الفصل الثاني
صعبه الحياه جدا و صعب تعيش من غير ما تغلط اصلك لا نبي وله رسول الفكره مش هنا وله الفكره انك تتعلم من غلطك لا السر انك متعملش غلطات تانيه و انتا بتتعلم و ده السر لو عرفت تحافظ عليه تبقي نجحت في الدنيا رغم أنه مستحيل اصلك لا نبي وله رسول
بدايه الفصل
لسه وقفين مع دولت
انا : عايزه تعرفي انا مين (بصيت ليها بشر كبير جدا) انا أسوأ حاجه حصلت في حيات اي حد (رجعت ابتسم تاني اسمع موافقه
دولت : (بصت في الارض بخوف) موافقه
انا : شطره يله اسمعي كلام سيف بيه تاخدي الفلوس و تفضي مكتبك شرفتي يا دولت
دولت : (لسه بصه في الارض طلعت من المكاتب)
انا : غير هدومك يا سيف علشان ننزل
سيف : حاضر يا بابا
دخل سيف الحمام بتاع المكتب غير هدومه و طلع اخدته و نزلنا ركبته معايا و رجعنا البيت عنده بس اشتريت بوكيه ورد وصلنا البيت عنده و دخلنا اول ما عدينا من الباب لقيت سمر بتجري و شبشب طاير في الهواء نحيتها بصيت على اللي رماه كان علي
علي :و حيات امي لا اسعلك
سمر : يا علي اهدا يا بابا
علي : انا يتعملي مجياش زي بالبنات
سمر : بهزر معاك يا علي انتا قفوش كده ليه
انا : في ايه
سمر : بهزر مع علي قام يجري ورايا بعصايه مقشه
انا : ليه عملتي ايه
سمر : ابدا رسمت ليه مكياج و هو نايم صحي ضربني
انا : و انتا جبت المقشه منين
علي: من المطبخ
سيف : المطبخ!!!!!! هيا ماما فين الواد ده قتلها صح
علي : لالا ماما دي طيبه خالث و خلبانه في المطبخ بتعمل غدا
انا : امك في المطبخ و انتا بتجري وره مرات اخوك بعصايه مقشه و وخدين راحتكم في البيت وله كأن بيت ابوكم انا حاسس اني في شقه المنيل عادي
سمر : و ماله حماتي تساعدني و انا مش بعرف اطبخ
انا : يازين ما اخترتي
سيف : (قرب من سمر و في ايده بوكيه الورد) انا اسف اني مديت ايدي عليكي انا غلطان و غلطان علشان انا مستهلش ضفر من ايدك مش كلك سامحيني
سمر : (بصت لي سيف و اغنيه عزه نفسي منعاني شغاله في الخلفيه) و انا مالي انا كده كدة محضره الشنط بتعتي و ماشيه انا قعده بس علشان طنط و عمو هنا
سيف : (بص لي الشنط) يعني انتي لميتي هدومك كلها في الشنطتين دول بس ها نصيع ازي ده انتي عندك هدوم اكتر مني
سمر : ايش عرفك انتا الشنطتين دول يشيله ايه وله ايه
سيف : طيب سامحيني (خلع النضاره الشمس و بان عينه الزرقه)
سمر : (اتخضت) مين عمل فيك كده و انا اولع فيه هو اهله ابن الكلب اللي مد ايده على جوزي اقسم بالله اجيبه في شوال
سيف : (اتحرج و بص ليا و رجع بص ليها) ايييييي
سمر : (بلطجي طلع) انطق ياض مين عمل كده انطق
سيف : بابا
سمر : (اتكلمت بكسوف) كتير يا حج علي ملهوش ازمه التعب ده كله
انا : هههههه انا موعود بالمجانين
سمر : يعني انتا طالع من الغردقة هههههه انتا طالع من مستشفي المجانين
سيف : (نغز سمر)
سمر : (تداركت الموقف) هبهبهبهبهب انا اسفه
انا : (بكمل الهزار) لا مجنون بورق رسمي مش شغال المضروب ههههه
سندي : (طلعت من المطبخ) يله الاكل جاهز
انا : ربنا يستر
سندي : بتقول حاجه يا حبيبي
انا : لا بدعي لي سيف و سمر بالهدايا
سندي : امين يا رب (شافت وش سيف) ايه ده مين اللي عمل فيك كده
سيف : ده
سندي : ده ايه انطق مين اللي ضربك و انا اقسم بالله اجيبه في شوال
انا : ايه يا جدعان هو سهل كده اي حد يجبني في شوال انا اللي ضربته يا ستي
سندي : (بصت لي وش سيف و عايزه تضحك) تسلم ايدك يا سيد المعلمين
انا : موعود بالمجانين واللهي صح يا علي
علي : (لقيته باصص على حاجه كده بيضه و بيكون فيها شعر كتير نص عمري ضاع علشان اعرف هو ايه و معرفتش برده)
انا : مفيش امل خالص خالص
قعدنا نتغدي ايوه مستوى سندي في الطبخ اتغير يعني دلوقتي مفيش اكل محروق بس مش حلو برده بس كان بالنسبه لي سمر جنب اللي بتعمله لا ده النعيم
سمر : يا طنط اكلك تحفه
سندي : طيب اقوم احط وشها في طبق الشربه دي وله اعمل ايه طنط مين يا بت ده انا اكبر منك بسنه واحده
انا : سنه
سندي : (اتحرجت) عشر سنين
انا : ايوه يعني لوله البغل ده كان زمنا أصحاب في الشغل او في الدراسه او على القهوه بس اهو النصيب ابني البغل ده ابني
سيف : خلاص يا بابا ها نعمل ايه قدري و لزم استحمله
سندي : قدرك انتا بس انا انتا الحاجه الوحيده الفخوره بيها في حياتي كلها انتا و علي
انا : حياتي
سندي : لا علي الصغير مش الكبير
انا : جزمه
خلصنا اكل و دخلت المكتب انا و سيف عمل القهوه بنفسه و قعدنا
سيف : عايزن نقعد نتحاسب
انا : نتحاسب على ايه
سيف : انتا كتبت كل حاجه باسمي و زمان كنت ابنك الوحيد دلوقتي علي انتا كده بتظلمه
انا : اولاً مفيش اب يظلم ولاده ابدا ثانين اللي كتبته باسمك ده مش علشان محتاج لي فلوس لا علشان تفضل فاكرني به مش اكتر بس بالنسبه لي الشقه فا انا كتبتها بس علشان لو حصلت ليا حاجه انتا و امك متترموش في الشارع
سيف : طيب انا مش محتاج لي حاجه من دول و بعدين انا خايف اقولك اني بعت المطعم
انا : بعت اشتريت مش بتعتي ده بتعتك من حكم في ماله ما ظلم و انتا حر بيع اشتري بدل براحتك الموضوع التاني
سيف : موضوع تاني ايه هو ده
انا : سيف انا بعرفك من عينك قول يا ابني عايز ايه و ايه السؤال اللي في دماغك
سيف : (اتوتر) سؤال في دماغي لا انا مفيش اسأله
انا : بتكابر طيب يا سيدي ها سهل عليك الدنيا انتا مش مصدق فكره ورق الضغط اللي جمعته صح
سيف : عايز الصراحه
انا : ياريت
سيف : ايوه مش مصدقه
انا : لا صدق بس ده اخر الحكايه الحكاية بدأت من قبل كده بكتير
سيف : طيب احكيلي
