ما بين متمرد و مغرور (الجزء الثاني)

خمسه و عشرون

ما بين متمرده و مغرور
الجزء الثاني
٢٥----------------&

جاسر:واكيد انتي عارفه الموضوع مهم بنسبالنا ازاي
اسراء كانت كل ده سرحانه
جاسر: اسراء انتي معايا
اسراء فاقت: ها اا اه اه انا معاك
جاسر: قولتي اي هتعرفي تجبلنا اي حاجه عنها
تلفون اسراء رن: الو........ ايوه......... طلعت اي......... متأكد......... خلاص تمام شكرا. وقفلت
زين باستغراب: في اي
اش: مصيبه صح انا عارفه انتي اصلا وش مصايب
اسر: نجهز السلاح يعني
بسنت: ولا المخزن
يوسف: وحيات امك اتكلمي
اسراء: م هو انتو لو سبتولي فرصه هقول
جين: المايك معاكي
اسراء اتنهدت: انا عرفت مكان اختك
تيم: هو يعني احم انتي بجد
زينه: انتي بتتكلمي بجد ولا بتهزري
يوسف موجهه كلامو ل زين: متجوز نينجا حرفيا
زين: شوف انا قاعد معاكو اهو بس ولله مفاهم حاجه
امجد: متتكلمي يبنتي عرفتي منين
اسراء: م انتو لو سبتولي فرصه واحده هقول ولله بصو جين قايلي موضوعك من اسبوع ومن ساعه م عرفت وانا شاكه في حاجه ولما اتأكدت منها عرفت مكان اختك وكمان اعرف ماضيها
بسنت: كل ده تمام وزي الفل اي بقى الحاجه دي
اسراء: حد فيكو فاكر يوم م ايه اتخطفت
جاسر: ايوه انا فاكر اليوم ده ايه كلمتني وروحتلها بس مرضيتش تحكيلي اي حاجه
اسراء: اهو اليوم ده بقى كان طرف الخيط عشان لما ايه اتخطفت حطوها في نفس المكان الي كنت فيه وهي حكتلي ماضيها وده قبل م تهرب جه دلوقتي جين حكالي على الي ابوك عملو بصراحه انا كان عندي احساس كبير بيأكد ان الي بفكر فيه صح بس مكنش ينفع اديكو امل على الفاضي ف عملت تحليل DNA بينك انت وايه والنتيجه طلعت زي متوقعت بظبط
تيم بصدمه: يعني ايه تبقى اختي
صوت كسر كوبايه بصو وراهم لقو ايه بتبصلهم بصدمه ودموع وتقى حاطه اديها على بؤها وهي مش مصدقه الي بتسمعو
ايه بدموع وصدمه: يعني تيم كان هيبقى هدفي في الانتقام صح هه. ضحكت بسخريه: والشخص الي حبيتو
طلع ابن عمي الي اصلا مكنتش اصدق ابدا اني احب من العيله دي بقى جاسر يطلع قريب الي دمرلي حياتي.صرخت:الي خلى حياتي كلها جحيم. وجهت كلامها ل تيم: ويترا بقى كنت عارف ان ليك اخت ابوك ظلم امها ولا لا
اسراء راحتلها: انا عارفه ان الحقيقه صعبه ي ايه بس تيم و جاسر ملهمش ذنب جاسر لما عرف ان ليه بنت عم وهو قالب الدنيا عليها وبمجرد م تيم رجع مصر وهو مش سايب اي فرصه غير لما يكون بيدور عليكي بلاش تاخديهم بذنب هم ملهمش يد فيه زي م انتي اتوجعتي هم برضو اتوجعو ولازم تبقو ايد واحده عشان تقدرو تكملو الطريق لسه طويل مينفعش نبتديه  بالخناق كل دقيقه بتمر هيكون عليها سنين احساس بالذنب مش كل الي في الحكايه وحش فكري كويس وانتي هتتاكدي من كل كلمه بقولها
عدت دقايق من الصمت حتى قاطعو تيم وهو يذهب اليها وقف امامها لثواني حتى سحبها لاحضانه: انا اسف على كل لحظه اتوجعتي فيها وانا مكنتش جنبك وعد مني ليكي اني هجبلك حقك ومش هسيبك ابدا
ايه ضغطت على احضانو وبكت بشده
بعد شويه
اسراء بملل: مش كفايه ولا اي انا زهقتلكو بصراحه
تيم: على فكره انتي فصيله
اسراء: مش احسن م افضل م اتفرج على فلم حزين يلا اخلصو ورانا شغل كتير
تيم وايه و تقى قعدو
اسراء: كده تمام في حد عندو مشكله تاني
ايه و جاسر: انا
اسراء: كلي اذان صاغيه
ايه وجاسر بصو لبعض ومستنين ان التاني هو الي يبدأ
جاسر خاف من رد فعل ايه لما تعرف انو عايز ينتقم من باباها لانو قتل ابوه
ايه خافت تبدأ ازاي هتقولهم انها عايزه تنتقم من تامر مهما كانو تيم يبقى ابنو و جاسر يبقى ابن اخوه صح العلاقه بنهم مشتته بس مش لدرجه القتل والانتقام
امجد: هتفضلو ساكتين كتير
ايه وجاسر: ابدأ/ي انت/ي
اسراء:بسنت
بسنت بملل: كل واحد فيهم خايف من رد فعل التاني على الي هيقولو
ايه وجاسر بصدمه: انتي عرفتي ازاي
بسنت: دارسه علم نفس بجانب اني مدربه على ردود الافعال.رفعت كتفها بلامبلاه:لمعلوماتكو بس انتو الاتنين هدفكو واحد
تقى: احلى فريق ده ولا اي
تيم: مفيش حد بيعرف يطلع ارنب من الطقيه
جين: لمعلوماتك احنا فريق مافيا مش سحره
اسراء: اقعدو ارغو انتو وانا هطلع اناملي ساعتين تكونو قررتو مين الي هيتكلم الاول 
ايه: لا لا استني خلاص هقول
اسراء بصتلها باهتمام
ايه: انا كنت واخده وعد على نفسي اني انتقم من الي كان السبب في كسره وموت امي وللاسف من بنهم ابويا
تيم: ودلوقتي
ايه: انا اسفه ي تيم بس انا لسه عند وعدي
اسراء بصت ل جاسر:وانت
جاسر: تقريبا هدفها هو هدفي عمي تامر قتل ابويا واخد كل ورثي. بص ل اسر و زين: من غيرهم كان زماني هبقى في الشارع شكرا ليكو كنتو ومازلتو اجدع صحاب
اسر:متقولش كده احنا اخوات
اسراء ل تيم: رأيك اي
تيم: مش هنكر ان بابا اذى ناس كتير حتى اذاني انا شخصيا. سكت شويه بعدين كمل: بس مهما كان هو ابويا يعني مش هقدر اكون السبب في موتو
اسراء بصت ل زين وهزت راسها بقله حيله
زين: مش هناخد اي قرار بخصوص استاذ تامر دلوقتي مصيرو هيكون بالاتفاق بينكو. وشاول على ايه وتيم و جاسر
يوسف: صح كده بس اعبال متتفقو هنعمل اي
اسراء: هندور على عيله ام ايه لان في ضلع ناقص
تقى: بمعنى
اسراء: من كلام تيم بيقول ان الي قتل مامت ايه تبقى عيلتها ومن كلام ايه بتقول ان استاذ تامر السبب يعني الي قتلها لغايه دلوقتي مجهول
جاسر: وهنوصلهم ازاي
تيم بتفكير: ممكن يكون في اي حاجه توصلنا ليهم في خزنه بابا
اروى: خلاص يبقى الموضوع سهل تقدر تاخد المفتاح بسهوله
تيم: للاسف الموضوع اصعب مما تتخيلي المفتاح محدش يعرف مكانو غير بابا
تقى: وبعدين
تيم: الطريقه الوحيده اننا ناخدو منو لما يكون برا البيت لما بيخرج بيكون المفتاح معاه
اسر: انت فاكر ان ده سهل ده اصعب مما تتخيل
تيم: مفيش طريقه غير دي
زين: خلينا نفكر براحه ونشوف طريقه. بص ل اسراء: سيبي الزفت ده دلوقتي
اسراء: عايز اي
زين: فكري هناخد المفتاح ازاي
اسراء: لما اخلص الجيم ده هفكر جامد اوي سبوني بقى
اروى: يالله مرارتي خلاص في ذمه الله سبوكو منها خلينا احنا نشوف طريقه
زين:فكرو انتو اعبال مخلص المكالمه دي.وخرج
بعد شويه من التفكير
اش: انا عندي فكره بس المشكله مين الي هتوافق تعمل كده
جين: قولي ونبقى نشوف بعدين
اش:.......... بس كده
تقى:هو حل كويس بس صعب
جاسر: سيبك من انو صعب سؤال اش في الاول صح مين الي توافق تعمل كده
فضلو يبصو لكل واحده شويه ورد فعلها انها تعمل نفسها عبيطه وتبص الناحيه التانيه لغايه م بصو على اسراء
اسراء بضيق: اففف خسرت كنتو بتقولو اي بقى. رفعت راسها لقتهم كلهم بيبصو عليها: اي ده في اي
ايه: صح كده مفيش غيرها
بسنت وهي بتحاول تكتم ضحكها بس فشلت: ياااه هيبقى حته يوم
اسراء بصتلهم برفعه حاجب: ولله انتو مجانين انا طالعه. وخرجت
زينه: تفتكرو هتوافق
اسر: او زين هيوافق
اش: مش هنعرف حد فيهم اصلا من جهه زين مش هيعرف حاجه خالص غير لما الموضوع يخلص من جهه اسراء ف هنحطها قدام الامر الواقع
اروى: يسلام بالبساطه دي
اش: هي دي الطريقه الوحيده محدش فيهم اصلا هيوافق ولو قدرنا نقنع اسراء ف يستحيل زين يوافق
اسر في سرو: ربنا يستر
في صباح اليوم التالي
اسراء فتحت عنيها على اخرها من الصدمه وهي باصه للفستان الي على السرير: انتو بتتكلمو بجد
بسنت: مش وقت صدمات خالص قومي البسي بسرعه عشان مفيش وقت
اسراء بعصبيه: يستحيل البسو او انفذ الي في دماغكو على جثتي لو الموضوع ده تم
.............................
اروى: بقولك ي بسنت مسمعتيش واحده كانت بتقول على جثتي لو الموضوع ده تم
اسراء بصتلهم بغيظ: لو متخرستيش هقوم اسوى وشك بالاسفلت
زينه حطت المسات الاخيره: طب بالله عليكي مش حرام تخبي الجمال ده كلو الله يكون  في عونك ي خويا ولله
اسراء: اسكتي انتي كمان انا مش عارفه هعمل اي لما اخوكي يعرف اكيد اكيد هيسلخني
اروى: ولله انتي مفاهمه حاجه ده زين لما يشوفك هيشكرنا اننا طلعناكي من جو عبد موته ده
اسراء: في اي يحجه
اروى: ي هبله افهمي حلو انك تكوني بميت راجل بس مش على جوزك عيشي ي ماما اومال لو كنتي وحشه كنتي عملتي اي
اسراء: قصدك ان زين ممكن يسبتي عشان شكلي
زينه: احنا مقولناش كده انتي اصلا مينفعش تحطي حب زين ليكي في اي كافه او في اي رهان لان من غير تفكير حبو ليكي هيكسب احنا بنقول غيري من نفسك عشان نفسك عشان اسراء انتي م شاء الله جميله لي تخبيه
اسراء: معرفش بس انا مش بعرف مش حاسه ان اسراء تلبس فساتين وتحط مكياج مش حساها كده مهو مش معقوله بعد كل الي عملتو عشان اكون بالقوه دي ادمرها عشان فستان
اروى: انتي بتضحكي علينا ولا على نفسك اي علاقه اللبس والاهتمام بالنفس ب قوه الشخصيه
بسنت: هي بتستعبط فعلا عايزه تفهميني ان روح الي بيتهزلها رجاله بشنبات حتى بعد موتها انها كده ضعيفه بعدين مهما حاولتي ف في الدنيا الاقوى منك بعيدا عن كده روح رغم انها كانت شديده والحدود ديما محفوظه الى انها معملتش زيك وخبت جمالها تحت مسمى انها قويه مينفعش تعمل كده
اسراء بقله حيله: تعرفو المشكله فين ان فعلا عندكو حق بس اعمل اي احيانا بنسى اني بنت او مش احيانا ده ديما بس بيبقى غصب عني
زينه خلصت اللمسات الاخيره وقعدت قصادها: ده الي انتي بتحاولي تقنعي نفسك بيه لغايه م صدقتي كدبه انتي اخترعتيها. قومتها ووقفتها قصاد المرايا: بصي لنفسك كده بقى دي تستحق انك تخبيها ركزي وقوليلي شايفه اي.... اقولك انا شافه بنت زي القمر الدنيا جت عليها كتير من صغرها بس كانت بتحول ضعفها ل قوه ورغم كل وجعها الى انها لسه جميله زي م هي
ظهر شبح ابتسامه على صغر اسراء وهي تنظر لنفسها بسرحان حتى قطع سرحانها صوت اش وهي بتدخل
اش: اوبا على الموزه شوفي انا وانتي توأم بس للاسف غلبتيني برضو اي يبت الشياكه دي
اسراء: بجد شكلي حلو
اش: حلو اي بس ده انتي بطل اه يبختك يواد ي زين متجوز قمر بس انتي قمر عشان انا اختك خلي بالك
اسراء ضحكت: لسانك عايز قطعو خلي بالك
اش: لا وعلى اي اللسان مش بعزقه المهم العربيه تحت وانتي كده تمام تقمضي دور الاجنبيه بقى
اسراء: ولله الواحد قلقان عشان دي افكارك مش عشان الي هيحصل
اش: عيب عليكي ده انا اش يعني انتي مش عرفاني
اسراء: المشكله اني عرفاكي يلا انا نازله بقى Good-bye. ونزلي
اش: اهي هتعمل نفسها اجنبيه علينا
في بيت المهدي
تقى بإبتسامة: انا الي مبسوطه اني اتعرفت على حضرتك ي طنط
ياسمين: طنط اي يبت انتي انا هنا في مقام مامتك يعني تناديني ماما
تقى بابتسامة: عنيا ليكي ي ماما
ياسمين بابتسامه: عيون ماما ولله تعرفي يبت ي تقى اني فرحانه بيكي اوي كان نفسي اخلف بنت من زمان بس الحمد لله على كل شئ خلفت بغل
تيم: على فكره ده تهزيق وانا لا اسمح
ياسمين: انت اي اي مقعدك معانا اصلا روح شوف شغلك
تيم: انا مش ورايا حاجه
ياسمين: هتقوم بالزوق ولا اجيب الشبشب
تيم وقف: وعلى اي مش كفايه حكتيلها طفولتي المشرده كمان عايزه تشرديني قدامها انا همشي بالزوق احسن
ياسمين: ومتجيش تاني خليني اعرف اقعد مع بنتي حبيبتي براحتي
تيم: عليا النعمه انا الي ابنك مش هي
ياسمين: ولا اعرفك
تيم: عجبك كده ي ست تقى اخدتي امي مني
تقى حضنتها: دي مامتي حبيبتي دي
تيم: الله الله حتى انتي ماشي هبقى اظبطك بعدين انا ماشي ولما تحبي تمشي ابقي رني عليا عشان اوصلك
تقى: حاضر
تيم مشي
ياسمين: احكيلي بقى
تقى: انا تقى عندي ٢٦ سنه اهلي اتوفو من وانا صغيره واتربيت في بيت عمي لغايه موصلت ل سن اقدر اعتمد على نفسي فيه واشتغلت واتعرفت على صاحبتي ايه الي في مقام اختي وحاليا عايشين سوا
ياسمين بحزن: ربنا يرحمهم يارب
تقى: يارب
خرج تامر وهو بيقول: انا خارج لو احتاجتي حاجه كلميني
ياسمين بابتسامة: تروح وتيجي بالسلامه ي حبيبي بص دي تقى مرات تيم ابننا شوف قمر ازاي
تامر ببرود: اهلا
تقى بتوتر: اهلا بيك
تامر مدهاش اهتمام وخرج
ياسمين: متزعليش يحبيبتي هو بس لسه مستوعبش الي حصل
تقى بابتسامة بسيطه: لا ابدا محصلش حاجه... كمليلي بقى تيم عمل اي في الولد الي اخد منو الشنطه وهو صغير
ياسمين ضحكت: اسكتي ده عمل مصايب بصي بقى
ونسبهم ونروح ل تامر
مشي شويه بعدين لقى فتاه جميله يظهر عليها القلق والخوف كانت في غايه الجمال كان جسدها طويل وممشوق ترتدي فستان رقيق ابيض يصل للركبه وشعرها الطويل الذهبي الذي يغطي ظهرها بالكامل يختفي جزء منه تحت قبعه رقيقه بيضاء
تامر: محتاجه مساعده
الفتاه باستغراب: Are you talking to me
(هل تتحدث الي )
دلوقتي اكيد عرفتو هي مين
تامر في سرو: باين اليوم هيبقى عسل: Can i help you
(أيمكنني مساعدتك)
(لتوفير الوقت عليا وعليكو اعتبرو الكلام الي بالغه العربيه انجليزي لان الخلق يدوب 🤏🏻 )
اسراء: اوه شكرا لك هل يمكنني استعاره هاتفك
تامر: بالطبع لا مشكله
اسراء اخدت التلفون: شكرا. واتصلت على زين وبعد ثواني اتاها الرد : اهلا حبيبي
زين باستغراب: اسراء؟! 
اسراء: اجل
زين: بتتصلي برقم غريب لي
اسراء: هل يمكنك المجئ
زين: في اي يبنتي بتتكلمي كده لي
اسراء موجهه كلامها ل تامر: عذرا ولاكن ما اسم هذا الطريق
تامر:.......
اسراء: انا في........
زين: انتو اتفقتو على الخطه امبارح
اسراء ف سرها:اخيرا فهمت : اجل
زين: خلاص فهمت مسافه السكه وهكون عندك
اسراء براحه: حسنا لا تتأخر. قفلت : شكرا لك
تامر: لا شكر على واجب. حاول يفتح معاها كلام: هلهذه المره الاولى لكي في مصر
اسراء: اجل
تامر: ستحبينها كثيرا
اسراء بإبتسامة: لقد احببتها بالفعل
عند فهد
مريم بدلع لفت اديها حوالين رقبتو: خليك معايا انهرده
فهد بعد: معلش ي مريم بس مش ينفع انا مقولتش ل ملك اني هتأخر وكفايه اني قعدت معاكي امبارح
مريم: انا زهقت بقة كل حاجه ملك قالت ملك عملت حس بيا لو ل مره واحده انا مراتك ورغم كده مليش اي حق في حاجه تخصك حتى انت مش بتعاملني كاني مراتك كل مقولك تعالى نخرج مينفعش عشان محدش يشوفنا ويقول لملك بات معايا انهرده مش هينفع عشان ملك انا كرهتها من قبل حتى مشوفها
فهد: اظن انتي عارفه انا اتجوزتك لي وعارفه اني بحبها وقولتلك هحاول اتأقلم عليكي وده غصب عني مش بايدي اتحكم في مشاعري اتجاها ياريت تقدري اني حتى بسيب مراتي الي لسه متجوزها م بقاليش اسبوعين وبرضو بجيلك عشان محسسكيش ب اي حاجه
مريم: ولما اولد هيكون اي مصيرنا
فهد بتنهيده: قولتلك هحاول امهدلهم الموضوع. سكت شويه بعدين قال: عن اذنك بس انا لازم امشي. ومشي من قبل حتى ميسمع ردها
مريم قعدت على الكرسي ودموعها نزلت
ركب عربيتو واتنهد بتعب هو حاسس بالذنب اتجاه مريم بس غصب عنو قلبو
مش بينطق غير باسم ملك كانو حالف محد هيدخل جواه غير ملك ملك و بس
في بيت الشناوي
الاء بابتسامة: انا فرحانه اوي اخيرا كل واحد فينا اتجمع مع الي بيحبو انا اتجمعت مع حمزه الي طول عمري بحلم باليوم الي نبقى فيه سوا وانتي بقيتي مع فهد. اخدن تنهيده براحه: حبنا كان ومزال قوي وهيفضل كده طول العمر
ملك بسرحان: ياريت يكون كلامك صح
الاء: مالك ي ملك
ملك محاوله الابتسام: مفيش حاجه انا كويسه اهو
الاء: على لولو برضو انا اختك يبت هتخبي عليا يعني متقولي في اي
ملك انهارت في احضانها والاء اتفزعت من منظرها: بسم الله الرحمن الرحيم مالك ي حبيبتي فيكي اي
ملك بعياط: ف في ح حد بعتلي رساله وقالي ان فهد بيخوني وبعتلي صوره ليه و و وهو نازل من بيت غريب
الاء: معقوله هتشكي في فهد برضو هو انا الي هقولك هو بيحبك قد اي مش يمكن يكون ده بيت واحد صاحبو او حتى ميكونش ودي صوره متفبركه عشان تشكي فيه
ملك بعياط: مش عارفه مش عارفه انا ولله واثقه فيه بس في احساس جوايا مخوفني مش هقدر استحمل الخيانه منو ي الاء انا بحبو اوي
الاء: وهو بيعشقك يحبيبتي بعدين فهد يوم م يخونك هيقولها في وشك مشاء الله يعني ربنا رزقو ببرود ودبش مش عند حد بصي اي رايك نقول ل فهد ويعرفلنا ده رقم مين
ملك بعدت وقالت بسرعه: لا لا مش عيزاه يعرف حاجه اوعي تعرفيه حاجه
الاء: حاضر بس انتي ناويه على اي
ملك بتنهيده: مش عارفه سبيها على ربنا هو القادر يحلها من عندو
الاء: ونعم بالله. مسحتلها دموعها: اوعي تعيطي تاني بيبقى شكلك وحش يلا وريني الضحكه القمر
ملك حضنتها بإبتسامة: ربنا يخليكي ليا ي احلى الاء في الدنيا
الاء بابتسامة: ويلخليكي ليا يحبيبتي
عند اسراء
تامر: ما سبب زيارتك ل مصر
اسراء: انا متزوجه من رجل مصري منذ فتره قليله وعلم اني احب مصر كثيرا ف اصتحبني لزيارتها ووعدني بزيارتها كل مده
زين وصل للمكان الي قالتلو عليه فضل يدور عليها ملقهاش
زين باستغراب: هي فين البت دي. سمع اصوات ضحك فنظر اتجاه الصوت ف رأى تامر وامامو تلك الفاتنه الذي عرفها بمجرد م رأها: نهار ابوكي اسود
اسراء: حقا اشكرك لانك بقيت معي ف انا اخاف كثيرا من الاماكن المذدحمه
تامر: لا تشكريني ف هذا واجبي اتجاهك
اسراء لسه هتتكلم بس سكتت لما حست بنفس سخن وغاضب وراها وعرفت على طول انو زين قالت في سرها: ربنا يستر
زين همسلها: لينا بيت يلملنا صدقيني هخليكي تندمي على كل واحد شافك بالشكل ده
اسراء بدأت تتوتر بس تمالكت نفسها: حسنا لقد وصل زوجي عليا الذهاب الان اتمنى ان اراك مجددا واشكرك مره اخرى
تامر بابتسامة: لا شكر على واجب
اسراء حضنتو: يالك من رجل نبيل
(-في سخونيه هنا....... # لا لا مفيش حاجه ده دم زين بيغلي بس وبيطلع دخان من ودانو)
زين سحبها وزقها على كرسي العربيه وركب جنبها وساق بسرعه جنونيه
اسراء كانت قاعده بتتشاهد بس حبت تلطف الجو: احم زين ه
ملكملتش كلامها بسبب صوتو الي بيشبه لصوت الاعصار: لو خايفه على حياتك مسمعش نفسك لغايه منوصل
اسراء مشت اديها على بؤها بمعنى سكت 🤐🤐
بعد دقايق كانو وصلو وبمجرد م العربيه وقفت واسراء طارت على البيت قبل ميوصلها
يوسف بذهول: اوبااا مين البطله
اسراء وهي بتبص حواليها: استخبى فين استخبى فين بسرعه
جين بسرحان وابتسامه: في حضني
اسراء بصت وراها لقتو بيقرب من البيت بخطوات سريعه وغاضبه فقلعت الكعب وجريت بسرعه على فوق
امجد بغمز: من امتى بتجبهم هنا يخلبوص
اسر: لاول مره اتمنى اكون انا الي جايبها
يوسف: لا بس شكلها واخده اوي على هنا دي طلعت على فوق على طول
اسر: نبطل هزار بقى ونتكلم جد حد فيكو يعرفها
جين: الي يعرفها يعرفني عليها
امجد: وده عشان اي بقى
جين: عشان خاطري
دخل زين كالثور الهائج: هيااااا فييين ولله لقتلك
يوسف: الحق يلا طلعت تبع اخوك
جين راحلو: عرفني عليها واوعدك اسراء مش هتشم خبر بالموضوع بس يخربيت زوقك البت بطل
زين الدم غلي في عروقو والي ذاد عصبيتو كلام جين فضربو بالبوكس ومسكو من هدومو: دورك جاي بس اصبر عليا. وطلع وراها وكانت زينه نازله وشافتو وهو متعصب
زينه باستغراب: مالو ده
جين: اخوكي جايب نسوان البيت من غيرنا
يوسف بسرحان:لا و اي بطل
زينه برفعه حاجب: وحيات امك
يوسف: اي ده زينه حبيبتي انتي جيتي امتى
زينه: اصبر عليا بس هربيك في البيت مش قدامهم بعدين تعالو هنا نسوان مين
اسر: معرفش احنا لقينا واحده بتجري و زين جه وراها وهو شكلو استغفر الله العظيم زي مشوفتي كده وحلف ميت يمين انو هيقتلها
زينه: كانت لابسه اي
امجد: فستان ابيض
زينه: احيه دي اسراء
جين بذهول: الصخر
في اوضه اسراء و زين
اسراء وهي بتجري منو: عاااا استنى بس هفهمك
زين وهو بيحاول يمسكها: ده انا هكسر دماغك تعالي هنااا
اسراء وقفت على السرير: ولله مكنش ليا ذنب اختك السبب ولله
زين راح يمسكها بس هي نطت وزين اتكعبل: اااه دراعي
اسراء جريت عليه بخضه: زين انت كويس اااه. مسكهامن شعرها: فردالي شعرك كمان فرحانه بيه
اسراء : اه اه بالمنظر ده هيتخلع في ايدك ولله
زين بعصبيه وهو بيشدو اكتر: وده منظر تنزلي بيه اي الي جرالك اتجننتي ولا جرا لعقلك حاجه
اسراء بتألم: شعري ي زين سبني
زين سابها وشدها من دراعها: لا وكمان بتحضنيه ده انتي وقعتك سوده
اسراء: ولله هفهمك بس سبني
زين زقها بعصبيه: مش عايز اسمع صوتك نازله تفرجي الناس عليكي مبسوطه والشباب بيتكلمو عليكي مش كده شكل تساهلي معاكي خلاكي تسوقي فيها بس انتي الي جبتيه لنفسك ومن انهرده هخليكي تعرفي ان الله حق
اسراء بصتلو بحزن و حست بحاجه سخنه على خدها: اول مره تكون السبب في نزول دموعي ي زين
زين بصلها وعصبيتو قلت بالتدريج
اسراء: لو كنت سبتلي فرصه كنت فهمتك ان ده كان من ضمن الخطه واني لما حضنت واحد في سن والدي كان بس عشان اخد منو الفتاح ودي كانت الخطه من البدايه ولو سالت زينه كنت عرفت اني كنت رافضه بس هم حطوني قدام الامر الواقع تعرف قبل م انزل قالتلي اي... قالتلي غيري من نفسك والبسي وعيشي حياتك ان انا المفروض يعني اكون بنت كان المفروض يكون ده عشاني بس انا كنت هتغير عشانك انت وعلى العموم اسفه اني نزلت بشكل ده وحاولت اغير من نفسي عشانك عن اذنك. وخرجت
صوت خبط على الباب و دخول زينه
زينه:انا سمعت الي حصل بنكو... على فكره اسراء ملهاش ذنب هي كانت رافضه من البدايه ان الموضوع ده يحصل عشانك حاولت انا والبنات نقنعها ب انها تتغير وتغير طريقه لبسها عشان ميجيش يوم وتزهق....... وحكتلو كل الي دار بنهم. انت غلطت في حقها جامد ي زين. وسابتو وخرجت
زين مسح على وشو بعصبيه
عند اسراء
مسحت المكياج الي على وشها ولبست هدومتا التقليدية ورجعت تاني للبدايه ونزلت وكان الكل متجمع
اسراء ببرود موجهه كلامها ل امجد: المفتاح اهو تعمل منو نسخه وتخلي حد من الحراس او الافضل تروح بنفسك وترميها في عربيتو وادي النسخه ل تيم وخليه يصور كل الي في الخزنه ان كان ليه قيمه او لا وانت ي جين انا دخلت الكود في تلفونو عايزاك تراقب كل مكلماتو ويكون اكل مكالمه نسخه في الكمبيوتر بسنت اعمليلي بحث شامل عن كل العائلات المشهوره في الصعيد اروى تهكري الكمبيوتر بتاعو واي معلومه توصلي اش هتكلمي رياض باشا واحكيلو الحوار وهو عارف هيعمل اي زينه و يوسف دورو في سجل المستشفيات الي قريبه من البيت الي ايه قالت عليه اسر عايزاك تاخد احطياتك كويس الفتره الجايه لانو عارف ان جاسر ليه علاقه بيك ف ده الي هيخليه يحاول يهد الشركه
زينه بحزن: اسراء انا
اسراء رفعت اديها في وشها: مش عايزه نتكلم في كلام ملوش لازمه كلامي يتنفذ ولما الي قولتو يتم بلغوني وتقدرو تاخد استراحه لغايه م اقولكو بمعاد التنفيذ. وسابتهم وطلعت من غير متسمع ردهم تلقائي
رجليها اخدتها ل اوضتها هي و زين بس اتراجعت ودخلت اوضتها القديمه ونامت على السرير مستسلمه للنوم
تحت
اش: مش شايفين ان زين زودها شويه
زينه:انا اتكلمت معاه وهو لما يهدى هيصالحها
اروى:كل ميتأخر كل ميبقى صعب يصالحها
بسنت بهدوء وهي ماسكه اللاب وبتحاول توصل للعائلات المشهوره في الصعيد: الافضل مندخلش بنهم عشان الموضوع ميكبرش هم كبار كفايه ب انهم يعرفو يتصرفو في المواقف الي زي دي يلا كل واحد يشوف شغلو
بعد شويه
زين دخل اوضتها ونام جنبها وحضنها من ضهرها
اسراء وهي مغمضه عنيها: في حاجه
زين:اسف
اسراء: متتأسفش انت معملتش حاجه غلط
زين: اسف
اسراء بتنهيده: خلاص ي زين ممكن تسبني انام عشان تعبانه
زين: انتي الي بتتكلمي
اسراء: هعمل نفسي مصدقه انك مش فاهم وهقولهالك صريحه روح اوضتك
زين شدد على حضنها: المشاكل ملهاش دعوه باني انام في حضنك
اسراء اتنهدت وغمضت عنيها محاوله النوم ف هي عارفه انها مهما عملت مش هيطلع
عدى اليوم بدون احداث تذكر
جين:تم
اسراء بهدوء:تمام.بصت ل اش باستغراب:  انتي كويسه
اش بتعب: كويسه متقلقيش
اسراء: اه مهو باين على وشك مالك يبنتي في اي
اش لسه هتتكلم بس اغمى عليها
اسراء بخضه: اش
...................................
زين: ممكن تهدي تتبقى كويسه بس اهدي
اسراء بقلق: يارب يارب
زينه خرجت من الاوضه الي فيها اش ووشها باسن عليه الصدمه والرعب
اسراء جريت عليها: اش مالها ي زينه
زينه بتوتر: ا اا اش ه هي كويسه بس
اسراء: بس اي انطقي
زينه بلعت ريقها بتوتر: اش حامل
اسراء فتحت عنيها بصدمه وتلقائي بصت لزين و دموعها نزلت
يتبع