قيصر قوس حواجبو بعدم استعاب : كيفااش ؟؟ مافهمتش هادشي بصح
آسر تكلم بهدوء : آه بصح عالية مرتي ..
تبسمات ليه عالية عجباتها لكلمة ...اما سحر غير حاضياهم وكتمنى ماتنوضش حرب بين الأب و ولدو .. تقدمات لعندهم بااش تهدن قيصر لي مامستوعبش أش سمع من آسر
سحر : قيصر لله يخليك متعصبش آسر عندو سبب لاش دار هاكا . ياك أ أسر
آسر : نو ( زير على إيد عالية ) عادي بغيتها وتزوجتها كاين شي إشكال .
غمز باه وهو عااد ماكيزييد يتعصب
قيصر : مافهمتش واش زواج عندك لعبة وقتما رشقات ليك تزوج .. غدا تصبح باغي طلاق
عالية : ماشي مشكل غير نفقة دياالي توصلني كل شهر 😁
لحمدلله لي تاحد ماتسوق لكلامها ..
قيصر : زيد نتفاهمو فلمكتب ..
توجه قيصر للمكتب من ورااه أسر أما عالية بقاات تبحلق فعينيها .. شافتها سحر وهي تجرها ..جلساتها حدااهم وريهام معاجبها حال يالله تفكات من صحبتها ...
سحر : بنتي غايكون فيك جوع نطلب ليك شي حاجة متحشميش
عالية : احم فلحقيقة فيااااااااااااااااا جوع أعگوزتي مكرهتش شي دجاجة محمرة ولفريت 😁
خرجات فيها سحر عينيها باستغراب ....عيطات على لخادمة وقالت ليها توجد لعالية أش بغاات وهي تنقز فليفلة
عالية : آه متنسايش ليا كوكا ولغلاقة مترميهاش دايرين مسابقة ديال روشارج😁
(ها العار لما سكتي)
سحر : احم تقدري تمشي
مشات لخدامة كضحك وعالية كتفرنس ليهم ..
#فلمكتب .
قيصر كيغوت بعصبية وآسر جالس بهدوء وگاعمة مسوق لهضرتو فقط صدااع رأس لي مامخليهش مرتاح ..
تكلم وهو شاد جبهتو : لوليد حبس هنا .. غدا نكملو هاااد ساعة عياان ..
قيصر : واااش نتا غادي وكتغرق راسك ومزاال كتهضر ..علااااااااااااااااااااااااش تزوج بيها عاااارف حجم لخطورة لي عليها دابا ..
آسر ؛ سي عارف نتا لي معارفش بزااااااااااف ..فف عياان ألوليد من بعد
قيصر مبغاش يحكر عليه من وجهو باين عليه عياان ... خرج آسر من لمكتب متاجه لغرفتو ..عااد تفكر بلي عالية لتحت هبط بسرعة وخايف لا تزبلها كيف ديما .. دخل لصالون لقاها كتاكل وكولشي كيشوفيها ..
عالية ملي تحط قدامها دجاج هبطات راسها مابقاات طلعااتو .. حتى هزاتو وبان ليها أسر متكي على لباب وعينيه حمرين وحاضيها كي كتاكل.. هزاات رجل ديال دجاج مداتها ليه وفمها عامرة : هااكااا فيك جووع كوول راه زين 😋
أسر : نو بصحة
عالية وحلات ليها فاش لاحضاات إحمرار شديد فعينيه يسحابليها معصب منها وهو فقط راسو لي واجعو ...
عالية : صافي شبعت .
عيط أسر على لخدامة داتها تغسل ورجعاتها ليه ....تكلم مع سحر .
أسر : حتى نتي غانشرح ليك ..
غمزها وجر معاه عالية طالع بيها لغرفتهم .. فتح لباب حيد حويجو كااملين بقى غير بلبوكسور وعالية كتولول .
عالية : ويلي. يلي ويلي على شلاهبي نصلهم قدااامي 😱 لااااا لاااا هااد الجيل مبقاش يحشم ..
أسر كاان عياان من ملامحو واضح عياائو وعينيه مابقااش قااد يحلهوم ..
عالية : احم احم دابا أنا غانعس هكاا 😮
أشار ليها لدريسينگ ..دخلات ليه وحلات فمها فكمية ديال لحويج لي فيه ..شافت تجاكيطة لي كانت غاتسرق ليه عجباتها وهزاتها كتشم فيها .
عالية : االله باقي فيها ريحتو ..
من وراها تكلم أسر لي حااضيهاااا بعينيه لحمرين : شنو كااديري
تلفتات بسرعة وطيحات تجاكيطة يالاه كانت غاتجاوبو غير شافت خير مولاناااا مطراسي فلبوكسور لبيض وهي تقلب وجها مغطيااه بإيديها
عالية : ويلي استغفر الله استغفر الله ..أول مرة فحيااتي نشوف لمنكر واقف
ضحك أسر على كلامها رغم عياائو : شنو كاتگولي
عالية : لا والو غير قلت يكون غي تحيد دااك لگارصون رااك بحالة ملابس والو
أسر : عندك لحق .
عالية كحلات بلعمااا : هاااااااااااااااااااويلي
أسر : صافي حيدتو ..
شدها من معصم إيديها بجوج باغي يخلعها وهو أصلا ماحيدوش ..
أسر ؛ واحلي عينيك
عالية كترطي قدامو باغا تبعد عليه وسادة عينيها : حيد عليااااا الحراامي باغي توريني لمنكر ..
أسر : نو حليهوم تشوفي ..
عالية : هاااااااااااااااااويلي أش بيتيني نشوووف موونيك ااععععععع ولله تا نغوت عوووووووك عوووووووووووك أعباد لله
أسر : مغايسمعك حد .. ديري ليا ماساج لراسي ونلبس
عالية بغاات غير تفك منو : صاافي صاافي لي بغيتي ..
جرها لسرير وهي سادة عينيها ..جلسها وهو نعس حااطو راسو على فخاضهاا ومغطي نصو
أسر : يالاه ديريه
حطات إيديها على راسو كتماصي ليه وهو كيتنهد بإرتيااح حتى غفى ... ملي مسمعاتش صوتو حلات عينيها طلات عليه لقاتو ناااعس عاااد تنفسااات
عالية : هوووووف كاان غايسكت ليا لقلب فف
حيدات رااسو على فخضها وحطاتو على لوسادة .. رجعات لدريسينگ بانت ليها بجامة رجالية هزاتها ولبساتها ..جاتها طويلة وعريضة عليها ...تخشاات حدا أسر عاطيااه بظهر ونعساات ..
أنت تقرأ
السارقة والذئب
عاطفيةتحت طلبكم رجعت لقصة #السارقة_و_الذئب 🐺 لقصة لا تعتبر جزء تاني #للمصارع_و_الجميلة فقط شخصياات لي غايكونو متواجدين فلقصة قصتي كتشمل : #أولاا_الكوميدياااا_😂😂. #لأكشن 👊👊 #مافيااااااات 🔫🔫. #قتل 🔪🔪. #مخابرااات. #جراائم 💣 #البرجوازية 💷💷 #تف...
