الفصل الخامس
اتكلمت قبل كده في مقدمه فصل زي دي عن الاختيار و قد ايه الاختيار صعب جداً بين الصح و الغلط و الاصعب منه هو الاختيار بين طريقين كلهم غلط ممكن تختار طريق يكون أقل خطأ من التاني بس الفكره اني الاتنين غلط أساساً و مفيش حاجه اسمها اقل خطأ في الاول و الاخر غلط
بدايه الفصل
رجعنا الشقه القديمه و نمنا لي تاني يوم صحينا الصبح جهزنا امورنا و لمينا الهدوم و الحاجات المهمه و في العربيه و كان اهم حاجه عند سندي ادوات المطبخ على اساس انها طباخه مفيش منها يله اقول ايه ركبنا العربيه و اتحركنا على القصر وصلنا و كان في بواب فتح الباب دخلنا جوه و بدأت سندي ترتب الدنيا و انا شاغل علي علشان مش عرفه تشتغل منه باب القصر خبط فتحت و كان قدامي واحد طويل جدا و عريض جدا و شكله غريب
شخص : صباح الخير يا علي بيه
انا : صباح النور مين حضرتك
شخص : انا سامح عبد العزيز قائد حرس معليك
انا : انا مطلبتش قائد حرس
شخص : سليم هو اللي عيني
انا : اه سليم طيب تعاله نتكلم بره شويه
قفلت الباب و طلعنا قعدنا في قعده في جنيه القصر من قدام قعدت و هو فضل واقف
انا : (بصيت ليه شويه) طيب ها تفضل واقف كتير اقعد
سامح : ميصحش يا باشا
انا : ليه عندك بواسير اقعد يابني اقعد
سامح : (قعد قدامي و هو مستغرب)
انا : قولي يا سامح كنت شغال فين قبل كده
سامح : قبل سليم كنت شغال ضابط في الجيش خدمت في قوات الخاصه البحريه اخدت ثلاث فرق مع البحريه الامريكي و اتنين في البريطاني و واحده في البحريه الروسي
انا : لا حاجه مشرفه طيب قبلي كنت مع مين
سامح : لا مش مع حد دي اول مره اتعين حارس ثابت لي شخص كانت شغلتي تأمين مواقف معينه زياره مهمه شخصيه مهمه في مقابله مهمه لكن مع حد ثابت لا
انا : لا طيب انتا متجوز
سامح : ايوه متجوز
انا : كمل اكيد لما اسأل متجوز يبقي اكيد بعدها سأل مخلف بس لزم انتا تكون سابقني بخطوه علشان تعرف تأمني انتا مش عارف تتوقع سأل ها تتوقع الخطر ازي
سامح : (تمالك اعصابه) يا فندم
انا : فندم ايه انتا خليت فيها فندم انتا فاشل
سامح : (مسكت نفسه اكتر)
انا : ساكت ليه على كده بتعرف تضرب نار وله مهاراتك في النشان زي مهاراتك في التوقع
