب وهو بياخد نفسو: مش عارف اوصلك
اسراء بصتلو بتعب: هتسبني
زين بيهز راسو بسرعه وهو بيكمل جري اتجاها: يستحيل ابعد عنك انتي روحي هوصلك صدقيني وهنرجع نعيش سوا تاني
اسراء بصتلو بابتسامه رغم دموعها الي مغرقه وشها: مستنياك
زين صحي وهو بيبص حواليه بقلق واتأكد انو حلم فريح راسو تاني وهو بيتنفس براحه بص ورا قضبان
الحديد على القمر وهو سرحان في حبيبتو غصب عنو زكرياتهم سوا بتتجمع قدامو
عند اسراء
حاولت تستجمع قوتها وتزحف لكوخ صغير كان فاضي سندت راسها على الحيطه وهي وشها عرقان وباين عليه الوجع والتعب جمعت شويه قش وفطلت تخبط في طوبتين لغايه مولعت في القش قلعت الجاكت الي هي لبساه ولفتو على بؤها عشان تكتم صراخها ومسكت سكينه وحطتها على النار بعدين قربتها من رجلها وهي بتعيط واديها بتترعش بس حاولت تسيطر على نفسها وبمجرد ملمستها صرخت صرخه مكتومه وهي بتنهج وطلعت الطلقه رمت السكينه بعيد ونامت على الارض بوجع وتعب وهي بتحاول تستحمل قامت تاني وقطعت حته من هدومها ولفتها على رجلها ورحعت سندت راسها تاني على الحيطه وحاولت ترتاح
عند الحرس
: لقتوهم
الحرس: ملهمش اي اثر
بغضب: اتصرفو مش عايز يطلع الصبح غير وهم عندي
الحرس: حاضر يباشا.ومشيو
تلفونو رن: الو ي عثمان
عثمان: الكلام الي سمعتو ده صح اسراء هربت
بخنقه: ايوه
عثمان: وبتتكلم ببساطه كده لازم تلقيها اسراء لو وصلت لحد منهم اعرف ان نهايتنا قربت
: انا مش ساكت ومحاصر المكان يستحيل تقدر تخرج من هنا
عثمان: لو وصلت لحاجه كلمني
: تمام. وقف
جيجي دخلت كالاعصار: انتو ليكو يد في الي حصل لزين
عثمان: ولله موقتك خالص خليني في المصيبه اي انا فيها
جيجي: لي في اي تاني
عثمان بقلق: اسراء هربت
جيجي بصدمه: اي هربت ازاي ازاي سبتوها تهرب
عثمان: مش مهم ازاي المهم هنلاقيها ازاي
جيجي بصتلو بقلق وهي بتفكر اي ال ممكن يحصل لو اسراء وصلت لزين اكيد هيطربق الدنيا: ربنا يستر
تاني يوم
جين يفتح عينو بكسل وقام وهو مصدع بص جنبو وقام مفزوع من اي شافو شاف...... يتبع 
#الا‌_‌رسول_‌الله
#مقاطعه_‌فرانسا
#مقاطعه_المنتجات_الفرنسيه