ما بين متمرد و مغرور (الجزء الثاني)

الرابع

ما بين متمرده و مغرور
الجزء الثاني
الرابع

الدكتوره: بصراحه مش عايزه اخبي عليكو بس فقدان الذاكره الي عندها ده نادر جدا وملهوش علاج للاسف
يوسف: يعني اي
الدكتوره: يعني الذاكره احتماليه ترجعلها ٥٪
زين بلع غصه في حلقو: ي يعني مش هتفتكرني
الدكتوره: في حاجه كويسه ان هي فاكره انكو في حياتها ومممكن تلقائي تفتكر حاجات بسيطه ف انصحكو متستنوش انها تفتكر وابدأو حياه جديده
اروى:ط طب ينفع نحاول معاها يعني نوريها صور ونحكيلها الماضي
الدكتوره:زي مقولت الحاله دي نادره جدا واحتمال الموضوع يقلب بطريقه عكسيه وبدل متفتكر تتاذى بذات لو افتكرت حاجه وحشه او ماضي مؤلم
بسنت بتماسك: تمام
الدكتوره: عن اذنكو. ومشيت
زين قعد على الكرسي وحط وشو بين ايدو بتعب
زينه راحت وقفت جنبو وحسست على شعرو: متزعلش ي زين الحمدلله انها كويسه ومع الوقت هتحبك تاني
زين بتعب: تحبني اي ي زينه انا مش قادر على بعدها انتي فاكره احنا مرينا ب اي عشان نكون سوا عارفه كام مره كنت هخسرها كان نفسي اخدها في حضني بعد مشوفتها بعد اربع سنين عذاب في بعدها تطلع مش فاكراني مش فاكره حبي ليها انا بحلفلك لو هي تقدر تشوف حبي ليها لكانت عشقتني او حتى حست الاحساس الي بحسو وهي بعيده عني ولله بحبها اوي و مش هستحمل نظره الكره منها هي كل حياتي انا من غيرها جسم من غير روح
يوسف حضنو: اجمد ي صحابي هتعدي متقلقش 
اسراء خرجت وبصتلهم ببرود: ها اتأكدتو اني مش بلعب عليكو ولا لسه
بسنت ببرود مماثل: وانتي عارفه اننا جبناكي عشان نعرف حالتك بظبط ونعرف الطريقه الي ترجعلك بيها الذاكره ف ياريت متخلقيش مشاكل من العدم وقدري شعورنا. وبصت ل زين وهي بتقول جملتها الاخيره
اسراء بصت ل زين الي قاعد بتعب وراحت وقفت جنبو: مش هنروح
زين ابتسم ابتسامه بسيطه: يلا
عند ايه
: انتي بتعملي اي هنا
ايه: عااااااااااا
كتم بؤها بسرعه
وهي واقفه بتدمع وبتترعش من الخوف
: متخافيش ده انا جاسر بصي هشيل ايدي بس متصوتيش
ايه هزت راسها بالموافقه
جاسر شال ايدو بهدوء: اي الي جابك في مكان زي ده دلوقتي
ايه: اصل العر لحظه انت مالك
جاسر: في اي يبت انتي بتتكلمي كده لي
ايه: انت بتسأل بصفتك مين اصلا انا حره
جاسر: هو انا عملتلك حاجه انا بستفسر منك عشان اساعدك انا غلطان اصلا اني وقفت واتكلمت معاكي كنت سبتك ل اي واحد يثبتك انا مالي. جاي يمشي ف ايه سمعت صوت وراها فصوتت وجريت وراه
ايه: استنااا
جاسر: خير
ايه: وصلني
جاسر برفعه حاجب: و ده امر
ايه: وصلني يبتاع انت
جاسر ربع ايدو وسند على العربيه بهدوء: ولو قولت لا
ايه: انت تطول اصلا
جاسر بصلها من فوق لتحت: بطولك ده اه وهبقى اطول كمان
ايه بنرفزه: انت عايز اي
جاسر: تطلبيها ب ادب
ايه بابتسامه صفره: ممكن لو سمحت يبتاع انت توصلني
جاسر رفع حاجب
ايه: يووووه بقى ممكن توصلني
جاسر عمل نفسو بيفكر
ايه: لا كده كتير انا ماشيه والي يحصل يحصل. جايه تمشي مسكها
جاسر بهدوء: يلا اركبي
ايه بعند: لا
جاسر: براحتك. وشالها وركبها العربيه وركب جنبها ومشي
ايه: يبتاع انت ازاي تشلني
جاسر:..... لارد
ايه: وقف العربيه
جاسر بصلها ببرود بعدين بص قدامو: بيتك فين
ايه: وقف العربيه بدل و المصحف انط واجبلك مصيبه
جاسر قفل العربيه وابتسم باستفزاز: بيتك فين
ايه بصتلو بنرفزه
جاسر: اخلصي مش هفضل الف كتير
ايه اخدت نفس تهدي بيه اعصابها: افتح الباب ونزلني
جاسر وقف العربيه فجأه وقرب منها
ايه بتوتر: اا ا انت بتعمل اي
جاسر ببرود وهو بياخد بطاقتها وبيرجع مكانو وهو بيشوف العنوان:  متقلقيش اوي كده انتي مش نوعي المفضل
ايه ب احمرار وعصبيه: ا انت انت
جاسر: ششششش مش ناقص وجع دماغ
ايه بصت من الشباك وهي بتشتمو بافظع الشتايم
في مكان تاني
امجد: ي جين اهدى بس
جين بعصبيه: متقوليش اهدى يعني اي ياخدوها للدكتور من ورايا وبيكدبوها كمان
امجد: ي جين احنا مش مكدبنها بس ده جزء من الخطه
جين بعصبيه وصوت عالي: تغور الخطه في داهيه انا الي يهمني اسراء ي امجد انت متعرفش زمانها بتفكر فينا ازاي
قاطعهم دخول زين و يوسف والبنات
جين جري اتجاه اسراء بلهفه: انتي كويسه
اسراء بصت لجين ببرود: عايز تفهمني انك مكنتش تعرف
جين: اسراء ولله ا
اسراء ببرود: متحلفش انا الي عايزه افهمو طلاما مش واثقين فيا سيبني معاكو لي
زين: ولله واثقين فيكي احنا عملنا كده عشان نطمن عليكي
اسراء ضحكت بسخريه: الكلام ده تضحك بيه على عيله مش عليا. جايه تطلع جين شدها ليه
جين: احنا اكتر ناس تخاف عليكي انتي متعرفيش اي الي حصلنا يوم م قالو انك موتي اسراء انتي لو جرالك حاجه هندمر
اسراء اتنهردت وبصتلو: انا عايزه افتكركو ي جين وانتو بدل م تسعدوني بتشكو فيا
يوسف قرب منها: احنا عمرنا م نشك فيكي احنا بنثق فيكي ثقه عمياء
اسراء:طب عيزاكو تبررو لي مش عايزيني اعرف الماضي
امجد: عشان خايفين عليكي
اسراء بعصبيه: من اي ومن مين
بسنت بهدوء: من الماضي نفسو ي اسراء فكرتي في مره اي السبب الي يخلي حد يبعدك عننا ٤ سنين ويقنعنا انك موتي
اسراء بانفعال: م ده الي عايزه افهمو لي كل ده انا عملت اي لي عثمان عايز يقتلني عايزه افهم ي بسنت
اروى: لو عرفتي السبب تعب سنتين هيضيع على الفاضي
اسراء بسخريه: بجد وانا اهمكو اوي كده
زينه: اكيد ي اسراء انتي متعرفيش معزتك عندنا قد اي
اسراء: لو كنت فعلا اهمكو مكنتوش سبتوني اربع سنين في مكان معرفش عنو حاجه
بسنت بعصبيه: مكنش مبزاجنا قولنالك الف مره كنا مفكرينك. زفرت بخنقه
اسراء رفعت حاجب: اي متكملي كنتو مفكرني موت صح هه. ضحكت بسخريه: وانتو بقى مصدقتو تخلصو مني مش كده بلاش صياعه احنا دافنينو سوا اكيد مكناش طول الخمس سنين تدريب دول كنا بناكل لب ولا اي
زين بعصبيه: لغايه هنا وكفايه. قرب منها واتكلم بهدوء وحده: انتي عشتي اربع سنين بعيد عننا مشوفتيش كل واحد فينا مر ب اي لا شوفتي اروى الي عايشه على المهدئات واسر كل يوم ياخدها لمستشفى شكل ودكاتره بعدد شعر راسك عشان تفكريها انها تنتحر بس عشان تروحلك  ولا بسنت الي كانت رفاضه تخرج من اوضتها ومانعه الاكل والشرب  وامجد الي متماسك قدامها عشان يقويها وهو اصلا حالتو مش احسن منها ولا زينه الي حياتها وقفت وكل يوم نسمع صراخها ويوسف خايف يغمضلو عين ل زينه يحصلها حاجه جين الي حياتو بقت عباره انو يزور قبرك ويقعد يتكلم معاكي ويعيط ويروح يزور روح ويقولها اخدتيها لي كنتي سبيها على الاقل من ريحتك ولا انا انا الي حياتي وقفت مش انتي بقيت بكلم صورك  مش بنام غير وهدومك في حضني ومش مستوعب فكره موتك كل ده انتي متعرفيش عنو حاجه وبتيجي بكل برود تقوللنا انتي مش تهمينا لا فعلا عندك حق انتي متهمناش خالص ولا يهمنا نعرف مين السبب ولا طالع عين كل واحد فينا عشان يجيب الي عمل فيكي كده رغم اننا مش مجبرين على ده بس كلو عشانك عشانك انتي وانتي حتى مش بتحسي بينا ولاعارفه احنا بنمر ب اي. قال كلامو وخرج بعصبيه وكلو خرج وراه واحد ورا التاني
اسراء قعدت على الكرسي بتعب وسندت راسها وغمضت عنيها وهي بتفكر في كلام زين  قاطع تفكيرها لما حست ان حد قعد جنبها فتحت عنيها ببطئ: مخرجتش معاهم لي ولا لسه انت كمان عندك حاجه تقولها
جين: ويمكن مخرجتش معاهم عشان اكون جنبك
اسراء بصتلو بطرف عنيها بعدين غمضت عنيها تاني وهي بتتنهد تنهيده طويله. جين قرب منها ومسك اديها وخلاها تبصلو: احكيلي اي الي مضايقك انا معاكي وفي ضهرك
اسراء: تعبانه اوي ي جين حاسه اني في مكان مش مكاني
جين: لي بتقولي كده كل الي موجود بيحبك بذات زين ده بيتنفس وجودك انتي مشوفتيش شكلو كان عامل ازاي لما قالو انك موتي
اسراء بصتلو شويه: حاسه انكو ندمانين على وجودي في حياتكو
جين : انتي لو تعرفي انتي اي بنسبه لكل واحد فينا مكنتيش هتقولي كده تعرفي يوم معرفت خبر موت روح حسيت قد اي انا ضعيف وجبان عشان سبتها تضيع مني قبل معترفلها بحبي لغايه مظهرتي في حياتي غيرتي جزء كبير فيها دويتي جرح عدى عليها سنين وانا بحاول ادتويه بكل الطرق ولما انتي كمان سبتيني الجرح اتفتح تاني بس كان اقوى ي اسراء رغم وجعي عليكي على قد منا حاسس انك تستهلي تكوني في السما الي زيك يستحقو يكونو في مكان بعيد عن وجع الدنيا تستحقي تعيشي في راحه ومكان كلو طيبه وهدوء مش حروب و ضغط صدقيني انا بحبك مش بس انا كل الي موجدين بيحبوكي صح مش بيقولو بس بيعملو الي يدل على
حبهم ليكي
اسراء ابتسمت وبصت في الارض
جين: يخلاثي عليكي وانتي انثى وبتتكسفي بيبقى هاين عليا اكلك اكل ولله
اسراء ضحكت: بس يلا متكسفنيش بس تعرف يولا انت الي فيهم لي متجوزتنيش انت بدل ابو لهب ده مش عارفه اي كميه الاسود الي في حياتو دي وعصبيتو الي فوق الحد انا بدي افهم ليش متجوزتنيش
جين: شششش يخربيتك انتي عيزاني ادبح زين لو سمعك هيقطعني حتت ويرميني لكلاب السكك
اسراء: يخربيتك انت بتخاف منو
جين حط ايدو على عينو وقال بوجع مصطنع: ايدو طرشه ابن اللزينه
اسراء ضربتو في دراعو وهي بتضحك
جين بتمثيل: وانتي ايدك اطرش منو يخربيتك مجمع الى موفق اصراحه
اسراء: قوم يلا خرجني انا مخنوقه
جين: حاضر يختي منا سواق اهلك انا عايزه تصيعي فين
اسراء بتفكير: مممم اي رايك نروح الملاهي
جين حط ايدو على جبهتها: انتي سخنه
اسراء: بطل رخامه ويلا
جين: يلا فين ان كنتي اتهبلتي والحادثه قصرت على نفوخك ف انا لا يستحيل نروح الهبل ده على جثتي
في مكان تاني
زينه: ي زين انت عارف ان الي هي بتعملو مش ب اديها وعارف هي كانت بتحبك قد اي
زين بحزن: اديكي قولتي بلسانك كانت اسراء مبقتش تحبني ي زينه
يوسف: لا بتحبك وبتموت فيك كمان هي بس مش فاكره اي حاجه حصلت معاكو بس لسه قلبها بينطق باسمك وليك
زين سند راسو وغمض عينو بهدوء و امجد بصلهم وسابوه لوحدو وخرجو
زين بص على صورتهم على المكتب وابتسم ابتسامه بسيطه وقرر انو يخليها تحبو من اول تاني وهيوفو بوعدو ليها ويعوضها عن الي حصل معاها
عند جاسر و ايه
وصلو جاسر بص على ايه لقاها نايمه في سابع نومه فضل باصصلها وبيتأمل ملامحها الطفوليه لغايه متمردت غصله من شعرها ووقفت على عنيها مد ايدو يبعدها ف ايه حست بلمستو وفتحت عنيها واتقابلت مع عينو عدت دقايق ولسه لغه العيون متواصله لغايه م ايه فاقت وبعدت بسرعه
جاسر بحرج: احم وصلنا
ايه بوش احمر: ت تمام شكرا. ونزلت جري
جاسر بص ل اثرها بابتسامه وشغل العربيه ومشي
عند اسراء و جين
قاعدين في قطر الموت واسراء لبست جين طوق ارنب
اسراء: مممم كنت بتقول على جثتك لو روحنا المكان ده
جين بندنيب: منك لله الهي اشوف فيكي يوم لا يوم اي اسبوع شهر سنه
اسراء: اضحك بس عشان الصوره تطلع حلوه وانت شكلك كيووووت اوي بالطوق ده
جين: بعد مهددتيني بالمسدس عشان البسو ي قادره
اسراء: ششش يلا اللعبه هتبدأ امسك جامد بقى
جين لسه هيتكلم القطر اتحرك بسرعه وهو يصوت باعلى صوتو: اااااااعععع منك لله ي اسراء الكاااالللب نزلووونااااااااي
في بيت المنشاوي
بسنت باستغراب:جين و اسراء فين
امجد:تلاقيهم خرجو ولا حاجه
زين:انا هطلع الاوضه اخد دش اعبال ميجو
زينه:وانا كمان هطلع اوضتي اغير جسمي ادغدغ من اللف طول اليوم
بعد شويه
على البحر
جين بابتسامه: اتبسطي
اسراء بابتسامه: جدا شكرا على اليوم ده بجد احسن يوم عشتو في حياتي
جين غمز: اي خدمه
اسراء حست برعشه برد في جسمها ف جين ابتسم وقلع الجاكت ولبسهولها فبصتلو بابتسامه ونامت على كتفو :تعرف انا بحب اقعد معاك اوي.ضحكت:الي يشوفنا واحنا كده يفتكرنا بنحب بعض
جين ضحك:تصدقي نفسي اشوف شكل زين لما يشوفنا كده صدقيني هيطخنا عيارين يجيبو اجلنا
اسراء:كفايه كلام بقى انا عايزه اتفرج على البحر بهدوء
جين:اتغيرتي اوي انتي عمرك محبيتي تقعدي في المكان الهادي الى لو ناويه على مصيبه ومحتاجه تخطيط لاكن ديما بتحبي الحركه والدوشه
اسراء:مممم انت تعرفني اوي بقى
جين:انا اعرفك اكتر منك اصلا
اسراء ابتسمت:عرفت لي كنت قريب مني
جين:لي بقى
اسراء بشرود:عشان انت مفيش زيك ي جين طيب وجدع وبتحب تعمل الي يفرح الي حواليك مش عارفه اقول اي بس بجد انت شخص عظيم.قالت بهمس: وتتحب
جين:زين بقى احسن مني بكتير هو عمل المستحيل عشان تبقو سوا انتو الي بنكو حب اسطوري مش سهل يتكسر
اسراء:شوف حتى رغم الي بيعملو معاك قاعد تمدح فيه
جين:لان دي الحقيقه ي اسراء زين بيحبك بجد
اسراء بصت للبحر بشرود
جين بصلها بابتسامه بعدين بص للبحر
في بيت المنشاوي
امجد: يعم فهمنا في اي
زين بعصبيه: ممكن تخرس عشان انا اقسم بالله على اخري. وبيحاول يتصل ب جين
بسنت: متفهمنا ي زين م انت كنت كويس قبل متطلع اي الي حصل
في اللحظه دي دخل اسر
اسر: في اي يجدعان الجو متكهرب كده لي وجين واسراء فين
يوسف بهمس: اركن دلوقتي عشان هولاكو بيتحول
اسر: اغيب ساعتين ارجع الاقي الدنيا اتقلبت ممكن افهم بقى
اروى: احنا نفسنا مش فاهمين
زين بعصبيه: اقسم بالله لو طلع الموضوع صح لقتلك ي جين
امجد بعصبيه: زين ممكن تفهمنا انت بتقول اي واي علاقه جين بالي بيحصل
قطع كلامه وصول جين واسراء وهم بيضحكو اندفع زين ناحيه جين بعصبيه ومسكو من هدومو
زين بعصبيه: بتستغفلني ي جين بتركبلي قرون انا زين المنشاوي تعمل فيا كده فوق لسه متخلقش الي يستغفل زين المنشاوي
جين بزعيق: في اي ي زين اي الي انت بتقوله ده
اسراء بصوت عالي وهي بتحاول تبعدهم عن بعض: سيبو ي زين انت اي الي جرا لعقلك 
زين بزعيق وعصبيه: انتي تخرسي خالص
بعد م نجح امجد ويوسف و اسر انهم يبعدوهم عن بعض
اسر زق زين واتكلم بعصبيه: انت اتجننت اي الي بتهببو ده
زين بعصبيه: الي انا بهببو ده اقل واجب اتجاه الي حصل
يوسف: اي الي حصل لكل ده
زبن: لما البيه يستغل ان مراتي فاقده الذاكره ويحاول يقرب منها وانا نايم على وداني يبقى ليا حق ولا لا
الكل بصدمه: اي
زين: مالكو اتصدمتو كده لي مهي بسيطه مش كده
جين: انت واعي للي بتقوله انا يستحيل اعمل كده
زين: لا ولله اومال الصور دي اي. زين ورا تلفونو ل جين
امجد بصدمه: انت تعمل كده ي جين يعني كلام مازن كان صح وكنت بتعمل كل ده عشان تقرب منها
جين بصلو بصدمه: انت مصدق الي بتقولو انا اعمل كده و في مين في اسراء الي بعتبرها اختي
زين بصراخ: بس هي مش اختك ي جين
يوسف: يجماعه اهدو بس نسمع منو الاول
جين: ولله العظيم محصل انا يستحيل اعمل كده انا بحب روح ويستحيل احب غيرها
اسر: والصور
جين: مش هنكر اننا كنا قاعدين في الوضعيه دي على البحر بس ولله العظيم م في اي حاجه بينا
زين بعصبيه: وانا المفروض اصدقك مش كده
جين بصوت عالي: لازم تصدقني عشان دي الحقيقه حتى اسالها انا عمال اقول اي عنك وقاعد اوصفلها حبك العظيم ليها رغم انك متستحقش اصلا ومتنساش ان انت السبب في الي حصلها
اسراء بصت لزين بصدمه: اي
زين بعصبيه: وانت عارف انو مش بايدي و ان الي حصل كلو من تخطيط شاهي وسيف الي سبتوه يهرب
اروى بصوت عالي: يجماعه اهدو وبطلو تفتحو في الي فات الموضوع هيكبر
جين: يكبر ي اروى خليه يكبر عشان البيه الي الغيره عمتو حتى عن حب اسراء ليه
زينه بصراخ: اسراااااااء
بصو اتجاه الصوت و.... يتبع