رواسي.....
رواسي • مراح تمسحها...
فهد..والله گلبي مينطيني...
رواسي..بداعتي ... امسحها...
فهد...امسحها والله بس مو هسه خل اشبع منج شويه...
رواسي...مرت الايام ..وريم طلعت اكمال وتأجل زواجهم..
وبديت احضر غراض المدرسه لان باجر راح اداوم...
خالد...رواسي حطيتج ويه مروان ابن عمتي،مسوي بسيارتا
خط...
رواسي..ليش ما ابقى بنفس خطي مال العام...
خالد..لا طبعا ... من خطبج فهد ، بعد مترهم تروحين وتجين ويااا..
رواسي...ضجت كلش ،واني لازم مااناقش عليه بس انفذ...رحت خابرت فهد..
شلونك...
فهد..هلو عمري اسأل عنج....شكو شبيج ضايجه..
رواسي...وره خالد...حطني ويه ابن عمتي مسوي خط...
فهد..صدگ ....ليش يالله..
رواسي...يگول من خطبج بعد عيب مترهم تصعدين ويا..
كله صوجك يافهد انت اتسرعت ، واني حذرتك من الاول...
فهد...شمدريني اني...اوف ياربي...واني احسب للدوام يوم وره
يوم..
رواسي....يله...شسوي أمرنا الله اگظيها اشوفك بالبوگه من
تاخذ البنات الظهرية...
فهد..لا مدام انتي مو ويايه مااسوي خط...
رواسي...ليش ...مويأثر عليك...
فهد...لا ميأثر المحل مكفيني وزايد...
رواسي...شبيك...ضجت
فهد...شلون لعد ما اضوج ... والله لو تدرين شگد مشتاقلج وياله
اشوفج..
الله کریم حبيبي ...نصبر واله کریم..
باجر راح افوت ساعه 12 من يم مدرستكم انتظريني...
ان شاء الله .
حبيبي
انتظرك
باي فهودي..
باي حبيبتي..
_ رواسي....مرت الايام وداومت
وگمت اشوف فهد بالخطف ... بس احسن من الماكو.
وخالد بعده متزوج الا من تنجح ريم...
بدت تدهور الأوضاع بالبلد..
وصارت بلبلة بين الحكومة والعشاير..
ونهاية سنة 2013 ،
صارت فوضى بالانبار ودخلوا داعش وبدت تسقط المناطق
وحده تلوا الاخرى...
العصرية ودگيت على فهد
رواسي...هلو فهد .... اني كلش خايفه شفت الوضعيه شلون
تخوف ،وذوله داعش سووا بلاوي بسوريا...واحنه هم نفس
الشي..
راح يسبون النسوان والبنات، واني خايفه..
والله اضرب روحي بسجينه ولا أسلمهم نفسي...
فهد... احجي وياها واهديها واني الف موته دموت من التفك
بيها وبخواتي وبمصيرنا المجهول...
حبيبتي التخافين الله يحفظج ....شحده ليمسج والله اخذ
الوزته...
رواسي... يله حبيبي راح اروح ...ديصيحوني..
فهد..باي حبيبتي الله وياج...
رواسي..ها ماما شكوشتريدين تصيحيني...
الام...رواسي... بدلي دنروح لبيت عمج غالب...
رواسي...ليش شكو ..
الام..بدلي ولتضلين تسألين..
بدلت ورحنه لبيت عمي ...وحالهم مو احسن من
حالنه... الخوف والقلق باين على عيونهم...
وصار الحجہ...
ابوخالد... ابو احمد اخويه اني راح اطلع من الديره واخذ اهلي
واروح لكربلاء يم اهل ام خالد...بين متفض البلبله، بلكت
الشغله متطول...
ابو احمد...اني هم راح اطلع بيهم للشمال لان خايف على
احمد...ديصفون بالشرطه..كله ذبح بدون رحمه..
ابو خالد...خوش لعد نطلع سوة نروح على الستراتيجي وعلى
النخيب ويذبنه بكربلاء ومناك نتفرق...
ابو احمد....گدامنه يومين نرتب امورنه ونطلع..
رواسي...اني گاعده بس اسمعهم وعيوني حايره
يوجعني كلبي على فهد ومينطي اعوفه هنا...
وگلبي
ابو خالد...احنه جايين اليوم وبما انو ريم نجحت وكاطعيلهم
مهر ومكملين كلشي...
شتگول اذا باجر نلبسها بدله كدام الناس ونطلعها من بيتكم
...حتی ناخذها ويانا وتعرف هاي دنيا والظروف متتأمن...
ابو احمد...بنتك هاي تعال اخذها باجر ، والله البنيه بهاي
ظروف صارت هم...خليها تستر بحضن رجلها احسن...
احمد....متطلع ريم من البيت الا تنطوني رواسي...
ابو خالد...هاي شبيك ابني...
احمد..اي عمي ، اني مااقبل واريدها تصير گصه بگصه....
احمد....ما اضمن من تروح لكربلاء ويشوفوها ولد خوالها
وخالاتها ويخطبوها...
ابو خالد...ابني اخذ حجايه مني البنية الك..
احمد.... اخذ البنيه واضمنها وارتاح....
خالد....شلون تاخذها وانت كلشي ممجهز ولا گاطع مهر....
احمد.... اكطع عليها مهر شيخ...و بعدين من نطلع منا ارتب
وضعي كله...
رواسي...گاعده وغورگت عيوني..... مسويني مثل الطوبه
يرفعون ويكبسون بيه...
ابو خالد....والله احمد انت زينة الشباب واحسن من
الغريب...روح جيب الشيخ وتعال...
رواسي....راح احمد ...واني رحت اركض للحمام بعد
مااتحمل..
طگيت من البجي ...شراح يگول فهد من يسمع...وين الوعد
الي وعدته اله ...اندگ الباب عليه...
...
غسلت ومسحت وجهي....منو
اني امج فتحي الباب .
اي لحظه...طلعت واخذتني على غرفة الخطار وسدت الباب...
ام خالد... ادري ماما الي صار غفل وصعب عليج...بس والله
احنه هسه الظرف الي دنمر بي ...يخوف وذوله هجموا مثل
المغول ...يعني ميرحمون..
واحمد خوش ولد ويحبج..
رواسی...بس اني مااحبه...
تحبي يابنتي بالعشره..
رواسي..مااكدر ..
ليش حبيبتي...
رواسي..الان گلبي يم واحد ثاني..
عزه العزاج...بس لتگوليلي فهد...
رواسي..فهد... احبه وما احب غيره..
يولي سدي حلگج لحد يسمعج... عود انتي العاقله...والله من
يسمع خالد يدفنج بمكانج...
رواسي..مسويت شي حرام...حبيته وحبنا بريء ومن خوفه عليه
خطبني راسا...
ولج اسكتي يمعزایه...
رواسي..ماما اني بنتج الوحيده ، حرام تحرگون گلبي...ساعديني
واوكفي ويايه...
يابنتي مابيدي شي، ما اكدر اسوي شي...هسه الشيخ راح
يجي ...واذا رفضتي ..خالد يگلب الدنيا ...وتتخربط شغلته...
رواسي..يعني شنو يضحي بيه علمود نفسه...شنو هالتخلف والظلم...
يتبع... part10
أنت تقرأ
رواسي
Romanceليس لكل حب نهايه جميله ولا كل محب نال محبوبته احياناً تكون النهايات موجعه قصه حقيقيه للكاتبه (زينب التميمي )
