ابو فهد : الحمد لله والشكر الله راح يرزقنه بنونو زغيروني
الكل : شنو
ابو فهد : بنتي طلعت حامل
تبارك : الحمد لله بابا الله يخليه الك وتكوم بل سلامه
بس جنت اتمنه اني اكون حامل احس عيوني غوركن والعبره تكسررت بصدري
فهد : الحمد لله نشاء الله يوم التبارك
ام فهد : الحمد لله نشاء الله تولد بسلامه بس من ولدت اول مره مافرحت هيج ليش
تبارك : قاطعتهم بصوت مخنوك اني اروح الغرفتي تعبانه شوي
ابو فهد : ههههههاي ولكم اقصد بنتي تبارك حامل
تبارك : نصدمت احس رجليه مجاي يشيلني
فهد : شنو بابا الله عليك
ام فهد : ابو فهد احجي الصدك منو حامل
تبارك : نزلت دموعي ورجعت كمشت ايد بابا فدوه بابا الله عليك صدك اني حامل فدوه لتكول اشاقه
ابو فهد : وغلاتج عندي وغلات هاذ النونو الي شايلته انتي حامل بنتي
تبارك : كعدت مدري شبيه دموعي تنزل متقبل توكف
فهد : يعني حصير ابووو الحمد لله والشكر
ام فهد : شفت تبارك تبجي نزلت دموعي وياهاا متدرون هاي البنيه شنو صارت بل نسبه الهاذ البيت
هيه الفرحه بهاذ البيت من زوجت بنتي وهيه دخلت للبيت بعد ماحسيت عندي بنت مزوجه الله عوضني بهاي البنيه اليتيمه
ابو فهد : شنو هاي ليش تبجون هاذ الخبر يفرحكم لو يبجيكم
تبارك : الحمد لله ع هاي النعمه بابا دموع الفرح هاي
فهد : من الفرحه مالتي ماعرف شسوي تبارك بعد مطبخين ولا تغسلين ولا تكنسين كلشي مسوين اني الي اشتغل انضف البيت بل اليل وبل نهار اروح للشغل اكل من بره ناكل
تبارك : الفرحه متنوصف بل نسبه الي ومن شفت الفرحه بعيونهم زادت فرحتي ياربي تعدي الأمور على خير وتزيد فرحتنه بيوم الولاده
ابو فهد : يله كعدو تريكوو الي يريد كيمر عرب الجاي كامل يله وانتي بابا ريوكج معلاك من اليوم نضام اكلج يتغير شكو شي بي فايده يصعد الدم تاكلين لتصير عندج مضاعفات ماريد ليث يطلع تعبان
تبارك : اوك بابا يعني اسمه ليث واذا بنيه
ابو فهد : اذا بنيه اسميه فرح لأن هيه الي صدك حسستني بل فرحه
تبارك : اوك بابا بس ليش ختاريت ليث
فهد : اني دنكت
ام فهد : نزلت دمعتي
ابو فهد : اوووف بنتي لا تكلبين بل مواجع ابني اخو فهد الله يرحمه توفه جان اسمه ليث
تبارك : عمت عيني والله مادري آسفه بابا وبست بابا ع راسه ورحت عتذرت من ماما وبسته وعتذرت من فهد والله مادري
ام فهد : خلص ماماتي مصار شي خلونه فرحانين
تبارك : تريكنه وللشغل مطلعو وبس اتحرك شوي صرخ فهد على كيفج وماما هم متقبل اشتغل وبابا هماتين بس اني ماقبل اشتغل الشي الخفيف وبطني كامت تكبر شوي شوي صار ع الحمل مالتي ٤ اشهر بعد مراحو للشغل بابا وفهد وماما كالت حروح للسوك اجيب اغراض وارجع بسرعه شوي وندك الباب طلعت منو بل باب اجالي صوت رجال
فهد موجود
تبارك : لا مموجود
اوك صيحيلي ام فهد ابو فهد
تبارك :خويه محد موجود بس اني
اوك خويه هاج هاي 25 مليون انطيهم الفهد واني راح اخابره
تبارك : فتحت شوي من الباب وجان يندفع الباب ماشوف غير المسدس براسي
ودخلت دلال
دلال : ولج عار ع بالكم تتهنون
تبارك : ردت احجي خلو وصله ع حلكي بعد محسيت بشي
دلال : اني والشله خططنه الكلشي وضلينه مراقبين البيت لحد ما اجه اليوم الي طلعو بي كلياتهم ونفذنه العمليه وخطفنه تبارك
ام فهد : بسرعه رجعت لكيت الباب مفتوح هاي شبيه تبارك عايفه الباب مفتوح دخلت تبارك تبارك بنتي ماكو صوت هنا بده الخوف يزيد عندي صعدت غرفته ماكو الحمامات ماكو فوك السطح ماكو شنو هاي وين راحت اتصلت على تبارك يدك بس محد يرد
ياربي سترك اتصلت ع فهد
فهد : اني بل معرض وتصلت ماما ياربي سترك اول مره تتصل واني بل شغل الو
ام فهد : الو اكلك فهد رحت اشتريت اغراض ورجعت ملكيت تبارك بل بيت
فهد : شنو وين راحت يعني
ام فهد : مادري اتصل عليه مترد ودورت البيت كله ماكوو مدري وين راحت اني خايفه على تبارك
فهد : ماما جايكم هسه سديته من ماما اتصلت ع تبارك يرن محد يرد زاد خوفي اكثر
ابو فهد : شبيك بابا شكو
فهد : بابا تبارك ماكو مختفيه
ابو فهد : شنو وين رتحت
فهد : مادري جاي اتصل محد يرد
ابو فهد : وين تروح يعني
فهد : اني راح اروح للبيت
ابو فهد : اوكف اني هم اجي وياك
فهد : يله لعد خلي نعزل المعرض سحبت موبايلي وتصلت شوي ونفتح الخط
دلال : ها خايف على ست الحسن والجمال مو
فهد : منو وياي
دلال : هههههاي متعرفني مو نسيت صوتي
فهد : ولج دلال اقسم بالله العظيم اذا صار شي الزوجتي وابني العب بيج لعب والله اشرب من دمج
دلال : لتخاف اني شسوي بيهم وااذيهم
فهد : لعد شنو تردين ليش شجابهم يمج
دلال : اني خطفته
فهد : ولج دلال لتلعبنين وياي هيج لعبه عوفي مرتي وابني واقسم بالله العظيم وين متردين اجيلج بس عوفيه
دلال : لا فهد شسوي بيك بس حبيت اطمنك ودير بالك تبلغ الشرطه تره ياويلك بعد لا مرتك ولا ابنك وانتظر مني اتصال ونتفاهم
فهد : ع شنو نتفاهم وسدو الخط لا يالله هاي بس لا تأذي تبارك خليت كورت ايدي ع راسي وكعدت بل كاع
ابو فهد : يله امشي اصعد خلي نمشي نروح البيت عم تبارك خاف رايحتلهم
فهد : لا بابا عرفت وين تبارك
ابو فهد : الحمد لله لعد اتصل بأمك وطمنه
فهد : تبارك مخطوفه
ابو فهد : شنو منو كلك هاذ الحجي
فهد : توه اتصلت وكالو
ابو فهد : منو خاطفهااا وليش
فهد :بابا دلال خاطفته
ابو فهد : يعني شلون منخلص من هاي المصيبه الي جبته فوك روسنه
فهد : بابا لتلومني فدوه اروحلك
ابو فهد : لعد الوم منو الوم هاي اليتيمه لو الوم نفسي لو الوم امك اصعد امشي خلي نروح للشرطه نبلغ
فهد : بابا دلال تكول اذا بلغتو لا مرتك ولا ابنك
ابو فهد : امشي للبيت هسه
فهد : رجعنه للبيت واني عقلي مجاي يوكف عن التفكير اتصل بتبارك ماكوو مغلق شسوي يربي
وصلنه للبيت تلكتنه ماما ها بشروني بنتي وين
فهد : بنتج مخطوفه
ام فهد : شنو صخام ولك شنو مخطوفه لا تشاقه
فهد: والله مخطوفه
ام فهد : لطمت ولج ماما تبارك ولج يل يتيمه ولج يل ماتهنيتي بحياتج صخام الصخمني ولك منو وشنو يردون انطوهم بس رجعولي بنتي
فهد : ماما هيه كالت اني اتصل بيكم ونتفاهم
ام فهد : ولك منو الي كالت
فهد : دلال هيه الي خاطفته
ام فهد : ولك هاي مصايبك الي متخلص وهاي البنيه الي جاي توكع بيه ولك والله هاي البنيه خطيه
تبارك : كعدت دايخه كلش انتبهت ايدناتي ورجليناتي مربوطه وحلكي مربوط اريد احجي ميطلع صوت تذكرت دلال عرفت اني مخطوفه ضليت اصيح شوي نفتح الباب دخل شاب ملثم
الشاب : ها ولج صحيتي
تبارك اممم اممم
الشاب : اني راح افتح الربطه مال حلكج بس اذا صيحتي لو سويتي شي هاذ الي بطنج عتبري وكع ومحد يسمعج تره كاعدين بمزرعه يعني لصيحين وتعبين نفسج
تبارك : فتح حلكي كتله خويه ليش هيج انت هم عندك خوات ليش تسوي بيه هيج ليش مو حرام عليك
الشاب : هههه هاي الدرامه متفيد وياي عوفيه ع صفحه اني شغلي هيج
تبارك: وشنو شغلك خطف وتحصل بهاي الملايين
الشاب : يا ملايين الله وكيلج كوه احصلي مليون مليونين من كل عمليه
تبارك : شوف راح اكلك شي وانت كيفك
الشاب : شنو كولي خلي اسمعج
تبارك : اذا طلعتني منا ثق بكلام الله وروح الي ابطني ومشافته عيني الك مني 10 ملايين نقد وبدون مشاكل
الشاب : لا اني مستحيل اخون جماعتي
تبارك : ضل ع المليون ويمكن ينطونك اقل المليون
الشاب : كتلج هاذ شغلي
تبارك : راح اسويهم 15 شتكول فكر منا لليل
الشاب : وشنو الضمان ما تعلسيني
تبارك : الضمان .....
انتظروني في البارت القدم بس فدوه لتنسون التصويت واذا تعليق راح تزيد فرحتي
مع تحيات
(((((((((((((((((((( طائر الجنوب ))))))))))))))))))))
