هبطات كضحك وفرحاانة قااست كرشها
عالية: ههه ناري هه زعمة نكون حاملة
كملات طريقها لتحت لقاتهم باركين فصالون معاهم أسر.. جلسات حدااه كاضحك ليه وأسر ضور إيدو على خصرها مقربها ليه.
أسر: نخرجو أعمري.
عالية: آه آه نخرجو ☺
تبسماات ليه بخجل ماعرفات منين طاح عليها...
خرجو من لقصر مشادين إيديهم وعالية كاضحك.. طلعو فسيارة واسر لي صايگ..
أسر: فين بغاات حبيبة ديالي نديها..
عالية: هه لي بغيتي نتا.
أسر حس بتغير فهضرتها كتنطق بلقايس وعااد حاس بيها حشمانة..
اسر: عمري صاڤا
عالية: آه لباس..
وقف طموبيل في واحد لجرف عالي كيطل على البحر ..
الصخر لي تما كيضرب فيه ماء دالبحر كان واحد صوت كيريح وريح قوية كاطير شعر عالية حتى يغطي وجها..
وقفات على لحافة وصخر ضاير بيها سادة عينيها.. عنقها أسر من لوور
عالية: حبيبة ديالي مالك جيتيني مبدلة؟
عالية تنفساات بصوت: لاا والو.. غير عياانة
أسر ضورها عندو كيقيس وجها: عيانة اعمري نمشيو عند طبيب
عالية بسرعة: لاااا لاااا أنا مزياان غير معط مع ليغيگل كنعياا دغيااا..
عالية ولات دير سبة غير باش تسلت منو ماتقضرش تصبر حتى لغداا..
أسر: نمشيو لدار باش ترتاحي..
عنقها جنب وطلعو لسيارة.. رجعها لقصر..
أسر: مرتاحة دابا
عالية: آه غانطلع نعس..
عنقها أسر ومامرتاحش: نعيطو لطبيب أحسن
عالية: ولاااا أاااسر عفااك بغيت غي نعس.
بعدات عليه نزلات من سيارة وطلعاات لغرفتها.. جلسات كتأفف وحاسة براسها مخنوقة.. مقضراتش تبقى فلغرفة.. خرجات منها كاتقلب على دادا.. صادفاتها فضرووج..
عالية: عفااك ادادا يالاه نمشيو لسبيطار نشوف راسي وااش..
سدات ليها فمها.: سكتي سكتي..
جراتها لغرفتها: أشنو قلت ليك ماتقولي والو.. هااحنى غانمشيو دابا..
لبساات جلابيتها.. وخرجو من لقصر لسبيطار..
دخلو وكانت طبيبة صديقتها دخلو عندها نيشان ستقبلاتهم بإبتسامةج عريضة..
دكتورة: مرحبااا بيكم لباس عليكم..
دادا: ربي يخليك أحبيبة..
دكتور: شنو واقع مريضة..
دادا: فلحقيقة مرت ولدي اسر لي يمكن تكون حاملة بغينا نتأكدو.
دكتورة: أسر تزوج هه تبارك الله مرااتو غزالة.
عالية غير كضور فعينيها وتشوفيهم .
دادا: تبارك الله
دكتورة: اجي معايا نفحصك ويكون خير..
طلعات عالية على لبياص.. نعساات فيه وقلبها كيزدح.. جلسات طبيبة هزات لألة... وضعات بعض من لجيل طبي باش تبدا لكشف..
بقاات كتحقق فشاشة وعالية كتحقق فيها..
عاالية: شنو واش ماحملاش يااك..
دكتور: لجنين فاش كايكون فأيامو لاولى من صعب نكشفو عليه..
عالية مافهماات واالو غير كضور فعينيها.. سمعات صوت تييك تييك تييك.. ضورات راسها ودقات قلبها كتخفق على نفس مستوى صوت....
عالية: شنو هااد صوت.
دكتورة شافت فدادا فإبتسامة وهي زغرتات.. مسحات ليها كرشها وعاوناتها تنوض.
عالية: شرحو ليا شنو واقع،
دكتورة: مبروك
عالية غوتات بصوت ودمعة فعينيها ماتخيلاتش ممكن تكوون حاملة...
عالية: ههه اسر غايفرح..
دادا: مبروك ابنتي ( عنقاتها)
عالية: صافي يالاه نمشيو..
شكرو دكتورة وخرجو من تما.. وصلهم لقصر وطلعات عالية لغرفتها كتسنى أسر.. ملقااتوش لتحت... طلعو ليها لخدمات لغدااء.. بقاات كاتشوفيه وماعندهااش شهية. بعداتو عليها.. دخلات لحمام حيداات أولويزة لقاتها مافيها واالو.. دوشاات باش ترتاح ورااسها تقيل جاها نعاس ولعياا..
خرجات بفوطة.. لبسات شوميز بيض تكات فبلاصتها على ظهرها ومضورة إيديها على كرشها..
عالية بضحكة: حبيبووو عرفتيني ولا لا.. ( حماقت) انا هي ماماك ونتا حبيبو ديالي.. تايجي بااك وتعرف عليه...
سدات عينيها وغفاات بسرعة..
بعد مدة طويلة من لوقت.. حلات عينيها على قبلات فظهرها تبسماات بحب عرفات أسر.لي جاا.
عالية: حبيبي
اسر خشى وجهو فعنقها وهي ناعسة على كرشها: عمري.
تقلباات لظهرها كتحك فعينيها واسر واقف على ركابيه فوق سرير بلبوكسور وكايتفرج فيها..
حلات فيه عالية عينيها.. وشعرو فاازك طايح على عينيها.. عجبها لمنظر ومسخاتش تبعد عليه.. قرب أسر باسها فشفيفها ومعجبهاش لحال..
أنت تقرأ
السارقة والذئب
Romanceتحت طلبكم رجعت لقصة #السارقة_و_الذئب 🐺 لقصة لا تعتبر جزء تاني #للمصارع_و_الجميلة فقط شخصياات لي غايكونو متواجدين فلقصة قصتي كتشمل : #أولاا_الكوميدياااا_😂😂. #لأكشن 👊👊 #مافيااااااات 🔫🔫. #قتل 🔪🔪. #مخابرااات. #جراائم 💣 #البرجوازية 💷💷 #تف...
