السارقة والذئب

الجزء: 1

🐺 السارقة و الذئب 🐺

⚠ الجزء 1 ⚠

فوسط لمدينة لي كتميز بضجتها .. وصوت وسائل النقل الصاخبة ...واقفة #عاليا .. في محطة طوبيس بملابس دير منها جوج ونظرات سوداء زاجة مشقة .وطاگية على راسها كتشوف فجنابها وتسنى طوبيس يوصل معا نااس لي كيشوفو فيها باستغراب ...عاليا لاحضات نظراتهوم ليها ..هبطات نواظر لنيفها وكتشوف فدوك لعيلات  لي شادين بيها نميمة ... نطقات بصوت غليضة وبأسلوب زنقاوي : وااااحضيوني أناااايا ومااااااال بنااادم هاانتوماااا غتجعروني ..
لعيلات لي باركين فطرطوار جمعو لوقفة بلخلعة وحدة تشوف فلآخرى وعاليا مكملة فهضرتها وكادير حركات فلهواا بإيديها : وكتجبدووني أنااايا
وقفاات قدامهم وقفة ديال شماكر معا داك لمونطو كحل وطويل حد ركبة وكولو موسخ معوجة راسها وكتخلع فيهوم فموس ديال لخضرة حافي 😂 : دااباااا شنو نقطع ليكوم لساان ؟
لعيلات خافو وهوما يعطيو رجليهوم لريح غير لغليضة على ختها
لمرأة 1 : جري يختي جري شماكر كترو هناياا ..
كل وحدة هازة طرفة غير كيجريو كولشي كيتحرك 😂
رجعات عاليا تكات على لبوطو وضحك معا راسها : ههه بطاريق مدغشقر
دقائق وجا طوبيس طلعات فيه وجلسات لور كاان عامر ولكن لي باركين لور غير شافوها ناضو من مكانهوم ..وهي محمرة فيهوم وحالة فمها بحال شي مبوق . .
فلمقاعد لأخيرة لطوبيس عاليا جالسة تما وحداها واحد دمدومة مخدم ياسينوس مقديت ننساك  ..داير لكيت وكيبكي وزاج راسم فيه قلب مهرس 💔 ..صدمها  وهي تهضر معاه ..بصوتها لي مغلضاه : ميستاهلوش أعشيري ..
فين هو دمدومة گاعما سمعها غير كيبكي ويشهق 😂 ...هزات إيديها لي فيهوم ليگات مقطعة ليهوم صباع 😂 نزلات عليه لگرفادة 😂 وهو يغوت ..
عاليا كاضور فجنابها وتخنزر : سكت أنعيوة شوهتينا
لولد كيمسح دموعو. : شنو بيتي
خرجات عينيها فصوتو ريقيق : تبيك لموت فحالك مخاصهومش يعيشو .
لولد ضور راسو ونطق : أنا بيت نموت 😭
حلات فمها من صدمة مايسحابش ليها واش هاد نوع متواجد فهااد لبلاد سعيدة 😂
كان لابس لولد تجكيطة كحلة وفجيب لبزطام كيبان  ..ستغلات وضعو وبسلاسة هزات داك لبزطام حلاتو ...لقاتو عامر بلفلوس وصرف .وفيه فوطو دوحدة مخرجة شلاقمها وكتخلع ..هزات لفلوس ورجعات لبزطام لمكان وسيد باقي كيبكي .. 😂

رجعات كتقلب عينيها فطوبيس ياكما شافها شي حد رتاحت فاش كان كولشي ملهي فراسو .... حولات نظرها لولد وقالت تشد فيه شوية ...قربات ليه حيدات لكيت لي فودنو ونطقات بنفس صوت : قالتي بغيتي تموت عندي ليك طريقة 😌
ضار عندها ونطق كيمسح فدميعاتو : شنو هيا 😢
عاليا : احم كاينين بزااف ...متلا  تمشي لشي فندق وتنتاحر من لبالكو كيما دارت نيهان ..ولا تمشي لشي دار مهجور ولا عاد كتبني وطلع لفوق وطيح من تما كيما دارت منار فاش تخلى عليها كمال امم ..
دارت رجل فوق رجل كتسنى جوابو ..لولد تخلع ولا غي يسرط فريقو : ام ولكن غانتوعت ؟
عاليا : 😤 لا مغاتحس بوالو
عصبها وناضت من حداااه ..ضرباات فلباب ديال طوبيس ووقف شيفور .هبطات منو وكملات لدار على رجليها ....جبدات سوارت وحلات لباب ..معا دخلات لقات جدها كيضور بعكازو ويهضر بوحدو ودفال كيطير فلأرض 
حطات سوارت ومشاات شدات فيه لا يدوخ  ويجي على راسو بحال لمرات لي فاتو ...
عاليا : واااباااا سيدي أش نوضك تاني
لمعطي : غاتتسطيني هااد لبنت شتي أش دارت تاني ..
عاليا : إنا وحدة فبناتك
لمعطي : نيهان لمسخوطة
شهقات عاليا : علاش أش وقع ليها
لمعطي : كمال مسكيني على ماشي جا لعندها فسبيطار 
عاليا : (متبعة معاه ) ايييه وسمحاتو
لمعطي : لمسخوطة جرات عليه
عاليا : بنت لحرااااااام
لمعطي : جبي ليا سكر غانسخف
عاليا : واخا واخا
جلسات فلأرض لي مفرشين فيها غير حسيرااا ولمانط زعمة بحال سدادر وشي مخدات ..مشات لكوزينة لي معندهاش باب غير خامية فاصلينها على صالون هزات شوية سكر دارتو فكاس دلما وداتو ليه ....شربو كولو دقة وحدة .....حط لكاس وشافيها باستغراب:  شكون نتي ؟؟؟ وفين أنا ؟؟
تنهدات عاليا : نعس أباااا فقدتي داكيرتك تاني .
نعساتو تما وجابت واحد لمانطة غطاتو من لبرد و دخلات لبيت عند مها ...فلعمر ديالها صغيرة ولكن زمان ردها مرأة شارفة وشادة لفراش بسبب مرض سكري لي عندها فدم مكتقدرش تمشى مرة مرة كتمشيها عاليا بنتها لوحيدة ..
باستها عاليا وهي تفيق ...
عاليا : مساء لخير زينت لبنات .
زهرة : جتي ابنتي
عاليا : لا قربت 😌
ضحكات زهرة : ههه ضاسرة ..عاونيني نبرك
عاوناتها وغطات نصها .. مشات عاليا لماريو صغير مكركبين فيه حويجهوم جبدات بجامة ولبساتها ولبنوار حيت دار باااردة .. معا ليل كتزيد تبرد ..دخلات لكوزينة .وجدات ليهوم ماقلة ديال لبيض بماطيشة تعشاو بيها وكل واحد نعس فبلاصتو زهرة وعاليا فداك لبيت ولمعطي فلمراح ...
عائلة عاليا كتكون فقط من ماماها وجدها لي هو لأب ديال زهرة ....هي لي هازة دار على كتافها ...مكانش ساهل عليها تمد إيديها لفلوس ناس .ولكن فزمان بحال هذا صعيب تلقى خدمة ونتا مقاريش معا كل هادشي كتشكر ربي وتحمدو ....