ما بين متمرد و مغرور (الجزء الثاني)

الاخير

ما بين متمرده و مغرور
الجزء الثاني
٢٧ (الاخير)
--------------------&
اسراء بهدوء مرعب: عمري في حياتي متوقعت منك كده طلعت ***واحد في حياتي لاول مره اندم اني اديت ثقه في حد وللاسف انت الحد ده ي جين
بسنت: ممكن نفهم وتبطلي تتكلمي بالالغاز
اسراء بزعيق: اسأليه اسألي الي المفروض اخويا عمل اي اسأليه لي غلط مع اختي
الكل وجهه نظرو ل جين بصدمه
بسنت وجهت كلامها ل جين: الي بتقولو ده صح... م تنطق ي جين انت ساكت لي
اسر:جين ميعملش كده ي اسراء اكيد في سوء تفاهم
قاطعو جين: كلامها صح
امجد بصدمه: نعم
جين ل امجد: البنت الي غلط معاها طلعت اش.بص ل اسراء :بس بحلفلك بحياتي اني مكنتش في واعيي حتى مكنتش اعرف الي حصل غير تاني يوم ومفتكرتش مين البنت دي
اسراء: وانا المفروض اصدقك مش كده
امجد: كلامو صح
بسنت بصتلو: وانت اي الي عرفك انو صح
امجد بهدوء: اليوم ده جين كلمني وقالي انو سكر وهو خارج قابل بنت وحصل الي حصل وقالي انو مش فاكر مين البنت دي بس هيدور عليها ويصلح غلطو بعد م عرف انها كانت عذراء بس أجل الموضوع ده تكوني انتي رجعتي وساعتها يدور عليها
اسراء وهي ماسكه دموعها: مقولتليش لي
جين بحزن: عشان عارف انك مش هتسامحيني لو عرفتي اني ظلمت بنت حتى لو مكنتش في واعيي وكنت هعرفك كل حاجه بس بعد م الاقيها مكنتش عايز اقل في نظرك وتفضلي شايفاني اخوكي
اسراء بصتلو بدموع: بس انت قليت في نظري فعلا ي جين
: جين مكنش ليه ذنب
بصو وراهم كانت اش
اسراء: يعني
اش اخدت نفس وهي مغمضه عنيها وبدأت تحكلهم الي حصل بعدين قالت بعياط: كنت اقدر اهرب. عيطت اكتر وقالت بندم: بس مقدرتش ضعفت عشان بحبو
اسراء كانت بتبصلها بصدمه ودموعها بتنزل وهي خلاص مش قادره تقف كانت هتقع لولا ايد زين الي لحقتها
اش بصت ل اسراء بندم: انا اسفه اوي
اسراء ضحكت بسخريه: يالله بجد
زينه: خلاص ي جماعه ممكن نشوف حل بقى
اسراء قعدت بتعب على الكرسي ورجعت راسها وغمضت عنيها وسابت دموعها تنزل
بسنت شاورتلهم بمعنى ان احنا نشوف حل برا اسراء
زين بهدوء: الحل الوحيد ان جين واش يتجوزو. اش و جين بصولو بصدمه: ودلوقتي
اش بصوت عالي: انا يستحيل اوافق مش كفايه الي حصل كمان عايزين تربطوني بيه
بسنت بهدوء: مفيش حل غيرو وده الافضل ليكي وللطفل مش هتقدري تتحملي مسؤوليته لوحدك
اش: لا هقدر انا مش محتاجه حد
اسراء ولسه مغمضه عنيها: مش هنرغي كتير كلام زين يتنفذ
اش: بس ي اسراء
اسراء بصتلها بحده: مفيش بس الي غلط يتحمل غلطتو انا هكون معاكو لاخر مره بعد كده تنسو اني كنت في حياتكو
اش بصدمه: يعني اي
اسراء بتماسك: يعني اعتبروني موت انا معنديش اخوات من انهرده
جين: اسراء انتي بتهزري صح عايزه تبعدي عننا
اسراء ببرود: لا واعتقد ده مش وقت هزار. وجهت كلامها ل زين: كلم المأذون ي زين
......................................
بارك الله لكما وبارك عليكما وجمع بينكما في خير... مبروك
اسراء ببرود: كده خلص دوري
اش بدموع: هتسبيني
اسراء مدتهاش اهتمام: زين انا طالعه انام. وطلعت من غير متسمع ردهم
اش عيطت بشده
بسنت صعبت عليها ف قعدت جنبها وحضنتها
اش بعياط: هتسبني لوحدي انا مش هعرف اعيش من غيرها هي كل حياتي
بسنت بتنهيده: هتسامحك هي بس محتاجه تاخد اجازه من نفسها ومن حياتها هي بتحبك ولله بس اعذريها الي حصل صعب برضو
بعد شويه
عند اسراء
زين فتح الباب ودخل لقاها قاعده بدفي البلكونة ودموعها بتنزل بصمت. راح قعد جنبها وميلها على كتفو وحضن كفو ب كفها: انتي كويسه
اسراء بصوت مهزوز: المفروض
زين بحنان: احساس صعب بس انتي قدها وقدود وزي معدتيتي الماضي هتعدي الي حصل
اسراء ضحكت بمراره: ل امتى ي زين
زين قبل جبينها بحب: طول عمرك قويه معتقدش انك هتتكسري بسهوله كده
اسراء اتنهدت: نفسي ارتاح واخد اجازه من حياتي يمكن ارجع زي الاول
زين: طلباتك اوامر ي اميرتي
اسراء باستغراب: بمعنى
زين: متخديش في بالك نامي بس
اسراء غمضت عنيها وسرعان م راحت في ثبات عميق
عند جين واش
جين: ادخلي واقفه عندك لي
اش دخلت من غير رد
جين: هتفضلي ساكته كتير
اش بصوت مهزوز: اوضتي فين
جين: قصدك اوضتنا
اش بصتلو: قولت اوضتي وعشان اكون اكتر توضيحا اوضتي مؤقتا
جين: بمعنى
اش: اكيد مش هنفضل سوا طول العمر يعني يعدي شهر ولا حاجه ونطلق
جين: مين قال كده
اش: انا قولت
جين: اخبطي راسك في الحيط
اش بغيظ: قصدك اي
جين رجع خصله من شعرها ورا ودانها: يعني مفيش طلاق
اش: وده لي يعني
جين: ميمشيش معاكي اني بحبك مثلا
اش ضحكت بسخريه: بتحبني هه انت مش مضطر تكدب عليا مش ده كان كلامك
فلاش باك
اش: اعترفتلك مره وانا اسراء وهعترفلك تاني وانا اش انا بحبك ي جين
جين بصدمه: اي
اش بابتسامه: ب ح ب ك
جين كان حاسس انو طاير من الفرحه بس تذكر انو ظلم بنت فقال ببرود: انا بحب واحده تانيه
اختفت الابتسامه من على وشها وقالت بصوت مقطع: انت بتهزر صح
جين ببرود: شايفه ان ده موضوع ينفع نهزر فيه
اش بصوت مخلوط ببكاء: طب وانا
جين: انتي اختي و بس
باك
اش: افتكرت معقوله هتجوز اختك
جين: انتي مراتي مش اختي
اش: جين انا حرفيا فيا الي مكفيني ف لو سمحت قولي هتخمد فين عشان مبقتش قادره استحمل وياريت تقفل الموضوع ده
جين مسك اديها وقعدها وقعد قصادها: مش هيتقفل غير لما تعرفي انا قولت كده لي
اش لسه هتتكلم بس جين قاطعها: اخلص كلامي بعد كده اكلمي. اخد نفس طويل وبدأ يتكلم بهدوء:اول مره اعترفتيلي فيها مش هنكر ان كان في مشاعر ليكي بس بشخصيه اسراء الجديده بس مكنش ينفع اخون اسراء ولا زين عشان كده رفضتك المره التانيه لاني كنت مجبور كان لازم ادور على البنت الي ظلمتها واتجوزها هي مكنش ليها ذنب بس ولله العظيم كنت بحبك فوق الحب اضعاف مضعفه بس غصب عني مكنتش عايز اعيش حياتي وانا شايل ذنبها عشان كده رفضت اعترفلك كنت بين نار حبك ونار احساسي بالذنب لما اسراء قالتلي انك البنت دي بقى جوايا احاسيس منها استحقرني لاني خونت ثقتك وثقه الي اعتبرتني سندها ومنها الي فرح ان في فرصه تبقي معايا انا ولله العظيم بحبك ي اش عشان خاطري انسي الماضي وخلينا نبدأ من جديد انا وانتي. حط ايدو على بطنها: وابننا او بنتا الي جايه
اش حضنتو وعيطت: وانا كمان بحبك اوي ي جين
جين بعدها ومسح دموعها وقال بإبتسامة: مفيش دموع بقى كفايه حزن
اش بحزن: واسراء
جين بتنهيده: متأكد انها هتسامحنا بس هي محتاجه وقت ترتب افكارها
اش نامت على كتفو بحزن وهي بتفكر هل فعلا هتسامحها ولا لا
يعدي اليل وتشرق الشمس معلنه يوم جديد
اسراء تفتح عنيها بنوم بس فتحتها على الاخر لما لقت نفسها في اوضه مش اوضتها وصوت البحر في كل مكان بصت جنبها ملقتش زين خرجت بسرعه: زين ي زيييين
زين حضنها من ضهرها: صباح الخير
اسراء بقلق: هو احنا فين وانت كنت فين احنا مخطوفين ولا اي مترد ي زين
زين: اهدي بس... دلوقتي حبيبتي كانت محتاجه تاخدي راحه وتفصل شويه وانا واجبي اني احققلها الي هي عيزاه ف فكرت اني اخطفها في مكان لوحدنا تريح فيه اعصابها وبالمره اقعد معاها شويه عشان الفتره الي فتت طنشتي اوي
اسراء ضحكت: ولله معارفه اعتزرلك ولا اشتمك
زين حضنها: احضنيني... ايوه كده شطوره
اسراء بابتسامة: تعرف اني بحبك اوي شكرا لوجودك
زين بابتسامة: تعرفي انك عشقي بعدين متشكرنيش لان انا الي المفروض اشكرك واحمد ربنا طول حياتي انك معايا انا الي يهمني اني اشوفك مبسوطه وفرحانه وبس
اسراء بصتلو بابتسامة وعيون لامعه بحب: فرحتي بوجودك وميهمنيش غيرك
زين ضحك: لفل الرومانسيه ضرب تاني
اسراء ضحكت: اقل حاجه عندي
في بيت المنشاوي
ايه: مقالوش هيجو امتى
بسنت:اسبوع وهيرجعو نكون احنا خلصنا شغلنا ونبدأ على طول
امجد موجهه كلامو ل تيم: المفتاح اهو تاخد بالك كويس وانتي ي بسنت وصلتي للمطلوب
بسنت: بعد التصفيه وقفت على عيليتن عيله الشناوي وعيله المحمدي وهنتأكد اكتر من الورق الي تيم هيجيبو
امجد: تمام اوي كده
يعدي اسبوع بدون احداث تذكر ويجي يوم التنفيذ
اسراء: ولقيتو حاجه تفدنا
اروى: في ورقه جواز عرفي بين واحده اسمها ايمان و استاذ تامر
اسراء: وريني كده. مسكت الورق وبصتلو بتركيز: هي
جاسر: طب و ايه هتستفاد حاجه من الورقه دي
اسراء: اكيد الورقه دي لو اتسلمت للمحكه استاذ تامر هيتجبر يكتبها ب اسمو بعد ميتأكدو من صحه كلامنا ويعملو تحليلDNA غير طبعا اننا اتأكدنا من حاجتين الاولى ان بالورقه دي ممكن نخلي عيله مامت ايه تتقبلها لانها مغلطتش وكان جوزها حتى لو عرفي التانيه عرفنا عيلتها
تيم: بس لسه منعرفش مكانهم
اسراء بابتسامة جانبيه: اروى
اروى: مكانهم في.............
اسراء : امجد
امجد: العيله مكونه ٨ اشخاص الجد وكبير العيله واسمو باسم الشناوي وعندو تلت عيال الاول وائل ومخلف ولد اسمو فهد التاني طارق وعندو ولد اسمو حمزه و بنت اسمها ملك التالته وتبقى توأم ايمان واسمها ساميه وعندها بنت اسمها الاء فهد و ملك متجوزين من شهر الى يومين حمزه و الاء متجوزين من اسبوعين محدش فيهم عمل فرح لان الجد لسه متأثر بموت بنتو
جاسر و تيم: واو
في مكان تاني
محمود: هتروحي انهرده
مريم: ايوه لازم اروح وكل البيت يعرف اني مراته وبعد كده ننفذ الخطه وناخد الورث ونهرب
محمود: مش عارف لي قلقان وشايف ان المفروض نستنى شويه
مريم: ومالو نستى شويه لغايه م ست ملك تبقى حامل ويكون فهد عرف اني مش حامل ولا حاجه ونروح في داهيه مش كده
محمود: اعملي الي تعمليه
بعد شويه
في بيت الشناوي
ملك بصراخ: بتخوني ي فهد هي حصلت تتجوز عليا كمان
فهد: اي التخاريف الي بتقوليها دي
ملك ورتو صوره ليه هو و مريم: اتفضل شوف التخاريف
فهد اتصدم ومعرفش يتكلم
ملك: متنطق ولا القطه اكلت لسانك
فهد:..... مفيش رد
ملك بهدوء ودموع: طلقني
فهد بعصبيه: انتي اتجننتي اطلقك اي وزفت اي
ملك بعياط وصراخ: ايوه اتجننت وهطلقني ي فهد غصب عنك برضاك هطلقني
فهد بعصبيه وزعيق: مش هطلقك ي ملك مش هيحصل لو على موتي واعلى م في خيلك اركبيه
ملك بصتلو بدموع ونزلت. هو زفر بعد بقوه ونزل وراها
فهد وقف لما شاف اتنين واقفين والعيله كلها متجمعه: انتو مين
: انا اسراء العمري ودي ايه الشناوي بنت ايمان الشناوي
ساميه بصدمه:اي
اسراء: صدمه مش كده بس مش صدمه ل باسم بيه ولا انا غلطانه
باسم بتنيهده: اقعدو
اسراء: احنا مش جايين نقعد جايين نقول كلمتين ونمشي
وائل: الي هما اي
اسراء: انتو الي قتلتو ايمان
باسم: لو كنت عايز اقتلها مكنتش رحمتها وهي عندي ولا انتي اي رايك
اسراء: تمام و ايه
باسم: عرفت من اسبوع
اسراء: ورأيك
باسم بص ل ايه بحنان بعدين شدها لحضنو وايه بكت في حضنو بشده
اسراء ابتسمت وكانت هتمشي بس وقفت
ايه: اسراء
اسراء بصتلها
ايه بإبتسامة وسط دموعها: شكرا
اسراء غمزت: الصخر لما بيوعد
ايه ضحكت: بيوفي
قاطع كلامهم صراخ ملك: كمان جايبها هنا هي حصلت ي فهد
اسراء بصت وراها باستغراب وكانت الصدمه: شاهي
مريم بتوتر وخوف: ا اسراء
فهد باستغراب: مين شاهي بعدين انتو تعرفو بعض
اسراء بإبتسامة جانبيه: عز المعرفه بس السؤال الصح بقى انتو تعرفوها منين
ملك بسخريه: مرات الاستاذ الي لو مطلقنيش دلوقتي هفرج عليه امه لا اله الا الله
اسراء: مراتو ازاي يعني مش فاهمه
فهد: ممكن ي ملك تسكتي عشان انتي مش فاهمه حاجه
ملك: انت تخرس خالص
طارق بحده: ملك
ملك سكتت وبصت ل فهد بعصبيه
باسم: فهمنا يبني مين الست دي
فهد بهدوء: مريم مراتي
اسراء اطلقت صوت ضحكات عاليا: يلهوااي هههههه مريم و مراتك هههههه
شاهي بتوتر: عن اذنكو
اسراء: راحه فين ي قطه ده انا مصدقت لقيتك لسه حسابنا متصفاش
فهد باستغراب: حساب اي انا مش فاهم حاجه
اسراء: انت عرفتني عليها بس بطريقه غلط ف احب اصححهالك. اسراء مسكتها من شعرها: اقدملك شاهي اشهر رقاصه في الشرق الاوسط ماضيا ونصابه حاضرا
فهد بصدمه: نصابه
اسراء هزت راسها: بظاابط نصابه. بصتلها: تحبي تقوللهم نصبتي عليه ازاي ولا اوريكي وشي التاني
شاهي بخوف: هقول ولله العظيم هقول بس ونبي متقتلنيش
اسراء بصوت عالي: انطااااااقي
شاهي بخوف وعياط: انا اسمي الحقيقي شاهي و سبت مصر من اربع سنين ع عشان متقتلش و ومحمود شريكي واسمو الحقيقي سيف ولما عرفنا انك غني قرب منك وبقى صاحبك عشان تطمن وتحكليو كل حاجه ب بعدين اتفقنا م مع صحابنا يعملو الحفله دي ويحطولك في العصير بتاعك دوا يخليك تهلوس وتتخيل حاجات مش حقيقيه عشان لما تفوق تفتكر انك غلطت معايا ولاننا عارفين انك مش هتخون صاحبك ف اتأكدنا انك هتتجوزني وبعدين امثل اني حامل ونقتلك وناخد ورثك ونهرب
فهد: انا مش مصدق الي انا بسمعو ازاي طلعتي*** دي
شاهي بعياط وخوف: اعمل فيا الي انت عايزو بس ارجوك انقذني منها
اسراء: ولله لو بين جيش مهرحمك غلطه عمري اني سبتك عايشه زمان لما حاولتي تاخدي مني زين بس ساعتها وعدتك ان المره الجايه بموتك ودلوقتي جه معادو
شاهي بعياط: ابوس ايدك متقتلنيش مستعده اعمل اي حاجه بس سبيني امشي واوعدك مش هتشوفي وشي تاني
اسراء بزعيق: فين سيف
شاهي برجفه: ع على اول الشارع م مستنيني ع عشان بعد م اعمل مشاكل بين ملك وفهد اعرف اهرب بسرعه
اسراء طلعت تلفونها: امجد سيف في........ تروح تجيبو بسرعه وارجع انا وحطو في المخزن وابعتلي حارس ياخد شاهي........... مش وقت كلام دلوقتي لما اجيلك هفهمك كل حاجه خلي بالك بس ليهرب....... سلام. وقفلت: ده انا هوريكي النجوم في عز الضهر
شاهي بعياط وصراخ: انقذوني منها ونبي انا مش عايزه اموت. وقعدت تعيط
اسراء بملل: انتي صدعتيني. طلعت مسدس وضربتها بالخزنه على راسها فوقت مغمي عليها والحارس جه واخدها
بعد شويه من تلقي الصدمات
حمزه: انتي بتشتغلي اي او اي السبب الي يخليها خايفه منك كده
اسراء: عشان رئيسه مافيا مثلا
حمزه بصدمه: نعم
اسراء: سابقا
ملك بصت ل طارق بحزن: هو ده السر الي كنتو مخبينو عني
طارق: غصب عننا ي ملك فهد عرفني كل حاجه لما كان مسافر وانا اشترط عليه انو يبعد عنك بمقابل اني اساعدو بس مكنتش اعرف انك بتحبيه كده
اسراء: الي فات مات المهم انك متكونيش شايله من فهد هو اتنصب عليه وعمل كده عشان بيحبك
فهد: قوليلها ونبي دي من الصبح قاعده تقولي طلقني
باسم: انتي تبقى بنت مهاب العمري
اسراء باستغراب: انت تعرفو
باسم بإبتسامة: عز المعرفه ده انا الي مربيه الى هو فينصحيح
اسراء بحزن اخفته: تعيش انت
باسم بصدمه: مات
اسراء: يااه من زمان اوي
ياسم بحزن: لا حول ولا قوة الا بالله طب واخواتك
اسراء: روح هي كمان حصتلو مفيش في العيله غيري انا وتوأمي اش
باسم: طب وابن عمك
اسراء: ابن عمي مين انا اصلا معنديش اعمام
باسم: لا ازاي انتي عندك عم اسمو عمرو اخر اخبار وصلتلي عنو قبل ميموت ان عندو ابن
اسراء بصت قدامها بصدمه بعدين بصتلو: لو سمحت لو تعرف حاجه قولهالي قولي كل حاجه تعرفها
في بيت المنشاوي
جين: انت شايف ان ده وقت مناسب اعرفها فيها الحقيقه
امجد: ولحد امتى هتفضل تهرب منها اسراء لازم تعرف لازم نبدأ حياتنا من جديد من غير ميكون في حد مخبي حاجه عن التاني
جين: صعب اوي ي امجد
امجد: لازم تقولهم كل حاجه حرام يكون ليهم ابن عم وميعرفوش عنو حاجه
جين بتنهيده: حاضر لما تيجي هتكلم معاها المهم هنعمل فيهم اي
امجد: اسراء قالت نقتلهم تخش انت ولا اخش انا
في بيت المهدي
البوليس هجم على البيت
ياسمين بفزع:في اي...اي الي بيحصل ده
الظابط:فين تامر المهدي
ياسمين: لي ه هو عمل اي
الظابط:انتي مين
ياسمين:انا مراتو
الظابط:يؤسفني ي هانم اقول ان زوج حضرتك بيتاجر في الاعضاء
ياسمين بصدمه:ا اي ج جوزي انا لا لا اكيد في حاجه غلط
تيم بحزن!للاسف ي ماما دي الحقيقه
ياسمين بصت لتيم بصدمه معقول كل ده عايشه مع واحد بيكدب عليها بدأت عنيها تقفل واغمى عليها
تيم بفزع:مامااااا
في بيت الشناوي
اسراء دموعها نزلت وهي مش مصدقه الي بتسمعو: ط طب متعرفش اسمو او اي حاجه توصلني ليه
ايه بحزن وهي بتربط على كتفها: اهدي ي اسراء كل حاجه هتتحل بس اهدي
باسم: ولله ي بنتي انا معرفش غير اسمو
اسراء بلهفه: اي
باسم: اسمو جين
كانت دي اكبر صدمه في حياتها يعني ابن عمها طول المده دي قدامها وهي متعرفش
ايه: اسراء انتي كويسه
اسراء بصتلها وهي لسه تحت تأثير الصدمه بعدين قامت بسرعه وركبت عربيتها وساقتها بسرعه غير مهتمه بنداء الاخرى
ايه في سرها: تااااني هو مفيش راحه ابدا
طارق: قوليلي ي ايه انتي اي الي حصلك وتعرفي اسراء العمري منين
ايه قالتلهم على كل حاجه من يوم مكانت في الملجأ لغايه اللحظه دي
ساميه حضنتها وعيطت: يحبيبتي يبنتي كل ده حصلك. بصتلها: انتي مش يتيمه مامتك كانت توأمي وكل حياتي وانتي حته منها يعني حته مني انا كمان من انهرده انا في مقام مامتك ماشي يحبيبتي
الاء:والاكيد اننا في مقام اخواتك ولا اي
ايه بفرحه وعياط: انا فرحانه اني لقيت عيلتي بعد التعب الي عشتو
باسم بحنان: ماضي وعدى بوجعو المهم انك وسطنا دلوقتي
وائل: طب وتامر
ايه: زمانو اخد جزاتو دلوقتي
وائل: بس بسببو اتحرمت من اختي لازم انتقم من ابنو عشان يحس نفس احساسي
ايه بفزع: لا تيم لا عشان خاطري ي عمي متأذيهمش هم ملهمش ذنب وكمان هو الي ساعدني اني اعرف مكانكو هو و جاسر
باسم باستغراب: جاسر ابن اخوه
ايه: وخطيبي حاليا
باسم بغضب: كمان عايزه تتجوزي من العيله دي
ايه: ي جدي جاسر و تيم مظلومين زيي بظبط. وحكتلو على الي تامر عملو معاهم: غير اني مشوفتش منهم حاجه وحشه عشان خاطري ي جدي انسى الماضي ومتقفش في طريق حبي
باسم بعد تفكير: الي تشوفيه يبنتي بس مترجعيش تندمي
ايه بفرحه: صدقني مش هندم ابدا
في اوضه ملك و فهد
ملك: اي شغل العيال ده ازاي تسحبني من وسطهم كده زي الحراميه
فهد حاوط خصرها: مسمحاني صح
ملك وهي بتحاول تزقو: لا
فهد قبل خدها: وكده
ملك: فهد ابعد
فهد قبل خدها الاخر: وكده
ملك: بقول ابعظ مبهزرش
فهد قبل شفتيها قبله طويله يعبر عن مدى حبو لها: وكده
ملك بعياط: انت كدبت عليا ي فهد
فهد: ولله العظيم غصب عني مكنتش عايز اخسرك حتى لما اتجوزتها رسمي مقربتش منها عشان الي ساكن قلبي انتي و بس
ملك حضنتو: اول واخر مره؟
فهد بابتسامه وهو بيضغط على حضنها: اول واخر مره
في المستشفى
تقى بحزن على حالتو:متقلقش ان شاء الله هتبقى بخير
في اللحظه دي الدكتور خرج
تيم  جرب عليه بخوف ودموع:هي كويسه صح
الدكتور بأسف:البقاء لله
تيم بصراخ:لا انت بتكدب عليا هي كويسه ماما يستحيل تسبني لااااااااااا
في القسم
الظابط: مفيش داعي للانكار في ورق ومستندات بيثبت انك بتاجر في الاعضاء
تامر: اطمن على مراتي الاول بعدين هقول كل حاجه
صوت تلفون الظابط: الو......... ونعم بالله........ مع السلامه. وجه كلامو ل تامر: للاسف المدام اتوفت
تامر بصلو بصدمه ومنطقش
الظابط: البقاء لله
تامر ضحك بجنون: ماتت هههههه ماتت خلاص وسابتني ههههه. وبدأ يكسر في كل حاجه:سابتني لييييي انتو السبب انتو الي قتلتوها
الظابط: اطلبلي مستشفى الامراض العقليه بسرعه
في بيت المنشاوي
اسراء بدموع: يعني كنت عارف ورغم كده مقولتليش
جين بحزن: انا اسف بس كان هيبقى في خطر عليكو
اسراء حضنتو وعيطت وجين بيهديها
وبعد شويه كانت هديت
جين: كفايه لغايه كده ونبدأ حياتنا من جديد من غير وجع ولا اسرار والغاز ولا اي
اسراء بصت ل اش الي واقفه ورا جين وبتعيط بعدين ابتسمت: ولا اه
عدت سنتين على اليوم ده واخيرا كل المشاكل اتحلت وحياتهم بقت مليانه راحه وحب رجعو يتلمو تاني ومحمد وساره رجعو مصر بعد شوق كبير ليهم وسنين طويله وهم بعاد واتعرفو على عيله ايه وبقو عيله واحده جاسر اتجوز ايه اخيرا بعد م باسم طلع عينو و تقى ساعدت تيم انو يتخطى فتره حزنو ويرجع لحياتو الطبيعيه بسنت سامحت اش ولان اش كانت حاسه بالذنب لانها السبب في ان بسنت متخلفش ف فضلت تسأل دكاتره كتير وتدور لغايه م لقت عمليه بسنت تقدر تعملها برا مصر وبعد علاج طويل ربنا اراد وحملت و اروى بقى عندها لؤي الي اسر صمم يسميه الاسم ده عشان لؤي الي اروى كانت بتهتم بيه وهي فرحت جدا بالقرار ده وطفلتنا زينه مطلعه عين يوسف بذات بعد م بقت شبه الكوره اصلها بقت حامل برضو هتربي عيال ازاي دي وهي اصلا عيله يلا مش مهم الله يكون في عونك ي يوسف اما تامر ف اتحجز في مستشفى الامراض العقليه لانو متقبلش موت ياسمين رغم انو كان شخصيه شريره في الحكايه الى انه كان بيحب ياسمين جدا ومقدرش يتحمل فكره فراقها وانهرده يوم تجمع العيله كلها وقصدي بالعيله مش عيله المنشاوي بس تؤتؤتؤ قولت فوق انهم بقو عيله واحده
زين: مش ملاحظه ان من ساعه م ساره رجعت وانتي مطنشاني
اسراء حاوطت رقتبو وهي بتضحك: حتى اختك مش عاتقها تبا لغيرتك يجدع
زين: لا ولله طب اوعي بقى عشان مش فاضي
اسراء: خلاص بقى متبقاش قموص. وقبلته بحب وهو تعمق في قبلتها ف هو لا يستطيع مقوامتها
صوت خبط على الباب جعلها تبعت عنه سريعا وزين يسب ويشتم من الي قطع لحظتو
اسراء فتحت ووطت لمستوى تلك الصغيره: في اي ي سو
ساره: كلهم جم تحت ومستنينكو
اسراء: ماشي ي حبيبتي انزلي انت واحنا جايين وراكي
ساره لسه هتنزل بس وقفها صوت اسراء: مش ناسيه حاجه
ساره ابتسمت وقبلت خدها ونزلت
زين:لا كده كتير ولله لخطفك وتبقي قبليني لو رجعنا
اسراء بضحك: يلا ي زين ننزل يلا ي حبيبي
تحت
كان البيت مليهان بلبهجه حيث ان الشباب قاعدين يهزرو ويضحكو وباسم ومحمد بيلعبو طاوله تحت ضحكاتهم والبنات في المطبخ وكالعاده يمسكو واحده فيهم ويتريقو بعدين يبدلو وساميه و يسرى و فاطمه و مامت جاسر ومامت يوسف قاعدين ينمو على خلق الله عادي
بعد شويه
زين: طب بمناسبه اللمه الحلوه دي عندنا ليكو خبر حلو
زينه: هتفتح مصنع شكولاته ولا اي
يوسف خبطها على دماغها: كل الي بتفكري فيه كرشك وبس
اروى: فككو منهم قولو بسرعه
زين حط ايدو على كتف اسراء بابتسامه: في روح جديده هتيجي على البيت
بصو لبعض باستغارب بعد دقايق
بسنت: لحظه كده قصدك ان اسراء حامل
اسراء بابتسامه هزت راسها
الفرحه ظهرت على وش الكل وبدأت المباركات والضحك
زين بهمس ل اسراء: بحبك ي متمردتي
اسراء بهمس: بعشقك ي مغروري
تمت
لولولولولي 💃💃💃 اخيرا خلصت رأيكو بقى