رواسي

part6

رواسي...

ورادوني انزلج من الخط....بحجه متضايقين...
ووگفت بعينهم...وكتلهم كلكم تنزلون ورواسي تبقى...
بهدوئج وبرائتج....دخلتي گلبي...وبقيت صابر هذه الشهور
كلها ...ردت اتأكد من مشاعرج...
والايام ثبتتلي گلبج حس بيه...واني محجيت حتى لتجيج
حجايه من ورايه..
شكد احبچ...
واني اليوم اعترفلج انتي الانسانه الوحيده الي دگ گلبي
الها...وحبيتج حب ماله حدود...وربي يشهد على كل كلامي...
وسري اختي هم تشهد اني احبج
رواسي....يحجي والحراره صعدت عندي وحاسه نفسي
صخنت...وگلبي گام يدگ الف دگه بالدقيقه...
فرحانه وفرحتي متوسعها الدنيا ابد...
فهد..رواسي اني شاب الحمدلله شايل نفسي وعندي سياره وبيتنا
ملك وعندي شغله والحمدلله
انتظرت وصبرت لهذا اليوم...وردت اگولج راح اجيب اهلي
واجي اخطبج...
مااكدر اتلاعب بمشاعرج واذيج واخون صديقي خالد...
فهد.....شوكت ادز اهلي تريدين....
هسه راح تگولين هذا شكد واثق من نفسه.... ومن حبي
اله...
اي اني واثق من نفسي وادري بيج بگد محبيتج حبيتيني
والايام والشهور ثبتت هالشي...
رواسي جاوبيني...
رواسي....حچيت ويا بخجل....فهد انت اول شخص گلبي
دگله.... بس هذا الي اكدر اگوله...
فهد.... اووف ياربي كفيتي و وفيتي ياغاليه... اليوم ادز امي
العد... انتظروها العصر...
رواسي...فهد لتدزها لان عندي ظروف أجلها بعدين...
فهد...ليش أجلها
:
رواسي..الما اكمل سادس وبعدين..
فهد..الج بابا شيصبرني لذاك الوكت ابقى متلوع ومرمرني حبي
رواسي...والله فهد اهلي يرفضوك هسه...
فهد..ليش...
رواسي..الان اي احد يتقدملي ديرفضوا ...ويكولون الا وره التخرج...
فهد....بقينا نحجي ومحسينا على روحنا الا صايره ساعه 11 ونص...
رواسي سجلي رقمي يمج وانتظر تخابريني...

رواسي.. فهد والله صعبه...مااكدر اخابرك .....خالد كلش يدقق ويتابع
...
لا بداعتي .... لعد شلون اعرف اخبارج طول هالعطله...شلون
اصبر بدون مااسمع صوتج...
ماشي لعد انطيني الرقم واحاول اخابرك من يصير عندي
مجال...

فهد..وعد ...
رواسي...والله وعد...
ودعنا بعضنا وبراءه حبنا بعيونه...ونزلت وعيونه اثنينا مليانه
حسره وقهر ودموع..
رواسي..مع السلامه فهد
فهد...بحفظ الله حبيبه وعمر فهد...
رواسي...اووف نزلت ...وشگد جانت بگلبي فرحه ...شگد ماتحولت
الحزن ...ولوعه ... اوووف الفراگ يذبح
...هسه حسيت بكلام ريم من تخاف ومتأذيه من البعد ومرار
الحب.....
فهد.... مرت 4 ايام ويوميه گاعد انتظر رواسي تخابرني..
أنتظرك أميرتي وقد أوقدت الشموع بقلبي....
کی تنير لكى الدنيا....
کی تنير لك الدنيا....
ونشرت لكى الوروود التي روريتها من دمي ....حتی
مرهفة تحت قدميكى.... وسطرت لكى كلمة أحبك حتى
تسمعها أذنیکی
وتراها عينيكی .
هلي بنورك أميرتي على الدنيا حتی
تختفي ضوء شموعي....
وأنثری عطرك حتى تندفن وروودی
تحت قدمیكی....
وأنثري أحساسك بأربع حروف حتى تتزايد
نبضاتي بقلبي كي أنثر لكى الحروف وأشكلها بجمال شفتیکی ...
أحبك أميرتي حتى ولوطال الانتظار وأنا ناظر لكي
حتى تأتي يا اميرتي.
رواسي... مر اسبوع واني مصارتلي فرصه حتى اخابر فهد

ماعرف هم لان اخاف من خالد ...وهم مستحيه من فهد خاف
انزل من عيونه...
وبذيج العصريه وجان تند الباب وعمار ديلعب طوبه ويه
اصدقاءه بالشارع ...واجه يركض..
عمار....ماما.. ماما هاي خاله ام فهد صديق اخويه خالد
اجتي وتريدج..
ام خالد...هله بيها ...روح ماما طببها ..
وانتي اركضي فتحي باب الصاله بسرعه..
رواسي...من سمعت اسم ام فهد...تخربط كياني وبعد
ماعرف شلون اتصرف .....
رحت ركض فتحت الباب وانهزمت لغرفتي...بقيت گاعده...
استغليت وجود خاله ام فهد يم ماما ،ودگيت على فهد
ومتردده.. :

فهد....وازتني رواسي اسبوع لاحس ولا خبر ... بعد ما عندي
صبر .....دزیت امي تحجي ويا امها بموضوعنا...
وصلت امي يم اهل رواسي......واني بالطريق ودگ تلفوني
رقم غريب وجاوبت..
فهد ...... الو نعم اتفضلوا ...
رواسي...بصوت ناصي...هلو فهد شلونك..
ياروح فهد ...وعمر فهد وعشيره فهد.....شلونج
ياروحي..همزين حنيتي..
لو ماداز امي جان مخابرتيني..شلون انطاج گلبج متسمعيني
صوتج كل هاي المده..
رواسي..والله مرحت من بالي ولا لحظه...بس بالقرآن الشريف
مكدرت اخابرك.... كل الوكت كاعده ويه امي وتلفوني يبقى
دائما بيد عمار يلعب بي لعبه .
فهد...هسه عوفينه من العتب... امي دزيتها تحجي ويه امج بموضوعنا...
رواسي... فهد انت اتسرعت هوايه...لتستغرب من رده فعل 
اهلي اذا رفضوا..
وثاني شغله...
احمد ابن عمي خطبني واهلي كيفوا بي وگالوله خل تتخرج
والله كريم..
فهد....لج شد تگولين ...شوكت صار هالحجي...لخاطر الله
احجي..
رواسي...هسه الحجي صار قبل كم شهر...حجوا بالموضوع...
فهد..وانتي شنو رأيج...
رواسي..طبعا لا... اني قبل لا اعرفك رفضته....ومن عرفتك وحبيتك... من
سابع المستحيلات اقبل بي...
فهد....رواسي شو گلبي ناغزني ...واخاف تضيعين مني.....
امانه وعديني طول ما خشمي يشم الهوی متصيرين
الغيري....وتدافعين عن حبنا..

رواسي..عمرك طويل حبيبي... والله والقرآن وعد مني طول محسك
بالدنيا ماصير لغيرك...

فهد..عفيه حبيبتي ....ريحيني.....ترى والله اذب روحي للموت اذا
صرتي لغيري...
رواسي..اسم الله الرحمن.. لتجيب طاري الموت على لسانك كلش
اخاف...
ام خالد....رواسي تعالي....
يله حبيبي راح اسده....ماما گامت تصيح عليه...
فهد.....شوفي اليوم ساعه 8 ضبط طلعي راح ادگ الباب
بحجه اريد خالد...
وانطيج جهاز وخط قديم عندي حتى اخابرج بدون متتقيدين...
رواسي....اوف منك ومن سوالفك فهد...
اوكي حبيبي باي
فهد..باي ياعمري...
يتبع...part7