رواسي

part 12

رواسي ....
...
تسلم ياروحي...صدگ اريد اگلك...
گولي حبيبتي...
فاتحین مخيمات يستقبلون بيها النازحين...گرفانات...ليش
متجون... بلكت شغله مؤقته ونرجع كلنا سوه...
والله مااعرف يارواسي... امي متطلع اذا مو الكل ...
الله کریم نشوف بيت اختي..
ويصير خير...
ان شاء الله...
يله حبيبي راح اروح ...بيبي راح تجي واني انام بغرفتها...
نیالها لبيبي الي راح تحظنج وتنام....
عابتلك استحي....
..
رواسي.... سديت التلفون...
من احجي ويا ينسيني كل همي وقهري.... ومن اسده انصدم
بالواقع المر...واذكر اني مو اله ...اني مرت شخص ثاني...

رواسي.... مرت الايام واني داومت ويه بنات خالي اعتبروني
نازحه.....منطوني نقل... وامتحنت نص السنه ونجحت
والحمدلله....
خلصت العطله وبده دوام الكورس الثاني...
الحمدلله رتبوا وضعهم...
وخوالي شافوا شغل لخالد وياهم...
وبابا هم يطلع دائما ويا خالي الجبير عنده معرض سيارات...
گمنا
نسمع بالاخبار ... الوضع ساء اكثر...والانبار گامت
تسقط مدينه وره مدينه...
والمحافظات بدت تسقط بالتدريج...
واني متخبله على فهد وروحي تريد تطلع....وبعدني ضامه
الخبر مالت خطوبتي لاحمد عنه....گلبي مینطیني اوجعه
وأذي...
ويوميه اخابره اشبع بجي من ورا .....بس اريده يطلع من
منطقتهم...

رواسي....فهد بس گلي لخاطر الله انت احد موصيك
تعذبني...
ليش اسم الله حبيبتي... يمه يمه بنيتي ليش تبجين...
لك والله راح اموت اعصابي منهاره ... انت اذا يصير بيك شي
اموت وراك....
اسم الله عليج...هلگد تحبيني...
ليش انت عندك شك بحبي
الك..
لا والله .....اشك با اصبعي الي من لحمي ودمي وماشك بحبج
الي...
كافي فهد كلامك دمرني...ليش هالعذاب ياربي...
شمعنه عليه اجيت...لو مشايفتك جان هسه اني عايشه
مرتاحه لاضيم ولاقهر...
يعني حبي الج ضيم وقهر ... اشكرج قهرتيني والله..
لا والله مو هذا القصد...
بابا انت صرت نفسي الي يصعد وينزل ومتعذبه لان بعيد
عني... والله مرات أگول راح اگول لاهلي واجيك والقرآن..

يمه بعد روحي حبيبه قلبي...هانت وعيونج...هانت...
فهد...گدامك اقل من اسبوع...ترتب وضعك وتجي...
والله اذا متجي ... انساني...وتحلم تسمع صوتي بعد....
اكو واحد ينسه روحی یاروح فهد...
دروح يله عابتلك...قشمرني بكلامك ابو لسان...
..
سديت التلفون واجتني ماما ...
...
ها رواسي...
هلو ماما...
..
رواسي مرت عمج غالب....خابرتني ويريدونه نروح لبغداد
الأربعاء حتى الخميس تگطعون مهر انتي واحمد...
شلون...شلون... احجي وابجي...ماما ليش مو وعدتيني
تساعدينی... اني بنتج لتصيرين انتى والزمن عليه ...اني مااتخيل نفسي غير يم فهد ...
..
..
وج بنتي سكتي وستري علينا...لتجي ريم  وتسمعنا...
يوم والله نار بصدري ...ومتطفيها الا شوفه فهد...يوم اني
اموت الف موته ... اذا اخذت احمد...مااكدر ..
صعب صعب كلش....
يعني اعيش ويا واخونه ...لان فهد با افكاري وبگلبي وعقلي
معشعش وميطلع..
....
ماما حلمت البس البدله وانزف لفهد مو لااحمد...
يوم حبنا بريء ومايوم تجاوز حدوده ويايه...
شگد ما اوصفه لهالانسان قليل...والله ماكو منه لابقصه
ولابروايه...
ام خالد.... ابجي على بنتي ... شنو بيدي عليج يابنتي والله
عيب من ابوج وعمامج... وصعبه...

واني مو صعبة عليه من تذبوني ومتفكرون بيه...
يابنتي وين ذابيج ....قابل ناطیج فصليه يا بنيتي انتي
وعيوني...
شو احمد شاب كامل مكمل ...حتى بنات خالج من شافوا
انعجبن بي...
بس اني ميعجبني ...اني گلبي عد فهد مو يمه...
يابنتي...والله حب فهد نزوه عابره...
وهسه من تزوجين وبالعشره تحبين احمد ... وتگولين هذا حب
مراهقه...
لا ماما مااقبل تگولين على حب فهد الي حب مراهقه....حقج
متعرفين منو وشنو فهد...
فهد الانسان والگلب الحنين وكلشي الي...
طلعت امي ... بقيت ابجي على حظي... اوف يدنيا شلعبتي
بي وشوکت راح ارتاح....
وره شويه جتني ريم ...
هلو رواسي...كالتلج عمه ....عگب باجر راح نروح لبغداد....
عيني شمحضرلج حمودي اشكال والوان...
ويگول والله الا البسها احلى ذهب ...واسويلها عرس با احلى
قاعة...
ياعيني بالعافيه عليكم حبيبتي...شكد تمنيت اسوي عرسي
بقاعة...
بس مو مهم...المهم عندي اگعد الصبح واشوف خالد نايم يمي
وعلى مخدتي...
رواسي...هيه گالت هيج...واني انفجرت بالبجي....
شبيج رواسي ليش تبجين...
لا ماكو شي ...بس من هسه من اتخيل راح اعوف اهلي
شلون راح اتأذه...
عادي حبيبتي...حمودي يحبج وينسيج كل شي...
فهد....رتبت الوضع واتفقت ويه بيت اختي نطلع سوه السبت
ونروح للنخيب ولكربلاء...
...
اني اطلع بسيارتي واخويه يطلع بسياره رجل اختي...لان هو
منتسب ميكدر يطلع ويانه...
نويت ما اگول لرواسي ...الما اوصل لكربلاء واسويلهيا
مفاجئه...
رواسي....مگدرت اخابر على فهد الان ادري بنفسي اضعف
گدامه...
الثلاثاء... الصبح امي وريم ومنی راحوا للسوگ دیشترون
غراض واني بقيت ويه بيبي والجهال والزلم كلها طالعه...
بيبي طبت تسبح ودگيت على فهد...
رواسي....هلو فهد..شلونك
هلو حبيبتي ...وينج البارحه ظل بالي عليج...
فهد.... عندي حجي وياك...بس ياريت تسمعني..وتفهمني...
فهد...گلبي لعبني...احجي رواسي شكو شبيج شصاير...
اوعدني تتفهم ومتعصب...
احجي لخاطر الله... نشف دمی...
...
فهد... تذكر من ردنا نجي لكربلاء قبل شهرين...
اي... اسمعها وحيلي يرجف منتظر ...
فجري القنبله بلاحرگ اعصاب...
على كيفك فهد ويايه الله يخليك... احجي وابجي..
احجي هديت...بس فضيني...
احمد ابن عمي
شبي....
مقبل خالد ياخذ ريم الا ياخذني....يعني گصه بگصه...
اي ياربج احجي شصار...بعصبيه...
جاب شيخ وكطعنه مهر...
احجي ويا وصار عصبي...گام يصيح واني ابجي...وهو
يدعي على نفسه....
فهد....... الله ياخذني ويموتني... ليش يولي مو حبيتج حب
محب بشر....هاي جزاتي...
اسمعني فهد والله احنه رايحين باجر عليهم وراح اگوله...اني
مااحبه...
يتبع .... part 13
طبعاً كلش اسف عله الكطعه بس اليوم بليل اذا كدرت انزل الكم نهاية قصة رواسي إن شاء الله اكدر و مره ثانيه كلش اسف عله الكطعه وما نشرت