رواسي ....
فهد.... رواسي انتي دمرتيني ...صرتي نقطه ضعفي
...حياتي انگلبت من ورا ج...
چنت عايش لاهلي وامي...وهسه انتي بحبج فقتي وعبرتي كل
الحدود...
متعرفين شصار بيه من عرفت انتي ضميتي عليه...
والله لو مو حرام والعيبه واهلي مالهم احد چان سويت بروحي
شي...
مثل المجنون ذبیت روحي بالنار من ورا چ..
لچ بابا خليها سالفه بأذنج...
اذا صرتي لغيري ...جنازتي تمر من بابكم گبل لياخذوج
الزفافه...
اسم الله عليك حبيبي لتحجي هيج من عمري على عمرك..
والله اني عندي الموت ارحم الي وماصير بحضن واحد ثاني...
فهد.... رواسي اني من اول يوم دگ گلبي الج....
دائما احس يجي يوم وراح يفرقنا...
ان شاء الله ميفرقنا وغلاتگ بس موتي....
الاحبيبي
اسم الله حبيبتي.. يومي قبل يومچ....
رواسي... ريحني وگلي سامحتني
فهد.... اوف اوف من گلبي الحبچ وتمرمر من وراچ ...هو اني
اگدر مااسامحج....
انتي ضعفي وحبچ دمرني دمار...
رواسي....حبيبي الله لايحرمني منك...
مرت الايام...
ورجعت علاقتنا حلوه واقوى من الاول ...
بس تعبت من التفكير والقلق على فهد لأن الوضع ديسوء يوم
...
بعد يوم...
بدت الامتحانات ...وامتحنت..وفهد بعده بمكانه بالنار... واهله
بالمخيمات...
...
رحت لاهل فهد مره وحده اني وامي بالگوه قنعتها...
ورحنا بدون حس بابا وخالد...
خاله من شافتني حضنتني وبچت وبچتني
گالتلي ياريحه الغالي ابو بيتي عزيز گلبي فهودي...
ربي يحفظليا ويقر عيوني بشوفته...
من رجعت منهم خابرت فهودي اريد اگله رحت شفت
اهلك... واطمنه عليهم...
...
دگيت على فهد...
رواسي...هلو حبيبي شلونك...
فهد...هلو حبيبتي اني زين ومشتاق وهيمان ..
اووف فهد گلبي مثل النار عليك... انت بالواجب...
اي حبيبتي گاعد بالنقطه مالتي وماكو شي لتضلين
توهسین...
اووف فهد اني داموت الف موته باليوم ... من وراك..
ومخليت ولي ولا امام مزرته ومنخيته يحفظك الي..
خايفه من الايام الجايه .
وخايفه من باچر ليفرقنه...
يمكن راح اعيش عمري كله بس احلم بحياتي وياك...وخايفه لا
منعيش سوه...
حبيبتي شبيج اليوم كئيبه...
فهد فراگك دمرني ...لخاطري عوف كلشي تره فد يوم يوصلك
خبري ...
وصاير عندي سكته قلبيه من وراك...
اسم الله عليج حبيبتي...لج والله اني عايش علمود ج..
العد عوف كلشي اذا تحبني وتعال...
شلون اعوف اخوتي وربعي بوحدهم....
ليش اني اتخاذل ومادافع عن ارضي وعرضي...
شلون تقبليها عليه حبيبتي.... يگولون عليه جبان...
حبيت العب با اعصابها واضوجها......
يجوز الله يكتبلي الشهاده....متكيفين تصيرين حبيبه الشهيد...)...
گامت تبجي وتصيح...
كافي فهد كافي والله راح اموت ...
شلي بالعيشه وراك ...حيلي كله يرجف من حجايتك هاي ...
بحبي
الك بعد لتعيدها والله احس گلبي يوگف...
منين طلعتلي انت..اوف جنت مرتاحه وهسه انت بحبك دمرتني
...
..
فهد... لعد اني لو اوصفلج حبي ... والله تعده حدود الحب
كله ...
رواسي... داحجي ويا ..وسمعت احد يحجي ويا ويكله...
فهد كافي حبيات گوم عدنه انذار...
فهد....لك هاي رواسي الگلب مالي ومیهلي اعوفها...
....
...
رواسي....شگد عيب فهد...ليش تگول اسمي...
فهد...هذا سرمد ابن عمتي ،
عشيرتي كلها تعرف بيج...لج بابا ...يسموني مجنون رواسي..
والله محضرلج مفاجئه ...بس انتظر نتيجتج تطلع...
صدگ والله ... .شنيه بداعتي...
الاحبي اصبري وانتظري لتصيرين فضوليه..
رواسي....انتظر ... بس شيصبرني...
..
فهودي سمعت ابن عمتك يگولك انذار...
لا حبيبتي لتخلين بالج ...عادي ..
احنه يوميه انذار ...يهجمون ونصدهم...
وان شاء متسقط مدينتنا.. ننطي اخر نقطة دم ومنخليها
تسقط...
اووف فهد ...اني شلون عايشه اكل وازقنب وانام بفراش مریح....
وانت سوده عليه عايش بالضيم...بالحصار والجوع والخوف..
اووف اوف هم يجي يوم واشوفك حبيبي...
فهد.....بسيطه يا اغلى من مي عيوني ...هانت بس ادعيلي
ربي يجمعني بيج...
أمين ياغالي... داحجي ويا وصار صوت رمي وانفجارات...
فهد..... يله حبيبتي روحي بعدين نحجي...
رواسي...گبل سده ...واتخبلت
عرفت هجوم صار عليهم... وگمت ادگ واتخبلت ماكو رد...
وراها ادگ وكله مغلق...
فتحت الفيس واني مشتركه بصفحات اخبارية ...
وشفت خبر عاجل ...
هجوم سيارات مفخخه على المكان الي بي فهد..
واتخبلت ...
امي حست بيه لان مو على بعضي وعيوني وارمه...وكل شويه
طابه لغرفه منی...
الان المكان الوحيد الي اخذ راحتي بي بالحجي
خالي من يطلع الصبح میرجع لليل...
طبيت لغرفه خالي داادگ ...وفاتت امي...
...
ام خالد....شبيج رواسي
ماكو شي ...
رواسي ... اني عايفتج وادري بيج تخابرين فهد...
مو ماعندي غيره أو ام مو حريصه عليج.....
بس اعرفج عاقله....واني ادري بي يحبج وانتي مترمره من وراه...
بنتي بس تالي هالعذاب شنوووو؟؟؟؟؟
ماما زواج ان شاء الله ....بس ادعيله الله يحفظه...
ماما هسه فهد بخطر هاجمين عليهم بسيارات مفخخه (احجي وابجي) وماعرف اي شي عنه....
اسم الله بنتي ...يحرسهم الله هو وكل شريف يضحي بنفس
لاجل ارضه وعرضه...
يله هدئي واتوضي وصلي ركعتين طلب حاجه من الله وهسه
تسمعين خبر يطمنج وترتاحين ...
رواسي....گمت اتوضيت وصليت ودعيت بحرگه وبجي....
(دخيلك ياربي احفظلي فهد من كل شر ، ياربي مارايده شي
من الدنيا ... بس رايده أسمع حسه وأعرف بي هو بخير )...
بقيت ادگ وهو ماکو وغفیت محسيت بروحي الا على اذان
الفجر...
گمت توضيت وصليت...
وكاعده ادعي وابجي على السجاده...ياربي كون بس خبر
يطمني على فهد....
وبقيت ادگ ماکو لا حس ولاخبر...
ثاني يوم الصبح متحملت ...
گلت اخابر على سرى...اذا صاير شي مو زين اسم الله راح
يوصل الخبر بسرعه...
...
يتبع .....part 16
أنت تقرأ
رواسي
Romanceليس لكل حب نهايه جميله ولا كل محب نال محبوبته احياناً تكون النهايات موجعه قصه حقيقيه للكاتبه (زينب التميمي )
