السارقة والذئب

الجزء: 4

#قصر_آسر
فااق آسر على تلفونو كايصوني وهو ناعس على كرشو غير بلبوكسور ومغطي نصو بليزاار ...فتح لخط ونطق بصوتو صباحي معا بحة رجولياا 😍: ألو
المتصل : سيدي تقرير لي طلبتي واجد وراها تحت مراقبتنا دابا
آسر : سيفطو ليا دابا
قطع معااه ونااض كيحك فعينيه خدا دوش كيف ديما لبس حوايجو وخرج لصالون كانو مجموعين على لفطور معاهوم شقرات وحتى قيصر
سحر : صبااح لخير أولدي  ..أجي تفطر
تقدم فاتجاه سحر باس خدودها وتبسم ليها : بصحة عندي مايدار .
قيصر مسح فمو وناض : تا أنا غانجي معاك ..
خرجو بجوج من لقصر لباركينگ ..وقفو قيصر وهو عاقدهوم : فين غاادي ؟
ضحك أسر : غادي نلعب تجي معايا
قيصر بجدية : ولدي رااك كتلعب بنار مابغيتهاش تحرق عارف خطورت هاادشي لي كادير
آسر : عارف ماتشغلش بالك ..ماشي ديما غانبقااو نجبدو هااد لموضوع..عارف راسي أش كاندير ( ضرب كتفو ) رتااح
توجه آسر لسيارتو ركبها وكسيراا تحت نظرات قيصر .....
وصل لكوخ ديالو دخل لمكتب وحل لحاسوب .. فديك لحضة عااد وصلو لملف ديالها .. مكتوب فيه إسمها نطقو وتبسم : عاليا .
لملف كان عبارة على معلومات خاصة بحياتها شخصية لغريب فلأمر مكان حتى وجود لماركوس فحياتها ...بداا يستوعب بلي ماشي بزااف باش تلقااو ..ويمكن كانت أول مرة فلأوطيل ...سد لحاسوب فاش سمع تلفونو كايصوني ...فتح لخط : ألو ..
لمتصل : سلام اسيدي لآنسة عاليا كتوجد فشركة ماركوس حالياا
زير آسر على قبضة إيدو ... مزاال حتى مكمل قراءة لملف ( بلاش عليك غاتصدم 😨) .. ناض متوجه لشريكة ماركوس

#عاليا
خرجات لعقل لماركوس عيااا يشرح ليها خدمتها وهي محمقااه
عاليا : دابا أنا واش سكرتيلة ولا غانسيق ليك لبيرو 😥
ماركوس : عاليا رااك سيكريتيرا ماشي فام دو ميناج
عاليا : لوااه لفرماج حق الله هادشي مادخل ليا لراسي ..
ماركوس : معا لوقت غاتفهمي كتر ..
عاليا:  إمتا نبداا ...ليوم ؟
ماركوس : معا ل 5 كاين إجتماع خاص ونتي طبعا غاتحضري معايا
عاليا : 😁😁 واخا نحضر اييه علاش لا
دخل عليهوم آسر مخنزر موراه سيكريتيرا كتغوت باش مايدخلش سد لباب فوجها ..وتوجه عندهوم ..

قفزاات عاليا لوراا ماركوس بخوف من سيفت أسر لي مكتبشرش بلخير ..وقف قدام ماركوس وعاليا كطل عليه وترجع تخبى .. حتى طل عليها هو وتبسمات ليها مبيناا سنانها .. ويااريتها ماتبسماات ...سي آسر تلف وبلا مايشعر فك لغوباشة وعينو عليها .. لحضاات ورجع لوعيو ورجعات معاه ديك لغوباشة .. رجع نظرو لماركوس وتكلمو بلغة لإيطالية. وعاليا مخرجة عينيها كتسمع غير كريطو بينا ريييطووو 😂 مافهمات والو وقفات بينهوم مرة تشوف فآسر ومرة فماركوس ..... شتت نظرها وشم آسر لي مخليه واضح فدرااعو ...كان لابس قميجة على شكل توني .... حلات فمها ف عضلاتو وهزاات صبااعها كتقيسهوم بيه وكتحركها ببطىء شديد .وآسر رغم إندماجو بلهضرة معا ماركوس حاس بملمس صبعها فدراااعو ..حاول يتفداها ... ولكن فاش حطاات إيديها كااملاا فوق درااعو كتحسس لوشم بطريقة مغرية بالنسبة ليه نتر إيدو ضخمة من وسط كف إيديها رقيقين وعطى لماركوس لكمة لوجهو حتى فقد توتزنو وطااح لأرض شااد نيفو لي دايز بدم بزااف .... فقط لكمة وحدة ومعاودش نااض .. عالياا غوتات على جهدها فاصلة بيناتهوم وواحد راس كايقوليها رااه عليك مضاربين ...زغبها لله وهي تنطق : لاااا لاااا ماضاربوش رااكوم خووت زعمة هاااويلي  لا بقى فيك لحال نخدم عندك نتا ماشي مشكيل هاااانية 😌
ناض ماركوس  دايخ من لكمة ومستغرب حديتهوم مكانش كيستدعي ضرب فقط كانو كيهضرو فأمور لمافياا وماشي أول مرة .... جلس على لكورسي خدا كلينيكس كيمسح بيه أنفو .. وعالياا مكملة هضرتها :  قولياا اش سماااك لله
آسر كان عاطيهوم بظهر حاط كف إيديه على وجهو ....تلفت لعندها فاش سمع صوتها .... نطق بصوت حاد : شنو ؟؟
عاليا : احم ويش إسمك 😁
ناض ماركوس رجع هو و آسر كيهضرو بنفس لغة وعاليا مافهمت والو ..وقفات حداهوم ونطقات بغضب : شادين فيا نميمة اولاد لحرام 😤
ماركوس : تقضري تمشي من بعد ونهضرو
عاليا كتحلف فيه فخاطرها : غير بلاتي لا بقات فيه ماشي انا بنت زهرة .  قبل ماتفوت لباب دخلات واحد لبنت شقرة هازة ملفات فإيديها ...ستغربات عاليا وهي تسولها : شكون نتي أختنا ..
لبنت : انا سيكريتيرا رقم 3 ديال مسيو ماركوس
عاليا : 3 😱
لبنت : يااس
دخلات لأولى معاها وحدة أخرى وعاليا مسكينة تلفات : اييه نتي واحد وهادي ( اشارت لبنت ) 3 وبلا شك نتي 2 ( أشارت لبنت لي جات معا سيكريتيرا الأولى ) صافي كملات مرقمكوم نعاااج توما 😤 وكنت غانولي نعجة رابعة ..
شافت فماركوس لي محملش راسو يتحط فموقف بحال هذا معا آسر لي مربع إيديها وعلى شفاهو إبتسامة ستهزاء ..
مشات عاليا هزات لقهوة لي فوق لبيرو خواتها على ماركوس  ونطقات بعصبية : بصحتك دوش بلقهوة يالحولي لاخر مصدقتيش اعشيري عمري ضنين فيك هكا ...خسااااااااارة فيك احميدة ( 😂 الله يستر ). .
خرجات معصبة من لأول مدخلاتش ليها هااد لخدمة لراس ...شدات طوبيس لدار ...
آسر مهبط راسو كيضحك من لموقف لي حضر ليه ..نطق بصوتو لحاد : بصحتك
غمز ماركوس وخرج من لمكتب ..لداار ..