الفصل الرابع
زمان كانه يقوله كمله حلوه جداً كانه يقوله حاسب قبل ما تدوس برجلك على الارض كا مجاز لكن حرفين لزم تحاسب قبل ما تدوس على الارض اللي انتا ماشي فيها لزم تخلي بالك من خطوتك و من طريقك الان ممكن في ثانيه تتسحل في المشي و تلقى نفسك تايه في الطريق و مع التوهان يجي الشك اذا كان اختيار الطريق ده صح من الاول وله غلط.
بدايه الفصل
خلص اليوم و محمد مشي مع ساره و ابنه احمد و احنا دخلنا ننام و صحينا تاني يوم عادي قضينا اليوم مع بعض و اخدتهم و نزلنا نغير جو و علي فرحان جدا اول مره يخرج ينبسط في حياته و سندي كمان من مده طويله اول مره تخرج تغير جو و انا معاهم مكان ما حبين يروحه نروح و رجعنا البيت بليل مهدودين دخلنا نينام و تاني يوم صحيت و نزلت لوحدي اتمشي في المنطقه على رجلي و جبت فطار و رجعت البيت صحيت سندي و علي نفطر و قعدت انا و علي نلعب مع بعض شويه جالي تلفون من محمد
محمد : ايه يا علي صاحي
انا : ايوه خير
محمد : (حس من اسلوبي انه جاف معاه) لا ابداً انا بس كنت عايز اشوفك النهارده علشان نكمل كلامنا
انا : طيب امته
محمد : ممكن بليل
انا : ماشي سلام
قفلت معاه من غير ما اسمع رده و بعت رساله لي الشايب و دي الشات
انا : حضر رجالتك
الشايب : ها نتحرك فين
انا : بليل ابعت ليا جهاز تتبع و بلاش تدخل غير لما اقول
الشايب : حصل ساعه و يوصل الجهاز
شوفت الرساله و رجعت اكمل لعب مع علي تاني لحد بليل دخلت اخدت دش و طلعت لبست بدله
سندي : ايه الشياكه دي يا علي رايح تخوني وله ايه
انا : يعني لو رايح اخونك ها قول
سندي : هههههه ماشي بس رايح فين
انا : رايح اشوف كام حاجه كده و اقعد مع واحد صحبي
سندي : صحبك مين
انا : (بصيت لي سندي بستغراب) من امته و انتي بتسألي
سندي : لا يعني قولت اسأل
انا : ماشي واحد صحبي يا سندي انتي لو تعرفيه ها قول
سندي : طيب
انا : (خلصت لبس) يله انا نازل عايزه حاجه من بره
سندي : فشار و لب و فول
انا : اجيب مقلا معايا
سندي : هههههه لا و كمان ببسي
انا : و ماله ماشي سلام
سندي : سلام
طلعت بره و نزلت اخدت العربيه و رحت مطعم على النيل دخلت جوه و محمد كان هناك
محمد : (قام) اتأخرت ليه يا علي
انا : و انتا واقف ليه
محمد : اتأخرنا نص ساعه
انا : اقعد بس اقعد (شاورت لي ويتر)
ويتر : ايوه يا فندم
انا : قهوه تركي مظبوط
ويتر :اوكي يا فندم (مشي)
انا : اقعد يابني
محمد :انتا فيك ايه مش يله المعاد
انا : الصراحه الراجل ده قليل الزوق يحدد المعاد و الزمان و انا محبش حد يحدد ليا انا اقبله امته فا هيا مبادرة رخامه
محمد : طيب استهد بالله و يله
انا : لا انا ها شرب القهوه
محمد : يابني يله
انا : و اللهي ما قايم غير لما اشرب القهوه اقعد اقعد
قعد محمد قدامي و دمه محروق مني نزلت القهوه و انا بشرب فيها ببطء و مولع سيجاره و محمد ها يولع قدامي بس مش حاطت في دماغي لحد ما خلصت و طلبت الشيك حاسبت و طلعنا بره ركبت مع محمد و اتحرك على فيلا مهجوره في وسط الصحرا و شكل الفيلا اساسا غريب يعني تراب و اللوان بهتانه نزلت من العربيه مع محمد
انا : ايه يابني انتا مشارك عفاريت وله ايه
محمد : تعاله بس
انا : لما نشوف اخر بيت الاشباح ده ايه
دخلت مع محمد جوه الفيلا كان في صاله مكسره و تراب كتير جداً و لون الحيط رمادي و في الوش باب مكتب فتحه محمد و دخلنا شكل المكان هو هو الي بره بس الفرق اني المكتب عليه واحد اقرع و معندوش شنب وله دقن و ابيض اللون لبس بدله و قاعد في منتهي العظمه
محمد : انا اسف يا باشا على التأخير بس الطريق كان زحمه
شخص : (شاور لي محمد يسكت) بلاش كذب يا محمد انا عارف كنت فين كويس اوي
انا : ايه اللي جاب ابوك هنا
محمد : ابو مين
انا : مش ابوك ديمن يقول كده برده و بعدين انتا بتتكلم كده ليه أساساً (بصيت على المكتب كويس و رديت بقوه) و بعدين ايه بيت الاشباح اللي احنا فيه ده فاكر نفسك خطر يعني كده وله ايه
شخص : مين ده يا محمد
محمد : ده علي الصمدي كان عايز يتكلم معاك بخصوص سيف العمري
شخص : اتكلم
انا : و ماله اتكلم (قعدت قدامه برخامه و خطيت رجل على رجل) ابعد عن سيف
شخص : ليه انا عايز اقرب من سيف انا عايز اشتري حصه في المجموعه بتعته النص
انا : النص اممممم طيب و معاك فلوس تدفع
شخص : طبعا معايا (ولع سيجاره) عمره و عمرك اخد النص و اسيبه عايش
انا : ده تهديد
شخص : ايوه تهديد و ده اخر كلام
انا : اخر كلام و تهديد طيب (بصيت لي محمد) سمحني يا اخويا محدش يهددني انا او ابني (طلعت مسدسي و عمرته) انا مش بتهدد
شخص : لو فاكر اني السلاح اللي في ايدك ها يحميك تبقي عبيط انا اقدر اقتلك دلوقتي
انا : كفايه كدب المكان ده بيقول اني داخل اقابل راجل خطر بس لو راجل خطر رفعت عليه سلاحي كان زماني ميت من زمان لكن انتا مجرد كمبارس اخرك تقول الكلمتين دول و اكبر دليل هيا الطفايه ازي فيها سيجار كوبي مش خلصان و انتا مولع سيجاره عاديه انتا كمبارس و انا مش بتكلم مع كمبارسات هات كبيرك اتكلم معاه
شخص : (بص ليا شويه و ابتسم و سقف) ههههههه كنت متأكد اصل اسبوع في مستشفي المجانين تضيع و دماغك تقف ما بالك بي خمس سنين بس لسه زي ما انتا (رمي السيجاره العاديه و مسك السيجار) اتعرفنا بشكل غلط انا اسف انا اسمي سليم يا علي و المكان ده بيتي ايوه انا ساكن هنا و فوق اوضه نومي
انا : (حطيت المسدس في جيبي) كده نتكلم انا علي يا سليم ممكن اعرف انتا عايز ايه من ابني
سليم : الصراحه
انا : لحد دلوقتي مش مجبر تقولها لكن ايوه عايزها و ها خدها باي شكل
سليم : (بص ليا بأعجاب) ماشي يا علي الصراحه انا مش عايز سيف في اي حاجه خالص وله يلزمني انا عايزك انتا
انا : و اديني قدامك (ولعت سجاره) ها قولي بنا طار قديم عايز تاخده وله انا زعلت حد تبعك
سليم : لا ده وله ده
انا : طيب انتا عايز ايه
سليم : عايزك
انا : (رفعت ايدي و شورت على خاتم الجواز) انا متجوز
سليم : ههههه انتا فهمت ايه لا انا عايزك تشتغل معايا
انا : برده انا مش بشتغل مع حد
سليم : اسمع و احكم
انا : اسمع
سليم : بعد خروجك من المستشفى و هربك عمك لي إيطاليا و انتا تحت عيني سافرت و اخدت حقك مع انك وقفت ليا شغل كتير بس كله بتمنه و التمن هو المقابله و اقعد مع الدوق شخصياً
انا : طيب ادينا قعدنا
سليم : بص الشغل معايا انا غير اي حد تاني الشغل معايا اكبر بكتير
انا : ده على اساس اني موافق
سليم : انتا فضولي يا علي ها توافق انا مش عايز منك حاجه بالعكس انا ها ديك حجات كتير (طلع صوره) بص كده
انا : (مسكت الصوره و كان فيها انا و غانم بيه و سليم في المطعم بتاعي رجعت لي وره شويه بدماغي و افتكرته) ده
سليم : انا احنا اتقابلنا كتير قبل كده دي مش اول مره وله الصوره دي اول مره
انا : طيب انا عندي ايه يخليك تركز معايا كده
سليم : حنان حماتك كانت شغاله معانا زمان قبل ما تظهر انتا في حياتها و راح ليك أسر ابو المجد و بلطج عليك و انتا دفعته الثمن و بعدها ظهرت فريده العمري اللي كانت بتاخد اوامر من حنان و حنان كانت بتاخد اوامر مني كان الامر هو انها تدخل شريك في مصنع العمري لي الادويه و هيا امرت فريده تتصرف سواء تصريف فريده في تعذيب ابن اخوها مكنش في دماغنا خالص وله كنا عايزنه بس ظهورك انتا ده بقي كان اكتر حاجه مش محبوبه خالص
انا : اشمعنا
سليم : جمعنا عنك معلومات بعد اللي عملته مع أسر ابو المجد و كل اللي ظهر بيقول انك مستحيل تسلم الواد ساعتها كان لزم ندخل و طلبنا من القصر انه يحط سيف تحت وصايتك انتا بس عرضك انتا كبرك في نظرنا جدا انتا مش عايز حاجه غير انك تربي الواد و عرضك انك تربيه لا ليك دعوه بمجموعه ابوه وله بشغل ابوه و ساعتها طلبت من حنان بشكل غير مباشر تبعد عن القصه دي و فريده خطفت سيف و سافرت بس احنا جبنا جوزها و اعترف اني خروج فريده عن امرنا كان بدعم من حنان ساعتها الغضب كان كبير لدرجه اني في اصوات طلعت بتصفيه حنان بس احنا اكتفينا بتجميد ملفاتها ساعتها اشتغلت مع ناس تانيه في المخدرات و السلاح و تجاره الرقيق الابيض بس المره دي على العلن لحد ما خدت بنتها و راحت لي ابن أحمد القشيري ساعتها انتا ظهرت تاني
انا : طيب انا مالي
سليم : اللي طلبته من الشايب احنا اللي قدمناه ليه (راح نحيه صنيه اخدها و كان عليها عده قهوه) بتحب القهوه البلدي صح
انا : ايوه
سليم : طيب ما تعمل دور جدعنا و اعمل القهوه اسمع اني عمرك ما وش القهوه باظ منك و انا الصراحه خايب في موضوع القهوه ده
انا : و ماله اعمل (عملت القهوه ثلاث فنجاين) اتفضل
سليم : شكرا
انا : امسك
محمد : ماشي
انا : كمل
سليم : بعد كده احنا قدمنا لي الشايب كل اللي هو عايزه و انتا اتصرفت مع حنان بحكمه و ده عجبنا جداً بس حنان كانت بتخطط من بعيد لي بعيد و تصرفك انتا كمان معاها عجبنا اكتر و اكتر علشان كده لما عرفت انك خرجت قولت ده مش ها يسيب حقه لو فيها موته و كان صح اخدت حقك و حنان اتقبض عليها و طلعت كسبان من كل الاطراف
انا : (باصص ليه و بفكر) طيب انتا تعرفه الشايب
سليم : الشايب من رجالتنا أساساً و ده شغله يدخل كا خبير التنضيف لي حيات ناس كتير مهمين و في مراكز حساسه و نعرف ايه اللي بيحصل بالظبط
انا : طيب و سيف
سليم : سيف كان وسيله استفزاز ليك علشان نقعد القعده دي اصل انتا عنيد جدا فا قولت مفيش حاجه ها تشجعك غير دي
انا : طول كلامك كنت بتتكلم بصيغه الجمع احنا احنا و قررنا انته مين بالظبط
سليم : ده السؤال المهم احنا مين بص يا علي زمان بعد ما مشي الإنجليز من مصر حصل فراغ اقتصادي كبير جداً و بدأت أمريكا تدخل بس جمال عبدالناصر كان موالي اكتر لي النظام الاقتصادي الشيوعي فا بعد اعاده تأسيس المخابرات بعد النكسه عمله برنامج اقتصادي اسمه سليم البرنامج ده احتكاري
انا : احتكاري ازي
سليم : بص انتا دارس اقتصاد كويس جدا و عارف اني محدش يقدر يستثمر في مجال بنسبه تعدي ٤٠٪ احنا بقي بنديك ملف تحتكره بنسبه ٩٠٪ و منها ٥٠٪ من الباطن و الباقي علني و شرعي الباقي عن طريق شريكات حكوميه بتتحكم فيها من الباطن و شريكات خاصه برده من الباطن بتتحكم فيها بس
انا : (بصيت لي محمد) و انتا شغال في ايه بقي
محمد : في مجال الاستثمار العقاري و على فكره اللي رشح سيف لي شغال الحكومه كان انا
انا : (ولعت سجاره تاني و سكت شويه و رديت) بتكسب ايه بقي موظف حكومي
سليم : لا اي مكسب بيطلع بتاخد انتا منه ٤٠٪ و ٤٠٪ لي الحكومه ١٠٪ تحت المصاريف و المرتبات و ١٠٪ بتدخل لي موارد الملف
انا : طيب لو موت
سليم : في قائمه كبيره جدا بأسماء ناس تيجي مكانك
انا : (سكت تاني و اخدت نفس من السجاره) المطلوب ايه
سليم : تشتغل معانا و ليك ملف زي محمد
انا : (ابتسمت) برده مش قادر تفهم انا مش بشتغل مع حد خصوصاً لو شاف نقطه ضعفي سيف انا مش بتهدد
سليم : طيب انا عندي ليك عرض سلام ها تحبه
انا : مفيش عرض سلام ها يخليني انسي
سليم : لا ها تنسي يا علي (رجع بضهره على الكرسي) عارف يا علي اخد الحق ده مشبع جدا لي الشخص لما تاخد حقك تبرد نارك السؤال هو انتا اخدت حقك فعلاً من حنان
انا : حنان مستحيل تطلع ابداً لو حصل ايه محدش ها يسبها خصوصاً الناس اللي شغالة معاهم
سليم : لالالا حنان مين (طلع صوره تانيه) الصوره دي اتخدت النهارده الصبح لي المرحوم خالد في اسبانيا
انا : (بصيت لي الصوره و كشرت و وشي ملامحه اتغيرت من الغضب) ده ميت
سليم : الموت شيء نسبي يا علي
انا : الصوره دي قديمه انا شوفته بعيني
سليم : من امته و الحاجه اللي نشوفها بعنينا حقيقه مش ديمن الحقيقه ليها مليون وش و مليون شكل
انا : طيب ازي
سليم : واحد عمل عمليه تجميل لي شكله و اتقتل و الباقي عدا في الطب الشرعي
انا : مين يقدر يعمل كده
سليم : الناس اللي كانت شغالها معاهم حنان يقدره يعمله كده
انا : (فضلت ساكت شويه و قومت قفلت زرار البدله) تشرفنا يا سليم بيه نصحيه ابعد عن سيف علشان ممكن تحصل حجات كتير اوي في البيت ده و انتا لوحدك
محمد : يا علي اقعد احنا لسه بتكلم
انا : الكلام عندي خلص
سليم : براحتك يا علي انا سعيد انك خرجت شرفت يا علي
طلعت من عند الراجل ده انا و محمد و ركبنا العربيه و انا ساكت محمد كان مستني مني اتكلم بس انا مش ها تكلم خالص لساني مش عايز ينطق بس دماغي فيها كتير وصلني لحد عربيتي اخدتها و اتحركت طلعت تلفون تاني و كلمت سلفيا
سلفيا : الو يا علي
انا : عايز رجاله في اسبانيا
سلفيا : عايزهم امته
انا : بكره
سلفيا : اوكي بكره يكونه جهزين
انا : سلام
سلفيا : سلام
قفلت مع سلفيا و كلمت شركه طياران حجزت اول تذكره على اسبانيا كانت بكره الصبح و انا في الطريق جبت اللي عايزه سندي علشان الصداع و رجعت البيت كانت قعده مع علي قدام التلفزيون
سندي : جبت اللب
انا : ايوه اتفضلي
سندي : (اخدت اللب) حبيب قلبي
انا : (قعدت جنبها) سندي انا مسافر بكره
سندي : (انتبهت ليا) مسافر فين
انا : اسبانيا
سندي : تعمل ايه هناك
انا : شغل
سندي : شغل ايه ده
انا: صحبي اللي قابلته طلب مني اروح اسبانيا مندوب علشان اقنع شركه هناك تمضي معاه عقد
سندي : طيب ما يسافر هو
انا؛. مينفعش يا سندي انا اللي طلبت ده تخليص الفلوس مع محمد ها ياخد وقت اسبوعين او ثلاثه و ممكن اكتر و انا مبقاش معايا فلوس خالص فا ها روح هناك مكانه بمقابل مادي (مثلت اني الموضوع مدايقني)
سندي : (حطت ايدها على خدي) ماشي يا علي و انا مش زعلانه انك ها تبدأ من الصفر لا ده شرف و مش عيب
انا : (مسكت ايدها و بوستها) انتي طيبه اوي يا سندي.
