لاتنسون التصويت ( دفتر مواجع )
جاي انضف تقربت يم غرفة دلال اسمعها تكول
دلال : اول خطوه كملت ودخلت البيت انتظرني
جان يقاطعني صوت موبايل يم الباب
تبارك : اريده تكمل جان يتصل موبايلي خرب
طفرت بتعدت عن الباب وسويت نفسي انضف
دلال : سديت الخط ومسحت المكالمه رحت فتحت الباب لكيت تبارك تنضف كلت اي خلي استفزه
اكلج تبارك تعاي نضفي غرفتي اني مابيه حيل تعرفين توني ولدت ومابيه حيل ويسوري مجاي ينطيني مجال ارتاح او انضف يسوري ( ياسر ) ابن فهد
تبارك : عرفت جاي تستفزني كتله اي تدللين كلت خلي اني استفزه اكثر دخلت للغرفه وصحت وييييع شنو هاي الريحه والغذاره ماتحمل هيج اني ماكدر عذريني
وجان اطلع اركض سويت نفسي اريد ارجع
دلال : شنو شكالولج علي لو هاي سوالف المايعات
تبارك : لا عيني هاي الرياحه مال بنات الليل مو اي واحد يتحمله
دلال : ولج انعل ابوج لابو الخلفج اني اعلمج يصير خير ولج اني هيج تحجين علي
تبارك : من سبت اهلي اني احس راسي دخن بيدي الماسحه اني كل بين يوم ويوم اغسل البيت وين اروح
تقربت عليه وهيه تسب وتشتم وجان الزكهااا بل ماسحه
دلال : اخ يمه
تبارك : وجان اضربها مره ثانيه
دلال : اخ يمه لحكيني
تبارك : فقدت واني كلبي مشتعل نار من الغيره منه ضليت اضرب وهيه تعيط
ام فهد : اسمع صوت صياح ركضت الغرفة دلال
والكه تبارك تضرب ب دلال ودلال تصارخ
ولج ماما تبارك شبيج تخبلتي
تبارك : ماما بس صبري خلي اربيه شوي
ام فهد : ماما دكافي شبيج صدك جذب صار كم سنه هنا محد سامع صوتنه هسه شتكول علينه الجيران
تبارك : انتبهت ع نفسي صدك والله المنطقه تريد صوت بيه ماكو صار كم شهر ماكووو صوت هسه اول ناس بل منطقه صوتنه طلع صدك ستحيت عفت ماما يم دلال ورحت الغرفتي دخلت وضليت ابجي ع حظي
ام فهد : دلال شبيج ويه تبارك
دلال : ماما والله هيه اجتي للغرفه مالتي تكول من باجر حالج من حالي مو اني اشتغل خدامه بهاذ البيت لا انتي ولا ام فهد تحطون ايدكم وياي ذابين الشغل كله براسي ونايمات للظهر
ام فهد : ستغربت تبارك هيج تحجي ولج دلال اكيت تبارك هيج حجت
دلال : ماما وحق ابن فهد تبارك هيج كالت
ام فهد : نصدمت مدام حلفت هيج يعني صدك رحت التبارك دكيت الباب
تبارك : كاعده ابجي وندك الباب صحت تفضل دخلت ماما
ام فهد : ها بنتي شلون صرتي رتاحيتي
تبارك : ركضت حضنت ماما ودموعي تنزل ماما تعبت والله تعبت مابيه اتحمل اكثر
ام فهد : يعني كلام دلال صح واني جنت بين مصدكه وبين ممصدكه
تبارك : ماما والله بعد ما اتحمل اكثر
ام فهد : خلص ماما انتي هم حقج احنه ذبينه شغل البيت كله عليج من باجر اني وانتي ودلال يتقسم علينه شغل البيت ولا تفكرين ولا تضوجين
تبارك : ماما يا شغل يا بيت ليش انتم مجاي تفهموني اني من اشوف دلال هيج وتحجي ويه فهد اشتعل نار وقبل شوي جاي انضف تكلي تعاي نضفي غرفتيي ومن حجيت وياها ضلت تسب وتشتم اهلي واني ميته منه كل ما اشوفها اتمنه اخلي فوكها بانزين واحركهااا وخلص منه
ام فهد : شنو هاي انتي مو رحتي الدلال وكتيله ( الكلام 👆👆الفوك )
تبارك : لا والله ماما محجيت هيج ولا كلت هيج ولا مفكره هيج اني اتمنى شغل البيت ميخلص ع الأقل التهي بشغل البيت
ام فهد : هسه وين الصدك وين الجذب كتله خلصت المشكله ومن باجر كل وحده بينه عليه شغله بل بيت وماريد المشاكل تكثر بينجن ماريد يوميه صوتنه طالع والجيران تسمع
تبارك : ماما شغل البيت اني اتحمله ماريد وحده تساعدني انتي ماما وهيه حسب كلام فهد ضيفه وبس ترتاح شوي راح يسوي تحليل واذا ابنه راح ياخذ الطفل ويطلكها واذا مو ابنه راح يطلكها ويعوفها هيه والطفل
دلال : اني متفقه ويه اياد الطفل ابن اياد صديق فهد
مخططين ادخل للبيت واخليلهم ليش افسد عليكم الأحداث تعالو شوفوو
تبارك : مرت اسبوعين نفس الوضع دلال تدخل للمطبخ تصب اكل النفسه وتروح الغرفته من تخلص تغسل مواعينه وترجع الغرفته ذاك اليوم سويت عشه وصبيت العشه وخليت الجاي ع النار كلت نخلص عشه الجاي كامل دخلت دلال صبت عشه النفسه وصعدت
خلصنه شلت السفره للمطبخ خليت المواعين ع السنك وصبيت جاي الي والبابا وماما والفهد كعدنه نشرب جاي
ابو فهد :بابا الجاي طعمه مختلف اليوم شوي شو
فهد : اني ردت بس احجي بلكي ضيم كلبي يحن علي ويحجي وياي كلت لا بابا الجاي يخبل غير من ايد مرتي
تبارك : لا بابا هوه الجاي مال يوميه بس يمكن تأخر ع النار شوي وكتفيت بنظره الفهد وبتسامه قليله واني كاعده نعست ضليت اشوف الواحد ثنين بعد ماحسيت بشي ماحسيت اله فهد يكعد بيه
فهد : فهد وحنه كاعدنين جاي نحجي نصطرت اريد اشوف دربي ماكو نمت كعدت لكيت الكل نايم بنفس المكان بس الم براسي دايخ كعدت تبارك لأن نومته مو عدله كتله كومي دخلي الغرفتج نامي
تبارك : كعدني فهد بس دوخه عندي عيوني كوه افتحهم سألته وكوه احجي اكلك بيش الساعه
فهد : الساعه 11
تبارك: اني من الدوخه ع بالي 11 بل اليل كلت خلي المواعين اغسلهم الصبح صعدت كوه امشي انتبهت اكو ضوه من الشباك فتحت البرده شو هاي شمس شنو هاي شنو صار كلت خلي اسبح دخلت للغرفه مالتي اريد اسبح الحمام مالتي بل غرفه لكيت الغرفه معفوسه عفس الملابس مطشره ع طول الغرفه شنو هاي منو داخل للغرفه مالتي المكياج مطشر مضال شي بل غرفه ع حطته ركضت ع الصندوك مال الذهب مالتي لكيته ماكو لطمت ع وجهي وركضت واصيح فهد ماما بابا
فهد : كعدت تبارك ورجعت نمت من النعاس سمعت صوت تبارك طفرت من نومي شكو شبيج
تبارك : حرامي بايك الذهب مالتي
ابو فهد : فتحت عيني بس دوخه براسي اسمع تبارك تصيح حرامي وماعرف شنو كتله وينه ولج
تبارك : بابا بايك الذهب مالتي ورايح
ابو فهد : منين دخل الحرامي
تبارك :مادري بابا
ابو فهد : ام فهد كومي يمعوده حرامي داخل للبيت كومي
ام فهد : ها اي هسه اكوم راسي يوجعني
فهد : صعدنه اني وبابا شفنه الغرفه شنو صاير بيه
ابو فهد : لحد يكمش اي شغله خلي اتصل ع الشرطه ونشوف
فهد : رحت ع غرفتي لكيته نفس غرفة تبارك ركضت ع غرفة بابا وماما هم نفس الشي ركضت ع غرفة دلال دلال ماكووو صحت دلال وينج دلال ماكوو
ابو فهد : موبايلي وين
الكل : مندري
ابو فهد : واحد بيكم يتصل ع موبايلي
الكل : مبايلاتنه ماكووو
فهد : حت دلال ماكو هم مختفيه طلع بابا من الجيران اتصل ع الشرطه اجوي الشرطه والأدله الجنائيه صورو واخذو البصمات نتصل ع موبايلاتنه كله مغلقه
سوينه بلاغ بل مركز كالو ننتظر البصمات
ابو فهد : كلشي ماريد بس اريد الجنطه مالت الأوراق
اذا راحت الجنطه يعني راح انكسر بل سوك اوراق سيارات مال المعرض كلهم بيه واوراق وكبيالات يعني الجنطه الوحده غير الذهب مال تبارك وغير الفلوس يطلع بيه مليار تقريبآآ 700 مليون دين والباقي فلوسي اهم شي فلوس الناس ياربي سترك
تبارك : طلبو منعدنه تحاليل حللنه طلع شاربين منوم
عرفنه دلال مخليتنه منوم
دلال : اتفقت وخططت اني واياد كل هاذ التخطيط الطفل ابن اياد صديق فهد ف قبل ليله اجالي انطاني المنوم مجهزلنه جوازات نطفر بيهم التركيااا كال ع مايكعدون احنه طافرين اخذنه كلشي كنسنه البيت كنس وطلعنه بعنه الذهب والموبايلات الجنطه فتحناها بس اوراق بيه خليناها بل شقه وطلعنه كال اياد
اياد : حبيبتي هسه اجيب سياره واجي خاطر نطلع للمطار
دلال : حبيبي ستعجل لا يكمشونه
اياد : حياتي شبيج خايفه وترجفين خلي اسويلج كلاص عصير برتقال
دلال : انطاني كلاص العصير وطلع يجيب سياره شويه دخت بعد ماحسيت بشي كعدت لكيته ماخذ كلشي بس ابني والجنطه مال الأوراق والجواز يمي وممخلي شي ضليت الطم وادك ع راسي شسويت بنفسي ياربي شفت الأوراق كلهم مال سيارات وكوبيالات ومستمسكات كلت املي الوحيد هاي الجنطه خلي يستقر الوضع شوي اخذت الجنطه وخليت ابني اباب الشقه نايم كلت يكعد ويضل يبجي وتاخذه الناس ورحت للكوا.. مالتنه تلكتني كتله بس ارتاح يمج فد كم يوم بس ماريد واحد يعرف وعندي شغله اقل شي تحصليلج فد 200 مليون
ام ساره : معقوله شنو من شغله ولج بس لا قتل
دلال : لا بس هاي وهاي السالفه انتي كيفج تردين اضل وياج لو اطلع
ام ساره : لا ليش اطلعين خليج ع مايهده الوضع شهر شهرين ونشتغل براحتنه ونشوفلنه واحد ثنين ويانه ونخطط ونشتغل عدل
دلال : اريد اسبح بس دايخه
ام ساره : ولج كح... البيت بيتج شنو جديده انتي ع الوضع البنات كلهن طالعات
دلال: جانت الساعه ٨ بل اليل سبحت وسويت عشه وكعدنه نحجي ونخطط اني و باجيتي
تبارك : الله لا ينطيج دلال شسويتي بينه
ام فهد : هاي سوالفك فهد شوف وين وصلتنه
فهد : ماما والله مادري هيج حيصير بينه واني لو آخر يوم بعمري الكفهااا وين تروح اطير دلال
ابو فهد : هاي حوبتج بنتي تبارك لو من اول مره اني كايلج ع وضع ابني جان موصلنه الهيج مرحله هاي حوبتج طلعت بينه
تبارك : بابا لتكول هيج فدوه تره والله انتم اهلي والله موجود كاعدين مالنه خلك انفسنه سويت عصير الهم لأن من االصبح وهسه ليل محد اكل لكمه سويتلهم عصير بارد كتلهم شربو شوي كاعدنين مصفصفين انتشر الخبر مال اوراق السيارات صارت السياره زين من تنباع بربع السعر والمعرض كله سيارات حديثه
شوي ندك الباب طلع بابا شوي واجه وجهه ميتفسر جان يكول باجر اعرض العماره والمحلات للبيع الناس بدت تجي تريد فلوسهم المهم يومين بابا ميطلع للمعرض والناس كل شويه داكين الباب تقريبآ الساعه 10 اندك الباب
ابو فهد : بابا فهد شوف منو بعد ماتحمل اني جنت اني ادك ع الناس ع مود فلوسي هسه الناس ادك بابي
كلهم ينتظرون يومين او 3 ايام توصلهم فلوسهم
تبارك : طلع فهد شوي وررجع جان يصيح
فهد : تبارك تبارك
تبارك : نعم
فهد: تعرفين شخص اسمه ...
انتظروني في البارت القادم بس لا تنسوني بل تصويت فدوه مع تحيات
(((((((((( طائر الجنوب ))))))))))
دفتر مواجع
