ما بين متمرد و مغرور (الجزء الثاني)

الخامس عشر

ما بين متمرده و مغرور
الجزء الثاني
١٥
----------------&
بسنت محاوله التكلم بهدوء: اي الي جابك اكيد مش جايه تطمني عليا
اش: صح برافو عليكي بتفهميها وهي طايره
بسنت بهدوء: اسمعي ي اسراء انا مش عايزه اكرهك بسبب فقدانك الذاكره ف ياريت تخرجي عشان مس مسؤله عن اي حاجه هتحصل
اش ضحكت بصوت عالي: اي ده بجد. وقفت ضحك فجأه وقربت منها: انتي هتصيعي عليا ولا اي منا عارفه انك اتأكدتي اني مش اسراء
بسنت ابتسمت بجانبيه: يعني بتعترفي
اش:ممكن وممكن لا
بسنت: انتي عايزه مننا اي وانتي مين وشبهه اسراء ازاي
اش: ممممم انا مين وعايزه اي وشبه اسراء ازاي اي الاسئله الصعبه دي
بسنت: مش خايفه اقولهم الحقيقه
اش ضحكت: تفتكري هيصدقوكي
بسنت: واي الي يخليهم مش يصدقوني
اش: حبهم ل اسراء هيخليهم مش يصدقوكي مع دمعتين مني قلب زيزو هيحن مش بعيد يطردك اصلا
بسنت:زين مصعبش عليكي وانتي مفهماه انك اسراء وانتي بتقربي من جين وبتوقعي بنهم
اش بتريقه: عايزه اصراحه صعب عليا اصل بيني وبينك بيحب اسراء اوي لا لا ده مجنون بحاجه اسمها اسراء ههه اكيد طبعا لا يصعب عليا انا انا لو اطول اقتلكو واحد واحد وهبدأ بيه هعملها
بسنت: انا مش هسمحلك تمسي شعره من عيلتي
اش: الي خلاني اسقطك هيخليني اقدر اخلص عليهم
بسنت بعصبيه: يعني انتي الي زقتيني
اش هزت راسها باستفزاز: بظبط
بسنت حاولت تقوم معرفتش: ص صدقيني هندمك
اش اتكلمت بهمس بجانب اذنها: دي بس قرصه ودن عشان وقفتي في طريقي بس متقلقيش الطريق لسه طويل وهتشوفي بعينك
بسنت بزعيق: اطلعي براااااااا
اش ضحكت: سلام ي نسر
بسنت فضلت تزعق وتحدف كل الي اديها تمسكو لغايه مدخل الممرضين وادوها حقنه مهدئه
اروى: هو اي الي حصل
الممرضه: جالها انهيار عصبي
زينه: ازاي احنا سبناها كويسه ومحدش دخل بعدنا
الممرضه: هنعرف منها لما تفوق
اروى: ينفع نقعد معاها لغايه متفوق
الممرضه: للاسف لا
زينه: حضرتك انا دكتوره متقلقيش انا هخلي بالي منها
الممرضه: تمام ي دكتور بس ياريت متتعرضش ل اي ضغط عن اذنكو. وخرجت
اروى قعدت على الكرسي جنبها ومسكت اديها وهي بتعيط: متبنيش ي بسنت انتي الي بقيالي من ساعه الي حصل
زينه حطت ادها على كتفها: بسنت قويه وهتتغلب على كل ده
اروى بصتلها بدموع: يارب ي زينه مش هقدر استحمل بعدها هي كمان
زينه اتنهدت وهي بتفكر في عيلتها الي كل يوم بتتفرق وبتدمر وهي واثقفه متكتفه ومش عارفه تعمل حاجه غمضت عنيها وقالت في سرها: مش هسمح لحد يقرب منهم ومن اللحظه دي زينه هتقوى ومش هتسيب عيلتها تدمر اكتر من كده. شالت اديها ولسه هتخرج وقفهت صوت اروى: راحه فين
زينه بصتلها بابتسامه عشان تطمنها: متقلقيش م اللحظه دي
اروى: ناويه على اي
زينه بصت قدامها بشرود: ناويه على كتير خليكي جنب بسنت اعبال ماجي
اروى هزت راسها وهي حاسه بقلق
زينه خرجت وكان الكل برا وقفت قصادهم بثبات: زين انت وجين هتصفو حسابكو ودلوقتي
زين بصرامه: متدخليش انتي ي زينه في الي ملكيش فيه
زينه بحده: لا هدخل لان علتنا بتدمر كل يوم عن الي قبلو ومش هستنى لما الاقي واحد فيكو قاتل التاني في حد بيلعب بينا احسبها بالعقل لو فعلا في علاقه بينهم فكر كده مين الي بعت الصور اكيد حد من اعدائنا وقاصد يفرقنا كل واحد يفكر بالعقل ازاي كل واحد فنا بقى ليه مشكله بتبعدو عن الباقي واحنا في وضع محتاجين بعض
اسر: زينه بتتكلم صح بعدين جين مش غبي للدرجه دي ي زين اسراء كانت قدامو من زمان من قبل حتى متعرفك لي هيقرب منها دلوقتي وحتى لو قرب منها اسراء بتحبك انت
يوسف:ومتنساش برضو ان اسراء يوم محست انها خطر عليك حاولت تبعد يعني فعلا بتحبك والي بنكو مش قليل عشان احداث هي الي تتحكم فيه
جين: صدقني ي زين انا عمري مفكرت في اسراء زي مبتقول انا بعتبرها اختي مش اكتر
زين بخنقه: انتو فتحتو الموضوع ده دلوقتي لي
زينه ببرود: في حد دخل اوضه بسنت
امجد بخضه: ازاي احنا كلنا كنا هنا ط طب هي كويسه
زينه: متقلقش هو جالها انهيار عصبي بس هي نايمه عشان اخدت مخدر الي حصل لبسنت يثبت ان في حد عايز يدمرنا لان بالطبيعي لما تتعرض للحادثه مرتين امجد هيعادينا ودي هتبقى بدايه فرقتنا
يوسف: انا شايف ان زينه بتتكلم صح لان فعلا الفتره الاخيره حصلت مشاكل كتيره بنا
زين: انتي شاكه في حد معين
زينه: هي اسراء فين
سكتو كلهم وبصو لبعض بصدمه
زين بعصبيه: انتي اتجننتي
جين بشرود: لا ي زين زينه عندها حق
امجد: انت بتقول اي ي جين انت جرا لعقلك حاجه
يوسف: يجماعه براحه اكيد هي مش تقصد
زينه: لا اقصد ي يوسف حركاتها الفتره دي غريبه ومش الفتره دي بس لا من اول مرجعت
زين بعصبيه وتحذير: الي هيوجهلها اي اتهام هيزعل مني. وسابهم ومشي
اسر: عاجبك كده
زينه: ي اسر انا
اسر: مش هنتكلم في الموضوع ده تاني ي زينه. وجهه كلامو ل يوسف: تعالى معايا
يوسف هز راسو وراحو ورا زين
امجد: انا هدخل اشوف بسنت. وسابهم ودخل
جين بهدوء: كلامك صح
زينه: عارفه بس مش عارفه هنثبتلهم ازاي
جين: بسنت لما تفوق هي الي هتقدر تساعدنا
زينه هزت راسها بعدين سألت: بس اي اي خلاك تصدقني يعني انا عارفه انك بتعز اسراء اوي
جين: انا بعز اسراء القديمه الي هي الصخر مش الي بتدهم حياه الي حواليها
زينه بتساؤل: قصدك اي
جين وهو بيفتكر لما اعترفتلو بحبها: ولا حاجه المهم
تنفذي الي هقولهولك دلوقتي
زينه بانصات: قول 
عند ملك
ملك بتوتر وخوف: ا ادم
ادم سحبها من فهد بعصبيه: انت ازاي تمسكها كده
فهد بصلو من فوق لتحت ببرود: انت بقى ادم الي بيقولو عليه مممم طب كويس انك جيت طلبك مرفوض
ادم: طلب اي بظبط
فهد ببرود: جوازك من ملك مش هيحصل طول منا عايش
ادم: لا هيحصل بعدين انت مين انت عشان تاخد قرار زي ده
فهد ببرود: ابن عمها حاليا وجوزها مستقبلا
ادم ضحك بسخريه: قول كده بقى تبقى بتحلم لو فكرت انك تاخدها مني
فهد: هتتجوز واحده مش بتحبك
ادم: الي بيني انا وملك احترام الحب هياخد وقتو ومتقلقش هتكون من المعزومين على فرحنا
فهد مسكو من هدومو: دي هتبقى جنازتك ملك بتاعتي انا ولا عاش ولا كان الي هياخدها مني
ادم بعد ايدو بعصبيه: لا موجود وهتشوف بعينك يوم متكون على اسمي
فهد اتعصب والدم جري في عروقو فضربو بالبوكس
ملك شهقت برعب وادم مسح الدم الي نزل من بؤو وردلو البوكس وبدأ الصراع بنهم وملك تصوت وتحاول تبعدهم عن بعض بس بلا فايده
ملك بخوف وعياط وهي بتشد فهد: ابعد عنو سيبو ي فهد هتموتو حرام عليك
فهد زقها بعصبيه وكمل ضرب في ادم. ادم اخيرا قدر يزوقو ونزل ضرب فيه غير مدركين بالملقيه على الارض وبتنزف
اتجمعت الشركه كلها على صوتهم
نسرين بصدمه: ملك يلهوي. وجريت عليها وهي بتحاول تفوقها
فهد شافها والرعب دب في قلبو جري عليها واخدها من نسرين: ملك حبيبتي انتي كويسه قومي ي ملك متخوفنيش عليكي
نسرين: لازم نوديها المستشفى بسرعه
فهد شالها وجري بيها على برا تحت انظار الموظفين
ادم جري وراهم وهو خايف على ملك وحس ان قلبو هيطلع من مكانو
نسبهم ونروح ل تامر
تامر: جبتلي الي طلبتو منك
الحارس: ايوه يباشا دي كل المعلومات عن البنت
تامر اخد منو الملف: تمام روح انت دلوقتي
الحرس مشي وتامر سند راسو على المكتب وهو بيفكر وبعد شويه قرر يشوف هي مين فتح الملف وبمجرد مشاف صورتها الملف وقع من ايدو بصدمه: ايمان. سكت من الصدمه وهو بيمر قدام عينو شريط حياتو: ي يستحيل ط طب ازاي
عند اسراء
دخل ذياد وهو مبتسم بشر
اسراء ضحكت بسخريه: اي واحشتك ولا اي
ذياد: جدا ده انا حتى جيبلك اخبار زي اللوز
اسراء بدأت تقلق: اخبار اي
ذياد وراها فديو و اش بتزق بسنت و وراها وقت دخول زين السجن و سمعها تسجيل خناق بين جين وزين والمصايب كلها : اي رايك مفجأه حلوه صح
اسراء بصت للصور بصدمه وعنيها دمعت خلاص كده حياتها هتدمر الصخر خسر الحرب
ذياد بشماته: تؤتؤتؤ صعب اوي صح لما تكون اختك هي السبب في دمار عيلتك اقولك على سر. قرب منها وهمسلها: اش ناويه تقتل زين هي بعد يومين من دلوقتي وتلبسها ل جين لولايا كانت قتلتو انهرده بس انا قولتلها توجه قلبو الاول شوفتي انا طيب ازاي واختك هي الي شيطانه هه واي الجديد مانتي عيلتك كلها كده ولا اي
اسراء مش قادره تنطق ودموعها بتتسابق على خدها وهي بتفتكر كل الي مر في حياتها من اول موت اهلها لغايه وقوعها في اديهم
ذياد: يحرام تصدقي صعبتي عليا هيييحح شوفتي بقى انك غلطتي لما لعبتي معانا اكبر اثبات ان فاضل يومين وسلسله الدم هتبدأ واش باديها هتقتلهم واحد واحد بعدين نقتلها. ضحكت: اخبار حلوه صح. بص في ساعتو وكشر بتصنع: ممم للاسف مش هعرف اقعد معاكي اكتر من كده بس متقلقيش هجيلك كل يوم باخبار احلى من الي قبلها سلام ي هه ي صخر . وخرجت وهي حاسه بنصر
اسراء بتعيط من غير صوت: ي يعني خلاص ا انا خسرت كل حاجه بسنت في المستشفى و زين ه. مقدرتش تكمل فصرخت بقوه وهي حاسه ان في نار طالعه من قلبها وهي بتعيط بكل قوتها بتطلع كل وجعها وجع سنين عدت وهي بعيده عنهم وجع احساسها بالعجز وانها مش عارفه تلحق عيلتها كأن وجع الدنيا كلو في قلبها. قالت بصراخ : يااااارب احفظ عيلتي يارب انا مليش غيرهم يارب اكشفلهم الحقيقه يارب انت الي عالم بالي في قلبي يارب طفيلي نار قلبي وقويني يارب يارب. وكملت عياط بضعف. الدنيا مطرت وصوت البرق بيعلى والمطر بينزل على وشها كانو بيطفي نارها. وقفت عياط وهي مش مصدقه نفسها ربنا استجاب دعائها بصت للسما ودموعها بتنزل وهي بتبتسم ووجعها بيقل بكل نقطه بتنزل عليها
عند جاسر
جاسر قاعد بيفكر في كلام ايه واخد قرارو وانو هيودي ايه ل زين ف مسك تلفونو واتصل عليها
من الجهه التانيه
ايه قاعده بتتصفح وبتقرا معلومات عن عيله المنشاوي  لغايه مقطع تفكرها صوت تلفونها بصت على الاسم وابتسمت بنصر: الو
جاسر: انا موافق
ايه: بالسرعه دي
جاسر بخنقه: هنتقابل امتى وفين
ايه: اساعه ٨ الصبح في كافيه........ 
جاسر:خليني وراكي للاخر بس صدقيني لو عرفت انك بتلعبي بيا ه
قاطعتو ايه:وفر تهديداتك لنفسك انا كلمتي واحده وعلى ما اظن انك عارف انك مش مهم بالنسبالي وعارف اني هقدر اوصل لزين بيك او من غيرك بذات ان هو و الصخر مشهورين واخبارهم كلها على النت ولا اي
جاسر: طلاما سهل اوي كده عايزه تعرفي مني لي
ايه: تقدر تقول مزاجي كده او عشان اريحك من التفكير
جاسر: نتقابل بكره سلام. وقفل وهو متعصب: خليني واكي بس اعرف الي عايزو وهوريكي عقاب الي يقع مع جاسر المهدي
في المستشفى
الاء بخوف وقلق: ملك فين اي الي حصل مترد ي فهد انت ساكت لي
حمزه: اهدي خلينا نفهم اي الي حصل ي فهد ومين ده. وشاور على ادم
ادم: انا ادم صاحب الشركه الي ملك بتشتغل فيها واكيد جد حضرتك كلمكو عني
حمزه: اه قالنا اهلا بيك بس اي الي حصل
ادم وفهد بصو لبعض بعصبيه ومحدش رد
الاء: متقولو في اي احنا على اعصابنا
فهد لسه هيتكلم الدكتور خرج فجريو عليه: ملك كويسه ي دكتور
الدكتور: الجرح كان سطحي وهي كويسه دلوقتي نستنى بس لما تفوق بعدين تقدر تخرج
الاء:نقدر ندخلها
الدكتور:اه طبعا اتفضلو بس بلاش ضغط عليها
حمزه: شكرا ي دكتور تعبناك معانا
الدكتور: لا محصلش حاجه ده واجبي عن اذنكو. وسابهم ومشي 
فهد موجهه كلامو ل ادم: تقدر تتفضل اعتقد وجودك ملوش لازمه دلوقتي
حمزه ببرود: ولا انت ي فهد وجودك ليه لازمه
فهد بعصبيه: يعني اي انت واعي للي بتقولو الي جوا دي ملك حبيبتي
ادم بنرفزه: متحترم نفسك بقى انا ساكت احتراما لاخوها
حمزه: كانت ي فهد والموضوع انتهى وسبق وقولتلك ملك مش هتبقى ليك حتى لو سامحتك ف انا همنعها انت متستحقهاش
فهد وصل لاعلى درجه في العصبيه فمسكو من هدومو: لا ي حمزه ملك بذات مش هتبقى لغيري هي بتاعتي من يوم متولدت ومش هسمحلك ولا هسمحلها هي شخصيا انها تبعد عني
الاء: انت مريض ي فهد حرفيا انت مريض انت كسرت ملك مرتين وكفايه لغايه هنا ابعد عنها لو كنت فعلا بتحبها زي مبتقول ف انا بترجاك انك تبعد عنها هي مش حمل وجع تاني وانت اساس وجعها طول م انت معاها هتتوجع سبها في حالها ي فهد ملك بتحاول تبقى قويه وبسببك بتضعف ابعد عنها ارجوك
فهد ايديه رخت وبص على ملك من الازاز بوجع و دموعو كانت مهدده بالنزول بس مسك نفسو لغايه مخرج بسرعه قبل مدموعو تخونو وقعد في عربيتو واخد تنهيده طويله يطفي بيها نار قلبو مقدرش يتخيل انها تكون لحد تاني غروره مانعو بس قلبو بيصرخ باسمها. ضرب الدريكسيون بعصبيه وقوه ودموعو نزلت: يستحيل تبعد عني يستحيل اسيبها لغيري مش هيحصل ي ملك مش هيحصل ي ملااااااااااك
عند ملك
فجأه حست ان قلبها بيدق بعنف وبيوجعها كانو حاسس بيه وبيلومها على قسوتها لغايه مفتحت عنيها بسرعه واتنفضت من مكانها بصت حواليها لقت ادم وحمزه والاء
الاء بفرحه: ملك فاقت
حمزه بسرعه: في حاجه بتوجعك يحبيبتي
ادم بابتسامه: حمد لله على سلامتك
قاعدين يتكلمو بس هي مش سامعه حاجه من الي بيقولوها عنيها بتدور عليه قلبها حاسس انو هنا بس مش موجود بنهم غمضت عنيها بوجع وقالت في سرها: لتاني مره ي فهد احتاجك ومش الاقيك كان عندي امل انك اتغيرت وهتصلح كل حاجه بس للاسف لسه غرورك بيمنعك عني بس خلصت ي فهد خلصت خلاص
حمزه: انتي كويسه ي حبيبتي
ملك فتحت عنيها و ابتسمت بهدوء: الحمدلله
عدت الساعات بدون ذكر احداث ويجي اليوم التاني
في الكافيه
جاسر يقعد قصاد ايه الي بتلعب على تلفونها. بصتلو بطرف عنيها: متأخر عن المعاد ساعه ونص على حسب معلوماتي يعني ان البنات هي الي معروفه بتأخرها اول مره الاقي حد يكسر القاعده
جاسر بهدوء: تعرفي عيله المنشاوي منين
ايه: مش قبل متعرفني مكانو
جاسر: وانا اي الي يضمنلي انك تقولي
ايه: شوف مين فينا الي خسران لو انا قولت
جاسر: انتي مش واثقه فيا
ايه: ولا بربع جنيه
جاسر: والعمل
ايه: هقولك اعرف زين المنشاوي منين دلوقتي اما موضوع الصخر ف هقولو قدام زين
جاسر: كلي اذان صاغيه
ايه: انا اعرف مرات زين المنشاوي شخصيا وعندي معلومات تهمو وكل دقيقه بتمر والمعلومات دي مش عندو بتمر من عمرو هو وعيله المنشاوي تما
جاسر: معلومات اي
ايه: مقدرش اقولها دلوقتي
جاسر: اي الاثبات ان كلامك صح وانك فعلا تعرفيها شخصيا
ايه: عندها اختين روح و اشراق الي بينادوها ب اش وهي عندها خمستاشر سنه حصلت حادثه واهلها ماتو وكانو عايشين في الغابه و بعدين اكتشفو ان الحادثه مدبره ف روح انتقمت من كل الي ليه يد في الحادثه بس راجل المافيا هرب وخطفهم وقتل اخواتها وهي كملت في الطريق عشان تجيب حقهم واتعالجت نفسيا بعد مقابلت زين
جاسر بصدمه: انتي عرفتي كل ده ازاي
ايه: قولتلك اعرفها شخصيا
جاسر فضل باصصلها شويه بعدين مسك اديها وشدها: تعالي معايا
في بيت المنشاوي
امجد بعصبيه: انا عايز اعرف ازاي تخرجي من ورانا وانتي عارفه ان حالتك خطيره
بسنت: انا تعبانه ومش هقدر اقعد في المستشفى ومتقلقش انا كويسه
امجد: يالله يبنتي ارحميني انا خايف عليكي
بسنت مسكت ايدو: عشان خاطري سبني انا مش هقدر اقعد هناك بحس ان روحي بتتسحب
زينه: متقلقش ي امجد انا هكون معاها ولو لقدر الله في مشكله هوديها
جين: خلاص بقى ي امجد متهدى شويه م هي زي القرده اهي
بسنت: هتكتم ولا اقوملك
يوسف: هو زين فين
زينه: جالو تلفون الصبح ونزل جري معرفش بقى في اي
عند اش
اش: يعني اسراء كويسه.......... طب والدكتور قال اي........ هتفوق امتى........... تمام هبقى اجيلها بليل....... لا لي.......... خلاص تمام بس خلو بالكو منها..... سلام
في مركز الشرطه
زين: خير يباشا
الظابط: خير ان شاء الله هو الموضوع بخصوص مدام اسراء
زين بقلق واستغراب: مراتي
الظابط: ايوه
زين: مالها
الظابط: من كام يوم تحديدا يوم خروجك جت بنت وقدمت بلاغ ان انها كانت مخطوفه هي وبنت تانيه ف هي عرفت تهرب بمساعده البنت الي معاها والبنت لسه  هناك فقولنالها اننا هنروح ونشوف الموضوع ده وفعلا روحنا بس للاسف البنت ملهاش اي اثر ولا حتى الي خطفوها بس كان في اثر دم وهدوم متقطعه في كوخ بعيد عن المكان الي وصفتهولنا ب ٥ كيلو تقريبا
زين: ايوه يباشا بس اسراء علاقتها اي بالموضوع ده
الظابط: هتفهم دلوقتي لما فتشنا الكوخ لقينا الجاكت ده  و سلسله محطوت فيها صورتك انت والمدام
زين باستغراب: معلش ممكن توضح اكتر
الظابط طلع السلسله واداها لزين الي اول مشافها اتصدم و..... يتبع