ابو فهد : الو ها يالله صدك تحجي الحمد لله والشكر خويه هسه جايكم
ام فهد : ها ابو فهد شكوو
ابو فهد : لاكين الجنطه مال الأوراق مال السيارات
ام فهد : صدك تحجي
ابو فهد : والله انتم روحوو تونسو اني راح اروح للمركز ماكدر انتظر للصبح
تبارك : بابا اخذ وياك فهد واني وماما راح نرجع للبيت ميصير تروح الوحدك
فهد : يله بابا امشي
ابو فهد : بابا ماعندي شي انتم روحو تونسو اني اجيبهم واجي وراكم
ام فهد : لا منروح نرجع
تبارك : لتتأخرون روحو يله ماما خلي يروحون خلي نفوت جوه احنه
فهد : صعدت ويه بابا ورحنه للمركز بس عقلي وكلبي يم بنت كلبي تبارك
تبارك : رجعنه جوه اني وماما كلت الهي نفسي اسوي فد شي سويت فطاير وبيتزا وعصاير على ما اجوي
والفرحه رجعت ملت البيت بس دلال مكامشينه طافره
دلال : ضجت كلش كلت اطلع اشم هوه طلعت افتر شوي ورجعت شفت المكان متروس شرطه وهوسه شوي شفتهم ماخذين الشله كله اني طفرت رحت على وحده صديقتي حجيتله كلشي كالت باجر ادز واحد من جماعتي يكدر يعرف كلشي صدك طلع الخبر متابعين واحد من الزبائن طاك ويشتغل بل مخدرات متابعينه ودخل للشقه وجفتو علي وشالو الشله كله
هسه بعد ما الي مكان داخل العراق ولازم ادبرلي فلوس تكفيني اطلع من العراق واعيش خارج العراق
بس شلون صديقتي الي اني عده هم تشتغل بل مشروب والمخدرات بس ع الخفيف يعني بس للزبائن الثقه كلت ماكو اله ارجع اكعد وياهم وارجع ع شغلي اني طلعت ال 40 مال الولاده خلص بعد لازم اشتغل حاجيت صديقتي وقبلت الأكل والشرب ع صديقتي واني يوميه الي 20 الف والكراميه الي والباقي الصديقتي ستمريت وياهم لحد ما تعرفت على واحد عنده عصابه خطف ويساوم على الي يخطفه كلت اي هاذ الي راح ينقذني بديت اخطط
تبارك : اخذت المطعم وفلوسي من عمو حميد والبيت من عمو ومرت عموو صار الأجار الي بس المطعم سلمته العمو صديق بابا وكتله الك نص مو يوميه ولا احاسبك ابد الي تنطي الي كل شهر بدون لا حساب ولا شي لأن الرجال لو يريد جان اخذ الفلوس منو يعرف
ف ذاك اليوم كعدت دايخه كلش اريد اسوي ريوك مابيه كعدت بل صاله ماكدرت شوي ونزل بابا
ابو فهد : صباح الخير بنتي
تبارك : ص صباح الن النور
ابو فهد : ولج بنتي شبيج باباتي
تبارك : بابا دايخه كلش مدري شبيه
ابو فهد : شفته ممصخنه شنو يوجعج
تبارك : مابيه شي بس دايخه
ابو فهد : لج بابا اكلتي شي
تبارك : لا والله من العشه
ابو فهد : ولك فهد فهد
ام فهد : شكو ياربي سترك اجيت اركض يمه بنتي
شبيه ليش هيج وجه اصفر
ابو فهد : مادري اجيت لكيته هيج ضلي يمه خلي اكعد التنبل الي ميشبع نوم ركضت
فهد : اني نايم وحسيت الباب نفتح بس فتحه تدل اكو شي طفرت من نومي لكيت ابوي بوجهي هاا بابا شكو
ابو فهد : صار ساعه اصيح ولك مرتك تعبانه كلش
فهد: كمزت اريد اشوف ملابسي وين مادري ركضت بل ملابس مال النوم بس السويج بيدي نزلت لكيته تعبانه كلش ها يعمري شبيج
تبارك : مابيه احجي اشرتله بيدي بمعنه نفسي دتلعب
ابو فهد : امشي البس شي وتعال وانتي ام فهد لبسي وامشو للمستشفى
فهد : طفرت لبست ع السريع ونزلت شلته ودخلته للسياره حت ما انتظرت بابا وماما طلعت للمستشفى خابرتهم اني طلعت للمستشفى
ابو فهد : احنه وراك بس ع كيفك لا تسوي حادث
فهد : الله كريم سديت الخط وطير للمستشفى وصلت دخلوهاا لاطوارء كالو
الدكتوره :عده هبوط كلش قوي بس خلي نسويله تحاليل ونشوف
فهد : وصلو بابا وماما
ام فهد : ها فهد بشر
فهد : ماما مادري يكولون هبوط عده وجاي يسووله تحاليل هسه
ام فهد : خير انشاء الله ها ماماتي بروكه شلون صرتي
تبارك : ماما من علكولي مغذي حسيت نفسي احسن
خلي نطلع كافي وبابا هم ممتريك الهسه ومراح للشغل
ام فهد : ماما انتي بياحال وتفكرين بينه احن اذا صرتي زينه احن نرتاح
ابو فهد : يالله جبت التحاليل وطلعت بنتي تدلع علينه مابيه شي يله خلي يخلص المغذي ونطلع
تبارك : هلا بابا هسه من شفتك صرت احسن بهواي
ابو فهد : واني هسه اسعد انسان بل كون وفرحان فرحه متنوصف
ام فهد : هاي الفرحه ليش شفته زينه
ابو فهد : لا بس سمعت خبر خلاني هيج
فهد : صدك بابا شنو الخبر
ابو فهد : ماكول هسه
ام فهد : كمشو دلال صح
ابو فهد : لا والله لو كامشين دلال مفرحت هيج
تبارك : بابا كمشو الفلوس صح
ابو فهد : لا ولا راح افرح هيج هم متشوفوني طاير من الفرح
فهد : عرفت اني راح تزوج على ماما
ام فهد : طاح حظك اي والله
الكل : ههههههه
ابو فهد : ولك اني ما ابدل امك بل دنيه كله بس هاذ الخبر اذا اكلكم تنصدمون بس من نوصل للبيت اكلكم
تبارك : بابا كافي والله تحسنت
ابو فهد : لا خلي اروح اجيب العلاج واجي الكي النغذي مخلص ونطلع
تبارك : اهووو هم علاج تره مابيه شي
ابو فهد : لا بيج شي هسه خلي اجيب العلاج واجي
تبارك : راح بابا يجيب العلاج واني وفهد وماما نسولف ونضحك شوي واجه بابا
ابو فهد : يله خلي نطلع بس فهد تمشي وراي متطلعني لو تنكلب الدنيه اوكف توكف فهمت
فهد : انشاء الله بابا
تبارك : بابا يخاف علي اكثر من ميخاف ع فهد هيج احس بي وماما هماتين صدك صرنه عائله حلوه ومتفاهمه ولا هوسه ولا صيحه ولا عركه ابد
ف طلعنه نمشي وره بابا وبابا يمشي ع كيف وحنه ورا وكل شويه وكال فهد
فهد : شنو هاي يمته نوصل شبي بابا اليوم
تبارك : يخاف علينه شبيك مستعجل
فهد : غير ورانه شغل المعرض الهسه مرحناله
تبارك : يعني اني أخرتكم وفتريت ع الباب وبوزت
فهد : لا والله مو هاذ قصدي يشهد الله بس تعرفين
اني لو ما انتي جان مشتغلت يوم واحد ومن شتغلت عرفت شنو معنى الفلوس جنت ما اهتم مخلص فلوسي ع الشرب والسهر هسه اني حسيت بنفسي شكد جنت غلطان بحق نفسي وحق ماما وبابا وهاذ الفضل يرجع الج انتي
تبارك : لا تغير الموضوع يعني اني اخرتك عن شغلك نزلني هنا اروح اصعد ويه بابا
فهد : تحجين صدك انتي شبيج تخبلتي جاي اكلج والله مو قصدي
تبارك : وكف بابا ع صفحه وكفنه ورا اريد انزل غفل الباب كمشني من ايدي
فهد : حبي حياتي يكلبي والله مو قصدي ازعلج ولا قصدي الي جاي تفكرين بي
تبارك : افتح الباب
فهد مافتحه لو نحترك هنا بل شارع
تبارك : اجه بابا مدري شنو يريد
ابو فهد : اوكفو اروح اخذ ريوك ونمشي اليوم الريوك ع حسابي
تبارك : لا بابا اني بس اوصل اسويلكم ريوك
ابو فهد : لا بنيتي اني راح اخذ ريوك جاهز
فهد : اوك بابا يله ننتظرك
تبارك : راح بابا اخذ الريوك وصعد ونطلقنه للبيت
شوي وصلنه نزلنه كلياتنه
ابو فهد : كعدو اليوم اني اسوي جاي ونتريك
تبارك : لا شنو انت بابا تحجي صدك اني اسوي
ام فهد : شو كعدو ثنينكم اني هسه اسوي الجاي
فهد : ماما اني اسوي تره هوه جاي كعدوو
ابو فهد : لحد يخرب فرحتي اني اسوي وممنوع واحد بيكم يتحرك من مكانه كلش بس فهد انت صب الأكل واني حسوي جاي او ليش جاي اكو عصاير عدنه
تبارك : صدك فهد صب الأكل ع السفره وبابا جاب العصاير وكعدنه جايب معلاك وكيمر عرب وصمون وكاهي
ابو فهد : قبل لتاكلون تعرفون شنو الخبر الي سمعته
الكل : شنو
ابو فهد : الحمد لله ......
شو تتوقعون الخبر انتظروني في البارت القادم
بس فدوه لتنسون التصويت
مع تحيات اخوكم
(((((((((((((((((((( طائر الجنوب ))))))))))))))))))))
