رواسي

part13

رواسي .....

ما احبه...
بعديش ...یاخانم ...صار شهرين متزوجه وتحجين ويايه.
خاينه حقیره....صدگ لو گالوا آمن لحيه ولتأمن ببنيه...
فهد لتقسى عليه حرام عليك...مو انت والزمن عليه...
الج کافي ...دمرتيني...حبج خلاني عاجز...
طول عمري عايش حياتي وشايل هم ومسؤوليه اهلي...ومبالي
شي ثاني...
منين جيتيني وغرزتي سهام حبج بصدري...لج والله جنتي
نفسي الي اتنفسه...روحي
الله ليسامحج...
دموعج ماصدگها بعد دموع التماسيح...
تبجين وتتوسلين حتى اطلع...وانتي تلعبين على الصوبين...
واني ...اني الغبي... مصدگج ...ومحضرلج مفاجئه
واريد اجيج السبت وافرحج..
بس طلعتي متستاهلين...
الله يخليك فهد....لتظلمني تري راح اموت والله...
والقران اشرب سم وماخلي احمد يصير رجلي....
..
لك فهد انت حب حياتي والله وعمري...والله مشاكل ويه امی
من وراك...
فهد ....بهدوء....رواسي روحي الله وياج...
الو فهد ... الو.. ادگ عليه كله مغلق...
بقيت ادگ ....خابرت على سرى...
هلوسری شلونج...
هلو رواسي...شلونج...
اگلج ادگ علي فهد كله مغلق...
والله يارواسي انتي ادره... اشو گلب الدنيا ويصيح ويكسر
حتی دموعه الي مشفناها بوفاة ابويه...شفناها اليوم...وطلع
ولسه مرجع واندگ عليه جهازه كله مغلق....
ليش شگو شصاير بيناتكم...
ماكو شي ... عود اخابرج بعدين...
جان اليوم ثگيل وميمشي واهلي وريم مخبوصين وديحضرون
ماكو شي ... عود اخابرج بعدين...

جان اليوم ثگيل وميمشي واهلي وريم مخبوصين وديحضرون
....
...
وريم حللت وطلعت حامل وخالد فرحان واهلي فرحانين....
واني مالي واهس احضر اي شي .
نويت بس اشوف احمد...احجيله..وتبقى هو وظمیره...
اني مستعده اخسر حياتي وما اخسر فهد....
حضرنا الغراض...
وجنت واگفه بالمطبخ داساعدهم بالعشی...
وجان يدگ تلفون ريم... اخوها...
هذا طه خل اجاوبه...
ريم....ها طهاوي...
ريم....ها طهاوي شكوو ....شنوووو
يبووووو...
رواسي...رگضنه اني وماما ومنى على ريم لان خربت واجه
خالد پرگض على عيطتها...
خالد....ها طه شبيك يمعود ... عمي بي شي...
خالد .... احمد کتلوووا ............)
لااله الا الله ...
ابوخالد.....شكو خالد شصاير ،بعد رجلي متشيلني...
خالد....بحزن عميق...بابا گتلوا احمد بمنطقة (.......) یم بیت
قبل شويه طالع بسيارته ديجيب غراض من راس
الشارع....وطابگه عليه سياره بيها ملثمين....ونازلين عليه
حاطين طلقتين ...طلقه براسه وطلقه بگلبه... العالم البشارع
شافوهم...
ابوخالد...اجتنه مصيبه بالراس...هدتني اني واخوتي...
انهزمنه من ظلم داعش ...وگعنه بهايه المصيبه...
اخذتهم ورحنا لبغداد...
رواسي...بجيت على احمد ومتت قهر لان شاب وميستاهل
هیج موته...
صحیح مردته الي...بس متمنيت الموت هو السبب
بتفريقنا... استغفر الله ...
لا اعتراض على حكم الله...
...
....
مرت عمي تكسر الخاطر تموت من القهر....
مرت عمي....اوف ياسندي يا احمد ...وينك ياحزام ظهري
یا اول فرحتي...ملحكت اشبع بيك ... ارجعلي يبطول الحلو...
خطيبتك جتي ... تعال ياغالي لتعوف امك ...مشفت جهالك
يوليدي ....لتعوفني ...ربك اخذك بالغلط...كون ياخذني الي
ولا يحرمك.شبابك....
اووف يانار گلبی... اوف يارباة ايدي ...ارجع لامك يابن
بطني...ليش كبرت ..كون لساتك طفل واحطك بين عيوني ..
والله لو ادري هيج الموت راح يخطفك وانت بعز شبابك ...
حبستك بالبيت .
اويلي ياربي كون اني وراه بجاه حبيبك الرسول
ام خالد....كافي ام احمد مردتي گلوبنه...مو زين عليه
...دموعج جمر تحرگه بگبره...
ادعيله بالرحمة...والله ينطيج الصبر
شصبر ماضنتي راح اصبر...جمره بگلبي وميطفيها الا
الموت...راح اظل بحسره شمه ريحته
رواسي... انگلبت حياتنه گلاب...
ريم ...خسرت ابنها وتبجي وتمرغل روحها بين النسوان مثل
الفاقده عقلها ..وتصيح
حمودي تعال امي راح تموت...وابويه انجلط... الله لا ينطی
الوكت اخذك من عدنه...
رواسي... الحزن بگلوبنه مینوصف...
واني بين نارين ....نار ابن عمي واخويه الي راح برمشه
...ونار فهد الي ماعرف اخباره صار اسبوع...
صارت فاتحه النسوان بيت خالته لاحمد...والجوارين وگفوا
وگفه اهل وموقفهم مينسي
شالوا الفاتحه 3 ايام ...ويبجون على بجينه.... الله يلعن
المندسين الي يحاولون يزرعون الفتنه ...
وفاتحه الزلم صارت بالجامع...
رجعنه لكربلاء ...بس ريم وخالد راحوا لأربيل ويه بيت عمو
غالب...حتى يواسوهم بمصيبتهم...
الله يعينهم على بلوتهم...
رجعنه للبيت ... وگمت ادگ على فهد وكله مغلق ...
بقيت كم يوم ادگ وادز رسائل وماکو مغلق...
مرت 10 ايام ... بعد مااتحمل....اريد اعرف فهد وصل كربلاء
لو لا....
وجان ادگ علی سری...
رواسي....هلوسری شلونج...اني رواسي..
سری....هلو رواسي...بخير الحمدلله..
سری اگدر احجي ويه فهد...
والله فهد مو هنا ... بداومه...
یادوام...
مو فهد راح تطوع على الحشد العشائري...
شنو ...شتحجين...يعني يواجه داعش...
اي ...كله بسببج..من سمع بيج انخطبتي....راح ذب نفس
بالنار....وامي حال الضيم حالها
احنه طلعنا.....وصار كم يوم وصلنا كربلاء بالمخيم وهو بقی
هناك...
رواسي....سجاجين وغرزتها بگلبي عبالك...
سري الله يخليج ... ادگ عليه كله مغلق راح اموت ...بالی يمه ...
سری...بدل خطه ... بس عذريني...محلفني يمين ما انطيج رقمه...
رواسي...احلفج بروح ابوج بس انطيني رقمه...والله
راح يصير بيه شي... احجي وابجي واشهگ...
سری..... عفيه رواسي كافي لتحرجيني... الله يخليج...مع
السلامه...
رواسي... سدته بوجهي ..
..
...
رجعت ادگ کم مره ومتجاوبني...
ام فهد....هاي منو دیدگ عليج...
ماما هاي رواسي تشهگ وتبجي تريد رقم فهد... وهو محلفني
ماانطيها الرقم...
ام فهد..انطيها الرقم بنتي..بلكت تأثر عليه وتقنعه يعوف الدوام
يتبع ......
اليوم ادللكم انتظرو بعد   عله الساعه5 ونص انزللكم بارت 14 و 15 وبليل انزل الكم اخر اربع بارتات هاي تعوض عله الكطعه الطويله