ما بين متمرد و مغرور (الجزء الثاني)

الرابع عشر

ما بين متمرده و مغرور
الجزء الثاني
١٤
--------------------&
بسنت بتتكلم في التلفون وهي نازله على السلم جت اش من وراها وهي بتبتسم بشر: هههه خلاص ي امجد ولله عرفت خلاص هاخد الدوا ومش هتحرك حلو كده... ااااااااااه. صرخت بصوت عالي لما وقعت من على السلم
امجد بفزع: بساااااااانت
بسنت واقعه على الارض والدم حواليها بصت على السلم بتحاول تشوف مين الي زقها بس الرؤيه مكنتش واضحه لغايه م استسلمت للظلام خرجت صفيه على الصوت لقت بسنت واقعه غرقانه في دمها واش واقفه على السلم من فوق وبصلها بشر بعدين بصتلها وحطت صباعها على بؤها  بعنى كانك مشوفتيش حاجه صفيه هزت راسها كذا مره بخوف اش بصتلها بابتسامه جانبيه بعدين دخلت اوضتها ونامت على السرير وعلى وشها ابتسمامه
عند امجد
لما سمع صوت صراخها قام بسرعه والخوف بياكل في قلبو
جين شافو ف قال باستغراب وهو بيجري وراه: في اي وشك مخطوف كده لي
امجد بقلق: بسنت ي جين بسنت كانت بتكلمني في التلفون بعدين صوتت والتلفون اتقفل
جين وهو بيركب جنبو: متقلقش خير ان شاء الله
امجد: يارب يارب
عند جاسر
تيم: بس هو ده الي حصل بعدين اخدتها وودتها لصحبتها
جاسر: بس مش شايف ان الموضوع غريب شويه
تيم باستغراب: لي
جاسر: يعني واحده بتجري في نص الليل وانت قولت انها مكنتش تعرف ان صاحبتها في المستشفى ف اي السبب بقى
تيم: معرفش انا الي عرفتو قولتو
جاسر: هي صورتها لسه معاك
تيم: مش عارف تقريبا. حط ايدو في جيبو: اه اه اهي
جاسر ضحك: مسطول. بص للصوره واختفت ابتسامتو بالتدريج
تيم: اي يله مالك
جاسر بص ببصوره وبدا يترجم الحوار: بيتها فين
تيم: في......... بس لي
جاسر اخد مفاتيحو وخرج تحت نداء تيم
تيم باستغراب: مالو ده.. يلا مش مهم هكلم اسر يمكن يكون وصل لحاجه. اتنهد بتعب: امتى الاقيكي واعوضك عن كل حاجه ي ترا انتي فين دلوقتي وعامله اي
عند اسر واروى
الدكتوره بابتسامه: مبروك ولد ان شاء الله
اسر بابتسامه باس ايد اروى: مبروك يحبيبتي
اروى بابتسامه: الله يبارك فيك يحبيبي اكيد هيطلع قمر شبهك
اسر ضحك: بتعاكسيني حتى قدام الدكتوره
اروى بثقه: انا اعاكسك في اي وقت
اسر باس رسها: ربنا يخليكي ليا
اروى: احم
اسر ضحك: دلوقتي بقيتي مكسوفه يعني
الدكتوره بضحك: ربنا يخليكو لبعض الفتره دي بقى تخلي بالك كويس من العلاج وخلي بالك من اللحظه دي الطفل هيبدا يحس بكل حاجه ف بلاش ضغط
اروى: تمام شكرا ي دكتور
اسر سند اروى وخرجو
اروى: انت اكيد مبسوط انو ولد صح
اسر: ولد او بنت كلو رزق
اروى: انا خايفه مكنش قد اني اربيه خايفه اكون ام وحشه
اسر: انتي هتكوني احسن واحلى ام وده شعور طبيعي انك تخافي بس انتي بمجرد متشوفيه هتحسي انك مالكه العالم كلو بين ايدك بعدين انا هكون معاكي وهنربيه سوا لغايه ميكون راجل كده زي ابوه وعمو
اروى سكتت وهي بتبتسم
اسر: سكتي لي
اروى: بحمد ربنا انك في حياتي
اسر مسك اديها ونيمها على كتفو وهو بيسوق: انا عايز اعرف عملت اي حلو في حياتي عشان تنوري حياتي كل يوم بتاكد اني مكنتش عايش وانتي مش موجوده حرفيا انتي النور الي في حياتي ي اروى
اروى باست خدو: بحبك
اسر ضحك وظهرت غمزاتو: طب يرضيكي اتهور وانا بسوق دلوقتي ويمسكونا في فعل فاضح
اروى ضربتو على صدرو: قليل الادب
اسر ضحك وباس راسها: بعشقك
تلفونو رن: اي ي تيم........ لا لسه موصلتش لحاجه....... طب بص كلم جين كده ممكن يوصل لحاجه...... متقلقش يصاحبي احنا مش هنبطل ندور عليها الى لو بقت في حضنك........ في رعايه الله سلام
اروى: لسه مش لقتوها
اسر: للاسف لا حتى مفيش اي خيط يعرفنا هي مين احنا بنجري ورا سراب بس مينفعش اقولو كده كفايه صدمتو من الي تامر عملو بس مش هنسكت الى لما نعرف هي مين وهنوصلها مهما كانت الظروف
اروى ابتسمت بحزن: تعرف مين الي ممكن يوصلها
اسر اتنهد: للاسف عارف بس مش معنى انها مش موجوده اننا مش نساعد صاحبنا ومتنسيش ان حتى لو هي موجوده في احتمال متوافقش تمشي تاني في الطريق ده بذات بعد كل الي حصل
اروى بتنهيده: وحشتني اوي
اسر: مهي موجوده في البيت
اروى بسرحان: مش هي اسراء الي اعرفها احيانا بحسها واحده غريبه عني اسراء الي اعرفها بتحارب الكل عشان الي يخصها مش سهل انها تتكسر بتحب الضجه متهوره كانت في عز وجعها تستحمل عشانا كنت يوم مكون مكسوره بلاقيها هه تعرف زمان لما كنت مجروحه منك اخدتني في حضنها وقالتلي ان الحب حلو بس وجعو وحش بس الشاطر هو الي يقوم ومش يتكسر كنت بحسها بتقوم بكل الادوار عشان محسش بالوحده ولا يكون ليا وقت افكر انا لي اتولدت بين ام واب كده دماغها ديما بتشتغل ههه تعرف كنت بقولها كتله التفكير المتحركه من كتر مهي بتفكر في ادق التفاصيل بس دلوقتي واحده معرفهاش مسالمه زياده هاديه جدا مبتحبش تفكر تلقائيه هدوئها غريب الي يشوفها زمان وهي بتضرب اجدعها راجل والكل يعملها حساب ميصدقش ان دي هي نفسها
اسر: معاكي حق هي مش زي زمان بس متنسيش ان كل ده غصب عنها بس متقلقيش مع الوقت هترجع زي الاول
اروى: يارب ي اسر يارب
عند امجد و بسنت
امجد ساند ضهرو على الحيطه قصاد اوضه العمليات وصوره بسنت وهي غرقانه في دمها مش راضيه تفارق مخيلتو وكل دقيقه بتمر بتخليه يتعصب اكتر ويستحلف للي عمل فيها كده
جين:متقلقش هتكون كويسه
امجد بهدوء مرعب:ده الافضل انها تكون كويسه  لاني مش مسؤول عن الي هيحصل لو جرالها حاجه
جين:متقولش كده بسنت قويه وهتعدي منها متخافش
بعد شويه الدكتور خرج جين راحلو وامجد غمض عينو ومتحركش ومستني يسمع كلام الدكتور
جين:هي عامله اي دلوقتي
الدكتور:هي نزفت كتير وده خلاها في وضع خطر دلوقتي فللاسف لازم تختارو بين الجنين و
امجد لسه على وضعو مستناش الدكتور يكمل:بسنت تطلعلي عايشه ومش مهم اي حاجه تاني.فتح عينو الي احمرت من كتر حابسها للدموع:بسنت اهم ي دكتور اعمل المستحيل بس تبقى بخير
الدكتور هز راسو بحزن عليه ودخل تاني
امجد قعد على الارض وساب دموعو تنزل جين قعد جنبو وقال:شد حيلك ي امجد متزعلش ي صاحبي انت متعرفش الخير فين
امجد ضحك بكسره:لامتى هفضل واقف ي جين انا ابني مات من قبل مشوفو ومراتي بين الحياة و الموت و يعالم هيبقى رد فعلها اي وتقولي مزعلش
جين: :ليك كامل الحق انك تزعل وتتعصب وتعيط بس ملكش حق تضعف لان بسنت لما تفوق وتعرف مش هتستحمل وهي محتجاك محتاجه امجد القوي الي زي الجبل ميهزوش ريح
امجد بدموع:مش هقدر ي جين مش هقدر
جين مسحلو دموعو:لا هتقدر ي امجد على الاقل اجل زعلك
امجد سكت شويه بعدين قال:عندك حق لازم اجل زعلي لغايه معرف مين الي عمل كده ومش هرحمو مهما كان هو مين
جين: مش يمكن هي الي اتكعبلت ووقعت
امجد:لا انا سمعت صوت قبل متصرخ كأن حد زقها بعدين دي مش اول مره يعني اكيد في حد عمل كده
جين:متقلقش انا معاك لغايه منعرف مين هو
امجد حضنو:انت ونعم الاخ ليا ي جين شكرا على وقفتك جنبي
جين:عيب ي امجد انت اخويا وياما وقفت جنبي بعدين مفيش شكر بين الاخوات ولا اي
امجد بابتسامه حزن:ولا اي
عند ايه وتقى
تقى: مين الي بيخبط كده
ايه: استني لما اشوف. وراحت تفتح ودخل جاسر كالعصار ومسكها من دراعها بقوه: بقى تضحكي عليا انا
ده انتي مش هيطلع عليكي شمس
تقى: في اي ي استاذ مالك داخل بزعابيبك كده بعدين انت ماسكها كده لي سبها واحترم نفسك بدل مطلبلك البوليس واوديك في  ستين داهيه بعدين انت مين وتعرف ايه منين
ايه سحبت اديها بقوه وهي بتبص لجاسر بتحدي: خشي جوه ي تقى
تقى: لا طبعا ازاي اسيبك معاه
ايه: اسمعي الكلام وخشي جوه
تقى بصت ل جاسر بقرف ودخلت اوضتها 
ايه ربعت اديها: اي الي جابك هنا وعايز اي
جاسر: تعرفي عيله المنشاوي منين واي الي عرفك بالصخر ومتقوليش انو شخصية مشهوره وتقلفي حوار عشان انا فاهمك كويس
ايه: طلاما انت فاهمني كويس وعارف السبب جاي لي
جاسر: تعرفي الصخر وعيله المنشاوي منين ي ايه
ايه: ولو مقولتش
جاسر: يبقى ربنا يقدرك على الي هعملو فيكي
ايه ضحكت بسخريه: تعرف عيبك اي انك حكمت عليا من اول مقابله ولغايه دلوقتي فاكر اني سهله بس متقلقش مسير الايام تعرفك بس قولي انت اي الي يخليك مشغول اوي بعيله المنشاوي و الصخر
جاسر برفعه حاجب: حاجه تخصك
ايه: بسيطه اوي لو مقولتش انا كمان مش هقول حاجه قصاد حاجه
جاسر بصلها شويه: هتقولي تعرفي الصخر منين
ايه: ايوه بس بشرط
جاسر: الي هو اي
ايه: تعرفني فين زين المنشاوي
جاسر بشك: والسبب
ايه: متقلقش اوي كده انا مش عايزه اضرو بالعكس انا عندي اخبار تهمو
جاسر: واي الي يخليني اثق فيكي
ايه: نفسي الي هيخليني اثق فيك ومقولش انك بتكدب عليا بس اعمل حسابك بيك او من غيرك هوصلو بس عشان اريحك وتوفر عليا الطريق
جاسر مردش وبيفكر هيعمل اي مينفعش حد يعرف ان ليه علاقه بعيله المنشاوي وفي نفس الوقت بتقول انها اخبار تهم زين
ايه: اي الاختيار صعب اوي كده بس تمام قدامك لبكره بليل يوصلي قرارك
جاسر:اي هي الاخبار دي
ايه: في كافيه........... هعرف قرارك ومنو هشوف ان كنت هريحك واقولك الي انت عايزو ولا لا
عند ملك
ملك: صباح الخير ي استاذ ادم حضرتك طلبتني
ادم: صباح النور  اه عايزك في موضوع
ملك: خير
ادم: خير ان شاء الله انا كنت كلمت جدك على موضوع كده وقالي انو هيبلغك فكنت حابب اعرف رايك
ملك: هو اه بلغني بس انا محتاجه وقت افكر لاني مكنتش حاطه موضوع الجواز عموما في دماغي الفتره دي
ادم: طبعا ليكي كل الوقت الي تحبيه بس ان شاء لو حصل قبول هنكتب الكتاب على طول
ملك بتردد: بس مش هيكون اتسرعنا
ادم: تسرع اي بس احنا بقالنا سنتين بنشتغل مع بعض واكيد عرفنا كل حاجه عن بعض
ملك بتنهيده: ربنا يقدم الي فيه الخير. وقفت: في حاجه تاني حضرتك عايزني فيها
ادم: لا اتفضلي
ملك: عن اذنك. وخرجت وراحت مكتبها وقعدت تفكر شويه: ادم شخص كويس ومحترم بس مقدرش اظلمو انا لسه قلبي بيدق لفهد حتى بعد مجرحني و لازم لما ارتبط بحد ميكونش في قلبي غيرو. اتنهدت وبصت لصورتو الي في تلفونها: حكايتنا منتهيه من قبل متبدأ ي فهد مش لو مكنتش سافرت مكناش حصل معانا كده ولا انا كنت هبقى في الحيره دي مش هكذب واقول اني كرهتك ونسيت حبي ليك بس انا اتوجعت منك ي فهد صح لسه بحبك بس مقدرش اوافق اننا نكون سوا
: واي الي يمنعك
ملك اتفزعت والتلفون وقع من اديها: ا اي
عند حمزه و الاء
الاء كل شويه تقف تشتري حاجه مره الوان ومره لوح ومره بويا وفرش وحمزه بيلف وراها
حمزه: يبنتي الرحمه يبنتي انا قد عيالك يحبيبتي لي كل اللف ده
الاء وهي بتقف على طراطيف صوابعها عشان توصل للالوان: محدش طلب منك تيجي معايا
حمزه: اقعدي على جنب ي اوزعه. وجابلها الالوان: بعدين مينفعش اسيبك تخرجي لوحدك
الاء نتشت منو الالوان: اولا انا مش اوزعه ثانيا انا مش صغيره عشان تقولي مينفعش تخرجي لوحدك ثالثا انت مالك بيا انت ولا اخويا ولا ابويا ولا حتى جوزي عش
قاطعها: قولي يارب
الاء سكتت وبصتلو بصدمه: ا اي
حمزه ضحك واداها ضهرو: يلا عشان منتاخرش. ومشي
الاء لسه واقفه مصدومه: هو قصدو اي ي يعني هو قصدو.... نااااااعم
نرجع تاني لملك
ملك بلخبطه: ا انت اي الي جابك هنا وازاي دخلت اصلا نسرين ي نس
فهد قعد وحط رجل على رجل: متتعبيش نفسك هي ملهاش دعوه انا الي قولتلها انك مراتي
ملك بصدمه: م مراتك. كملت بعصبيه: انت اتجننت
فهد: لا وانتي الصادقه انا عقلت
ملك: مش موضعنا عايزه افهم ازاي تقول اني مراتك
فهد: فيما سيكون يعني
ملك بسخريه: هه ومين قالك اني هوافق
فهد ابتسم بجانبيه ورفع تلفون ملك على صورتو: مش هكذب واقول اني كرهتك ونسيت حبي ليك بس انا اتوجعت منك ي فهد صح لسه بحبك بس مقدرش اوافق اننا نكون سوا
ملك شدت منو التلفون وقالت بتوتر: ا انت سمعت
فهد: بظبط
ملك بتمالك: واظن برضو سمعت اني يستحيل اوافق بيك
فهد: مش بظبط
ملك برفعه حاجب: بمعنى
فهد قام وقف وهو بيلف حواليها : ممممم بمعنى بمعنى. قرب منها وهي  اتكعبلت و قعدت على الكرسي وهو سند على الكرسي وحاصرها عليه وبيتكلم وهو قريب منها: بمعنى انك اخبطي راسك في الحيط وانا الي اقول اي الي هيحصل وببساطه اوي انتي هترفضي ادم وهنتجوز انا وانتي بسيطه صح
ملك: وده من اي ان شاء الله
فهد بص على شفايفها: عشان محدش هيدوقهم غيري ده انا اقوم حرب ونار تاكل الكل ولا حد يقرب منك غيري انا وبس
ملك: اعلى م في خيلك اركبو
فهد ضحك: ده احنا بقينا بنخربش بقى
ملك بجرائه وقوه : وبنقتل لو اطرينا كمان
فهد بثقه: هتوافقي عليا ي ملك
ملك بابتسامه جانبيه: كان زمان ي فهد ايام مكنت عيله هبله مبتفكرش غير بقلبها لاكن دلوقتي انا واحده تانيه قلبها مش بيتحكم فيها ويحركها ولو انت اخر راجل في العالم يستحيل اوافق عليك
فهد بعد وبصلها ببرود: جهزي نفسك عشان هتجوزك
ملك: هتتجوزني غصب
فهد بحده: غصب عنك وعن الكل
ملك بحده: مش هيحصل ي فهد لا وكمان هوافق بس مش عليك على ادم واحد بيحترمني و بيخاف على زعلي و
قاطعها فهد لما شدها وباسها بقوه وتملك
ملك اتصدمت من رد فعلو وسرعان م فاقت وحاولت تبعد بس كل متقاوم كان يشد عليها اكتر لغايه محست ان شفايفها بتنزف
بعد عنها لما حس باختناقها واتكلم وهو بينهج وبيبص على شفتها الي احمرت واتنفخت: دي تثبت انك من اللحظه دي ملكي وممنوع اسم راجل تاني يتنطق منهم لاني مش ضامن المره الجايه ان كانو هينزفو بس خافي على نفسك مني ي ملك وبلاش تتحديني
ملك لسه هترد وتزعق في حد دخل عليهم وشافها وهي في حضنو: اي اي بيحصل ده
ملك بخوف وصدمه: ا ادم
في المستشفى
اروى حضنت بسنت بعياط: انا اسفه اني مكنتش موجوده اسفه اني سبتك ا انتي كويسه ص صح
بسنت بصتلها بعياط وهي بتهز راسها بالنفي: لا مش كويسه ي اروى مش كويسه ابني مات لسه مفرحتش بيه كنت مستنيه اشوفو بفارغ الصبر كان نفسي اسمع كلمه ماما بس مات
زينه عيطت وحضنتها: بالله متعيطي هتسمعيها ولله ربنا هيعوضك بس متعيطيش
بسنت حاولت تهدى: ا امجد فين
اروى بزعل: امجد حالتو صاعبه اوي ي بسنت وخايف يدخل يشوفك عشان مش ينهار هو ماسك نفسو بالعافيه
بسنت غمضت عنيها بوجع: سبوني لوحدي شويه
زينه: بس
بسنت: عشان خاطري عايزه اتقبل الموضوع ومتقولوش ل امجد اني فوقت عايزه اتقبل الموضوع عشانو مش عايزاه يشوفني كده
اروى ضغطت على اديها: متاكده انك هتقدري
بسنت هزت راسها براحه
اروى: طب احنا برا لو احتاجتي حاجه قوللنا
بسنت: تمام 
اول مخرجو سندت راسها على السرير وغمضت عنيها بوجع ودموعها نزلت ببطئ عدت دقايق وسمعت صوت الباب بيتقفل فتحت عنيها براحه لقتها اسراء او اش زي محنا عارفين
اش:  تؤتؤتؤ يخساره البيبي مات وانتي لا
بسنت محاوله التكلم بهدوء: اي الي جابك اكيد مش جايه تطمني عليا
اش: صح برافو عليكي بتفهميها وهي طايره
بسنت بهدوء: اسمعي ي اسراء انا مش عايزه اكرهك بسبب فقدانك الذاكره ف ياريت تخرجي عشان مس مسؤله عن اي حاجه هتحصل
اش ضحكت بصوت عالي: اي ده بجد. وقفت ضحك فجأه وقربت منها: انتي هتصيعي عليا ولا اي منا عارفه انك اتأكدتي اني مش اسراء
يتبع