فهد : تبارك تبارك
تبارك : نعم
فهد : تعرفين واحد اسمه حميد
تبارك : لا ماعرف واحد هيج اسمه
فهد : اكيد
تبارك : والله
ابو فهد : شكو بابا شبيك
فهد : هاذ واحد سألني ع تبارك يكول اني صديق ابوها من جانت طفله اعرفها وجاي يسأل على تبارك
تبارك : تذكرته صديق بابا فهد اي اي تذكرته والله اي اعرفه بس شذكره بيه هاذ الرجال
فهد : ماعرف
ابو فهد : ولك روح فوت الرجال جوه يعني تخلي واكف
فهد : اني مشتعل نار وبابا يكلي فوته جوه طلعت فوتت الرجال للأستقبال وبابا راح يمه واني انتظر الجاي يكمل واودي
حميد : السلام عليكم
ابو فهد : وعليكم السلام نورتنه
حميد : تسلم حجي اني صديق ابو تبارك وعندي امانه التبارك بنتي واني اعتذر لازم اشوفهااا وخلي اجيب جنسيته وياها
ابو فهد : شنو الأمانه ممكن اعرف
حميد : لا خويه عذرني اذا مصير زحمه
ابو فهد: من حقك
فهد :دخلت قدمت الهم الجاي
ابو فهد : بابا فهد صيح المريتك خلي اجيب جنسيته وتجي
فهد : خير بابا شكو
ابو فهد : خير انشاء الله روح جيبه وتعال وخلي اجيب جنسيته وتجي
فهد : طلعت واني مشتعل نار شنو هاذ الرجال شو يتشرط
تبارك : شبيك فهد شو وجهك ميبشر بخير
فهد : امشي روحي جيبي جنسيتج وتعاي يريدج الرجال
تبارك : شنو هاي جنسيتي شو يسوي بيهه
فهد : واني شعرفني امشي روحي جيبيه لا والنبي اسوي مصيبه اليوم
تبارك : ع كيفك اني شدخلني جاي تعيط علي
فهد : تبارك رحمه الأهلج لا تفكين حلكج امشي وانتي ساكته تره والله عصابي مشتعله نار لا انفجر اليوم
تبارك : عرفته الغيره شاعلته شعل سكتت شحجي رحت جبت الجنسيه مالتي واجيت هاي الجنسيه يله
فهد : وين يله هيج تردين تفوتين
تبارك : لعد شلون افوت تره رجال بكد بابا الله يرحمه ويمكن اكبر من بابا
فهد : استغفر الله امشي لبسي اي شي غير هاذ التراك مالتج امشي كدامي بدلي
تبارك : رحت بدلت عرفته مو مال احجي شي
فهد : لتحجين اني انطي الجنسيه وحجي انتي سكتي
تبارك : اوك بس خلي نشوف عمو حميد شنو يريد
السلام عليكم
حميد : ابو فهد : وعليكم السلام
تبارك : عمو شلونك اخبارك
حميد : من شفته تذكرت المرحوم ومن جان يجيبه يمي ونشاقه اني وياها نزلت دموعي
ابو فهد : يمعود ع شنو هل بجي
حميد : حجي هاي البنيه مشافت راحه بحياته من راح ابوها الي هوه اخوي وصديقي هيه نضلمت
بس الحمد لله من الله صخركم اله ونقذتوها من الضيم الي جانت بي المهم هسه ماريد اطول عليكم السالفه
انطوني الجنسيه مالته شفت جنسيته تأكدت هيه نفسه تبارك بنت عزيز كلبي الله يرحمه ف كتلهم بقه طلب واحد عندي الكم اريد اخلص ذمتي
ابو فهد : اطلب
حميد : فدوه حجي خليني احجي وياها على نفراد دقيقه وحده ولا طلعون بس وانتم كاعدين
فهد : شنو
ابو فهد : اي براحتك
حميد : شكرآآ حجي كومي بابا تبارك نكعد بل جه الثانيه مال الغرفه
تبارك : كعدنه ثنينه خير عموو شكوو خوفتني
حميد : بابا الج يمي 27 مليون و 500 الف مال 11 سنه وعندج بيت مال ابوج وعندج مطعم اني جنت لازم المطعم واحاسب العمال واطلع يوميتي جمعتهم الج يصيرون 190 مليون والمطعم يعني يصيرون 217 مليون و 500 الف وطعم والبيت اوراقه يم عمج تردين احجي كدامهم لو لا
تبارك : اني نصدمت والله مجاي استوعب
حميد : ها سكتي
تبارك : لا عمو عادي هاذ بابا وهاذ زوجي احجي الي تريد تحجي
حميد : اوك حجي ابو فهد
ابو فهد : نعم خويه
حميد : اني عندي امانه الزوجة ابنك والأمانه شرحتله فلوس الأجار وفلوس المطعم وكتله بيني وبينكم الله ومحمد وعلي مماخذ من فلوس هاي اليتيمه الف دينار حجي فلوس هاي اليتيمه 217 مليون و 500 الف والمطعم يمته متردون احوله بأسمه واذا تريد تبيعه الشرايه موجودين والبيت اوراقه يم عم البنيه خويه تردون ترحون وياي انطيكم فلوس هاي اليتيمه او تردون باجر اجيبهم الكم
تبارك : عموو ع راحتك يمته متريد بس ممكن سؤال
حميد : جواب
تبارك : اذا اريد ابيع المطعم شكد يجيب سعر
ابو فهد : وليش تبيعينه بابا خلي حلالج هاذ مستقبلج
حميد : بنتي يجيب 500 مليون واكثر
تبارك : عمو شوفلي شراي وال 217 و 500 الف اخذ الي يكفيك منهم هديه مني الك انت هم من اشوفك اتذكر بابا الله يرحمه
حميد : بنتي اني ماريد شي اريد ابري ذمتي
تبارك : عمو شوفلي شراي والله كريم
حميد : الله كريم بس بابا تره هاي ريحة المرحوم بي
تبارك : مو بيدي عموو شسوي
حميد : الله كريم يله اترخص اني
ابو فهد : بعد وكت وين رايح
حميد : لا وراي كعده الصبح اروح للمطعم
فهد : اني مصدوم والله شحجي مادري سكتت
تبارك : طلع عمو حميد رجعنه
ام فهد : خير شكوو بعد بس لا مصيبه جديده
ابو فهد : لا انشاء الله كل خير
فهد : تبارك وليش تبيعينه هاا
تبارك : فهد انت متشوف بابا يوميه جايين ناس يردون فلوسهم المطعم يروح فدوه البابا
ابو فهد : شنو يعني تردين تبيعين المطعم وتسدين بي الدين مالتي
تبارك : لا مو الدين مالتك بابا الدين مالتنه
ام فهد : غير تفهموني شكو
تبارك : ماما طلعلي ورث خير من الله يعني نكدر نسد بي الدين مالتنه ونخلص
ام فهد : لا هاذ الدين مال ابو فهد هوه يسدد شنو ذنبج انتي
تبارك : يعني لو الله رازق بابا بكد الورث الي طلعلي بابا يخليني يعزلني منكم
ابو فهد : لا والله بنتي اني اخذت وعد ع نفسي ما اخليج تحتاجين شي لو ادري انقص من نفسي بس كون انتي بخير ومتحتاجين شي
تبارك : خلص لعد شلون تردون اني اتخله عنكم
ام فهد : ماما اني مدخلني
فهد : اني هم مدخلني
ابو فهد : اني مادري شحجي بس اكول انتي الله رزقني بيج بنيتي
تبارك: كمت وبست راس عمي وكتله فدوه الك الف مطعم والف بيت ضحكته تسوه عندي الدنيه كله
وبست راس ماما وكتله اذا صدك تردون ترضوني عندي طلب واحد يمكم
ابو فهد : انتي تدللين بنيتي
تبارك : كومو خلي نطلع نتعشه بره اني عازمتكم وصار يومين اكلكم قليل ومالنه خلك
ابو فهد : يله كومو نطلع بس بابا تبارك اني هم عندي طلب
تبارك: انت تأمرني بابا
ابو فهد : اريد اشوفكم مثل قبل انتم بسيارتكم واني ومريتي بسيارتنه ومن نرجع اريد اشوفكم مثل قبل خلي فرحتنه تكمل
تبارك : صدك خجلت وستحيت صرت طماطيه اوك بابا
فهد : يمه طرت من الفرح يله لعد خلي نلحك نبدل
ابو فهد : يله كوموو
تبارك : دخلت للغرفه طلعت ملابس اريد ابدل وفهد هم طلع ملابس اني عود زعلانه منه اريد ادخل للحمام ابدل شو محسيت جرني من ايدي وحاوط خصري بديناته
فهد : مشتاقلج والله يروحي انتي
تبارك : فهد خلي نبدل ورانه طلعه
فهد : ليش منسهر هنا اني وياج
تبارك : والله هاي الطلعه مو الي هاي البابا وماما وانت لأن اشوفكم مجاي تاكلون وضايجين
فهد : الله ليحرمنه منج انتي شمعة هاذ البيت من دخلتي الهاذ البيت ودخلت الضحكه والسالفه وياج
تبارك : والله ليحرمني منكم يله حبيبي خلي ابدل عيب من بابا وماما هسه يخلصون بدلنه وكملنه ونزلنه اني وفهودي لكينه بابا وماما ينتظرونه
ابو فهد : يله نطلع الكل يله
تبارك : طلعنه نريد نصعد بل سياره دك تلفون بابا لأن اشتره موبايل من راح موبايله
ابو فهد : الوو اي ها يالله .....
انتظروني في البارت القادم ولتنسون التصويت فدوه مع تحيات
((((((((((((((( طائر الجنوب )))))))))))))))
