الفصل السادس
الابن مفيش اصعب من التعب و اللام لي ابنك اني ابنك يكون بيتوجع من حاجه تبقي ها تتجانن عايز توقف الالم ده بأي شكل و لما حد يقرب من ابنك دي تبقي مصيبه تبقي ليله اهله سوده اوعي تفكر انك تدوس على طرف حد مش علشان سواد عيونه لا علشان بس اهله لو مش في ايدهم الحيله اقلها الدعوه و في دعوه ترفع لي السماء و في دعوه تانيه تخسف للأرض
بدايه الفصل
خلصت شغلي في غرفه الاجتماعات
ا
نا : امسك الملفات دي استاذ ناصر اتخذ فيها الاجراءات القانونية اللازمة دي اختلاس
ناصر : (اخد الملفات) تمام يا علي بيه اسبوع و يكون معانا حكم محكمه
انا : اعمل به ايه حكم المحكمه انا عايز فلوس معاك ورق ساوم عليه
ناصر : بس ده مش قانوني
انا : استاذ ناصر لو قررنا ناخد حكم في كل ملف من دول الملف الواحد ياخد منك قد ايه وقت و جهد و مصاريف
ناصر : (سكت يفكر و رد) معرفش
انا : اقولك انا كل ملف من دول ياخد اكتر من 8 سعات شغل و مصاريف رايح جي رايح جي على المحكمه كل مشوار يضرب معاك الفين جنيه و هما خمسين ملف بمليون جنيه و 400 ساعه شغل المسروق يعدي ٣٠٠ مليون دولار و لو رحنا المحكمه ها ناخد حكم بالحبس ليهم بس مش ها ناخد فلوس بس بعدها نلقي الاموال العام جيه تحقق في المجموعه ازي يتسرق منها مبلغ زي ده و احنا بنكسب كام أساساً و دي حاجه انا محبهاش
ناصر : (تاه في النص) ايييييي طيب ها نشوف الناس و الدنيا و اخلص القصه دي
انا : شاطر اتفضل
طلع ناصر و انا قومت اخدت جاكت بدلتي و طلعت بره
مرام : حضرتك ها تأخر يا علي بيه
انا : (بصيت لي نفسي كويس) هو انا عاد فيا حيل اقعد عشر دقايق على بعضها
مرام : لا
انا : طيب كلك نظر اتفضلي علشان تروحي
مرام : اوكي انا نزله دلوقتي
انا : طيب انزلي معايا يله
مرام : بجد
انا : شيفاني بهزر على فكره انا مش دكتاتور بس مش بحب حد يمشي كلامه عليا
مرام :حقك
انا : طيب يله
جت مرام معايا و سامح كان تحت اخدنا الاسنسير لي الدور الاول و طلعت من الباب ركبت العربيه و زي ما جينا زي ما رجعنا وصلت القصر و دخلت
انا : حبيبي انا جيت
امي : منور يابني تعاله
انا : امي (اخدتها بالحضن و بوست ايدها) عمله ايه يا غاده وحشاني
