((((( طائر الجنوب )))))
فهد : شوفي اكلج شغله يمكن متعرفين عني شي
اني صح ضارب الدنيه بعرض الحايط بس يشهد الله حبيتج من كل كلبي ومايوم اتخله عنج من شفتج مدري شنو الي صار بيه عيونج مكدرت اتحملهن اذوب بيهن
تبارك : خجلت دفنت راسي بصدره حيل
فهد : فديت الخجلان رفعي راسج لج اني ممصدك خلي اشبع منج شوف ولو انتي مينشبع منج
تبارك : رفعت راسي بوج فهد وماحسيت اله هجم ع شفايفي ع بالك مشايف هم رجعت بادلته ورحنه بعالم ثاني وسبحنه وضلينه لل ٤ الفجر نمنه كعدت الصبح اريد اتحرك ماكدر لكيت فهد ايد جوه راسي وايد حاضني بيه ورجل من رجليناته فوك رجليناتي
تحركت شوي شوي اريد ادخل للحمام اسبح
فهد : ههههه وين رايحه شعندج من الصبح لتنسين احنه عرسان
تبارك : فهودي حبيبي عيب خلي نسبح ونطلع
فهد : بيش الساعه هسه
تبارك: والله مادري خلي اشغل الضوه
فهد : عوفي الضوه خلي نرجع انام
تبارك : شبيك خلي اشوف الساعه شفت الساعه 9:30 يمه شنو هاي
فهد : كمزت شكو
تبارك : 9:30 كوم
فهد : ولج ع بالي اكو شي يوميه اني 12 اكعد
تبارك : عيب كوم شبيك
فهد : يله كايم خلي نسبح سويه
تبارك :سبحنه وطلعنه بدلت وخليت مكياج خفيف
واباوع النفسي بل مرايه اثرات بركبتي مال البارحه وماحسيت فهد لف ايديناته ع خصري ودفن راسه بركبتي وحسيت اكو شي مو تمام
فهد : يمه مينشبع منج يعمري
تبارك : فهودي مابيه خلي نطلع هسه فدوه عوفني كافي فدوه
فهد : مممم حلالي شبيج تردين تمنعيني من حلالي
تبارك : يعمري انت اكيد حلالك بس اطلع شوف الناس عيب واني جوعانه اريد ريوك
فهد : مممم اوك اطلع واخلص وارجع وين تروحين
تبارك : اوك اطلع عيب
فهد : طلعت وتلكتني امي بل هلاهل وتباركتلي وابوي واختي
تبارك : نفتح الباب وطلع فهد سمعت صوت الهلاهل شوي ودخلت عمتي وماما ام فهد ودخلت اخت فهودي
تباركلي وشوي واجتلي صينيه مال ريوك ورجع فهد كعد يمي يتريك خلصنه ريوك اباوع العمتي شلون تباوعلي وتضحك وتسولف ولا جنه الي عذبتني وشلعت شعري وموتتني وضربتني وهانتني ونموتني بل حر والبرد وبل مخزن
هند : الحمد لله مضاع التعب بيج بنيتي
ام فهد: عاشت ايدج على هاي التربيه
تبارك : لو اكدر هسه وأكلهم هاي المره الي دمرت حياتي كله عذبتني وضربتني وماشفت يوم واحد حلو وياها بس غلست والحمد لله الله عوضني بهاي العائله
عشت وياهم احلى عييشه بس اشوف فهد لا شغل ولا عمل كلت خلي انتظر شهر واشوف صدك خلص الشهر كاعدين وره العشه اني وماما وبابا وفهد جان يكول فهد
فهد : راح اطلع يم جماعتي اتأخر لا ينشغل بالكم
تبارك : انتبهت ع ماما ام فهد نخطف لونه ياربي شكو
ابو فهد : وشعندك يم جماعتك مرتك اوله بهاذ الوقت الي راح تكضي يم ربعك
فهد : بابا هم اريد اطلع اغير جو
ابو فهد : وليش بس انت تغير جو ليش مو هيه هم تغير جو وتاخذه وطلعون تفترون وترجعون متونسين ثنينكم
فهد : بابا تره جماعتي ينتظروني
تبارك : اني وماما ساكتين آخر شي طلع صوتي وكلت
اني عندي حجي وياكم واريد احجي وتالي اذا يريد فهد يروح خلي يروح اني همات ماريد اطلع
فهد : حياتي خليه من ارجع
ابو فهد : لا بابا اوكف شوي خلي نسمع بنتي شنو تريد تحجي احجي بابا
تبارك : من بعد اذنكم بابا وماما بل نسبه الفهد شنو يشتغل
فهد : حبي شنو مليتي مني
تبارك : لا والله امل من عيوني ولا امل منك بس غير اعرف حبيبي وزوجي وابو بيتي شنو شغله
فهد : حياتي بابا موفي ومكفي اني ماحب اشتغل
تبارك : ماكو زلمه يحب ابو يصرف علي وعلى زوجته من بعد اذنك بابا بس هاذ حق زوجي رجال بيتي لازم يشتغل اليمته انت تصرف علينه
ام فهد : هاذ الكلام الي ريح كلبي اي يالله بلكي يتحرك يشتغل ويعوف جماعته
ابو فهد : والله بابا انتي بنت اصول وتعرفين الأصول
فهد : شنو يعني تبارك مقصر وياج
تبارك : حبيبي حشاك من التقصير لا انت ولا ماما ولا بابا بس هاي سنة الحياة اني صرت مسأوله منك انت الي تصرف علي جنت انت الوحدك ابوك يصرف عليك هسه اني بركبتك مسؤله منك مو من بابا انت الي تصرف علي
فهد : اي وبله شنو اشتغل
تبارك : تشتغل مع ابوك بل معرض بدل ما مخليله عامل لا انت اوله بل معرض مالكم اذا بابا يشتغل انت تكدر تخلي ابوك يرتاح وانت تشتغل ابكانه هوه بس يوجهك ع الشغل خطيه بابا هم تعبان لو انت متفكر
لو كلامي بي غلط اذا بي شي غلط كولو انتي غلطانه
فهد :العن يومج هاي شلون بلوه وطاحت ع راسي
بس كلامه صحيح والله
ابو فهد : لج بنتي بروكه الله يطول بعمرج والله حجيتي كلمة حق
ام فهد : ماما تبارك كلامج ذهب والله ومابي اي غلط
تبارك : خلص لعد باجر استراحه بعد باجر احسب حسابك تطلع ويه بابا اذا انت ابنه الوحيد تتهرب من الشغل وتخلي الشغل براس ابوك لعد ع منو يعتمد
فهد : يمكن كلامه صاعقه ونزل فوك راسي كلت خلي اصير احسن منه وكلت ليش باجر استراحه لا باجر كعدوني الصبح اطلع ويه ابوي اتعلم احسن
ابو فهد : يابه واني احسبلك ضعف العامل يوميه او تريد ربع بل شغل كيفك
تبارك : لا بابا انت ممقصر ولا نريد منك شي بس مصرفنه كافي وثاني شي احنه مو غربه شو هوه ابنك واني بنتك
ابو فهد: والله بابا انتي مثل بنتي وهوه ابني وانشاء الله ماقصر وياكم
تبارك : اني اترخص اغسل المواعين
ام فهد : من فرحتي والله ضليت مصدومه
ممصدكه معقوله فهد يشتغل لا ماصدك بس الحمد لله
وطلعت مو هينه هاي تبارك
فهد : واني بعد ما راح اطلع خلي اصعد انام وباجر لا تروح اخذني وياك
ابو فهد : انشاء الله اني اكعدك الصبح
فهد : تصبحون ع خير وبست راس ماما وراس بابا
وصعدت وكل شويه مرمش علي واحد تالي غفلت الموبايل ونمت
تبارك :غسلت المواعين وغسلت السنك ورتبت المطبخ
وصعدت دخلت الغرفه فهد نايم ومطفي الضوه يا شبي هاذ شغلت الضوه حبيبي فهودي شبيك
فهد : حياتي خلي اشبع نوم باجر وراي شغل
تبارك : هههه ادري وراك شغل قابل عماله راح تشتغل لو راح تلتحق للجيش شبيك كالب وجهك تره هوه للمعرض مال السيارات لا تكبر الموضوع
فهد : تبارك فدوه انتي متدرين شنو الموضوع فسكتي احسن
تبارك : فهودي اني ماريد غير اشوف حبيبي وزوجي وابو بيتي مابي اي نقص وارجال اذا ميشتغل هاذ اكبر نقص بي واني اريد حنيتك علي وخوفك علي وحبك الي ينضاف عليهم الشغل خاطر يكمل كلشي
فهد : واني هم راح اشتغل بعد شتردين
تبارك : يالله بلكي يترك الشرب وبنات الليل
راح تكولون شلون عرفت تبارك بهاي الشغلات
يوم من الأيام جاي اسوي غده اجالي اتصال ع الوات ساب من رقم غريب اني ماعرف للموبايل ولا منبهيني مارد ع الرقم الغريب
تبارك : الوو
المتصل : الو
تبارك: صوت بنيه بس سامعه هاذ الصوت منو وياي
المتصل : اني ......
انتظروني في البارت القادم مع تحيات
(((((((((( طائر الجنوب ))))))))))
