ما بين متمرد و مغرور (الجزء الثاني)

الاول

ما بين متمرده ومغرور الجزء الثاني
الاول

اروى بتفتح عنيها بتعب وحاسه بوجع وصداع حاولت تقوم فشتد الصداع اكتر حطت اديها على دماغها: ااه
اسر جري عليها بلهفه: اروى حبيبتي انتي كويسه
اروى بتفتح عنيها وبتبصلو وسرعان مفتكرت الي حصل وقالت بصوت مقطع: ا اسراء
اسر بص في الارض بحزن
اروى بصتلو وبتهزو: اسراء فين ي اسر
اسر وهو بيحاول يهديها : اهدي بس ا
اروى قاطعتو بصوت عالي: متقوليش اهدي اختي فين ي اسر اسراء فين. وفضلت تنادي ب اسمها بصوت عالي
اسر غمض عينو ب آلم:مبقتش موجوده
اروى سكتت فجأه ودموعها نزلت: ق قصدك اي يعني سابتني كدبت عليا وسابتني. فضلت تضحك بهستريا: اسراء ماتت ههههه مبقتش موجوده. بصت ل اسر الي بيبصلها بوجع ودموع وفضلت تضحك بهستريا: اسراء ماتت ي اسر هههههه. فضلت تصرخ وتكسر كل الي حواليها: ماتت وسابتني مطلعتش قد وعدها ليا وسابتني. اسر مسكها وبيحاول يسيطر عليها: اهدي ي اروى هي دلوقتي في مكان احسن م
اروى فضلت تضربو على صدرو وصرخت: متقوليش اهدي اختي ماتت وبتقولي اهدي اسراء مبقتش موجوده
جت الممرضه على صوتهم وادتها حقنه مهدءه
اروى وهي بتفقد قوتها: ا اسراء. ونامت في احضان اسر الي غمض عينو بوجع وهو زعلان على اروى وانها بقالها اربع سنين بتصحى تنهار او تفضل ساكته من غير اي تقدم في حالتها
عند يوسف و زينه
يوسف مسح على شعرها وقال بحزن: هتفضلي كده كتير
زينه بدموع: غصب عني ي يوسف مبقتش قادره استحمل لا بعدها ولا حاله زين الي رافض يصدق انها ماتت ولا حاله اروى الي كل يوم بتسوء عن اليوم الي قبله غير بسنت الي كل يوم تحلف لتجيب الي عمل كده ومش راضيه تصدق انها حادثه طبيعيه وجين الي مش بيمشي من قدام قبرها غير وقت النوم
يوسف حاوط وشها بحنان: انا عارف ان اسراء كانت غاليه عليكو وغاليه عليا انا كمان بس تعالي كده نفكر بالعقل تفتكري اسراء لو طانت عايشه كانت هتكون مبسوطه يستحيل هي اه تقبلت الماضي بس منستهوش هي ارتاحت من كل حاجه
زينه بصتلو بعياط وصوت مهزوز: ب بس وحشتني اوي ي يوسف
يوسف حضنها وسمح لدموعو تنزل
عند زين
زين قاعد في اوضتو هو واسراء وحاطت حاجتها حواليه وضامم لبس من هدومها وهو مغمض عينو وبيشم ريحتها الي آسرت قلبو: وحشتيني اوي انا عارف انك عايشه لانك عمرك موعدتي بحاجه وخلفتيها بس ارجعي بسرعه ولله مقادر على بعدك وحشتني ايامنا سوا ارجعيلي لو خمس دقايق احضنك فيهم عشان خاطري ارجعي عايز اسبتلهم ان كلامهم غلط وانك مش هتسبيني مهما حصل
عند امجد وبسنت
بسنت قاعده باصه للا شئ ودموعها بتنزل ببطئ دخل عليها امجد وهو ماسك صنيه اكل
امجد محاوله التكلم بصوتو الطبيعي: يلا عشان تاكلي
بسنت مردتش وفضلت على حالتها
امجد حط الاكل على جنب وقعد قدامها ومسك اديها: عارف اسراء كانت بنسبالك اي بس الي انتي بتعمليه ده مش هيرجعها بالعكس انتي كده بتزعليها هي شيفاكي وحاسه بيكي اكيد زمانها زعلانه منك عشان الي بتعمليه ده عدى اربع سنين وانتي زي م انتي يعني انتي هتكوني مبسوطه وهي بتتعذب عشانك
بسنت ابتسمت بسخريه وسط دموعها: الكلام الي بقولو ده تضحك بيه على عيل صغير مش انا. غمضت عنيها وهي بتاخد نفس:وحشتني اوي ي امجد وحشني هزارها وطريقت كلامها وحشتني ايامنا سوا. عيطت بحرقه: لاول مره احس اني يتيمه عشان هي مش جنبي ي امجد مش قاده اصدق انها مبقتش موجوده رغم ان مر اربع سنين . امجد دموعو نزلت وشدها لحضنو وهي عيطت بحرقه: انتي مش لوحدك انا معاكي بس هي ارتاحت ي بسنت هي كانت بتمثل انها كويسه قدامنا صح هي مشيت وسابتنا بنتعذب في بعدها بس هي ارتاحت من الي مرت بيه 
بسنت وهي بتشدد على حضنو وبتعيط بحرقه: عايزه اشوفها لو لمره واحده بس
عند جين
جين واقف قدام قبرها وبيتكلم بزعيق وعياط: امش قولتي انك هتفضلي معايا ب بس انتي مشيتي اخدتي كل حاجه ومشيتي عشان ترتاحي اخدتي روحنا معاكي دمرتي حياتنا عشان نفسك طلعتي انانيه اوي زي اختك لي علقتينا بيكي طلاما هتسبينا لي دخلتي حياتنا من الاول ليييي
بعد ٣ شهور
زين ببرود: لاخر مره هقول اسراء مماتش انتو صدقتو لاكن انا متاكد انها عايشه وهترجع
بصولو بكسره واسر ضغط جامد على ايدو محاوله السيطره على اعصابو
زينه بحزن: ي زين انت بتتعب نفسك وبتحط امل مش موجود اسراء مبقتش موجوده
يوسف: انا عارف هي كانت بنسبالك اي بس الي بتعملو ده غلط انت كده بتعذبها
امجد اخد نفس واتكلم بهدوء: فوق لو بتحبها بجد فوق ومش تعذبنا اكتر من كده
بسنت مستيطره على دموعها: هي حبتك وانت قوي لازم تتقبل فكره انها مشيت ومش هترجع تاني
زين بص ل جين
جين بصلو وعينو حمرا بعدين بص الجهه التانيه ودمعو خانتو فغمض عينو واتكلم بصوت مهزوز: كلامهم صح ي زين اسراء مش هنشوفها تاني والنوضوع انتهى
زين قام واتكلم بعصبيه: حتى انت مصدق التخاريف دي انتو الي لازم تفوقو من الي انتو فيه اسراء عايشه فاهمين ولا لا
اسر لغايه هنا ومقدرش يسيطر على اعصابو اتجهه ناحيه زين وضربو بالبوكس جامد ومسكو من هدومو واتكلم بزعيق وهو بيهزو: ماااااااتت افهم بقاااا هي خلاص مش موجوده مراتك ماتت ومش هترجع انت اتجننت ولازم تفوق
زين نزل ايدو بعصبيه ورد الضربه وعينو حمرا ودموعو شقت طريقها على وشو: انتو المجانين صدقتو حاجه مش حقيقيه من امتى بتوعد وبتخلف ها فاكر لما وعدتك ان اروى هتبقى ليك.  بص ل امجد: مش وعدتك انها هتساعدك عشان بسنت تحس بيك. بص ل بسنت: مش وعدتك انها هتعوضك عن اهلك. بص ل اروى: مش وعدتك انها مش هتسمح لحد انو يقربلك. بص ل جين: مش وعدتك انها هتفضل معاك لغايه متنسى روح. كمل بصراخ: مش وعدت روح و اش انها هتجيب حقهم وكل الوعود دي نفذتها عمرها موعدت وخلفت
اسر زقو واتكلم بعصبيه وهو بيضربو: المره دي خالفت ي زين
زين بعصبيه: كدب كل ده كدب
اسر شدو جامد والباقي بيحاولو يبعدوهم عن بعض وراح زقو قدام قبرها
اسر بصراخ: اقرى يكش تفهم اسراء خلاص مش هترجع فااااااهم
زين فضل باصص ل قبرها بعيون حمرا كالجمر وهو حابس دموعو
امجد بصلهم وهز راسو ومشي والباقي بصولو بحزن ومشيو وراه
زين سمح لدموهو تنزل ومسح على القبر براحه واتكلم بصوت مهزوز: ه هم ص صح يعني ا انتي مش موجوده. غمض عينو بوجع  وفجأه يصرخ بكل قوته: ااااااااااااااااه انا بكرهك بكرهاااااااك
يقعد على رجلو بتعب وهو بيعيط: انا محبتش قدك ولله انتي وحشتيني اوي مبقتش قادر اتخيل انك مش موجوده فين وعدك ليا انك هتفضلي معايا طب مشيتي لي قبل معوضك زي موعدتك لي تحرقي قلبي بعد محبك ليي
يقعد يعيط و هو بيفتكر ايامهم سوا
فلاش باك
اسراء تمسكو من هدومو وتقربو منها وتتكلم ببرودها المعتاد: مش بمزاجك انت بتاعي انا وبس خلي واحده تجرب بس ترفع عينها عليك وهي تكون في كفنها في سعتها
زين بضحك: خلاص يكبير اهدى بس انتي قلبتي كده لي انا بهزر
اسراء وهي واقفه قصادو ومفيش مسافه بينهم غير شويه سنتي مترات: هزارك ده هيجيب اجلك في مره
~~~~~~~~~~
زين ينزل من شركتو يلاقي اسراء واقفه على العربيه بتاعتو وحاطه على كتفها مضرب بيسبول
زين برفعه حاجب: لا ولله
اسراء بترفع كتفها: انت الي بدأت اني اسف. نزلت من على العربيه ومسكت المضرب وكسرت العربيه
اسراء وهي بتلهث بابتسامه: كده خالصين
زين راحلها بعصبيه وشدها فوقعت عليه
اسراء غمضت عنيها:اااه يبن ***. بصتلو بعصبيه: عجبك كده
زين بابتسامه وحط ايدو ورا رقبتو: اوي
~~~~~~~~~~~
اسراء: يعم انت موديني فين
زين: ممكن تخرسي عشان بالسانك ده اللحظه هتبوظ
اسراء: يعم شيل البتاعه الي على عيني دي
زين: خلاص وصلنا. شال القماشه من على عنيها
اسراء فتحت عنيها وفضلت تبص حواليها بدموع وفرحه بصتلو:انت عملت كده عشاني
زين قرب منها: بحبك ومحبتش قدك تتجوزيني
اسراء بفرحه وعياط وهي بتهز راسها: اه اه موافقه. ونطت عليه تحضنو  فوقعو
زين: عجبك كده
اسراء افتكرت موقفهم زمان وضحكت فسندت عليه باستمتاع: اوي
~~~~~~~~~~~~~~
في الشركه اسراء وزين واروى واسر قاعدين وتدخل عليهم بنت
زين : اوباااا مين الموزه
اسراء ببرود: مممم في واحد صاحبنا بيحفر قبرو
اسر واروى بضحك:اعمل نفسك ميت اعمل نفسك ميت
البنت:هو ده مكتب استاذ اسر
اسر وحب يقلد زين:لو مش هو هنخليه هو يجميل
اروى: لا يحبيبتي ده مقابر اعبال عندك
البنت:شكلي غلط في المكان
زين:ولله يعسل لو مهربتيش دلوقتي لتكوني دخلتي مكان بس في الجنه
~~~~~~~~~~
اسراء: شوف ده وعد من الصخر بذات نفسه بقولك مش هسيبك ي زين يبن ام زين بحبك يواد
زين فضل يضحك: ولله هبله
اسراء: يخلاثي عليك وانت بتضحك هات بوسه يلا
زين وهو بيبعد بضحك: بت اهمدي في اي
اسراء غمزت: هاخد بوسه
زين بضحك: اخلاقك باظت
اسراء بترفع كتفها: لا هي بايظه لوحدها بس ولله لاخد البوسه خد يلا هنا. وفضلت تجري وراه
باك
زين ابتسم على زكرياتهم بعدين افتكر انها مش معاه عياطو ذاد: يعني اي اصدق انك مبقتيش موجوده يعني وشك الي حفظت ملامحو خلاص هيبقى تراب مش همسك ايدك تاني مش هاخدك في حضني تاني يعني اي انسى كل ده انسى عشقي ليكي انسى ايامنا ازاي قدرتي تبعدي عني مش انتي بتحبيني عمر الي بيحب حد بيسيبو يتعذب عمرو ميسمع صوت ندائه ومش يرد. صرخ بقوه: انا اهو بناديكي وبحلفلك اني وللله العظيم بحبك وهيفضل حبك في قلبي هعمل اي حاجه بس ارجعي مش تسبيني
ويعدي اسبوع
زين بيتكلم ببرود الي بقت عادتو : اتفضلو
جين اخد نفس واتكلم بحزن: انا هرجع المانيا ومش هرجع تاني كنت واخد وعد اني مش هرجع بعد موت روح بس رجعت عشانها لاكن هي كمان سابتني وانا تعبت ومش هقدر استحمل اكتر
زين وجه نظرو ل اسر و اروى
اسر: هروح امسك الفرع الي في امريكا عشان حالت اروى تتحسن
زين ببرود وهو بيقوم: الي عايز يعمل حاجه يعملها
ساره نزلت وقربت من زين: ابيه زين
زين بصلها
ساره: هي اسراء بطلت تيجي لي انا سمعت بابا بيقول انها اتوفت يعني اي اتوفت
زين غمض عينو وقلبو بيتحرق ومسك دموعو بالعافيه
زينه اتكلمت بصوت مهزوز: تعالي هنا ي ساره سيبي زين عشان تعبان
قاطع كلامهم صوت امجد وبسنت الي دخلو كالاعصار
امجد: محدش هيروح في حته في مهمه جديده
جين بعصبيه: انا مش همشي في الطريق ده تاني هو السبب في كل حاجه اخد مني كل الناس الي بحبهم
بسنت بهدوء: بس ده حق اسراء
زين بصلها بسرعه: يعني اي
بسنت: لما المهمه خلصت وعدنا بعض اننا مش هنمشي في الطريق ده تاني وهنقفل اي باب يخلينا نمشي فيه تاني بس لما فتحت تلفوني القديم لقيت عليه رساله من الحراس بيقولو ان عثمان هرب في نفس اليوم الي. غمضت عنيها واخدت نفس: في نفس يوم الحادثه
ساعتها افتكرت ان اسراء كانت حاطه في كلبش عثمان جهاز تصنت فتحت التسجيلات وسمعتو بيتفق مع واحد انو يقتلها بنفس طريقه موت مازن شوفت تسجيلات كتير هتساعدنا بس في تسجيل ناقص وده اهم تسجيل لانو بيقول فيه طريقه موتها ازاي لانها مش ماتت من الحادثه ومين الي قتلها لازم نجيب التسجيل ده
زين قبض على ايدو وعينو بتنطق بالانتقام: وحياه حبي ليها لجيب الي عمل كده واخليه يدفع التمن غالي اوي
قاطع كلامهم كسر ازاز ودخول منو واحد على موتسكل ولابس خوذه
كلو قام وقف وهو باصص على الموتسكل
زين: انت مين
نزل من الموتسكل وشال الخوذه وابتسم ابتسامه جانبيه
: مش قولت قبل كده محدش يقول حاجه هو مش قدها
الكل بصدمه: اسراء
اسراء غمزت بابتسامه: اي رأيكو في الدخله الاكشن دي مش سهله انا صح معلش نبقى نصلح الازاز بعدين
فضلو ببصو لبعض بصدمه
بعد شهرين
زين باصص لصوره اسراء بسرحان واسترجع يوم م عرفو انها عايشه
فلاش باك
زين بصوت مهزوز: اا ا اسراء انتي عايشه
اسراء بصت لنفسها بعدين ضيقت عنيها وهي بصاله: تقريبا
الكل جري عليها وحضنوها جامد وهم بيعيطو
اسراء وهي بتحاول تتنفس: بالمنظر ده هغير رأيي وهموت بجد
زين حاوط وشها وابتسم وسط دموعو: مش مصدق انك قدامي كده تسبيني كل ده
اسراء: يعم صدق احنا ناقصين نكد بعدين اي تسبيني كل ده هو انا راجعه من سفر انا راجعه من موت يباشا
بسنت: اي يبت لسانك ده مش هتتغيري ابدا
اسراء: حد قالك اني بنطلون
اروى بعياط: وحشتيني اوي ي اسراء انا كنت بموت من غيرك
اسراء: عايزاني احجز تزكره موت معاكي يعني ولا اي مش فاهمه
جبن ضحك: اهلا ب ام لسان
اسراء: اهلا ب ابو طويله الاهبل
جين بغيظ وهو بيحاول يمسكها: انا هربيكي تعالي هنا
اسراء استخبت ورا زين: شوف انا بتحامى في زوجي قره عيني من جوه هو الي هيحميني منك صح ي زيزو
زين: مين قال كده اتفضل يباشا مش همنعك خلي لسانك ينفعك بقى
اسراء: اه يحيوان
بعد شويه
اسراء: لو مش هضايق حضرتكو يعني ممكن تبعدو عشان مش عارفه اتنفس
زينه وهي حضناها: ملكيش دعوه
اسراء: ايرور
اسر بجديه: طلعتي عايشه ازاي وكنتي فين كل ده واي الي حصل بالتفصيل
اسراء: مش هتكلم طول م الحيوانات دي خانقه اهلي كده
بعدو عنها
اسراء: اخيرا هتنفس
يوسف: يلا يحجه عايزين نخلص البارت ده
اسراء بتنهيده: الي حصل يسيدي ان في واحد اتنكر على انو دكتور ودخل اداني حقنه بتوقف نبضات القلب عشان يبان اني ميته ووقت ميغطو وشي ويلاقو المكان امان يبدلوني بجثه وبعدين
فلاش باك
اسراء فتحت عنيها ودماغها وجعاها ودايخه حاولت تقوم بس لقت نفسها في اوضه غريبه و متعلقلها تحاليل
فضلت تبص حواليها وهي بتحاول تفتكر الي حصل
قاطعها صوت الباب ودخول منو عثمان
اسراء بعصبيه: انت الي عملت كده
عثمان ضحك بشر: وهو فيه في معزتك عندي
اسراء بعصبيه: انت لغايه دلوقتي مشوفتش شري
عثمان: لسه بتكابري يبنت مهاب
اسراء: اديك قولت بنت مهاب يعني خلاص تعد الفاضل من عمرك. وحاولت تقوم بس مش عارفه لانها مربوطه
عثمان بتريقه:اي رجعتي في كلامك
اسراء وهي بتجز على سنانها: ولله العظيم مهرحمك ي عثمان
قاطعهم دخول واحد مخبي وشو: لازم نتحرك دلوقتي
اسراء: ده شكل في حبايب لسه معرفهمش
: متستعجليش ي قطه كلو هيظهر في وقتو. وخرجو
اسراء فضلت تشتم فيهم افظع الشتايم وهي بتحاول تشوف طريقه تهرب بيها
باك
اروى: وهربتي ازاي بعدين قعدتي المده دي كلها لي
اسراء: لان ببساطه اكتشفت اننا مش في مصر اصلا وال***عثمان كان بيخلي الدكتوره الي بتحطلي المحاليل تحط دوا عشان معرفش اتحرك بس طلعت بنت حلال وساعدتني اهرب و قعدتني عندها و عالجتني لان حالتي كانت متدهوره والعلاج اخد وقت كبير بعدها عثمان عرف انها الي هربتني وخطفها وفضل يهددها وانا مكنش ينفع اسيبها بذات انها ساعدتني  المهم ان اخدت وقت عشان اعرف ههربها ازاي وكنت متأكده انهم مش هيقتلوها لانها الوحيده الي تعرف مكاني عرفت اجيب اسلحه وعرفت مداخل والمخارج بتاعت المكان وجه يوم التنفيذ وبعد مخرجتها لقيت حد ضربني على دماغي ومحستش باي حاجه بعدها لحسن الحظ اني كنت مكلمه البوليس قبل مروح ولما فوقت فقدت الذاكره ومكنتش عارفه اعمل اي  بس الدكتوره وقفت جنبي وعرضتني على اشهر الدكاتره ولسه رجعالي الذاكره من شهر  بظبط وجهزت اوراق تساعدني ارجع مصر تاني وانا في المطار عرفت ان عثمان اخد اعدام وبس كده هو ده كل الي حصل
زين بحنان: حمدلله على سلامتك يحبيبتي
اسراء وشها احمر واكتفت بابتسامه بسيطه
بسنت و زينه و اروى: وه دي بتتكسف
اسر: يجماعه استنو معنى كلامك ان عثمان خلاص اتعدم
اسراء: بظبط
اسر: طب والي كان معاه
اسراء: للاسف معرفش عنو اي حاجه
جين: متقلقيش انا هتصرف في الموضوع ده
وبعد شويه كل واحد دخل اوضتو
زين بحب وهو بيقرب منها:وحشتيني
اسراء بتوتر:ز زين
زين حاوطها: قلب وعقل زين
اسراء بعدت عنو:م مينفعش
زين بصلها باستغراب:هو اي الي مينفعش
اسراء بصتلو بتوتر :ب بصراحه انا مش رجعتلي الذاكره كلها
زين بصدمه: اي.......... يتبع