المتصل اني طيبه اخت فهد
تبارك : ياعمري انتي شلونج شخبارج
طيبه : الحمد لله اني بخير اذا انتم بخير
تبارك : الحمد لله احنه بخير بابا وماما وفهودي بخير
طيبه : بابا اكيد بل شغل وفهد نايم
تبارك : وماما كتله رجعي نامي ماعندي شي اني اجهز الغده بس شلون عرفتي فهد نايم
طيبه : هوه يايوم كعد من وكت شو يسهر للفجر ويه جماعته ويكعد 12 الظهر متعودين على سوالفه
تبارك : ليش ميشتغل
طيبه : ولج يا شغل هوه ياخذ فلوس من ماما ويطلع يسهر ويه جماعته اصحاب السوء
تبارك : شنو اصحاب السوء
طيبه : غلسي المهم انتي شخبارج شكو ماكو
تبارك : بداعت ابنج شكو احجيلي
طيبه : اعرفكم عني وعن ابني وزوجي
اني طيبه عمري ٢٠ سنه وزوجي حيدر ٢٣سنه وابني
كرار عمره شهرين يمكن 😁😁
تبارك : كافي تعرفين عن زوجج وابنج احجيلي شكو
طيبه : اوك راح احجي بس بداعت امج وابوج لتكولين اني كتلج بس المتابعين خلي يعرفون
تبارك : اوك ولج احجي موتيني
طيبه : فهد ميشتغل يكضيه بل اليل سهر وشرب وبل نهار ينام ابد ميشتغل
تبارك : صخام الصخمني واني كلت خلصت من هند مرة عمو وعمو وافيان تالي هاذ حضي وكعت بسكير
يربي بس ولج طيبه صاره شهر مطالع من البيت وحت موبايله يتصلون بي ميرد
طيبه : ولج اذا شهر بدون شرب يكدر يستمر بعد والله
وميشرب
تبارك : طيبه اني راح احاول اخلي يشتغل ويه بابا
طيبه : هههههه كل عقلج يشتغل
تبارك : راح احاول والله كريم
طيبه : اذا كدرتي تخلينه يشتغل يعني راح يترك الشرب
تبارك : الله كريم وضليت اخطط وسويت هاي الخطه
والحمد لله اول خطوه نجحت وشتغل فهودي
فهد : يله نامي خلي انام
تبارك : فتح ايده بمعنا انام ع ايده خليت راسي ع ايده وحضني حيل ونام واني هماتين نمت كعدت الصبح من وكت جهزت الريوك وكملت كعد بابا
ابو فهد : صباح الخير يا اجمل تبارك واغلى هديه الله رزقني بيه بنيتي
تبارك : والله افرح من يحجون وياي هيج وين جنت وين هسه اني صرت الحمد لله ع كل حال صباح النور
يا احلى بابا وتقربت منه وبسته ع راسه
ابو فهد : بابا حفوت اسبح واجي اتريك واروح للشغل
تبارك : اوك بابا واني حروح اكعد فهد
رحت اريد اكعد فهودي شفته شلون نايم كسر خاطري
بس لازم يعتمد ع نفسه جهزتله الحمام اجيت بسته يله فهودي حبيبي ابو بيتي يله بابا كعد جاي يتريك وانت متأخر كوم
فهد : اي فد شويه
تبارك : يله حبيبي عيب من بابا كوم
فهد : جهزيلي الحمام
تبارك : جاهز يله كوم
فهد : اهوو هاي شلون شده ميفيد عذر خلي اكوم احسن كمت
تبارك : يله هاي ملابسك خلي اروح اجهزلك الريوك
نزلت صبيت ريوك البابا
ابو فهد : يسلمو بنتي الله يرحم والديج
تبارك : و والديك بابا بس عندي طلب يمك
ابو فهد : من عيوني طلبي بابا
تبارك : سالمه عيونك بس ع كيفك ويه فهد بل شغل
ابو فهد : هههه لا تخافين تره رايحين للمعرض مو طالعين عماله لعد اهل العماله شيكولون الله يساعدهم
تبارك : الله يساعدهم بس هم فهد خطيه دير بالك ع فهد شوي شوي وياا
ابو فهد : صار من عيوني بس خلي يجي هسه
فهد : سمعت كل الكلام بين بروكه وبابا لازم اثبتلهم اني كد المسؤليه واكدر اعتمد ع نفسي نزلت يله بروكه كلاص جاي من ايدج الحلوه
تبارك : هسه اصبلك ريوك
فهد : ماشتهي بس جاي وقطعه خبز زغيره اريد ادخن جكاره
تبارك : لا يعمري تريك اول
ابو فهد : شلون هسه اني كاعد وانتم بيناتكم تتناكرون بينكم
تبارك : بابا متشوفه ميقبل يتريك
فهد : عمري اني متعود بدون ريوك يروحي من اجوع هناك آكل
تبارك : اوك صبيته جاي وقطعه خبز اكل وطلعو
وكلبي مثل النار على فهد ياربي يسر امر فهد ضليت اشتغل بل بيت انضف خلصت ركبت غده مرك فاصوليه ولحم وتمن تعرفون اكثر من ٩٠% من الشعب العراقي يحب الفاصوليه شوي وكعدت ماما
ام فهد :صباح الخير
تبارك : يصباح العافيه ماما
ام فهد : هاا طلعو للشغل لو بس باباتج راح
تبارك : لا ماما طلع ويه بابا فهد
ام فهد : الحمد لله الله يسهل عليهم
تبارك : تفضلي ماما هاذ الريوك
ام فهد : ماما اني اصب النفسي ليش اتعبين نفسج
تبارك : ماما تعبكم راحه ماعندي شي
ام فهد : تدرين الله رزقنه بيج والحمد لله ع هاذ الرزق
تبارك : يسلمو ماما انتم اغلى هديه الله عوضني بيكم والحمد لله وستمرت عيشتنه وياهم احلى عيشه
صح فهد مرات يطلع ويرجع الساعه ١١ او ١٢ بل اليل
واني انتظر بلكي احبل ماكو صارلي ٨ اشهر من تزوجت ماكو شي وبل نسبه الى عمو ومرت عمو كلش قطعت علاقتي بيهم يتصلون مارد ومرات ارد عليهم واذا كالو نريد نجي اطلعلهم عذر لو مسيرين لو راح نطلع
اني فرحت من خلصت منهم يردون يخربون بيتي
لحد ما اجه يوم وهاذ اليوم مينسي ابد الساعه ٤ الفجر دك موبايل فهد كمزت خير باوعت مكتوب كاظم الفيتر
ياربي سترك مرات يتصلون بس هوه ميرد كلت خلي اكعده فهد فهودي
فهد : ها عمري شكو
تبارك : حبيبي كوم موبايلك جاي يدك
فهد : يولي عوفي نامي
تبارك : يمعود لازم شي مهم وله معقوله يتصلون عليك بل ٤ الفجر غير اكو شي
فهد : اخذت الموبايل خلي اشوف منو هاذ نقطعت المكالمه فتحت الموبايل دخلت ع الموبايل اهوو شتريد هاي اتصلت بنيه بس اني مسميه هيج
تبارك : اني كاعده اريد اعرف شنو الموضوع اسمع فهد يكول شنو صدك لا استغفر الله يله اني هسه جاي يا مستشفى هاا اوك يله جايكم اني يبست بدمي
فهد : لتخافين ماكو شي راح اروح اني هسه
تبارك : فهودي فدوه حاجيني شكو
فهد : ماكو شي يخوف يله خلي اروح بدل واخذ السويج وطلع
تبارك : واني ضليت مثل الأطرش بل زفه عيني بعد مخذت نوم صليت وخلصت نزلت سويت ريوك وخلصت ضليت اشتغل منا ومنا وين اروح اتصلت ع فهد ميرد زاد خوفي وين اروح ضليت افتر بل بيت لحد مكعد بابا
ابو فهد : صباح الخير
تبارك : صباح النور
ابو فهد : بابا شبيج خير شكو وجهج ميطمن
تبارك : لا بابا ماكو شي اصبلك ريوك
ابو فهد : يله صبيلي ريوك وروحي كعدي زوجج
تبارك : صبيتله ريوك
ابو فهد : روحي كعدي زوجج لو ميروح
تبارك : بابا تريك انت فهد اجاله اتصال وسولفتله كلشي
ابو فهد : خير خلي اتصل بي واشوف
تبارك : واكفه انتظر يرد فهد
ابو فهد هم ميرد شبي هاذ كل ماكول عقل يرجع يخربط راح يموتني هاذ الولد اني حروح للمعرض لتخافين ماكو شي هاي سوالف جماعته متعلمين عليهم
تبارك : انشاء الله ماكو شي
ابو فهد : اني طالع اذا اكو شي خابريني واذا حتاجيتي شي هم خابريني يله بنيتي باي
تبارك : الله وياك طلع بابا واني كل عاده بلشت بل غده بس تفكيري يم فهد وين راح شنو صار مادري لحد مكعدت ماما
ام فهد : صباح الخير
تبارك : صباح النور اصبلج ريوك
ام فهد : لا ماما اني هسه اصبلي
تبارك : لا ماما اني صباج صبيتله جاي وجبن وكعدت تتريك واني افكر بفهد
ام فهد : شبيج يمه خير
تبارك : ماما فهد وهم سولفتله وتصلت بي ما يرد وتصلت مره ثانيه شوي وصاح الوو
ام فهد : ها ماما وين انت شكو
تبارك :كمزت بس اريد افتهم شكو
فهد : ماكو شي اني فد ساعه واجي افهمكم شنو
