ما بين متمرد و مغرور (الجزء الثاني)

السابع

ما بين متمرده ومغرور
الجزء الثاني
السابع
________&
الشيطان:قلبك مقويكي لدرجه انك بتكلمي بثقه وانتي تحت ايدي ومش خايفه
:الخوف مش في قموسي الخوف للي زيك اراهنك انك واقف دلوقتي مرعوب واكبر اثبات رغم اني تحت رحمتك زي مبتقول الى لغايه لوقتي خايف لعرف انت مين لانك واثق اني هخرج من هنا وواثق اني هقتلك انت والكلب عثمان
الشيطان: اكلمي على قدك يبت
ضحكت بصخب: انا مبتكلمش كلام مش قدو وانت اكتر واحد عرفني مش بتاعه كلام بنفذ على طول
الشيطان........
:اي سكت لي نرفزتك صح
الشيطان اداها حقنه مخدره: متبقاش كتير وهخلص عليكي واثبت للكل مين هو الشيطان
تاني يوم
اسراء: احم زين
زين: نعم يحبيبتي في حاجه
اسراء: اا ا كنت عايزه اكلم ساره
زين: حاضر بس لي
اسراء: اصلها وحشاني ومن ساعه مسافرت مكلمتهاش
زين: مفيش مشكله خدي الرقم اهو
اسراء في نفسها: اخيرا قربت اوصل يس: شكرا
زين ابتسم: مفيش شكر بنا
اسراء اخدت الرقم بابتسامه وطلعت على اوضتها على طول وقفلت الباب بالمفتاح بصت للرقم بابتسامه والفرحه تغمرها: يارب يارب. كتبت الرقم وانتظرت دقايق حتى اتاها الرد
ساره: الو مين معايا
اسراء: احم انا اسراء ي سو
ساره بفرحه: اسرااء وحشاني اوي انا زعلانه منك عشان مبتكلمنيش
اسراء: معلش يحبيبتي بس مشغوله شويه انتي عامله اي
ساره: كويسه بس انا عايزه اشوفك وحشاني اوي اوي قد البحر وبابا مش راضي يخلينا نيجي عندك انتي وابيه زين
اسراء: عشان فيه شغل كتير ومش هينفع تيجي دلوقتي ي سو
ساره بحزن: بس انتي وحشاني
اسراء قلبها دق: و وانتي كمان بقولك ي سو هو انا كنت بروح لدكتور
ساره: ايوه
اسراء: طب متعرفيش الدكتوره دي بتاعه اي
ساره: اعرف كانت دكتوره نف
محمد: ساره بتكلمي مين
اسراء غمضت عنيها وضغطت على سنانها بعصبيه
ساره: بكلم اسراء يبابا
محمد اخد التلفون: اذيك يبنتي عامله اي
اسراء: الحمدلله بخير
محمد: ديما يحبيبتي وزين عامل معاكي اي
اسراء: كويس
محمد: طب يحبيبتي احنا هنقفل عشان اودي ساره للمدرسه عايزه حاجه
اسراء: سلامتك. وقفلت رمت التلفون على السرير ومسحت على وشها بعصبيه: ثانيه بس كان فاضل ثانيه. رمت نفسها على السرير وبصت للثقف غصب عنها دمعه نزلت من عينها: حتى جين بعد عني ورفض حبي لي هه. ضحكت بسخريه: انتي السبب من الاول انا مينفعش احب شكل مكتوبلي التعب ديما لي الالغاز دي فيها اي لو عشت عيشه طبيعيه في بيت مفهوش انتقام وقتل مع عيله بحبهم وبيحبوني في جو دافي. غمضت عنيها ومسحت دموعها: بس انا الي اخترت ولازم اكمل طريقي
عند ايه
قعده في اوضه المريضه وبتشوف الادويه الي بتاخدها
ايه باستغراب: بس الادويه مظبوطه مفهاش حاجه اومال لي عينه الدم فيها نسبه مخدر شديد. حطت الادويه مكانها وقعدت على الكرسي الي جنب السرير ونادت على الممرضه الي بتابع حالتها
ايه: هو في حد بيدخل هنا غيرك
الممرضه بتوتر: لا
ايه بصتلها شويه: ممم طب تمام من هنا ورايح متدخليش الاوضه دي تاني انا هجيب ممرضه تانيه
الممرضه: بس ي دكتور انا الي بتابع حالتها من ساعه م دكتور سمير كان ماسكها
ايه: وانا مش دكتور سمير وانا شايفه ان حضرتك مهمله في شغلك واحمدي ربنا اني سيباكي كده ومعرفتش مدير المستشفى والى كان ممكن تروحي في داهيه بذات ان المريضه مفاقتش لغايه دلوقتي وده معناه ان الادويه مش بتتاخد في معادها
الممرضه بتوتر: ب بس
ايه: هتمشي بالزوق ولا لا
الممرضه خرجت بسرعه وراحت مكتب سمير
سمير بملل: في اي ي شهد
شهد قعدت قدامو: الدكتوره الجديده هتكشفنا
سمير اتعدل: اي الي بتقوليه ده وعرفتي منين
شهد: دلوقتي قالتلي انها هتجيب ممرضه غيري
سمير بتنهيده: خضتيني يشيخه وفيها اي يعني انا فكرت انها مسكت حاجه علينا
شهد: لا فيها كتير لما انا مبقاش مع البنت هديها الحقنه ازاي ومتنساش ان معاد التسليم قرب ولو البنت فاقت هنروح في داهيه
سمير: احنا ممكن نرشي الممرضه الجديده
شهد: وافرض رفضت او عرفت الدكتوره
سمير بتفكير: خلاص انتي الي هتديها الحقنه
شهد: ازاي وانا مبقتش ماسكه حالتها
سمير:في الخفا
شهد: ولو اتقفشت
سمير: اكذبي اي كذبه انتي هتغلبي يعني
شهد: انا قلقانه منها
سمير: تعدي الثفقه دي بس بعدين نفضالها
شهد بصدمه: اوعى يكون قصدك ا
سمير بهدوء: بظبط البت دي خطر علينا
شهد: ط طب افرض صاحب المستشفى عرف
سمير: ولا يقدر يعمل حاجه
شهد: لا يقدر ده زين المنشاوي يعني لو عرف يبقى الله يرحمنا
سمير: ركزي انتي بس ومتقلقيش
شهد بقلق: ربنا يستر
عند ايه
تفحصت البنت وعلقت المحاليل وهي بتكلم الممرضه: مفيش مخلوق يدخلها غيري انا وانتي والدوا تدهولها في معاده انا هعدي عليها من الوقت للتاني طول منا مش معاها متتحركيش من الاوضه
الممرضه: حاضر يدكتور
ايه اتنهدت وبصتلها: اسفه اني بتكلم بالطريقه دي بس في دوا بيتحطلها غلط وده الي مخليها مفاقتش لغايه دلوقتي
الممرضه بابتسامه: ولا يهمك يدكتور ومتقلقيش هنفذ الي قلتهولي بالحرف
ايه بابتسامه: شكرا. قاطعها صوت تلفونها: كده تمام انا همشي انا بقى اي حاجه تحصل بلغيني على طول
الممرضه: حاضر
ايه خرجت وردت على التلفون وهي ماشيه اتجاه المكتب: الو
: كلب البحر حجي
ايه: اهلا ب نسناسه هانم
: تشكر ي ابو الصحاب
ايه:ناويه تنزلي مصر امتى يست تقى
تقى: منا مكلماكي عشان كده
ايه: خير
تقى: هنزل قريب انشاء الله
ايه بفرحه: بجد
تقى بابتسامه: جد الجد يصاحبي
ايه:طب لما تتاكدي هتنزلي امتى بظبط قوليلي وعرفيني اخبارك اول ب اول عشان اقابلك في المطار
تقى: اشطا المهم احكيلي عملتي اي الفتره دي
ايه بتنهيده: الي حصل يستي
نسبهم يرغو ونروح ل زين و اسر
اسر: ي زين لازم جين يرجع
زين بعصبيه: مش عايز اسمع اسمو احسنلك
اسر بهدوء: اسراء لو عرفت هتولع الدنيا تقدر تقولي هتتصرف ازاي ساعتها لما تعرف انك بتشك فيها ويسلام بقى لما ترجعلها الذاكره وانت اكتر واحد عارف ان اسراء تسامح في اي حاجه الى كرامتها ي زين دي تدوس على قلبها دوس ولا كرامتها تتمس
زين بخنقه: انا مش بشك فيها بس .بصلو بحزن:خايف تكرهني انا استحمل اي حاجه بس كرها ليا لا ي اسر مش هقدر صدقني
اسر ربط على كتفو:لي بتقول كده اسراء بتحبك ومش الذكريات الي هتمسح حبكو ي زين ان كان العقل ناسي بس القلب يستحيل ينسى
زين: بس هي كل يوم بتتعلق ب جين اكتر مني زمان كانت بتعتبرو اخوها بس دلوقتي لا
اسر: لي بتقول كده
زين بشرود: شوفت في عنيها نظره انا اكتر واحد عارفها.كمل بحزن: كنت بشوفها في عنيها زمان النظره دي من حقي انا ي اسر
اسر حضنو: متقولش كده اسرء بتحبك انت هي مش فكراك بس قلبها فاكرك ي زين
عند تيم
تيم: تقلبو الدنيا عليها لازم تظهر ب اي طريقه
الحراس: حاضر يباشا
تيم بحده: وعلله تامر بيه يعرف حاجه فاهمين
الحراس: امرك يباشا
تيم: يلا روحو انتو دلوقتي ولو وصلتو لحاجه قولولي. الحراس خرجو وتيم اتنهد وبص وراه لقى ياسمين
ياسمين: مين دي الي عايزهم يدورو عليها
تيم بتوتر:ها
عند جاسر
قاعد على مكتبو بيفكر في متمردتو زي مسماها قاطع تفكيرو صوت التلفون بصلو بابتسامه جانبيه رد: هي فين دلوقتي
الحارس: خرجت من نص ساعه هي دلوقتي في كافيه.........
جاسر قفل وبص قدامو وعلى وشه نظره خبث: جايلك ي متمردتي الجميله
في مكان تاني
جيجي: هنبدأ امتى
: مش دلوقتي عايزين نتاكد الاول هنعمل اي مع الباقي
جيجي بغل: المهم ادمر حياتو واحرمو من ابنو مش مهم الباقي
: لو قربتي منهم قبل مقول هتزعلي مني ي جيجي سلام
عند البنات
زينه: انتي كويسه
اروى بتعب: شويه تعب بسيط 
بسنت: تحبي نطلبلك دكتور
زينه: وانا ديكور هنا
بسنت ضحكت: مش قصدي يعني يكون تخصصو
اروى: لا انا هنام شويه تصبحو على خير
الكل: وانتي من اهل الخير. اروى طلعت قابلت اسراء على السلم
اسراء باستغراب: مالك
اروى: دايخه شويه بس هروح انام شويه
اسراء: تمام تصبحي على خير
اروى وهي طالعه: وانتي من اهلو
زينه: اخيرا رئفتي بينا ونزلتي
اسراء: اها
بسنت: طب قومي انتي وهي خلينا نلحق نعمل الغدا  صفيه ومريم واخدين اجازه انهرده
ودخلو يطبخو وهم بيرغو
زينه بصت ل اسراء وهي بتقطع الخيار: على فكره ده السكر مش الملح
اسراء: يعني هتفرق مهم الاتنين لونهم ابيض
زبنه ضحكت وهي بتبص قدامها وبالغلط عورت نفسها: اووفف
بسنت ادتها منديل: خدي خلي بالك
زينه: بتحرق اوي
بسنت: تعالي اغسليها عشان اللمون. ومسكت اديها
حطتها تحت المايا: اسراء هاتي لزقه طبيه من عندك..... اسراء. بصولها باستغراب
اسراء واقفه بتبرق وبتتنفس بسرعه وجبهتها بتتصبب عرق: د دم دم ااااععع ابعدوووه عنااااااي دااام
بسنت وزينه جريو عليها وبيحاولو يمسكوها: اهدي في اي
اسراء بعياط ورعشه بتشاور على صباع زينه: د م دم
زينه خبت صباعها ورا ضهرها: اهدي اهدي مفيش حاجه
اسراء وهي بتفقد قوتها: د دم... ابعدوه.... دم. واغمى عليها
بسنت بخضه: اسراء
عند ايه
قعدع بتشرب قهوه وماسكه الملف بتقراه وبتفكر هتعمل اي اتخضت لما لقت ايد بتترزع على الطربيزه: اي التخلف ده
جاسر: مالك يبطه اتخضيتي
ايه بعصبيه: لاخر مره هقولك ابعد عني
جاسر ضيق عينو: او
ايه ابتسمت ابتسامه صفره: هعمل كده. ورمت عليه القهوه
جاسر بصلها بعصبيه: اي الي هببتيه ده
ايه: متزعلش هغسلهولك. وحدفت عليه مايه: ياريت تكون الخدمه عجبتك. قربت منو واتكلمت ببرود: متلعبش معايا عشان اخرتو وحشه سلام. واخدت الملف ومشيت بانتصار
جاسر وشو احمر وعروقو برزت وعنيه كالجمر قال بصراخ: مكااانك
ايه اتسمرت مكانها من الخوف بس حاولت تتحكم في نفسها. جاسر راحلها ووقف قدامها:الي عملتيه ده مش هيعدي جهزي نفسك بقى
ايه بتوتر فشلت في اخفاؤه: ه هتعمل اي
جاسر ابتسم بخبث: كلو في وقتو يسنيوره. وسابها ومشي
ايه: يلهوي هو اتحول كده لي. تلفونها رن: الو يبت انتي مش لسه قافله بتتصلي تاني ليييي
تقى: اييييي مصوره وانفجرت
ايه: عايزه اي عشان مش طايقه نفسي
تقى: بصي وراكي كده
ايه بصت وراها لقت تقى بتشورلها جريت عليها وحضنتها: وحشاني يبنت الهبله
تقى ضحكت: وانتي كمان ي ام لسانين
بعد شويه من الاحضان والتسليم
تقى: ها احكيلي مالك بقى
ايه حكتلها الي حصل
تقى: يخربيتك و يخربيت طوله ايدك الي مودياكي في داهيه دي انتي اتجننتي يبت
ايه: كنتي عيزاني اعمل اي ده واحد شايف نفسو عليا مش عارفه على اي واحد مغرور مستفذ
تقى: وافرضي نفذ كلامو
ايه: هو اي
تقى: يبت مش انتي قولتي انو قالك هيندمك
ايه: معرفش بقى
تقى: نصيحه مني بقى استخبي الفتره دي
ايه بعصبيه: نعاااام يعنيا استخبى من مين وليه اصلا ولا عاش ولا كان الي يخلي ايه تخاف
تقى: ولله غرورك ده الي جايبك ورا
ايه: دي ثقه مش غرور وانتي اكتر واحده عارفه انا مريت ب اي
تقى بتنهيده: لسه منستيش ي ايه
ايه: ولا هنسى ي تقى ومش هيهدالي بال الى لما اعرف هو فين وانتقم منو
تقى: ي ايه انتقام اي دوامه الانتقام دي الي بيدخلها مبيخرجش منها غير على قبرو انتي مش حملها صدقيني
ايه: وانا مبقاش يفرق معايا ي تقى
تقى: يعني اي
ايه: يعني انا داخله على حرب يهطلع منها كسبانه يهطلع منها خسرانه
تقى: وانا مش هسمحلك تعملي كده
ايه: انا قررت يبقى هنفذ سيبك من الموضوع ده لما يجي وقتو المهم عيزاكي في موضوع
تقى بتنهيده: براحتك قولي
ايه: انا لما سبت المستشفى القديمه قدمت في مستشفى كبيره واتقبلت وحظي وقع في اديا بنت في غيبوبه ولما قريت الملف لقيت كل الي مكتوب غلط ان عندها مرض في القلب والكليا والكبد ومصايب وكل ده غلط فشكيت ان يكون في حد بيعمل كده قصد
تقى بعدم فهم: قصد ازاي يعني
ايه: ان يكون في حد عندو مصلحه من انها تفضل في غيبوبه ف عملتلها تحليل دم وللاسف طلع كلامي صح وان في نسبه مخدر قوي كمان بتاخدو بانتظام رغم اني غيرت كل الادويه وبدهالها بايدي فشكيت في الممرضه بذات ان هي نفس الممرضه الي كانت مع الدكتور الي كان بيتابع حالتها قبلي وقفشتو كذا مره عندها في الاوضه فغيرتها
تقى: طب مكل حاجه تمام اهي
ايه: طول مهم في المستشفى هكون قلقانه ي تقى افرضي طلع شكوكي صح اي الضمان انهم مش بيدو حقن مخدره لناس تانيه ولي بيعملو كده اصلا
تقى: هي نوع الحقن اي
ايه: اسمها*****
تقى: ايه انا شاكه انو
ايه بصدمه: اوعي تكوني قصدك الي في دماغي
تقى هزت راسها: شكلها كده فعلا
ايه بعدم استعاب: تجاره اعضاء
يتبع
#الا_رسول_الله
#مقاطعه_فرانسا
#مقاطعه_المنتجات_الفرنسيه