الفصل الخامس عشر
لزم تدفع الثمن الدنيا دي عمله زي ألفا ماركت كبير فيه كل حاجه كل حاجه تتخيلها و لا تتخيلها عزيزي بتدخل الماركت و قدامك اختيارات كتير من اولها تختار عربيه كبيره تشيل فيها وله عربيه صغيره ولسه سبات صغير تاخد فيه حاجه بسيطه بعد ما تختار تدخل جوه لي اختيارات تانيه ها تاخد ايه و من كتر الاختيارات عينك تزغلل و ترجع تاخد عربيه اكبر و لو واخد كبيره تاخد واحده تانيه و تدخل تاخد اللي انتا عايزه بس و انتا طالع في موظف الكاشير ده بقي ها يشوف انتا اخدت ايه و يحسبك عليه.... الكلام ده تبسيط ابسط من البساطه لي الدنيا و لي الحياه كلها ها تاخد اللي انتا عايزه بس لزم تحاسب و لزم يكون معاك تمن الحساب علشان مفيش حاجه ببلاش خالص.
بدايه الفصل
قصر محمد الصمدي في الصعيد
البيت متجمع تحت و قعدين
محمود : ده قرار ماما
عماد : يعني ايه يعني امسك اداره المصنع
محمود : ايوه
عماد : و بابا
محمود : مفتكرش ان انا وله ابوك وله اي حد ليه يد في القرار ده
جيهان : هو الزفت علي هو السبب هو اللي لعب في دماغ غاده
حياه : و هو علي ماله بالقصه دي
جيهان : بس انتي
حياه : لا طبعا مش ها تسكتيني يا جيهان محدش ليه قرار في القصه دي غير غاده و كلنا عرفين كده
عماد : و هيا ازي تعمل كده في بابا انا مستحيل اقبل بكده ابداً اخد مكان ابويا انته شكلكم مجانين
محمود : احترم نفسك انتا عارف جدتك محدش يقدر يقولها لا
عماد : انا اول واحد ها يقول لا تيته عايزاني اقف قدام ابويا الست دي خرفت وله ايه
محمود : ها قوم اديك بالقلم دلوقتي فوق انتا بتتكلم عن غاده العدوي
عماد : غاده العدوي طيب تقدر تقولي بابا فين دلوقتي ابويا مش قادر يرجع علشان غاده حطتنا في خانه اليك كلنا مزنوقين
محمود : في دي عندك حق هو موقف مش ظريف خالص بس منقدرش نقول لا ده قرار غاده عارف يعني ايه قرار غاده
عماد : طيب و النبي يا عمي اتكلم معاها اقنعها
محمود : محدش يقدر يغير قرار غاده
باب البيت اتفتح و دخل مصطفي عليهم
مصطفي : السلام عليكم يا جماعه
عماد : بابا يا بابا صدقني انا واللهي العظيم ما ليا يد في قصه تيته دي خالص اقسم بالله انا مليش ذنب
مصطفى : بس بس في ايه طول عمرك شاطر تقعد تسمع و مش رطاط ايه اللي حصل
عماد : يا بابا
مصطفي : (بصوت عالي) انا قولت تسمع
عماد : (بص في الارض) اللي تشوفه يا بابا
مصطفي : ايه كلام كلام كلام مفيش صبر ده انتا مستفز
عماد : انا اسف
مصطفي : طيب (طلع من جيبه علبه صغيره) افتح
عماد : (فتح العلبه و لقي فيها مفتاح عربيه استغرب) ايه ده
مصطفي : رأيس مجلس اداره مصنع الصمدي مينفعش يروح بالعربيه بتعتك دي انتا ليك اسمك دلوقتي انتا اسم و وجهه المصنع لزم يكون ليك شكل معين تظهر به قدام الناس كمان ساعه تنزل المحافظه لي محل البدل اللي بجيب منه هما عرفين ها يعمله ايه مينفعش تروح اول يوم ليك بكره ببنطلون جينز و قميص
عماد : (بندهاش) و حضرتك
مصطفي : انتا مالك و مالي يابني ده شغل و عمك قال محدش يقدر يغير قررها و احنا مش قد دمغها و بعدين انتا ها تعرف في الشغل ده اكتر مني انا كبرت انتا المستقبل و مفيش فرق بيني و بينك احنا واحد
عماد : (بفرحه) بجد يا بابا
مصطفى : من امته و بهزر.
