رواسي

part 8

رواسي.....

فهد....حبيبتي انتي جوهرتي الي وبس ، وماحب احد يملي
عينه منج بس اني...
وانتي وردتي الي وحدي وبس اني اشمي...
لازم تعذريني ، اغار عليج مو بيدي والله...
هو اني من شفتج هيج متحملت ، ورغم حاجيتج بالباب برود،
بس والله گزگزت عليج.. واتمنيت احضنج...
رواسي...ضحكت على سوالفه...
استحي شوية .
فهد...صدقه لهالضحكه... اموت عليها وعلى صاحبتها...
يمه يمه انت بلوه وداهية...شكم وحده گتلها هالحجي قبلي...
فهد..ههههههه...وروحه لابويه اني موبياع كلام، وانتي اول وحده
احجي وياها هيج...
رواسي..بس حجيك مو مال اول مره ، عبالك متعود ، لان مو خجلان...
فهد..اكو واحد يخجل من روحه، لج انتي عشعشتي بالكلب
وبالدماغ...حتى اني صافن على روحي...
مافد
يوم عجبتني وحده وتعلقت بيها لهالدرجه...
والله عندي بگرايبنه اشكال والوان البنات ، وهنه يتوددن
وبالخط شوف عينج الثلاثي المرح الوره، شلون مرغلن روحهن
....واني ولا يمهم..
رواسي...شگد مغرور انت ...
فهد...الج بابا مو مغرور .
رواسي...شمعنه اني اختاريتني...
فهد...سحرتيني...وجذبني هدؤج... تتصرفين بعفويه مو تصنعين
مثل بنات هالوكت...
رواسي...شمدريك يجوز امثل عليك...
فهد...الاحبيبتي ... البنيه مثل الكتاب باينه من عنوانها...
تدرين من گلي خالد ديدور . خط الج، اتفاجئت عنده اخت
وصارلنا 7سنين اصدقاء اني ويا
وياما طبيت وطلعت من بيتكم ، ومايوم عرفت عنده اخت...
رواسي.... انغريت بحجية
رواسي... فهد تره ما اگدر اطول..... عمار ينام يمي بالغرفه
يعني شويه واسده وما أگدر اخابرك بالليل...
فهد.....عادي حتى لو دقيقه باليوم بس اسمع صوتج هذا
يكفيني....
صدگ شيريد احمد ابن عمچ اجه عليكم...
رواسي..جاب شغله لبابا
فهد...دائما يجيكم وحده....
رواسي..لا يجي ويه اهله....وباجر گال راح يجون علينه...
...
فهد .... اشتعلت الغيره وصعدت الحماوه عندي، بس بعدني
بالبدايه وياها ماريد تصير عدها رده فعل مني، ، ،وتبطل تگلي
بعد اي شي....سويت نفسي ممهتم .
بس چذب اني راح اموت من الغيره، لان احمد خوش شاب
حلو وميتعيب...
فهد.... اي حبيبتي عادي ، اني عندي ثقه بحبيبتي محد يمل
عينها بس اني...
رواسي...اوف منك ومن سوالفك... يله حباب ، كافي
اليوم...حاسه بروحي بایگاه بوگه..ود اخون ثقه بابا وخالد...
فهد..يله حبيبتي ...تصبحين على خير ياعسل....
رواسي..تصبح على خير...
فهد..گوليلي حبيبي حتى اسده...
رواسي..تصبح على خير حبيبي..
فهد..اوف شلون طالعه تخبل من هالحلگ ...شوفيني بأاحلامج .
رواسي...ان شاء الله ...يله كافي داسمع صوت باي .
بايات ياعمري اوووف...
...
رواسي... سديته ، ورأسا طبت امي...جنت مغطيه
راسي...جتي رفعت الغطه...
هاي شبيج مصخنه ...شو وجهج أحمر...
اي ماما بردانه
هسه اروح اجيبلج بندوله...
اووف راحت ماما واني ميته من الخوف، راح يغمی
عليه...جابتلي الحبايه وجتي...
هاج رواسي الحبايه...شنو حاسه ماماتي...
رواسي..راسي يوجعني وصفحتي تنغزني..
الام..يجوز عندج رمل صاير...بلكت باجر اوديج...
رواسي..عادي ماما ماكو شي ليضل بالج...روحي نامي...
گعدت الصبح نشيطه...ورحت للمطبخ
صباح الخير ماما...
صباح النور حبيبتي....شلون صبحتي...

رواسي..لا احسن شويه...

بيت عمج غالب راح يجون على الغده...
شعجب مو عساس بالليل..
لا مو البارحه گلت لابوج راح يجون....وخابر على عمج وگله
  تعال اتغدوا باچه...
وابوج راح جابلي من الصبح با چتين منظفه حتى اسويها
للغده..
رواسي..اوووف ... اني سويلي غير شي لعد...
ساعدت امي بالشغل وكملنا
رواسي....حسيت بنفسي مسؤوله من رجال اني ولازم
اصونه...وهو عاملني حلو ومتفهم ...مو متحكم...
البست تنوره كلوش وقميص وحطيت شال على راسي...
ام خالد....لج هاي شنو رواسي ...شعجب لابسه حجاب..
من اليوم قررت البس گدام الكل...
الام..شعجب يولي..
رواسي...حرامات اني البس بره ... ليش اضيع الاجر... البس گدام
الكل...
الام..عفيه حبيبتي...
ويه أذان الظهر طبوا بيت عمي..

وريم شجعتني على الحجاب وكلهم كالوا حلووو..
خالد مخبوص بريم،،
ويدورولهم فرصه حتى يختلون بيها..
احمد متنزل عيونه من عليه.. بس اني ولا يمه...بالي يم
فهودي...
العصريه.... اتفقوا اهلي الأسبوع الجاي يشترون الذهب
والنيشان مالت خالد و
ریم.۰۰
امي حجت ويه بابا وخالد على فهد...بابا جان مرحب بي
...وخالد جان عاجبه فهد...
بس خاف يوافق ويزعلون بيت عمي ويخاف لتخرب شغلته ويه
ریم..
امي گالتلي...خالد حاجي ويه فهد وگایله...
البنيه تكمل دراستها والله کریم...
فهد...ضاج وانقهر ... عرف بي دينشحن ..ورفضوا بس

بأصول... انقهر وبقى يومين ميحجي ويايا...

رواسي... فهد بداعتي لتنقهر ..هذا كله حجي والموضوع
شغلته بطيه..وابن عمي ميگدر ياخذني بالغصب...
خلي كلشي على الله ومنا لوكتها ربك يحلها..
رجعنه اني وحبيبي تصالحنه وكبر حبنا اكثر...
طلعت نتيجتي ونجحت الحمدلله..وريم كملت الامتحانات .
وتحدد المهر مالهم بالثامن بعد كم يوم...وراها بشهرين
يتزوجون...
فهد...شراح تلبسين باجر بالمهر مال خالد...
رواسي..فهودي راح البس فستان اسود شيفون كلوش وعليه بوليره
کيبور سوده...
فهد..خو ميجون ولد وياكم...
رواسي..لا محد يجي... بس خالد يكون موجود..
فهد.. رواسي باجر اخذي صوره ويه سرى بتلفونها بس اشوفج
حبابه...
رواسي..ميخالف حبيبي ... عود تمسحها مو...
فهد..اي وداعت عيونج...
رواسي... اليوم حفله المهر...بدلت ورتبت نفسي وحطيت مكياج
على البساطه، لان میلوگلي طوخ وبابا واهلي ميقبلون..
جتي سرى...وفرحت من شفتها لان من ريحه حبيبي...
واخذت صوره وياها بتلفونها
كملت الحفله...
فهد....لج هاي شنو يولي شطالعه ...گزگزت..
رواسي..يعني عجبتك...
تموتين... اوف اوف ...لو يمي...فلا ارحمج..
رواسي...استحي شوية... عليك الله مسحت الصوره...
فهد...اي والله مسحتها من تلفون سری....بس حفظتها بتلفونی...

يتبع....part9