الفصل الحادي عشر
مفيش اصعب من الضباب لما طريق يبقي ضباب و تتوه فيه تتوه وسط التفاصيل الصغيره و تخاف من بكره تخاف من اللي جي في اوقات كده بيكون الشخص حكيم و هادي و رزين بس في قرار يطلع منه ملهوش سبب وله ليه اساس من المنطق غير انه غلط بس بيعبر عن كبت جوه كبت لي مشاعر زي الجنون و الغرور التطلع و يمكن الحب محدش عارف و الشخص نفسه بيكون مش عارف.
بدايه الفصل
انا : نتجوز
سلوي : هههههههه انا سمعت عن حبك لي الهزار من سيف بس كده لا ههههههه كده كتير ههههههه (بصت ليا لقتني قاعد جد و مش بهزر قعدت عدل) انتا بتتكلم بجد
انا : ايوه
سلوي : بس ليه
انا : (فضلت ساكت و رديت) علشان احميكي انتي دخلتي نفسك في لعبتي و ادي واحده من النتائج
سلوي : مش مبرر قربي منك يخليني هدف
انا : رضا الغول لما حب يلوي دراعي عن طريقك انتي وله قرب لي مراتي و له لي عيل من عيالي علشان عارف انه لو فكر ها دوس عليه بجزمتي سلوي انا ممكن اسيبك و ضميري مرتاح انك اللي دخلتي نفسك في اللعبه دي كلها مش انا بس اللاسف انا مش واطي
سلوي : علي انا مشكلي كتير
انا : كلهم صغيرين لكن رضا الغول و اللي جي وراه كبار اوي كمان (قومت) فكري في عرضي و ردي عليا
لسه هامشي تلفوني رن من سليم
انا : الو
سليم : انتا فين يا علي
انا : موجود
سليم : عايز اشوفك انتا و سلوي
انا : اشمعنا
سليم : ها سيب الملف بتاعي و لزم تعرفه اللي جي بعدي
انا : مش فاضين النهارده
سليم : علي بلاش الأسلوب ده خليني اخلص من القصه دي
انا : (سكت افكر شويه و رديت) ماشي اجيلك فين
سليم : في مطعم اسمه #####
انا : طيب ساعه و نوصل
سليم : مستنيكم
قفلت مع سليم
انا : حضري نفسك سليم عايزنا
سلوى : عايز ايه ده
انا : بيقول ها يسلم الملفات اللي تحت ايده لي حد تاني و عايزنا نقعد معاه
سلوي : طيب انا ها دخل اللبس
انا : و انا ها ستني تحت سيبي كريم هنا علشان ليليان
طلعت من الشقه و نزلت ركبت العربيه تحت و قعدت سرحان و بفكر في الخطوه دي غريبه اللعبه دي مجذفه كبيره جدا و تغير كل الحسابات سليم انا عارف اوله و اخره اللي جي لزم ابدأ معاه من الاول و جديد
فوقت من السرحان على سلوي و هيا جنبي
سلوي : يا علي
انا : ها في ايه
سلوي : انتا مش معايا خالص في ايه
انا : لالا بحسب حاجه في دماغي سامح
سامح : ايوه
انا : اطلع على المكتب بتاعي و بعدها على مطعم #####
سامح : (بص ليا شويه) قولت مطعم ايه
انا : ##### في ايه
سامح : لالا مفيش
انا : جدع اتحرك
اتحركنا و توتر سامح ده قلقني جدا و أكد الشكوك اللي في دماغي اني رايح اقابل حد مش سهل وصلنا المكتب نزلت لوحدي فتحت الباب و دخلت جوه جبت حاجه و طلعت بره ركبت مع الحرس و نص ساعه و وصلنا المطعم
سامح : وصلنا
انا : طيب خلينا شويه
سلوي : و سليم
انا : يستني بروح امه (ولعت سجاره) بص قدامك يا سامح
سامح : تحت امرك (بص قدامه و بيقول في سره (تستاهل تقابل الرخم ملكمش غير بعض) و ابتسم بسخريه)
قعدنا عشر دقايق و نزلنا
انا : خليك هنا يا سامح
سامح : تمام (فضل مكانه)
انا : (لفيت دراعي على دراع سلوي انكجيه) يله
سلوي : (اتفاجأت من الحركه دي) طيب يله
دخلنا جوه المطعم المكان عادي في زبائن ستات و رجاله و سليم قاعد على تربيزه مع واحد شفناه من ضهره شاور لينا قربنا
سليم : (قام و مد ايده يسلم) ربنا معاك يا سليم
الرخم : ربنا مع الكل اتفضل انتا
سليم : (بصوت واطي) ربنا معاكم انته كمان
الرخم : (قدامه طبق فيه استيك و ماسك الشوكه و السكينه بص لينا) اتفضله اقعده
انا : (قعدت قدامه و سلوي جنبي و اتكلمت بقرف) خير
الرخم : اعرفكم بنفسي انا سليم
انا : سليم ازي يعني
الرخم : زي الناس انا سليم
انا : و اللي كان هنا مين
الرخم : سليم برده
انا : دي فزوره صح الصراحه مليش مزاج احل فوازير
سلوي : احم معلش افهمه (كلمتني) علي سليم ده مش اسم سليم منصب زي رتبه
سليم : شوفت احب انا اللي شغلين معانا من زمان عارف سلوي الديب دي من الجيل الثالث اللي اشتغله معانا
انا : طيب و جيبنا هنا ليه
سليم : (مركز في الاكل لحد ما خلص مسح بالفلوطه) معلش يا ولاد اصل اديلي فوق السبع سنين باكل سمك بس فا اللحم الاحمر بالنسبه ليا كنز اه عايزكم في ايه (فتش جيوبه) معاك سجاير بس تكون سخنه
انا : (ببرود طلعت علبه السجاير) اتفضل
سليم : تسلم الجدعنه (ولع سجاره و اخد نفس طويل) ياه أخيراً سجاير
أنا : انتا جيبنا تجرب قدمنا متع الحياه
سليم : (بص ليا بقرف) انتا فصيل طيب يا عم الفصيل انا جيبكم علشان اتعرف عليكم و نتفق على حاجه في نظام شغل بنا من هنا و رايح انا مش زي سليم انا سليم تاني خالص يعني مش بلبس كرافته (و بص ليا) وله اهل حد شغال معايا بيتهدده (و بص لي سلوي) و اللعب معايا انا و بس يعني محدش من بره زي مثلاً لما تحبي يا سلوي تتكلمي عن عرض شغل لي ملف يبقي عن طريقي انا و المصلحه عايده لينا احنا مش لي رضا الغول و انتا يا علي لما تحب تدخل على قمر صناعي عسكري يبقى عن طرقنا احنا على فكره احنا اتكلمنا مع حلف الناتو كانه عايزن يدخله يخدوك بس مفيش قوه اجنبيه تدخل ارض مصر تاخد حد
انا : و المفروض اخاف صح و اقولك شكراً يا سليم و انا مدين ليك بحياتي
سليم : (برخامه) ايوه بس لا داعي للهتاف
انا: (ولعت سجاره) قولي انتا كنت فين سبع سنين يعني بتقول مش بتاكل غير سمك و بشرتك بتقشر يعني كنت في بلد ساحلي اسكندريه مثلاً
سليم : لا كنت معزول في جزيره في وسط البحر
انا : ليه
سليم : اصلي شتمت ملكه انجلترا في اجتماع بتقول لو المصرين نسيه انهم كانو مستعمره لي المملكه نرجع نفكرهم الاسطول موجود و انا الصراحه مش بحب حد يقلل من بلدي فا شتمتها بأمها دخلت المنفى بس عادي المنفي ده اتعلمت فيه كتير اولهم اني ميجيش عيل ابن امبارح زيك يهز هيبه الجماعه
انا : اعلي ما فخيلك انتا و جماعتك اعمله انا اعمل اللي يعجبني
سليم : يبقي ها تموت
انا : متعرفش
سليم : (بص في الطفايه و شاور بايده كل اللي قعدين في المطعم من الزبائن رجاله و ستات قامه و طلعه مسدسات) كنت بتقول حاجه
انا : طبعا لو امرتهم انا ها موت و انتا ها تعيش
سليم : شاطر
انا : (رفعت ايدي الاتنين من تحت التربيزه براحه خالص و كنت ماسك قنبله يدويه ساحب منها الدبوس بس حاطت ايدي على القادح يعني مش ها تنفجر غير لما ارفع ايدي من عليه) انا هاخدك معايا سليم انا عشت بقانوني و ها موت بقانوني
سليم : (بص ليا و لي القنبله) انتا دخلت الجماعه ليه اكيد مش علشان الفلوس او السلطه انتا من المطعم بس عرفت كتير اوي و ناس كتير و كبيره
انا : سلوي اتفضلي انتي
سلوي : (قعده و خايفه)
انا : (بصيت ليها ببرود) اتفضلي يا سلوي و محدش يقدر يقرب ليكي كل الحرس دول جين علشان يطلعه سليم عايش من تحت ايدي و لو حد لمسك ها سليم ها يرجع الجزيره قطع
سلوي : (قامت و هيا خايفه)
سليم : سلوي ها نبعتك قصر تاني بحراسه اشد من القديمه اصل مش ها ينفع ليليان ترجع تاني البيت القديم علشان نفسيتها (ابتسم ليها) شرفتي
سلوي : (مشيت)
انا : قولي بقي انتا كنت بتقول ايه (قفلت القنبله و رجعت الدبوس مكانه)
سليم : (شاور لي الحرس تمشي و طلعه بره المطعم) دخلت الجماعه ليه
انا : علشان سيف
سليم : تؤ لا مش علشان سيف
انا : طيب نورني
سليم : انا عارف كويس اوي انتا دخلت الجماعه ليه بس انا عايزك في حاجه تاني
انا : ايه
سليم : نتفق
انا : نتفق على ايه
سليم : ها نشتغل مع بعض من غير ما اطراف غريبه تدخل و انا ها ديك اللي انتا عايزه و انا عارف و انتا عارف ايه هو
انا : (سكت افكر و رديت) موافق بس اهم حاجه في الشغل احترام عقليه اللي قدامك ها تحترم مخي ها حترمك و على فكره في طرق كتير لي القتل غير الكرفته ممكن اقتلك بالسجاره اللي في ايدك دلوقتي
سليم : اتفقنا
انا : سؤال
سليم : اسأل
انا : مين من اهلي اشتغل معاكم
سليم : (بص ليا شويه و رد) ابوك مش دي الإجابة اللي انتا عايزها ابوك اشتغل معايا انا شخصياً و انا اللي جندته لي الملف علشان كده لما قاله علي الصمدي ابن محمد الصمدي قولت اقتلوه علشان انتا شبه ابوك مش ها تقبل بقانون فوق قانونك الله يرحمه كان حاله استثنائية
انا : سمعت الكلام ده قبل كده طيب و امي
سليم : ههههههه غاده هانم العدوي لا بس غاده عملت معايا اتفاق صغير خالص احنا من سكه و هيا و أولادها من سكه مقابل انها تسلم الملفات اللي كانت تحت ايد ابوك معاده مصنع الصعيد الانه كان ملكيه خاصه لي ابوك
انا : بالسهوله دي
سليم : لا طبعا دي غاده كان بمقابل هيا خدمه ها تطلبها منا في الوقت اللي تختاره حاولت تطلب الخدمه دي زمان قبل دخولك المصحه بس انا مكنتش موجود فا محدش رد عليها
انا : بس كده
سليم : اه بس كده و اللي في دماغك غلط ابوك مات موته طبيعيه
انا : طيب يا سليم بكره استني مني تلفون علشان عايزك و مفيش مانع نكون اصحاب مش مجرد ناس شغاله مع بعض
سليم : موافق بس زي ما اتفقنا نحترم عقليات بعض
انا : نحترم عقليات بعض
سليم : اه نسيت اقولك طقم الحرس بتاعك ها يتغير ها يدخل فرقه تدريب و ها يجي واحد مكانه
انا : سامح
سليم : ماله
انا : ها يفضل معايا الصراحه بثق فيه
سليم : ماشي
انا : سلام
مشيت من المطعم و طلعت بره لقيت سامح ها يموت و يضحك
انا : اضحك اضحك طلع اللي جواك
سامح :هههههه الصراحه فرحان فيك اهو الرخم ده عقابك و انتا عقابه ها تطلعه عين بعض
انا : و ماله اكل العيش ها نرجع البيت يله
سامح : طيب هههههه اركب هههههههه
انا : خلاص يا ظريف
رجعنا القصر تاني و دخلت جوه كانت سندي و سيف و ادم و علي قعدين تحت
سندي : حمدله على السلامه يا حبيبي احضر العشا
انا : لا ها نام خفيف
سيف : في ايه يا بابا شكلك مدايق
انا : مفيش يا سيف عايز انام بس
ادم : طيب حضرتك كويس يا عمي وله
انا : وله ايه قولت عايز انام
سبتهم و طلعت الاوضه بتعتي غيرت هدومي و نمت او مش نمت لا قعدت على السرير ادخن مش بعمل حاجه غير اني ساكت بس و دماغي وقفه و عجزه عن التفكير خالص.
