الفصل الرابع عشر
القرار الغلط ناتج عن سواء اختيار الشخص لي افعاله ممكن تختار فعل معين يدخلك في مشكله زي ما حصل مع علي و حسناء (احداث السلسله الاوله) او تسكت على افعال حنان عمل بمبدأ انا مش ها صلح الكون و ممكن فعل صح زي علي و سيف انه تبناه و وقف جنبه لحد اخر لحظه ده اختيار صح جدا و النتيجه ليه هو حب سيف الكبير لي علي رغم انهم قريبين في السن و هو مش ابوه بس برده بيقوله يا بابا خلاصه الكلام هو الاختيار اين كان صح او غلط ها يعيش معاك فا اختار صح علشان يكون في حياتك حاجه حلوه زي سيف.
بدايه الفصل
راحت سلوي الشغل و انا رحت شغلي خلصته و كان يوم طويل جدا تلفوني رن من باسم عرفته عنوان المجموعه جيه عندي و اتحركنا سوا لحد البيت نزلت من العربيه و داخل لقيت باسم لسه واقف مكانه
انا : يله يابني
باسم : علي انا مش هاقدر ادخل مينفعش
انا : ايه لعب العيال ده احنا وصلنا
باسم : ايوه بس انا عندي مشاكل كتير اوي و لو دخلت الباب ده انا بحطكم معايا في كفه واحده و ده خطر عليكم
انا : (بصيت لي باسم شويه و رديت) اختك وحشاك
باسم : جدا
انا : طيب ادخل و سيب مشاكلك هنا على الباب و انسي يا باسم انسي النسيان نعمه او على الاقل أنسى فتره مؤقته ادخل شوف الحبايب
باسم : سندي ها تعمل حوار
انا : عارف يله
طلعت السلم و فتحت الباب لقيت البيت كله قاعد يفطر تحت دخلت و باسم معايا بس واقف وره حيطه
سندي : حمدله على السلامه يا حبيبي
انا : الله يسلمك يا حياتي
علي : في الشوكولاته بتعتي
انا : معلش يا علي نسيت اجبها
سيف : ليه يا بابا
انا : اسكت يا كبير اسكت
علي : فكك من الكلام ده كله ارجع مكان ما كنت و جيب الشوكولاته
انا : انا جبت حاجه احلي مليون مره من الشوكولاته
علي : ايه هيا
انا : (وقف جنب سندي و حطيت ايدي وره ضهرها و قولت بصوت عالي) ادخل
باسم : (طلع من وره الحيط و مبتسم بخوف) صباح الخير
سندي : (بصه لي باسم و بقها مفتوح و مندهشه مشيت لحد عندها بخطوط تقيله)
باسم : (ماسك دموع عينه بالعافيه) وحشاني يا سندي بقلنا مده كبيره متقبلناش يعني كان عندي شويه مشاكل بس انا جيت
سندي : (وقفه قدامه و لسه مش قدره تستوعب الصدمه).
باسم : سندي مالك قولي اتكلمي زعقي انا عارف جواكي مليون حاجه عايزه تقوليها بس سكته ليه اتكلمي سكوتك ده مخوفني زعقي اشتمي اضربي
سندي : (قطعت كلامه بحضن كبير جدا و اتفتحت في العياط) اهههههههه يا باسم اههههههههه بعدت عني ليه يا اخويا كنت فين كنت فين
باسم : (بيعيط) غصب عني يا سندي غصب عني واللهي
سندي : بس كفايه عياط كفايه اللي فات ضاع كفايه
هدي الاتنين و بطله عياط و قعد باسم مع سندي و هيا وخداه في حضنها
سندي : انتا كنت فين
باسم : كنت محبوس
سندي : ليه
باسم : مفيش كنت سايق في انجلترا و بتكلم في التلفون و طلع واحد على الطريق و انا مش عارف طلع منين خبطه و قعدت محبوس شويه إقامه جبريه لحد ما يخف من الغيبوبه بس توفي و اتسجنت اخدت عشر سنين سجن
سندي : بس خلاص كفايه كلام في القديم احنا ولاد النهارده
باسم : وحشاني يا سندي
سندي : و انتا اكتر يا حبيبي
علي : (لزم يرخم ميعرفش يقعد ساكت) يا سلام يا سلام اما قصه عبره بصحيح
باسم : هههههه انتا اللمض ابن ابوك
علي : علي علي الصمدي تشرفنا يا استاذ باسم
باسم : ايه ده لسان الواد ده ماله
انا : انا بقول كده برده
باسم : ابنك لزم يطلع عاها (بص جنبه لقي سيف قاعد و ساكت بص ليه شويه و عينه وسعت) يابن الكلب
سيف : بيكلمك
انا : اقوم اولع فيه يعني قاعد مع اخته
باسم : كبرت يا واد يا سيف و بقيت راجل
سيف : هو انا كنت سوسن في الاول وله ايه
باسم : لسه لسانك عايز يتقص
سيف : ياعم اقعد تقص ايه
انا : لالا احترمه شويه يا باسم الباشا متجوز دلوقتي (كلمت سيف) كلمت المأذون
سيف : خليت سامح يكلم واحد
انا : طيب
امي : (تقعد سكته لا طبعا مسكت باسم من شعره) لو انتا مركز مكنش ضاع منكم وقت لكن نقول ايه كلب
باسم : اهههههه يا غاده لسه زي ما انتي كده خفي ايدك
امي : (سابت شعره) متغاظه منك يابن حنان متغاظه
باسم : خلاص يا غاده اللي حصل حصل نصيب
انا : خلاص نسبنا من اللي حصل و كل ده خلينا في دلوقتي ها نتغدا ايه
سندي : انا اللي هاطبخ
باسم : لا تطبخي ايه انا ارجع السجن احسن
سندي : (بخوف) لالا خلاص مش هاطبخ سمر تطبخ
باسم : سمر مين دي الشغاله
سمر : كلك نظر يا باسم بيه
باسم : انا اسف بس بتعرفي تطبخي وله زي اختي
سمر : (مثلت الغلب و هيا أساساً وقفه) نعمل ايه يا بيه اكل العيش
باسم : (اتأثر) يا سمر لو عملتي هاكله الحمد لله نعمه
سيف : احم احب اعرفك يا خالو سمر مراتي او طلقتي لحد ما يوصل المأذون و تبقي مراتي او تبقي مراتي علشان طلقتها و انا متنرفز فا تفضل مراتي صح
سمر : هو الشرع بيقول ايه
باسم : لالالا انا ارجع بكرامتي من بيت المجانين ده لا انا مالي و مال كل ده (سلم على سندي) ربنا معاكي ياختي في العيله دي
سندي : (قلبت عربجي) اقعد يلاا و بطل شغل عيال ترجع فين
باسم : اختي الرقيقه ايه اللي حصلها
