تبارك : صار الخميس واجو وتم العقد وتعالت اصوات الهلاهل والجكليت واني فرحانه كلش مو لأن نخطبت لا لأن راح اخلص من عموو وزوجته وام خطيبي فرحانه بيه هواي كلش ادعي ربي يخلصني من العذاب الي اني بي وخلصت الحفله ورادو يطلعون اجتني ام خطيبي
ام فهد : ماما تبارك اني امج اي شي تحتاجين تتصلين بيه
تبارك : انشاء الله من عيوني ماما بس اني ماعندي موبايل
ام فهد : ماما هاي سهله يجيلج الموبايل تدللين
تبارك : يسلمو ماما
ام فهد : مو هاذ الخميس الخميس الجاي العرس
اذا ماعندج شي
تبارك : انشاء الله ماما ماعندي شي
ام فهد : يله ماما حروح
تبارك : الله وياج ماما بل سلامه وطلعو واني عيوني ع عمتي تباوعلي اجتي يمي
هند : ها ماما بروكه شوفي الذهب الي جابو الج ماشاء الله هواي
تبارك : هوه اول وتالي يرجع الهم
هند : ماما انطيني الذهب اضمه يمي الج
تبارك : لا عمه اني اضمه يمي وعفته ودخلت للمخزن مالتي بدلت وخلصت وضميت الذهب بل كونيه مال الملابس مالتي اووووف والله كرهت البيت والي عايشين بي ورحت اجهز اجهز العشه عمه عمه
هند : نعم ماما كولي
تبارك : عمه شسوي عشه
هند : ماما خاف مابيج اني اسوي عشه
تبارك : لا عمه اني اسوي
هند : والله فرصه خلي اسوي عشه واروح اخمط قسم من الذهب مالته اي عمه اني هم شويه دايخه
تبارك : طلعت بتيته وبدنجان وفلفل بارد ودجاج كلت اسوي تبسي للعشه وبس عندي صداع كلت اجيب شالي اشد راشي واشتغل رحت اجيب الشال لكيت عمتي بل غرفه مالتي ( المخزن )
هند : جاي ادور ودخلت تبارك
تبارك : ها عمه شكو
هند : ها لا اي اجيت اشوف غرفتج خلي اشتريلج كنتور زغير
تبارك : لا عمه ماريد بعد ماضل شي وجان يندك الجرص مال الباب راحت عمتي واني شديت الشال مالتي ورحت للمطبخ شوي وسمعت صوت
ام فهد : وين بنتي تبارك
تبارك : شكو ياربي سترك نعم ماما
ام فهد : شنو هاي شلابسه شجاي تسوين
تبارك : ها لا اي مو جاي اجهز عشه تفضلي ماما
ام فهد : شفته نكسر كلبي عليه تعاي ماما
تبارك : نعم ماماتي
ام فهد : هاج هاذ موبايل وسيم كارت وبي ثلاث ارقام رقمي ورقم زوجي مسجلته بابا ورقم زوجج
تبارك : شفته طرت من الفرحه بس ماعرف استخدمه
شكرآآ ماما بس ماعرف استخدمه
ام فهد : ماما ميرادله شي هيج وهيج يستخدمونه منا يتصل ومنا تسدينه يله اتصلي علي
تبارك : اتصلت عليه وحجينه كلمتين وكالت سدي سديته طلع استخدامه سهل
ام فهد : اي سهل يله اروح ابو فهد ينتظرني بره
هند : وين مو وكت روحه
تبارك : تذكرت عمتي هند تريد تخمط الذهب مالتي كلت شسوي ماما لحظه انتظريني فدوه
ام فهد : بس بسرعه ماما
تبارك رحت لفيت الذهب بدشداشه من ملابسي وكتله ماما هاي العلاكه متفتحينه اله من تصعدين بل سياره
ام فهد : انشاء الله يله خيه اترخص
هند : الله وياكم
تبارك : طلعت ماما واني رحت للمطبخ وعمتي اجتي وراي جان تكول
هند : شنو بيه العلاكه
تبارك : عمه دشداشه وتراك سود قياسي من يشترون ملابس ميحتارون
هند : ولج انتي كارثه عفيه ولج هاي ام زوجج كسبيه وسحبي منه فلوس لا تصيرين ثوله
تبارك : انشاء الله عم.. دك موبايلي يمه كمزت باوعت ماما يتصل بك
ام فهد : من طلعنه من يمهم واني افكر بهاي اليتيمه وصافنه وقاطعني صوت
ابو فهد : ها ام فهد بس لا معجبتج زوجت ابنج
ام فهد : اكلك ابو فهد خلي فهد يروح واني وياك نروح للسوك عندي شغله زغيره ومهمه
ابو فهد : انشاء الله وكفت وكتله فهد روح للبيت ويه عمك احنه شوي وجايين وراك
فهد : ها تردون تتعشون بره تعيدون ايام خطوبتكم
ام فهد : ولك متستحي انزل هسه عمك وكف
فهد : نزلت وصعدت ويه عمي واني افكر بهاي البنيه مو بنيه مصيبه بس اليله اروح اسهر واشرب والكعده الزينه
ابو فهد : خير شكو
ام فهد: خلي اشتري موبايل وسيم كارت التبارك
ابو فهد : ولج خليه الباجر
ام فهد : لا ابو فهد خطيه يتيمه
ابو فهد: براحتج
ام فهد : انطيته الموبايل وعلمته وطلعت وانطتني علاكه وكالت فتحيه بل سياره اكلك ابو فهد
ابو فهد : نعم يعمري
ام فهد : هاي تبارك انطتني هاي العلاكه وكالت ماما فتحيه بل سياره
ابو فهد : فتحيه شبيج
ام فهد : فتحته تفاجأت شنو هاي
ابو فهد : شنو
ام فهد : هاي مخليه الذهب كله شنو متريده هاي لو بطلت متريد ابني
ابو فهد : لو متريد ابنج جان ما اخذت الموبايل منج وشوفي الذهب ناقص شي
ام فهد : اي الحلقه والتراجي
ابو فهد : والله مادري ليش سوت هيج هاي
ام فهد : خلي اتصل بيه وشوف
تبارك : خليت التبسي ع نار هادئه وجاي العب بل موبايل وتصلت ماما ام فهد رديت عليه نعم ماما
ام فهد : ماما ليش انطيتيني ذهبج
تبارك : ماما انتي مو كلتي اني امج منا ورايح
ام فهد : اي واني كد حجايتي وهاذ عمج يكول اني ابوها
تبارك : اني اريد اخلي ذهبي امانه يم امي بيه شي
ام فهد : لا ماما مابيه شي
تبارك : لعد خلص خلي يمج
ام فهد : تبارك بنتي يمته متردينه اتصلي بيه اجيبه الج وباجر ارتاحي وبعد باجر راح اجي عليج ونروح نجهزج تجهيز كامل
تبارك : ماما لتكلفون انفسكم
ام فهد : لا بنتي حقج هاذ يله بنتي باي
تبارك : الله وياج ماما يله عمه جهزت العشه تتعشون
هند : ماما تعشي اذا جوعانه احنه نتأخر شوي
شاكر : ولج لا تخلينه تشتغل وتاكل وحده حسسيه انتي امها شبي... انطيني موبايلي منو هاذ الي اتصل
اهووو هاذ حميد شنو يريد الوو هلو حميد اي موجود خير هله بيك الله وياك
هند : خير شنو يريد
شاكر : مادري خلي اشوفه يكول فد ساعه ومر بيك
حميد : خابرته اريد اخطب تبارك لبني وانطيه كل فلوسه والمطعم واخلص هاي امانه عندي اوووف يمته اخلص من هاذ الحمل خاف يصير علي شي وهذول شباب خاف الفلوس تحله بعينهم اوووف يربي صعدت سيارتي ورحت عليهم جاي امشي طك عندي تاير فترت السياره ضربت الرصيف بعد محسيت بشي
شاكر : تعشينه وخلصنه انتظرته ماكو اتصلت بي رد علي شخص تفضل اخويه
شاكر : هاذ مو رقم حميد
الشخص الثاني : نعم اخويه وهسه ماخذينه للمستشفى نكلبت بي السياره
شاكر : الله يشفي
الطرف الثالث : انت شتقربله
شاكر : والله ما اقربله شي عنده مطعم واريد احجز عشه يمه يله خويه باي
الطرف الثالث : باي
هند : شكو
شاكر : ولج حميد مسوي حادث وفاقد الوعي
هند : يالله بلكي يموت ونخلص من الدين
شاكر : بلكي الله
تبارك : تعشينه وغسلت المواعين ورحت للمخزن
اكلب بل موبايل وانتظر خطيبي يتصل ماكو
فهد: رحت بوجهي الجماعتي جايبين مشروب وبنات شربنه وسهرنه بس متقربت لبنيه ابد ماعرف ليش لعبت نفسي منهن شباب راح ارجع للبيت
اياد : شنو فهد تره اليوم خطبت شنو هيج ضليت تخاف
فهد : نسيت اعرفكم عن شخصيتي واوصفلكم نفسي
الأسم :فهد
العمر: ٢٣
الوصف :
جسمي حلو مرتب
الطول: ١٨٠سم
الوزن : ٧٦
الشعر: اسود
لون االبشره : ابيض
لون العيون : عسليه
صاحب لحيه
العمل : كاعد بدون شغل عدنه محلات وعماره مأجرينهم ومعرض سيارات ابوي يشتغل بي دللوني كلش لأن عمري ٥ سنوات واخوي توفه بحادث واختي الأزغر مني مزوجه وعده طفل عمره ٢٠ يوم والهاذ السبب محضرت خطوبتي
التحصيل الدراسي: تارك المدرسه من الثالث متوسط
شخصيتي : احب اسولف واضحك بس بنفس الوقت عصبي كلش وماحب شخص يجاوز علي لو بل شقه اما جماعتي اعرفهم ميحبوني من صدك بس يحبوني لأن اني مشروبهم والبنات فلوسهم مني اكثر شي احب المشروب والسهر والبنات
احب اكثر شي المعجنات بل اكل
هسه نرجع للواقع
اياد: شنو فهد تره اليوم خطبت شنو هيج ضليت تخاف
فهد: خزرته اياد اكفيني بسكوتك
دلال: شنو تردون تخربون الكعده وانت فهد تعال بحضني
فهد : دلال ....
انتضروني في البارت والأحداث الجديده
مع تحيات (((طائر الجنوب)))
