السارقة والذئب

الجزء: 5

تلفات عاليا فاش شافت تجاكيطة ..تفكرات صرف لي ضربات صباح منهوم يقدها فسيمانة كااملة وغير هاادي تقدها فشهر ...هزاتها وخرجات كتسلت دوخاتها ريحة حتى سلكات طريق لغابة غير شجر ... شدات تجاكيطة كتشم فيها ..
عاليا : الله على ريحة غزاالة
قلباتها ولقات بزطام رجالي بجلد اسود حلاتو ولقات غي زرقلاف على ختها
عاليا : واااااااااو شحال 😍 ديال لفلوس مريش هااد خوناااا 😍
فيه حتى لي كارط بونكوغ .. من وراها كان آسر حاضيها فسيارتو وكيتبسم لمنظرها وهي كتستنشق عطرو ..خرج من سيارة وتوجه لعندها .....نطق بصوت حاد متقصد يخوفها : شنو كادير حاجتي عندك .
قفزات عاليا من بلاصتها ..شافتو هو بشحمه ولحمه وعضمه ..كحلات بلعمااا ولات غي تخربق فلهضرة
عاليا : هيييه هيه هذا لا هادي ل لقيتها طايحة و ك كنت غانديها لمولاها
آسر غادي معاها على قد عقلها : وشكون مولاها ..
عاليا متوقعاتوش يحكر عليها زادت تلفات كتر من لاول : أ .. اييه زعمة غانديها لبوليس هوما يعرفوك ويجيبوها ليك فهمتي .
آسر : أمم فهمت ..
خدها من بين إيديها وهي تصدمات لبسها تحت انظارها وعارفها كتقلى وهو عاجبو لحال ومستمتع .. رجع لطموبيلتو وهي ورااه يالله غايركب وحس بيه تسطحات معا ظهرو وشداات نيفها : أاااي واش ظهر هذا ولا حيط
آسر : ياكما نوصلك ..
عاليا : شنوووووو مالي قالتها  ليك ...غانمشي بوحدي
آسر : يالله سيري ..
وقف ولباب ديال سيارتو مفتوح كيتسناها أش غادير
عاليا حلفات تا تدي ديك تجاكيطة : يالله هاني غاااادااااااا شتيني 
كتم ضحكتو ونطق : شفتك
عاليا : ايييه شتي شتي هااني غااااااااااااااااااادا
كتخطي خطوة وهي مضورة راسها كتسنااه يلح عليها باش يوصلها  ..هو معاند معاها وتا هي قالت ليه متعرفش ..
من حظ عاليا طرات كسيدا ولفتات إنتابه آسر ... مشات كتسلت لمقاعد لخلفية تخشات تحت لكوسان ....فاش تلفت آسر يشوفها ملقاهاش ...ركب طموبيل وكسيرااا كيقلب عليها بعينو ...ظن مع راسو ممكن تكون مخشية فديك جوقة لي وقعات ...اهم حاجة أنو شافها ومزاجو تحسن .... وصلاتو رسالة على لمبارات ديال لملاكمة لي عندو دابا ....توجه لعين لحدث وماهي إلا نصف ساعة و وصل للمكان لي غايلعب فيه معا خصمو .... خلى طموبيل لكارد ديال لباب يبلاصيها وخرج .......
عاليا تخنقاات تماااا بسيف باش صبراات حتى خرج آسر من حسن حضها كان لگارد تما عطاتو لكتف : أحنيني تسناني نزل ..نزلات من سيارة ولگارد مصدوم ..توجهات لداخل داك لگراج نتابها خوف من داك لمكان خااوي ومافيه حد ..

دخلات كتسلت بين نااس تما ودراري كيغوتو ..ومنوضين ضجة كبيرة وهوما ضايرين بحلبة لملاكمة ...  فجأة تشداات من شعرها حتى غوتات بألم ...كان واحد رجل شادها من شعرها وسكرااان وهي كتغوت .
عاليا : اااااايي اههء طلقني اجحمومة ....  تعكلات برجليه وطاحت جا فوقها وهي كاسرة لمكان بصراخها مقضراتش تدافع على راسها وهو قابطها من إيديها ورامي تقلو عليها ....لأول مرة حساات بخطورة لوضع لي هي فياااااا كيفاش ممكن تفك منو وهو فوقها وقوى منها ...