((( طائر الجنوب )))
هند: شاكر تلفونك جاي يدك
شاكر : هاذ ابو فهد اووووف شجاوبه هسه
هند : جاوبه شبيك
شاكر : هلا والله ابو فهد شلونك اخبارك
ابو فهد : اني بل باب مال بيتكم
شاكر : شنو بل باب يمعود
ابو فهد : افتح الباب خلي نتفاهم
شاكر : لحظه لحظه
هند : شنو
شاكر : جهزونه جاي
هند : ولج تبارك كومي سوي جاي بسرعه
تبارك : الصخونه فووول صاعده وكل شوي تكضني البارده وجسمي تعبان وحالتي حاله خلي اكوم لا تضربني هاي انشاء الله عمه
هند : يله ولج دخلو للأستقبال خلي اروح اخلي اذاني على الباب
ابو فهد : شوف شاكر اكلك شغله من الأخير
شاكر : ابو فهد فدوه اصبر شوي علي فدوه
ابو فهد : شوف حدك باجر للساعه ١٠ الصبح اذا موصلو فلوسي قد اعذر من انذر بعد لتكول
شاكر : والله ماعندي منين اجيب فدوه
ابو فهد : عندك شغله وحده تنقذك اذا وافقت
شاكر : كول اني خادم الك بس كلشي ولا السجن
ابو فهد : عندك بنيه اريده
هند : سمعته يمه هاذ بس لا شايف بنتي ويريده وهاي بعدهي زغيره
تبارك : عمه الجاي جهز صيحي عمو واني من اصخن وجهي ينكلب طماطيه
هند : اي خلي استغل الفرصه احسن تعاي عمه بنيتي فوتي عليهم شو هوه رجال جبير وعمج يمه
تبارك : عمه شبيج صدك جذب
هند : بنيتي فوتي شبيج يروحي
تبارك : تفاجأت من كلام عمتي كلت يله خلي افوت
شاكر : ابو فهد ماعندي بنتي بعدهي زغيره
تبارك : فتحت الباب السلام عليكم
شاكر : ابو فهد : وعليكم السلام
تبارك : تفضل عمو هاذ الجاي
شاكر : شكرآآ بنتي روحي ارتاحي باباتي
تبارك : شنو شبيهم نازل عليهم نبي لو شنو شبيهم
ابو فهد : ها شكلت شاكر
شاكر : ابو فهد والله بنتي زغيره
ابو فهد : هاي البنيه وين زغيره
شاكر : خرب يحجي عن تبارك خلي استغل الفرصه هاذ رجال شكبره يريد هاي الطفله والله يدفع اكثر بس اضغط علي بعد اكثر
يمعود هاي يتيمه ومربيه شلون اكدر انطيه
ابو فهد : براحتك اني راح باجر اشتكي
شاكر : ياخويه بنتك راح تروح ب ١٠ ملايين
ابو فهد : شوف شاكر راح اكلك شغله بدون هاي السوالف التعبانه اني ماريده الي
شاكر : ابو فهد المن لعد
ابو فهد : اريده لبني تنطيه لو اروح وباجر اشتكي
هند : شبي هاذ شاكر دخلي ياخذه ونخلص منه
خلي ادك الباب بلكي يطلع
شاكر : اندك الباب ابو فهد خلي اشوف شيردون لحظه
ابو فهد : براحتك
شاكر : ها شكو
هند : ولك اقبل انطيه خلي نخلص منه ومن دينك
شاكر : تشوفين هيج انتي
هند : اي والله شبيك
شاكر: يله خلي اكله
هند : يله لا يتراجع
شاكر: شوف ابو فهد اني موافق
ابو فهد : يله من نعقد انطيك نص الكبيالات ومن يزوجون انطيك النص الثاني
شاكر : موافق بس نخلي شهود
ابو فهد : موافق يله خلي اروح والخميس الجاي العقد مالتهم
شاكر : موافق
ابو فهد : يله اترخص
شاكر : الله وياك
هند : ها شاكر شنو اتفقتو
شاكر : الخميس يجون يعقدون
هند :هاذ مستعجل كلش
شاكر : اي والله ابنه يمكن شافها وعاشكهاا
هند : شنو يعني مو اله
شاكر : لا يريده الأبنه
هند : والله عده بخت هاي
شاكر : اي والله ولج هند حالتهم طاكه كلش عدهم خير من الله
تبارك : كاضتني البارده وانكت من البرد والبطانيات رطبات وحال الضيم حالي وارجف كلت خلي اروح اسويلي كلاص حليب بلكي ادفه شوي طلعت اسمعهم يحجون الحجي الفواك 👆👆 وسمع عمو يكله
شاكر : ولج هند روحي تلوكيله شوي هاي على الضرب الي شافته منج ورزايل بعد متباوع بوجوهنه وراح تاخذ هذول الناس وبس ولد واحد عنده يعني راح تصير الكل بل كل
هند : يله لعد خلي اروح اشوفها
تبارك : رجعت بسرعه معقوله علي جايبيلي عريس
دخلت للمخزن شوي وندك الباب
تبارك : سويت نفسي نايمه سكتت شوي اندك الباب مره ثانيه صحت منوو
هند : بنتي بروكه هاي اني عمتج
تبارك : تفضلي عمه خير
هند : ماما شبيج شو جنج تعبانه
تبارك : عمه مصخنه من المي الي شمرتي علي
هند : ماما بروكه بعد لتكولين عمه كولي ماما
تبارك : لا ماكو مثل ماما يعني ماما تذب مي بارد فوكاي والجو بارد وبليل وتعوفني للصبح هيج
هند : اني اهييي اهيي سامحيني بنتي اني غلطت
فدوه سامحيني تعاي بحضن امج
تبارك : حضنته وهيه صاحت
هند: يمه بروكه هاي مصخنه حرارتج مرتفعه ليش مكتيلي اني مو مثل امج ليش مكتيلي
تبارك : عمه اريد شي يدفيني
هند : تعاي بحضني
تبارك : خلي استغله مثل مجاي تستغلني لا عمه اريد حليب حار يدفيني مابيه اكوم
هند : بكلبي بنت الكلب تتشرط اي ماما تدللين
تبارك : والله عيون عمتي تجدح نار 😁😁 خليه بس زاد خوفي همه كل همهم الفلوس واني كل همي ينقذني من هاي العيشه الي عايشته وياهم
ابو فهد : رجعت للبيت ام فهد تلكتني
ام فهد : الله يساعدك
ابو فهد يساعدج الله ابنج الشفيه رجع لو بعده
ام فهد : والله يبو فهد هاذ الولد غسلت ايدي منه خاف يوم يجيبلنه بلوه ونبتلي
ابو فهد : تعاي هسه خلي احجي وياج
ام فهد : خير شكو
ابو فهد : لكيتله مره يتيمه تخبل وفقيره
ام فهد : هسه يسألون علينه ويعرفون ومينطون
ابو فهد : اني مرتب كلشي لا تخافين الخميس نروح نعقد ونزوجه ونخلص بلكي يعقل
ام فهد : واذا ماعقل شلون
ابو فهد : لو اجيبلنه ولد على الأقل يشيل اسمنه
ام فهد : وهاذ ابنك منو تتحمل تعيش ويا متكلي
ابو فهد : اني اعيشه ملكه والله وتشوفين وانتي وياي عينج عليه ونداريه اني وانتي وفهد طبه طوب خلي يضل على سوالفه
ام فهد : اوووف الله مادري
ابو فهد : صار الصبح جاي اتريك
فهد : صباح الخير
ابو فهد : ام فهد : صباح النور
فهد : ماما جاي فدوه
ام فهد : تدلل ماماتي
ابو فهد : ولك بابا شوكت تعقل وتحس بل مسؤليه
فهد: بابا شكالولك عاقل يعني
ابو فهد : بابا فهد راح اخطبلك مره
فهد : شنو منو كلكم اريد ازوج
ابو فهد : صوتك ميعله واني موجود واذا متزوج فلوس ماكو بعد خلي جماعتك يصرفون عليك
فهد : بابا اني ماريد ازوج
ابو فهد : مشكلتك تريد هاذ الي عندي
فهد : اوك موافق بس بشرط مو تالي تجي تريد تمنعني من السهر ومن جماعتي تره ان كامت وان كعدت هيه مجرد تساعد ماما بل بيت
ابو فهد : خير نشاء الله الخميس نروح نعقد عقد سيد
فهد : يعني انتم مكملين كلشي تحجون صدك
لا شايفه ولا شايفتني شلون هيج
ابو فهد : العصر نروح تشوفك وتشوفها بس اني اكلك البنت آيه من الجمال ويتيمه ونادره
فهد : هاي هيه العصر نروح
تبارك : كعدت الصبح شوي احسن ولكيت عمتي مجهزه
الريوك تريكنه وكمت اريد اشيل المواعين
هند: لا بنتي اني اشيلهم واغسلهم انتي ارتاحي مريضه
شاكر : عمو انتي مريضه ليش محجيتي خلي آخذج للدكتور للمستشفى
تبارك : لا عمو ميحتاج
ساكر : اكلج بنتي بروكه اكو واحد حالته زينه طاك عنده خير من الله رايدج لبنه
تبارك : عموو انت شتشوف اني موافقه انت غير ابوي
شاكر : اني مواف.. خلي ارد ع الأتصال هاذ ابو الولد
الوو هلا ابو فهد ها خير هلا بيكم ننتظركم يله باي
اكلج بنتي
تبارك : نعم عموو
شاكر : لا بس هاذ ابو الولد يردون يجون يشوفونج
هند : اي علخير
شاكر اخذيه اشتريله اي شي تلبسه جديد
هند بنتي حلوه من الأصل واني ارتبه
تبارك : صار العصر واجو وشفته حلو كيوت ومرتب
فهد : شفته مو بنيه صارووووخ تخبل يبوي صاكه
تبارك شفته وشافني
تسريع الأحداث ومرت الأيام واني عايشه ملكه شنو الدلال من عمو يطب يطلع بنتي محتاجه شي وكله ٠يصيحلي بروكه بنت الغالي ولج اني ابوج شنو تحتاجين وهند امج بس كولي واني اتأمر عليهم عمو مشتهيه جبس عمو مشتهيه كاكاو
تبارك : صا........
تصبحون علو خير مع تحيات
((( طائر الجنوب )))ممكن متابعه فدوه وتصويت
